هل سوف تحضر..؟؟ زفاف حبيبك او حبيبتك ..؟؟

[Coptic MarMar]

بسم ربنا يسوع


لكل شخص قصة حب عاش فيها

وتعايش معها بكل تفاصيلها
واحداثها

ضحك منها ايااااااااام

وبكا منها بعض الاحيان

وسعد بهاااا وحلق في عالم المحبين ايامن وليالي

ورسم خطوط للحظات اللقاء

ولكن ......!!!

بعضنا ختم هذه القصه باجمل ا لنهايات

وبعضنا انتهى حبه
بالفراق

وبزواج الحبيب ... من شخص اخر


والان توقفوا معي وفكروا بكل جديه !!!!


اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟


وبرر موقفك اذا رفضت واذكر السبب اذا وافقت الحضور ؟؟

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

طبعا لا
و هي تبقي قليلة الادب لو عزمتني
و بالنسبه لي انا لو انا العريس مش ممكن طبعا اعزمها و لو ان ده علي عيني و اول حاجه حاعملها اني اتمم الاكليل من غير ماهي ماتاخد خبر خالص
لان اللي بيحب واحد ما يحبش يشوفه بيتالم و ما يتمنالوش الالم.
و معني انها تعزمني علي فرحها انها عايزه تقطع في قلبي بسكينه تلمه
و كمان معني تاني اخطر بكتير من الاول
معني ان واحده تعزم واحد -كان في يوم من الايام حبيبها -علي فرحها ..حاجه من اتنين:
اولا : يا اما لسه بتفكر فيه و بتحبه..بدليل انها عايزه تشوفه لاخر لحظه بيتالم بسبب حبها اما انتقاما منه لانه ماقدرش الحب ده او تشفي فيه لانها هياللي ماكانتش تستاهل الحب ده.. وفي الحاله دي يبقي عريس الغفله اعمي.. و ما عرفش ينقي الست اللي تعيش مخلصه ليه طول العمر
ثانيا : يا اما هي بتعتبره كلب و حجر و مش بني ادم و لا قيمه لمشاعره علي الاطلاق..يتالم و الا حتي يتحرق..مش مهم..المهم انها تثبت لعريسها ان الموضوع القديم مات و انتهي و ان الحبيب السابق لا يتعدي مكانة الاخ حاليا...و كله كدب
حانكدب علي نفسنا ليه..هي دي الحقيقه..و اتحدى اي واحد او واحده يقول غير كده​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

شكرا على رأيك يا عصام مع انه صعب شوية....
وبعدين ايه هى تبقى قليلة الادب دى :t32:
وبعدين طالما حصل الفراق بينكم ماعتقدتش انها ممكن تفكر زى مابتقول انت
شكرا لمرورك يا جميل ونورت الموضوع​

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

سوري
الموضوع اصله حساس و انتي طلبتي الصراحه و انا ماعرفش اكون بارد في المواضيع اللي زى دي

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

سوري
الموضوع اصله حساس و انتي طلبتي الصراحه و انا ماعرفش اكون بارد في المواضيع اللي زى دي

يا باشا ولا يهمك...
احنا اهم حاجة عندنا الصراحة مع ان صراحتك :act23:
ماعلينا ماعلينا هههههههههههههههه​

 

[فادية]

رد على: هل سوف تحضر..؟؟ زفاف حبيبك او حبيبتك ..؟؟

موضوع جميل عزيزتي مرمر
وانا حصل معايا الموقف دا ورحت الفرح مع اهلي ااااااخر شياكة :smil12: وطبعا اهله تملكتهم حاله ذهول لما شافوني ففرحه فرحانه ومبسوطة (على فكرة هو كان قريبنا من بعيد واهلي واهله كانو عارفين بالحب الي كان بينا )
وشاركته هو واهله فرحتهم ودا كان لعده اسباب هقولهالك
اولا لانه ما اخدش قرار الزواج من التانيه بنفسه دا كان بتاثير من اخته الكبيرة
ثانيا مراته مكانتش احسن مني بولا حاجة خصوصا نفسيتها صعبه جدا وطبعها كمان
ثالثا كنت عارفه ان هو هيحس بالغلط الي عمله بحق نفسه اولا وبحقي ثانيا ودا حصل فعلا لاني قبل ما اسيب العراق ربنا دبر موقف كنت انا واخوية في مكان وكان هو موجود واستغل فرصه ان اخوية انشغل شوية وجالي واعتذر مني
رابعا كنت متاكدة ان هو بيحبني انا وقالهالي في يوم فرحه لما رحت اباركله
واهم من كل دا انا مؤمنه جداااااااااااااااا ان ربنا هو الي بيقرر مصير كل انسان لما هو خير له ولما ربنا كتب لي الخروج لاوربا كان فعلا خير ليا لاني لو كنت اتجوزته كان زماني بعاني من ظروف العراق العصيبة معاه مع اطفالي.
ميرسي عزيزتي على موضوعك الجميل​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

بجد أنتى شخصية روعة جدا جدا يا فادية...
أنا شكلى هحسدك ههههههههههههه
بس انا فعلا لو حصل معايا نفس الموقف ده هعمل زيك بالظبط
وايه اللى هيمنعنى من انى اروح..
ميرسى لمرورك الجميل ده يا فادية وانا معجبة بردك ده جدا جدا جدا :yahoo:
ونورتى الموضوع يا جميل ​

 

[فراشة مسيحية]

رد على: هل سوف تحضر..؟؟ زفاف حبيبك او حبيبتك ..؟؟

انا هحضر

لان اللى بيحب شخص بيحبلة الخير دايمآ و يسعد بسعادتة

و البى دعوتة و طلبة حتى لو كان دا اخر طلب منة لية

و اهنية و اتمنالة السعادة من قلبى​

 

[فراشة مسيحية]

رد على: هل سوف تحضر..؟؟ زفاف حبيبك او حبيبتك ..؟؟

موضوع جميل عزيزتي مرمر

وانا حصل معايا الموقف دا ورحت الفرح مع اهلي ااااااخر شياكة :smil12: وطبعا اهله تملكتهم حاله ذهول لما شافوني ففرحه فرحانه ومبسوطة (على فكرة هو كان قريبنا من بعيد واهلي واهله كانو عارفين بالحب الي كان بينا )
وشاركته هو واهله فرحتهم ودا كان لعده اسباب هقولهالك
اولا لانه ما اخدش قرار الزواج من التانيه بنفسه دا كان بتاثير من اخته الكبيرة
ثانيا مراته مكانتش احسن مني بولا حاجة خصوصا نفسيتها صعبه جدا وطبعها كمان
ثالثا كنت عارفه ان هو هيحس بالغلط الي عمله بحق نفسه اولا وبحقي ثانيا ودا حصل فعلا لاني قبل ما اسيب العراق ربنا دبر موقف كنت انا واخوية في مكان وكان هو موجود واستغل فرصه ان اخوية انشغل شوية وجالي واعتذر مني
رابعا كنت متاكدة ان هو بيحبني انا وقالهالي في يوم فرحه لما رحت اباركله
واهم من كل دا انا مؤمنه جداااااااااااااااا ان ربنا هو الي بيقرر مصير كل انسان لما هو خير له ولما ربنا كتب لي الخروج لاوربا كان فعلا خير ليا لاني لو كنت اتجوزته كان زماني بعاني من ظروف العراق العصيبة معاه مع اطفالي.

ميرسي عزيزتي على موضوعك الجميل​

ربنا يديكى و يعوضك يا غالية :flowers: :new5: :94:

 

[فادية]

رد على: هل سوف تحضر..؟؟ زفاف حبيبك او حبيبتك ..؟؟

بجد أنتى شخصية روعة جدا جدا يا فادية...

أنا شكلى هحسدك ههههههههههههه
بس انا فعلا لو حصل معايا نفس الموقف ده هعمل زيك بالظبط
وايه اللى هيمنعنى من انى اروح..
ميرسى لمرورك الجميل ده يا فادية وانا معجبة بردك ده جدا جدا جدا :yahoo:

ونورتى الموضوع يا جميل ​

ميرسي يا عزيزتي مرمر :blush2:
ويا حبيبتي احسديني براحتك :99:
لاني مش بؤمن بالحسد اساسا :t17:​

 

[فادية]

رد على: هل سوف تحضر..؟؟ زفاف حبيبك او حبيبتك ..؟؟

ربنا يديكى و يعوضك يا غالية :flowers: :new5: :94:

تسلمي يا قمر ربنا يهنيكي ويبارك حياتك واسرتك​

 

[the servant]

رد على: هل سوف تحضر..؟؟ زفاف حبيبك او حبيبتك ..؟؟

سلام ونعمة مرمر,,

موضوع حلو كتير وحساس بالنسبة لناس كتير انا اعرفهم مروا بالتجربة دي وللاسف حطمتهم
اما بالنسبة ليا فمقدرش احكي في اشيا انا مجربتهاش بس اعتقد اني لو مريت بالموضوع
دة اكيد هاكون مبسوط ان الشخص اللي كنت بحبة في يوم من الايام سعيد لان الحب مش
تملك الحب تضحية واعتقد ان رب المجد يسوع علمنا درس عمرنا مش راح ننساة في تضحية المحبين مع اختلاف الوضع طبعا بس صدقيني اللي بيحب صح اكيد هايسامح ويفرح للي بيحبة حتي لو مش كان معاة

رب المجد يبارك حياتك

 

[Dona Nabil]

رد على: هل سوف تحضر..؟؟ زفاف حبيبك او حبيبتك ..؟؟

انا عن نفسى أااااكيد هرررروح وهاخد معايا أجمل بوكيه ورد فى الدنياا والسبب بسييط جداً .....انى هكووون بتمناله كل الخير والسعاااده وهبقى عايزه اشااركه فرحته حتى لو مكنتش شرريكه فيها ...لان اللى بيحب حد من قلبه بيبقى عايز يشوووفه مبسووط وده كفااايه ......ميرررسى يا مرموره على الموووضوع الجاامد ده وربناا معااكى ياا قمررر .

 

[mansor1_2000]

رد على: هل سوف تحضر..؟؟ زفاف حبيبك او حبيبتك ..؟؟

المحبة شجرة لها جذور ضاربة فى داخل النفس والقلب فلا نستطيع قلعها بسهولة
أيضا المحبة شجرة مثمرة ومن ثمارها المغفرة وحب الخير للآخر وتمنى السعادة لها وما يفرحها يفرحنى 0
وطبيعى أروح الفرح وافرح لفرحتها
لانه أولا وأخيرا كل شئ بيتم بارادة ربنا
فما جمعّه الله لا يفرقه انسان
شكراااا يا مرمر على هذا الموضوع الجميل
ربنا يبارك حياتك​

 

[وليم تل]

رد على: هل سوف تحضر..؟؟ زفاف حبيبك او حبيبتك ..؟؟

بالقطع احضر الفرح وافرح معهم
فالحب عطاء وليس انانية
والمحب يتمنى لحبيبة السعادة حتى ولو كانت مع غيرة
وهنا يتحول الحب لصداقة رائعة
وشكرا مرمر
على موضوعك الجميل
مودتى

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

موضوع جميل عزيزتي مرمر

كنت عارفه ان هو هيحس بالغلط الي عمله بحق نفسه اولا وبحقي ثانيا ودا حصل فعلا لاني قبل ما اسيب العراق ربنا دبر موقف كنت انا واخوية في مكان وكان هو موجود واستغل فرصه ان اخوية انشغل شوية وجالي واعتذر مني
رابعا كنت متاكدة ان هو بيحبني انا وقالهالي في يوم فرحه لما رحت اباركله​

شفتي ازاي يا مرمر ان كلامي صح ...سوري يا فاديه
بس الراجل اللي يعمل كده يبقي مزدوج الشخصيه و مش امين و ما يستاهلش مراته اللي اتجوزها
ازاي المحترم في يوم فرحه و اول يوم في حياة مراته الزوجيه معاه تجيله عين يصارح واحده تانيه بحبه ليها ؟؟؟؟؟مش برضه ده يبقي راجل مش امين؟؟؟ و بعدين ايه ذنب المسكينه مراته في حركاته الصبيانيه و عدم احترامه للرباط المقدس اللي بينه و بينها؟؟؟و هل يا اختي فاديه انتي لو كنتي مكان مراته في اللحظه دي مش كنتي حاتحسي بانه بيخونك بتصرفه ده لانه لازال بيفكر في حبيبته الاولانيه و مش قادر ينساها؟؟؟؟
بامانة ربنا لو ان مرات الجدع ده كانت اختي انا كنت قلعته بدلة الاكليل و ضربته بكرسي علي دماغه و ميت شللوت قدام الكل لانهمايستاهلشي الست اللي حاتسلمه روحها و اللي المفروض يكون امين معاها و عليها في نفس الوقت​

​

​

​

 

[فادية]

رد على: هل سوف تحضر..؟؟ زفاف حبيبك او حبيبتك ..؟؟

شفتي ازاي يا مرمر ان كلامي صح ...سوري يا فاديه
بس الراجل اللي يعمل كده يبقي مزدوج الشخصيه و مش امين و ما يستاهلش مراته اللي اتجوزها
ازاي المحترم في يوم فرحه و اول يوم في حياة مراته الزوجيه معاه تجيله عين يصارح واحده تانيه بحبه ليها ؟؟؟؟؟مش برضه ده يبقي راجل مش امين؟؟؟ و بعدين ايه ذنب المسكينه مراته في حركاته الصبيانيه و عدم احترامه للرباط المقدس اللي بينه و بينها؟؟؟و هل يا اختي فاديه انتي لو كنتي مكان مراته في اللحظه دي مش كنتي حاتحسي بانه بيخونك بتصرفه ده لانه لازال بيفكر في حبيبته الاولانيه و مش قادر ينساها؟؟؟؟

بامانة ربنا لو ان مرات الجدع ده كانت اختي انا كنت قلعته بدلة الاكليل و ضربته بكرسي علي دماغه و ميت شللوت قدام الكل لانهمايستاهلشي الست اللي حاتسلمه روحها و اللي المفروض يكون امين معاها و عليها في نفس الوقت​

حيلك حيلك يا عزيزي ليه كل الهجوم دا ؟؟؟
اولا انا احترمت رأيك ومعلقتش عليه مع اني مش مقتنعه بيه
ودا لاني بحترم رأي اي انسان مهما كان لاني مش هغير الكون او امشيه حسب مزاجي الشخصي
مش معنى انك مقتنع بحاجه تكون هي الصح وغيرها غلط
ليه متراجعش اول مشاركة ليك وتشوف انت وصفت البنت الي انت ممكن تكون حبيتها في يوم من الايام ازاي
لما انت تقول عن بنت كنت بتحبها الكلام الوحش دا امال هتقول ايه عن بنات تانيين ؟؟؟؟
الحب مش عار ولا عيب طول ما هو طاهر وشريف
وبعدين انا ما دخلتش بينه وبين مراته ولا هو تجاوز حدوده معايا بما يجرح مشاعر او قلب مراته
وبعدين الانسان الي انا اتكلمت عنه انسان محترم ومش معنى ان ربنا مكتبلناش نصيب مع بعض اتكلم عنه بالوحش في ظهره دا مش طبعي ولا اخلاقي يا عزيزي . متنساش ان ربنا هو الي بيكتب النصيب واظنك عارف الاية الي في الانجيل الي بتقول ما جمعه الله لا يفرقه انسان واحب اقولك ما جمعه الله ميقدرش بشر يعيبه او يوصفه بوصف وحش لانها ارادة الله
يا ريتك تنظر للموضوع بنظرة تانيه مش نظرة محددة بحدود مشوهه
ربنا يباركك​

 

[esambraveheart]

رد على: هل سوف تحضر..؟؟ زفاف حبيبك او حبيبتك ..؟؟

رايي انا متمسك بيه و شايف انه مش غلط لانه الحقيقه
راي كل واحد هو حر فيه.. و ربنا هو اللي بيحاسب الناس علي ضمايرهم
ياريت ننسي الموضوع ده و تنسي يا اختي فاديه اني علقت عليه اصلا
لاني مش عاوز حد يكون زعلان مني...
بس​

 

[يوحنا/نصر]

رد على: هل سوف تحضر..؟؟ زفاف حبيبك او حبيبتك ..؟؟

ايه العفريته عقلت ولا ايه يا جدعان
مرمر بتكتب مواضيع جامدة قوى
و ده احنا واثقين فيها وفى مواضيعها
لكن موضوع شائك كده
جديدة منك يا مرمورة بس بجد جميييييييييييل

و بعدين يا ناس هدوا اللعب شوية مش كده
اختنا مرمر حطت موضوع وطلبت رائى الناس فيه
و المفروض ان رائيى الواحد ملك شخصى ليه
و مش من حق حد تانى يتدخل فيه

انا عن نفسى مريت بالتجربة دى
و كانت انسانة مرتبط بيها عاطفيا لدرجة كبيرة
و ما حصلش نصيب و علاقتنا اتقطعت رغم اننا كنا فى كلية واحدة
لكن اتفاجئت يوم فرحها حد من اصدقائنا
بلغنى بدعوتها لى على الأكليل على حد زميلنا
روحت الفرح
لأنى احترمت فيها انها قدرتنى بالعزومة
و احترمت ان الأنسانة دى اكيد مش ليا
يبقى ليه ما احضرش
و سلمت عليها عادى خالص و باركت لها من قلبى فعلا
لأنى واثق ان الأكليل بيبقى فى السما قبل الأرض
و ربنا مش هيجوز واحد لغير مراته
ميرسييييى يا مرمر على الموضوع و تسلمى يا عفريتة يا قمر
​

 

[Coptic MarMar]

رد على: هل سوف تحضر..؟؟ زفاف حبيبك او حبيبتك ..؟؟

انا هحضر

لان اللى بيحب شخص بيحبلة الخير دايمآ و يسعد بسعادتة

و البى دعوتة و طلبة حتى لو كان دا اخر طلب منة لية

و اهنية و اتمنالة السعادة من قلبى​

ميرسى يا فراشة على رايك وانا متفقة معاكى جدا جدا
نورتى الموضوع ياجميل​