الى كل رجل هل تحدث فتاة احلامك هكذا ....؟

[برنسيسةاسكندرية]

بسم الاب البادى والابن الفادى والروح القدس علية قوتى واعتمادى
سيدة عمرى
حبيبتى اكتب لكى من مدينتى
مدينة العشق فى هواكى سيدتى
اسالك ان لا تنسينى سيدتى
انا دونك سيدتى جبل ينهار فى حزنة
بحر بدون رمال ليل بدون نهار
حبيبتى كل ما اتمنيتة فى عشقك وجدت
نسيت الحزن من فرح عيونك
وعشت الحب فى هواكى واغمضت عينى بين جفونك
واليوم تمنيت رجوعى الى ارضك
تمنيت ان المس حضنك
ان انظر عينك ان امضى بدمعى على كفك بحبك
واليوم اطلب ان تكونى سيدة عمرى
فهل تقبلينى سيدتى
هل تقبلينى امير لمملكة حبك
هل تقبلينى ياعمرى
انى احبك
________________
صلو من اجلى

 

[استير]

رد على: الى كل رجل هل تحدث فتاة احلامك هكذا ....؟

كلمات جميلة بجد يا برنسية
بجد احساسك رائع
بسى حبيبتى مين دلوقتى بيقول كدة
الرومانسية دلوقتى و كلمات الحب بيعتبروها حاجة ملهاشى لزامة اساسا
الناسى دلوقتى عايشين الواقع و بسى و ناسين الرومانسية و الحب
الرومانسية دى بقات قليلة جدا بقا حتى صعب يعشوهل و لو لحظات بسيطة
بقا دلوقتى لما واحد يكون عايزة يخطب بنت يروح يقولها
تتجوزينى يا بنت بلا هرشى نفوخ
شكرا يا جميلة على الموضوع الرائع دا
​

 

[lovebjw]

رد على: الى كل رجل هل تحدث فتاة احلامك هكذا ....؟

كلام حلو اوى بجد وربنا يبارككى عليه يا برنسيسة

ويا استير مفيش حاجة الزمن بينهيها لكن دايما بيكون فى ليها باقى لان الرومانسية
هى العكاز اللى بيستند عليه كل علاقة عشان تقدر تكمل ولا حصل اى مشكلة تقابلها
لكن ما ينفعش نعتقد ان الرومانسية كل حياتنا وكل وقتنا لان هذا لا يعتبر رومانسية بل هروب من الواقع والحياة عشان كدة لازم يكون فى توزان واعتدال فى الرومانسية والحب
بس فعلا كلام حلو اوى وربنا يبارككى يا برنسيسة
وتسلم ايدكى يا باشا

 

[برنسيسةاسكندرية]

رد على: الى كل رجل هل تحدث فتاة احلامك هكذا ....؟

ما ينفعش نعتقد ان الرومانسية كل حياتنا

بسم الاب البادى والابن الفادى والروح القدس علية قوتى واعتمادى
انا مش بقول تعتبر الرومانسية اساس الحياة لكن لازم توجد داخل الحياة الا اذا فى وجة نظرى تنقلب الحياة الى ملل هتكون صعبة اوى
اشكركم على تشجعكم ليا
____________________
صلو من اجلى

 

[googa2007]

رد على: الى كل رجل هل تحدث فتاة احلامك هكذا ....؟

الرومانسية تعبير عن الحب
والحب من المحبة
الله محبة
اصل الرومانسية

 

[basboosa]

رد على: الى كل رجل هل تحدث فتاة احلامك هكذا ....؟

ميرسى يا برنسيسة
بس بردو انا راى ان مفيش حد خالص بيقول الكلام ده ​

 

[برنسيسةاسكندرية]

رد على: الى كل رجل هل تحدث فتاة احلامك هكذا ....؟

بسم الاب البادى والابن الفادى والروح القدس علية قوتى واعتمادى
مرسية يا جوجا ومرسية بسبوسة لكن صدقونى فى بس ممكن النسبة بسيطة جدا ولا تذكر ويقضى عليها قسوة الزمن الذى نعيش فية بس صدقونى الرومانسية حلول لكل او لى اغلب الاشياء فى حيتنا
___________________________
صلو من اجلى

 

[ghawy_111]

رد على: الى كل رجل هل تحدث فتاة احلامك هكذا ....؟

كلام حلو وجميل
الرب يبارك

 

[برنسيسةاسكندرية]

رد على: الى كل رجل هل تحدث فتاة احلامك هكذا ....؟

كلام حلو وجميل
الرب يبارك

بسم الاب البادى والابن الفادى والروح القدس علية قوتى واعتمادى
مرسية كتيرghawy_111 بس لية مشاركاتك قلة ياريت نشوفوك تانى معانا فى المنتدى
___________________________
صلو من اجلى

 

[christ my lord]

رد على: الى كل رجل هل تحدث فتاة احلامك هكذا ....؟

بجد كلامك جميل جدا يا برنسيسة ورومانسى قوى
وعلى فكرة انا كتبت شعر لامراة احلامى
والحمد الله انا لاقيتها​

 

[ghawy_111]

رد على: الى كل رجل هل تحدث فتاة احلامك هكذا ....؟

اختى فى المسيحية البرنسيسة
المسيح والقديسين معاكى والعذراء
عاوز اقولك ان الرومانسية ما انتهتش
لكن مش اى انسان يقدر يتعامل بيها
لان اغلب الشعب المصرى فاهمها
زى ما اتعلمها من التليفزيون على انها
حب بين واحد وواحدة وغزل وغرام وبس
مايعرفش ان الرومانسية دى اهم حاجة
فيها المصداقية والصراحة وانها شيىء
نابع من النفس لكن البركة فى السيما
والتليفزيون المصرى هو اللى زرع الافكار
المتخلفة عن الرومانسية وخلاها مادة
سيئة يبقى ازاى عاوزة الناس تتعامل
بيها صعب جدا وكمان احنا الايام دى فى
صراع مع الحياة علشان لقمة العيش
مافيش حد فاضى للرومانسيات من
الاساس وانا اسف على كدة لكن هى
دى الصراحة فيه ناس فعلا الايام دى مش
قادرة تستحمى من كتر ماهى مشغولة
مش علشان تبنى عمارات انما علشان
تجيب مصاريف المعيشة بس ليها ولاولادها
احنا فى ايام غلاء والكل مشغول علشان
بس يقدر يجيب المصاريف الاساسية
وانا اسف مرة تانى لكن هى دى الصراحة

 

[برنسيسةاسكندرية]

رد على: الى كل رجل هل تحدث فتاة احلامك هكذا ....؟

بسم الاب البادى والابن الفادى والروح القدس علية قوتى واعتمادى
مفيش داعى للاعتزار يا ghawy_111 فعلا انا معاك فى اغلب ارائك لكن مش فى كل كلامك لائنى فى وقت بيجمعك بى الانسانة او الانسان اللى اختارتة شريك حياتك لازم فى وقت تحكو لى بعض عن كل حاجة حلوة ووحشة ولما انت او هى يعنى كل واحد يحس اد اية التانى معاة على الحلوة والوحشة هتلاقى الرومانسية والكلمة الحلوة طلعة منك لا ارادية يعنى زى احساس بحبك ليا او بحبها ليك وعمتا ربنا معاك وتصدق كلامى وانا اتمنى لى كل اخواتى فى المعمودية وليا ولكل بنت وشاب يكون فى حياتهم الزوجية جزء من الاحساس والرومانسية وبرضو متزعلش من كلامى
_____________________
صلو من اجلى