لو حاسس إنك موهوب في الكتابة إدخل هنا

[Tabitha]

شفاعة القديسين هي حقيقة واقعة يعيشها أبناء الكنيسة كإيمان حي يلمسون آثاره العملية في حياتهم يومياً. فالقديسون حاضرون فيالكنيسة على الدوام, وترفع لهم الكنيسة الأيقونات الجميلة وتقيم لهم التذكارات والأعياد والتماجيد ....
عملاً بقول الإنجيل; إنظروا إلى نهاية سيرتهم فتمثلوا بإيمانهم (عب 12 : 7)

من مقدمة كتاب شفاعة القديسين
للقمص يوحنا نصيف​

ولكن للأسف في بعض القديسين ليس لهم أي تمجيد بالرغم من عظمتهم وحبنا ليهم
ويوم عيدهم مش بنلاقي حاجة نقولها ليهم

فأنا فكرت في فكرة وياريت تساعدوني إنها تنجح! ها!!!
بعد تصفحي لقسم الكتابات وجدت في أعضاء هايلين بمعنى الكلمة وكتاباتهم أكتر من روعة
يستخقون لقب شعراء وفنانين بجدارة.
فكل من لديه موهبة الشعر أو الكتابة ياريت يشارك معنا

+طب السؤال; هانشارك في إيه؟
تشاركوا في مسابقة تماجيد للقديسين
(اللي ممكن تتعمل بناءً على آراكم وإقتراحاتكم)

سؤال تاني; إزاي أشارك؟
تشاركوا في إنكم تكتبوا تماجيد للقديسين الغير معروفين وليس لهم تماجيد


المسابقة لسه شروطها غير محددة
ولسه لم يحدد الموضوع
لغاية ما أشوف آراكم
وطبعاً آراء مشرفي القسم

وهل ياترى لو شاركتم تحبوا;
-أول موضوع كتابة تمجيد يكون عن أنهي قديس/ قديسة؟
-ما هي المدة الكافية لكتابة التمجيد؟


هذا السؤال لكل اللي هايشارك, وخصوصاً مشرفي القسم;
كيف يمكن ان يتم تقييم مشاركات المتسابقين؟
-هل عن طريق عرض إستبيان وتقييم جميع الاعضاء لمشاركة المتسابق؟
-أم عن طريق من له خبرة في الكتابة؟ (وده هايكون بترشيح من مشرفي القسم)
-أم عن طريق مشرفي القسم بنفسهم؟ (لو فقط حابين الفكرة ووقتهم بيسمح)


هل عندكم أي آراء تانية للموضوع؟

بلاش إحبااااااااااااااااااط .. ها!
عايزة أشوف آراكم وتفاعلكم مع الموضوع (-:

 

[Dona Nabil]

رد على: لو حاسس إنك موهوب في الكتابة إدخل هنا

الموضوع فعلا" هايل .............وممكن المواهب تكمل بعض يعنى اللى مالوش فى الكتابه يساعد بأنه يجمع سير القديسين ويكتبها علشان يبقى سهل على اللى هيكتب انه تتوفره المعلومات وهكذا يبقى الكل اشترك وبالنسبه لاختيار القديس ممكن يبقى عن طريق المشرفين والتصويت يبقى لكل الاعضاء علشان اللى مشاركش فى الكتابه او فى جمع السير يبقى شارك فى الاختيار ..........دى مجرد افكار ... وربنا يعوض تعب محبتك .

 

[ginajoojoo]

رد على: لو حاسس إنك موهوب في الكتابة إدخل هنا

اخيرا اخدتى الخطوة الاولى
ومافيش احباط ولا حاجة ان شاء الله الاعضاء المهتمين بالكتابة يتجاوبو فى الموضوع
وياريت كمان كوبتك وفراشة يساعدونا فى تنظيم المسابقة ووضع شروط ليها المختصة بالمتسابقين او المصوتين ومدة المسابقة
وربنا يبارك تعبكو ويكلله بكل نجاح​

 

[remorb]

رد على: لو حاسس إنك موهوب في الكتابة إدخل هنا

فكرة جميلة جداً أن تكون هناك مسابقة لكتابة التماجيد للقديسين..
وعلى فكرة في كل كنيسة بنلاقي فيها قديسين جدد .. يهتم الشباب فيها بكتابة تمجيد للقديس أو القديسة علشان يرددوه في كل وقت خاص بهذا القديس ..
وعلى فكره إلهنا إله احياء... فإلهنا إله إبراهيم واسحق ويعقوب إله أحياء .. لذلك فنحن نؤمن بأن هناك كنيسة منتصرة وهي كنيسة المنتقلين من القديسين الشهداء والمعترفين والمؤمنين.. فكل القديسين يمجدون الله ليل نهار .. فهؤلاء هم الكنيسة المنتصرة..
أما الكنيسة التي على الأرض فهي الكنيسة المجاهدة وهي كل المؤمنين الذين يؤمنون أن يسوع هو ابن الله ويجاهدون ليل نهار ليصلوا إلي الكنيسة المنتصرة في السماء..
وأكيد القديسين والشهداء بيفرحوا لما يجدوا الاهتمام بهم وبالشباب وهم يكتبون عنهم ويكتبون التمجيد اللائق بهم..
صلوات كل القديسين مع جميعنا..​

 

[اغريغوريوس]

رد على: لو حاسس إنك موهوب في الكتابة إدخل هنا

فكرة مزهله انا شفيعي البابا كيرلس والعذراء القدسين الذى شفاعتهم مستجابة

 

[bonguy]

رد على: لو حاسس إنك موهوب في الكتابة إدخل هنا

يا سلام علي الافكار اللي تدوخ:new2: وانا احب اكون اول واحد يكتب مديح لقديس من قديسين كنيستنا العظام اللي للأسف محدش عارف عنهم حاجه...بس قوللي انت بس علي قديس منهم وانشاء الله اكتبله مديح ....صلوات جميع القديسين تكون معنا . امين
و شكراً مره تانيه علي الفكره الجميله دي.


اخوكم في المسيح:dance: بيشوي

 

[sunmoon]

رد على: لو حاسس إنك موهوب في الكتابة إدخل هنا

نعمة رب المجد يسوع المسيح معكم
أتمنى لكم التوفيق والنجاح فى هذا الأقتراح
ربما اشارك معكم حيث أننى من الموهبين فى كتابة الترانيم
أتمنى أضافة كتابة الترانبم بجوار تماجيد القديسين

 

[monlove]

رد على: لو حاسس إنك موهوب في الكتابة إدخل هنا

انا نفسي اشارك معاكم
بس اتمني يكون فية سير قدسين لجمع المعلومات
ويارب يطلع عمل هايل
وشكرا لفكرتك الجامدة والجميلة دي

 

[فراشة مسيحية]

رد على: لو حاسس إنك موهوب في الكتابة إدخل هنا

طيب ممكن يا اناستاسيا

تختار لينا اسم قديس معين

مع قصة حياتة

و كل واحد فينا يحاول يعمل التمجيد​

 

[Tabitha]

رد على: لو حاسس إنك موهوب في الكتابة إدخل هنا

الموضوع فعلا" هايل .............وممكن المواهب تكمل بعض يعنى اللى مالوش فى الكتابه يساعد بأنه يجمع سير القديسين ويكتبها علشان يبقى سهل على اللى هيكتب انه تتوفره المعلومات وهكذا يبقى الكل اشترك .

هايل يا دونا!
ودونا اتيت لينا باول اقتراح

اللى مالوش فى الكتابه يساعد بأنه يجمع سير القديسين

وانا من الناس اللي مالهاش في الكتابة وباذن الله لو الموضوع اكتمل
هاكون من الناس اللي تجمع سير القديسين

وبالنسبه لاختيار القديس ممكن يبقى عن طريق المشرفين والتصويت يبقى لكل الاعضاء علشان اللى مشاركش فى الكتابه او فى جمع السير يبقى شارك فى الاختيار ..........دى مجرد افكار ... وربنا يعوض تعب محبتك .

هذا الاقتراح هاسيبوا للمشرفين يقولوا فيه رايهم



وشكرا حبيبتي دونا
وافكار ايجابية جداً
وانشاء الله تاتي بثمر.

 

[Tabitha]

رد على: لو حاسس إنك موهوب في الكتابة إدخل هنا

اخيرا اخدتى الخطوة الاولى
​

اكيد!
ده بفضل تشجيعك اختي الغاليه والافكار الجميلة اللي بعتيهالي على الرسايل الخاصة

ومافيش احباط ولا حاجة ان شاء الله الاعضاء المهتمين بالكتابة يتجاوبو فى الموضوع

ياريت يا جوجو!

وياريت كمان كوبتك وفراشة يساعدونا فى تنظيم المسابقة ووضع شروط ليها المختصة بالمتسابقين او المصوتين ومدة المسابقة
وربنا يبارك تعبكو ويكلله بكل نجاح

في انتظار اقتراحات كوبتك وفراشة


وشكرا حبيبتي جوجو
وفي انتظار من المزيد من اقتراحاتك الجميلة

 

[Tabitha]

رد على: لو حاسس إنك موهوب في الكتابة إدخل هنا

فكرة جميلة جداً أن تكون هناك مسابقة لكتابة التماجيد للقديسين..

نشكر الله ان الفكرة عجبتكم
شئ يفرح هذا التجاوب

وعلى فكرة في كل كنيسة بنلاقي فيها قديسين جدد .. يهتم الشباب فيها بكتابة تمجيد للقديس أو القديسة علشان يرددوه في كل وقت خاص بهذا القديس ..
وعلى فكره إلهنا إله احياء... فإلهنا إله إبراهيم واسحق ويعقوب إله أحياء .. لذلك فنحن نؤمن بأن هناك كنيسة منتصرة وهي كنيسة المنتقلين من القديسين الشهداء والمعترفين والمؤمنين.. فكل القديسين يمجدون الله ليل نهار .. فهؤلاء هم الكنيسة المنتصرة..
أما الكنيسة التي على الأرض فهي الكنيسة المجاهدة وهي كل المؤمنين الذين يؤمنون أن يسوع هو ابن الله ويجاهدون ليل نهار ليصلوا إلي الكنيسة المنتصرة في السماء..
وأكيد القديسين والشهداء بيفرحوا لما يجدوا الاهتمام بهم وبالشباب وهم يكتبون عنهم ويكتبون التمجيد اللائق بهم.. صلوات كل القديسين مع جميعنا..​

عظيم الهنا وزي ما قلت إلهنا إله احياء
وشكراً اخونا ريمورب على كلمات النعمة الجميلة
ربنا يزيدك نعمة


وصلوات القديسين تكون معانا كلنا
وفي انتظار اقتراحاتك اللي اكيد هاتأتي بثمر.

 

[Tabitha]

رد على: لو حاسس إنك موهوب في الكتابة إدخل هنا

فكرة مزهله انا شفيعي البابا كيرلس والعذراء القدسين الذى شفاعتهم مستجابة

اهلا اخويا مارون اندرو,

شفاعة البابا كيرلس وامنا العدرا تكون معاك ومعانا


وفي انتظار اقتراحاتك الجميلة.

 

[Tabitha]

رد على: لو حاسس إنك موهوب في الكتابة إدخل هنا

يا سلام علي الافكار اللي تدوخ:new2: وانا احب اكون اول واحد يكتب مديح لقديس من قديسين كنيستنا العظام اللي للأسف محدش عارف عنهم حاجه...

هايل اخونا بيشوي
انك تكون من اول المشاركين

بس قوللي انت بس علي قديس منهم وانشاء الله اكتبله مديح ....صلوات جميع القديسين تكون معنا . امين

انا بانتظار الآراء اللي على اساسها هايكون تحديد القديس اللي نبدأ بيه
يعني ممكن فقط تعطوني اسم وانا اجمع لكم سيرته

و شكراً مره تانيه علي الفكره الجميله دي.


اخوكم في المسيح:dance: بيشوي

شكراً للتجاوب مع الفكرة
ربنا يباركك اخونا في المسيح

 

[Tabitha]

رد على: لو حاسس إنك موهوب في الكتابة إدخل هنا

نعمة رب المجد يسوع المسيح معكم
أتمنى لكم التوفيق والنجاح فى هذا الأقتراح
ربما اشارك معكم حيث أننى من الموهبين فى كتابة الترانيم
أتمنى أضافة كتابة الترانبم بجوار تماجيد القديسين

شكراً على امنياتك الرقيقة بان الفكرة تنجح
وانا بضم صلاتي معاك عشان الفكرة تنجح


وشئ يفرح انك تكون من الموهوبين اللي يشاركوا في المسايقة

وشكراً على اقتراحك الرائع

كتابة ترانيم بجوار التماجيد

إنشاء الله نعمل بيه لو الفكرة كملت

وفي انتظار من المزيد من اراءك الجميلة

 

[Dona Nabil]

رد على: لو حاسس إنك موهوب في الكتابة إدخل هنا

ميرسى يا انيستا سيا على ترحيبك باقتراحى ............ويلا كلنا مستنين البدايه أيه اللى معطلنا ؟؟؟؟؟؟؟؟

 

[Tabitha]

رد على: لو حاسس إنك موهوب في الكتابة إدخل هنا

طيب ممكن يا اناستاسيا

تختار لينا اسم قديس معين

مع قصة حياتة

و كل واحد فينا يحاول يعمل التمجيد​

أهلاً مشرفتنا الجميلة!


أنا كنت بفكر في القديسة اناستاسيا

ولكن بما اني ماليش في الكتابة فماحابتش اني افرض راي قبل ما اعرف اراء اللي هايشاركوا بالفعل


وكمان في إنتظار الإجابة على الأسئلة دي:

وهل ياترى لو شاركتم تحبوا;
-أول موضوع كتابة تمجيد يكون عن أنهي قديس/ قديسة؟
-ما هي المدة الكافية لكتابة التمجيد؟


هذا السؤال لكل اللي هايشارك, وخصوصاً مشرفي القسم;
كيف يمكن ان يتم تقييم مشاركات المتسابقين؟
-هل عن طريق عرض إستبيان وتقييم جميع الاعضاء لمشاركة المتسابق؟
-أم عن طريق من له خبرة في الكتابة؟ (وده هايكون بترشيح من مشرفي القسم)
-أم عن طريق مشرفي القسم بنفسهم؟ (لو فقط حابين الفكرة ووقتهم بيسمح)


هل عندكم أي آراء تانية للموضوع؟

وشكرا لتشجيعك يا فراشة
وفي انتظار أقتراحاتك اللي اكيد هاتساعد كتير!

 

[فراشة مسيحية]

رد على: لو حاسس إنك موهوب في الكتابة إدخل هنا

بصوا يا جماعة أحنا كلنا نشتغل و نفكر مع بعض بلاش تقولوا مشرفين ماتحسسونيش انى مختلفة او غريبة عنكم :smil13:

أنا بقترح أن حد فيكم يختار اسم قديس و سيرة حياتة و لمدة اسبوع نكتب التمجيد كل واحد بطريقتة

و بعد اسبوع و بعد أختيار و رأى الأغلبية يبقى هو الفايز بمديح القديس و نختار قديس تانى للاسبوع اللى بعدة و هاكذا

 

[Dona Nabil]

رد على: لو حاسس إنك موهوب في الكتابة إدخل هنا

طيب يلا اختاروا بقى انا هنام منكم .

 

[فراشة مسيحية]

رد على: لو حاسس إنك موهوب في الكتابة إدخل هنا

أهلاً مشرفتنا الجميلة!

أهلآ بيكى حبيبتى

أنا كنت بفكر في القديسة اناستاسيا

ولكن بما اني ماليش في الكتابة فماحابتش اني افرض راي قبل ما اعرف اراء اللي هايشاركوا بالفعل

هو مش موضوع فرض رأى .. أنتى اختارتى اسم القديسة الاسبوع دا اللى كان عايز يختار اسم قديس تانى يبقى للاسبوع اللى بعدة .. كدا يعنى ببساطة و بمحبة

وكمان في إنتظار الإجابة على الأسئلة دي:

ماشى يا ستى

-أول موضوع كتابة تمجيد يكون عن أنهي قديس/ قديسة؟

القديسة أناستاسيا .

-ما هي المدة الكافية لكتابة التمجيد؟

أسبوع و تحديدآ من النهاردة يعنى يبقى من يوم الأحد ليوم الأحد اللى بعدة يوم مبارك

هذا السؤال لكل اللي هايشارك, وخصوصاً مشرفي القسم;
كيف يمكن ان يتم تقييم مشاركات المتسابقين؟
-هل عن طريق عرض إستبيان وتقييم جميع الاعضاء لمشاركة المتسابق؟
-أم عن طريق من له خبرة في الكتابة؟ (وده هايكون بترشيح من مشرفي القسم)
-أم عن طريق مشرفي القسم بنفسهم؟ (لو فقط حابين الفكرة ووقتهم بيسمح)

بصى انا بأقترح يا أما برأى الأغلبية .. يا أما روك أو مينا هما اللى يحددوا مين الفائز

وشكرا لتشجيعك يا فراشة
وفي انتظار أقتراحاتك اللي اكيد هاتساعد كتير!

ميرسى حبيبتى على كلامك الجميل