ازاي استفيد ومضيعش وقت ؟؟

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين

كنت من فترة بسمع وعظات كتيرة جدا وبقرا ف الانجيل كتير وبروح اجتماعات وبقرا كتب
بس برجع وانسي كل المعلومات اللي اتقالتلي وارجع اقول طب انا استفدت ايه من اللي سمعته وقريتهه
وبكون نسيت كل حاجة حرفيا وطبعا ده من مشاغل حياتنا وتفكيرنا المشتت بالذات ف عصر السوشيال

لحد ما ربنا بعتلي كذا ملحوظة اعملها وجمعت كذا حاجة من كذا حتة ووصلت للحل

اني بدل ما اسمع 10عظات ف الاسبوع .. انا هسمع عظة واحدة بس
وبدل ما اقرا واخلص كذا اصحاح ف الكتاب المقدس .. لا انا هقرا ايتين اتنين بس
وبدل ما اقرا كتب كتيرة كل شهر .. لا انا هقرا نص كتاب بس ف الشهر

بس بعد كل وعظة اسمعها لازم اكتب ف ورقة انا استفدت ايه واقعد اصفي ذهني بعيد عن الموبايل وعن اي دوشة حواليا واسال نفسي ربنا عايز يوصلي ايه بالوعظة او الايتين دول ..
واكتب كل اللي يجي ف تفكيري واطلع منه تدريب اعمله وامشي عليه ..

حرفيا بعد ما جربت الطريقة دي من بداية السنة .. اه طبعا عدد الكتب اللي كنت بقراها قلت .. وعدد الاصحاحات اللي كنت بخلصها قلت .. وعدد الوعظات وكل حاجة قلت
بس انا اهتميت بال quality عن الكمية

اهتميت اني اطلع من كل حاجة بعملها مستفادة بيها مش عدد وخلاص لاني مش ف سباق مع حد ولا مع نفسي
انا عايزة اوصل لحاجة وهي ربنا واني اسمع صوته وصوته فعلا كان بيوصلي بعد كل اية اقراها واساله وافكر انت عايز تقولي ايه يارب ..
واقوله طب انا هكلمك واصليلك بالاية دي بس انت هترد عليا ف نص الكلام اللي بقوله وتقولي انت عايز تبعتلي ايه انهارده انفذه واعمله بنعمتك

التداريب دي كمان بتكسر الملل ف علاقتنا بربنا .. بدل ما كل يوم بنصلي نفس الصلوات ونفس الكلام والخطوات لكن بتدريب صغير اعمله لنفسي من كلام ربنا
وانفذه بنقرب اكتر ونكتشف ربنا اكتر

ممكن تعملوا الطريقة دي كمان مع اي كورس بتاخدوه او كتب عادية مش لازم دينية وكتاب مقدس بس

المهم اننا نرجع نهتم بالجودة عن الكمية ف وقت بقي الكل بيدور ع الكمية فيه للاسف
 

كلدانية

مشرف
مشرف
إنضم
1 نوفمبر 2010
المشاركات
64,040
مستوى التفاعل
5,411
النقاط
113
فعلا كلامك صحيح ياميرا
الرب يزيدك ايمان ومحبة ويبارك حياتك دايما امين


 

Abboud Assaf

Well-known member
إنضم
8 أكتوبر 2022
المشاركات
346
مستوى التفاعل
344
النقاط
63
الإقامة
Amman , Jordan
كلام رائع ومنطقي جدا

الرب يحميكي ويباركك ويبارك حياتك

??✝️?
 

My Rock

خدام الكل
مدير المنتدى
إنضم
16 مارس 2005
المشاركات
27,311
مستوى التفاعل
3,159
النقاط
113
الإقامة
منقوش على كفيه
أتفق معكِ يا اختي ان الفائدة ليست بالكمية بل بالنوعية.
فلن استفاد شيئاً من قراءة الكتاب المقدس بكثرة لكن بدون فهم ووعي. الأفضل هو التمعن والخلوة مع الرب في قراءة كلمته المقدسة. لذلك من افضل ممارساتي الصباحية هي الخلوة الصباحية وقراءة اصحاح واحد من كلمة الرب والتمعن والصلاة والإصغاء الى صوت الرب.
 

كلدانية

مشرف
مشرف
إنضم
1 نوفمبر 2010
المشاركات
64,040
مستوى التفاعل
5,411
النقاط
113
فينك حبيبتي ميرا مفتقدينك ومفتقدين مواضيعك الروحية الجميلة
 
أعلى