وداعا 2014 .. إستفتاء عام 2014 .. كل عام وأنتم بخير وسلام

[soul & life]

:mus13::mus13:نودع عام ونستقبل عام :mus13::mus13: و قبل نهاية كل عام
تتزاحم بداخلنا الذكريات ونحلم بتحقيق الامنيات :big37:
وننتظر العام الجديد ليحمل معه المزيد والمزيد

و ننتظرمبتهجين لانها لحظة النهاية لأحداث كانت مؤلمة
ومتفاءلين بتحقيق الامانى فى عام جديد..

كل عام وكل الاخوة والاخوات فى فرح وسلام ف:new4:ى محبة ووئام بالفرح نحيا و بالرجاء تتسابق الاحلام ..

تنعاد عليكم وعلى احبابكم الايام بكل الخير والامان
ونتمنى وكلنا رجاء ناظرين الى السماء .. طالبين
من رب المجد يملأ الدنيا سلام ويكون عام اجمل من كل الاعوام :36_22_25:

هنا سوف يكون الاستفتاء .. استفتاء عام 2014
على المستوى الشخصى .. والمستوى العام ..
وعلى المستوى المنتداوى :766ah:



اولا: على المستوى الشخصى

1- اجمل موقف حدث لك على المستوى الشخصى ؟

2- اسوء موقف حدث لك على المستوى الشخصى؟

3- أمنية تحققت خلال هذا العام ؟!

4- افضل شخصية تعرفت عليها هذا العام ؟

5- من الذى حريص على وجوده معك فى ليلة رأس السنة؟

6- يوم نهاية عام وبداية عام يوم مميز جدا فماهى طقوسك فى هذا اليوم؟!






ثانيا: على المستوى العام .. سياسيا .. ثقافيا.. رياضيا



1- اسوء حدث على المستوى العام؟

2- اجمل حدث على المستوى العام؟

3- أروع شخصية لهذا العام ؟!( شخصية لمع نجمها وتحترمها كثيرا )

4- أسوء شخصيات هذا العام ( شخصية سيئة وانفضحت افعالها )

5- متفاءل على المستوى العام سوف يكون فى تغيير ؟

6- اروع شخصية رياضية لهذا العام .. شخصية ادبية .. شخصية سياسية؟




ثالثا: على المستوى المنتداوى:new6:


1- اروع موضوع لعام 2014


2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟

3- امنياتك للمنتدى ؟

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .



اخيرا نتمنى كل عام يمر علينا بخير وسعادة دون مشاكل او خلافات ونستقبل العام الجديد معا اخوة واخوات فى محبة وسلام ..

تذكروا يا اخوتى تمر علينا ايام وشهور وسنوات ونحن هنا بالمنتدى نتناقش نتحاور نختلف مرات ونتفق مرات نكون الكثير من الصداقات نلتقى يوميا ونقضى اجمل الاوقات وتصبح بيننا عشرة طويلة.. ويبقى هدفنا هو خدمة رب المجد
إله المحبةو الرحمة والتعزيات ..

دعونا نودع هذا العام ونستقبل عام جديد معا بدون خلاف او مشاحنات وفى قلوبنا الكثير من الصفاء والنقاء.. نتمنى من الجميع فى ليلة نهاية العام ومن ضمن كل الامنيات تذكروا منتدانا وكل الاخوة والاخوات .[

 

[عبود عبده عبود]

عايزة كل عضو يدخل يرد على 30 نقطة ؟؟؟؟؟؟
حرام عليكى يا سول
دة غير يالآيف ان كل واحد هيكتب
هييجى اللى بعد منه أو ( سول ) تقتبس كووووووووووول اللى كتبه
علشان تقوله
الرب يباركك
:new6::new6::new6::new6:
​

 

[soul & life]

يا ولكم يا لكم جيت برجلك يا مستر عبوود ههههههه كنت لسه رايحة اقول اول مشاركة هتكون لمين هتكون لمين يلا مستر عبود هيكون اول المشاركين معانا فى الاستفتاء عاوزين نعرف اجاباته اللذيذة العزيزة ومعاك الوقت كل يوم جاوب على 10 هههههه

 

[حياة بالمسيح]

انا ساجيب ان سمحتم لي بذلك
١- على المستوى الشخصي
١. اجمل موقف الذي حدث لي في عام 2014 انني كنت اتخبط في الخدمة في منتديات عدة ثم تعرفت بالصدفة على منتدى الكنيسة واستقريت في خدمة ربنا يسوع المسيح والقديسة مريم العذراء في هذ المنتدى فقط
٢.اسوء موقف حدث لي في عام 2014 انه لم يتسنى لي الاعتراف لاب اعتراف او للكاهن بخطاياي بل اعترف بها لله وربنا يغفر لي ضعفي وخطاياي
٣. امنية لم احققها لحد الان هو الحج الى عذراء لوردس في فرنسا او ميديوغوريه في كرواتيا اتمنى تحقيقها لكن ظروف مرضي تمنع ذلك لحد الان
٤- امنية تحققت هذا العام هي انني شاركت زميلاتي وزملائي والقراء بمعظم معلوماتي الدينية وغير الدينية وهدفي هو مجد اسم الرب يسوع المسيح لا اكثر ولا اقل
واتحفظ بالرد على الاسئلة الباقية لانكم كلكم اخواني واخواتي في المسيح يسوع وكلكم اعزائي واحبائي ولا فرق بين شخص منكم واخر لان ابانا هو واحد الا وهو الرب يسوع فكلنا سواسية وان بدونا مختلفين شكليا ولا اريد احراج اي شخص او درج اسم اي شخص فكلكم احبتي مع اعتذاري واحترامي وتقديري لكل شخص منكم

 

[joeseph.jesus]

كل سنة وانتي طيبة
موضوع رائع .
بس انا معنديش ولا جواب للاسألة دي

 

["خْرْيْسْتْوْفُوْرُوْسْ"]

ـ ـ ـ

1- اجمل موقف حدث لك على المستوى الشخصى ؟

هو حدث مش موقف : معموديتي
ـ ـ ـ

2- اسوء موقف حدث لك على المستوى الشخصى؟

نُشكر الله كل المواقف السيئه تعلمت منها الكثير . لذا لا أعتبرها سيئه
ـ ـ ـ

3- امنية لم تتحقق بعد وتتمنى تحقيقها العام القادم ؟

هو مش لازم تتحق العام القادم..يعني لما ربنا يريد .

بتمني يكون لي أسره تكون كنيسه تُمجد إسم الرب
ـ ـ ـ

4- أمنية تحققت خلال هذا العام ؟!

أمنية حياتي : معموديتي
ـ ـ ـ

5- افضل شخصية تعرفت عليها هذا العام ؟

إنسانه مُحبه للرب ولا تخشي فيه لومة لائم :new6:
ـ ـ ـ

6- اسوء شخصية عرفتها هذا العام ؟

كُل الناس حلوييين ف عنيا حلوييين
ـ ـ ـ

7- كم مرة بكيت هذا العام ( او حزنت )؟

آنا فاكر كام مره مبكيتش ..

لكن اللي بكيت فيهم ..!!!.:love34:
ـ ـ ـ

8- امنية لشخص قريب منك؟

:new5:ربنا يفرح قلبك بمجد إسمه:new5:
ـ ـ ـ

9- من الذى حريص على وجوده معك فى ليلة رأس السنة؟

ياريت يكون فى حد أصلاً .. بس هحتفل مع بابا يسوع وشخص لكن مش هيكون معايا
ـ ـ ـ

10- يوم نهاية عام وبداية عام يوم مميز جدا فماهى طقوسك فى هذا اليوم؟!

انا معنديش نهاية عام وبداية عام .أهي كلها أيام . وبتمشي ورا بعضها . والاحداث بتكمل عام ورا التاني.

لكن بتمني أنه يكون يوم اكون راجل فيه وأتخلي عن حاجه لإجل الرب .
ـ ـ ـ

ثانيا: على المستوى العام .. سياسيا .. ثقافيا.. رياضيا

ماشي
ـ ـ ـ

1- اسوء حدث على المستوى العام؟

إضطهاد المسيحيين فى العراق وباكستان وفى كل مكان
ـ ـ ـ

2- اجمل حدث على المستوى العام؟

مفيش حدث حلو يغطي علي المرار الليس عايشينه .:shutup22:
ـ ـ ـ

3- أروع شخصية لهذا العام ؟!( شخصية لمع نجمها وتحترمها كثيرا )

مش شايف حد عمل حاجه تستحق إني أحترمها . كل بيسعي لمجد الذات .حتي لو عملوا شيء حلو فهما يقدروا يعملوا الآحلي لكن مش عايزين.
ـ ـ ـ

4- أسوء شخصيات هذا العام ( شخصية سيئة وانفضحت افعالها )

كل شخص ضد الإنسانيه هو شخصيه سيئه وأفعاله تفضحه .
ـ ـ ـ

5- امنياتك تتمنى تحقيقها فى العام الجديد على المستوى .. سياسى ثقافى رياضى؟!

السياسي بتمني تطبيق حرية العقيده فعلياً

الثقافي بتمني العقلاء يعطوا نفسهم مساحه
للتفكر فى الكتاب المقدس من ناحيه روحيه إيمانيه.

الرياضي بتمني الجماهير ترجع للأستاد تاني
ـ ـ ـ

6- امنيات كنت تود تحقيقها ولم تتحقق على المستويات الثلاثة ؟ّ!

اللي تمنيتوا فى السنه الجايه متحققش .
ـ ـ ـ

7- متفاءل على المستوى العام سوف يكون فى تغيير ؟

بصلي إن ربنا يعمل تغيير جذري .
ـ ـ ـ

8- أروع ما قرأت او كتبت ؟

بعتز بكل كلام بكتبه لأنه موهبة ربنا ووزنته اللي إدهاني

أروع كتاب هو كتاب صلوات للأباء الرهبان ..صلواتهم كأنها مزامير جديده.
ـ ـ ـ

9- اروع شخصية رياضية لهذا العام .. شخصية ادبية .. شخصية سياسية؟

مش شايف حد قصادي :fun_oops:
ـ ـ ـ

10- اروع كتاب اروع مباراة اروع خطاب سياسى او حوار سياسى؟

مش متابع كويس :t19:
ـ ـ ـ

الثا: على المستوى المنتداوى

ـ ـ ـ
ومالو

7- اعضاء عرفتهم خلال هذا العام وتعتز بمعرفتهم جدا؟

بعتز بمعرفة كل أخ هنا
ـ ـ ـ

8- اشخاص متواجدين بالمنتدى ويزعجك وجودهم

حتي لو فى حد مزعج مع إني مش شايف حد مزعج بتمني إنو يفضل دايماً معانا بإزعاجه .

ـ ـ ـ

9- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

آوقات بدافع المحبه بنلاقي تصرفات عكس توقعاتنا . فبنندم أصلاً علي محبتنا المتسرعه.

ـ ـ ـ

10- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .

.« طَهِّرُوا نُفُوسَكُمْ فِي طَاعَةِ الْحَقِّ بِالرُّوحِ لِلْمَحَبَّةِ الأَخَوِيَّةِ الْعَدِيمَةِ الرِّيَاءِ، فَأَحِبُّوا بَعْضُكُمْ بَعْضًا مِنْ قَلْبٍ طَاهِرٍ بِشِدَّةٍ.». (1بط 1: 22)

ـ ـ ـ

شكرا "soul" لأمنياتك الجميله ..

ربنا يفرح الجميع

ـ ـ ـ​

 

[الفصول الاربعة]

ههههههه
اسئلة كثيرة
وللاسف عندي مشاكل
في لوحة المفاتيح ، وبصعوبة شديدة أكتب!
وساجيب باختصار شديد
واقول: ان كل الاعوام مباركة
والخلل ليس فيها ، بل بنا نحن البشر
فالسنين تمّر ، ونحن اللذين نتبدل ونجنح نحو الشر.
الانسان الساقط والذي مازال ماكثا في براثن الخطيئة
هو الذي يجعل السنوات سيئة، ويبقى الشر رغم ايذاءه لنا
يظل مؤقتاً، امام ما ينتظرنا في الملكوت من سعادة ابدية.

بالنسبة لي، سنة 2014 كانت غير جيدة بالنسبة لي،
لكن اشكر الرب الذي فتح ابواب الفرج وساعدني
على تصليح ما أفسده ابليس، رغم المصاعب والمعاناة.

موضوع رائع
شكرا اختي
soul & life
على الموضوع الرائع
عاشت الايادي
والرب يبارككِ​

 

[اني بل]

الحقيقة احلى اللحظات هي اللحظات اللي بنعيشها مع بعض بمحبة وسلام
بجد احلى لحظة وبدون مجاملة يانيفو هو يوم ماتعرفت على انسانة زيك محبة وحنونة ورجاءي لو كنا بنعرف بعض على المستوى الشخصي اكثر بس بحس اني بعرفك من زمان حتى لومش شايفين بعضنا بس روح الرب بيورجينا بعض حلوين ومحبوبين ...
اتعس اللحظات يوم غيابي الطويل بسبب ظروف خاصة ...
لكن النهارده فرحانة لما بشوفكم كاني ملكت الدني
ربنا يبارككك
وكل عام وانتي بخير ومع ربنا يسوع المسيح
ينعاد عليكي

 

[aymonded]

في الحقيقة من الصعوبة التامة الرد على كل الأسئلة دية، مش كفاية اتهريت اسئلة في لقاءات كتير اتعملت في المنتدى ده، ههههههههههههه...

بصراحة أسوأ ما حدث هذه السنة بطريقة مستفزة، الصراع القائم في الفيس وفي كل مكان، أن الخدام أو اللي بيقولوا انهم بيخدموا بيقطعوا في بعض، وهذا ضد ذاك، وهذا بيهرطق آخر.. الخ، فاصبحنا في حلبة صراع الكل بيتسابق فيها على مين يهرطق مين، ومين يغلب مين فكرياً، ومين يحرم مين... هذا من أسوأ ما يكون في هذه السنة والناس كلهم بقوا قضاة وجلادين... ودية مشكلة بقت كبيرة، لأن كل شيء أختلط ببعضه، وروح الإفراز والتمييز ضاعت من كثيرين، والكنيسة (الخدام وكثيرين ممن فيها) أصبحوا يعيشون إنجيل آخر اسمه إنجيل الخصومة والقضاء والحكم في الضمائر... وكل مملكة تنقسم على ذاتها تخرب، لأن من هنا يبدأ السقوط والتآكل وكل عطب وفساد... وربنا يرحمنا ويعطي نعمة للكل ويهدي الجميع للحق في المحبة آمين يا رب...

والشيء اللي ممكن يعزينا أن كثيرين ممن كانوا في عزلة عن الله تصالحوا مع الله ونالوا نعمة ويحيون بالفرح والمسرة الإلهية....

وما نتمناه في السنة الجديدة أن تبدأ بخدمة المصالحة، لأن من هذا يعرف الكل أننا تلاميذ المسيح الرب أن كان لنا حب بعضنا نحو بعض بقلب طاهر في وداعة وتواضع قلب، محبين لربنا يسوع في عدم فساد آمين
​

 

[R.O.R.O]

موضوع جامد انيفووو
فكرته حلوة جدا اينعم الاسئلة كتير
وانا مبقاش عندى طهقان بس هجاوب كل يوم ع جزء ههههههه
كل سنة وانتى طيبة حبيبتى سنة جديدة سعيدة عليكى وع بيتك
وعلى كل الاعضاء

- اجمل موقف حدث لك على المستوى الشخصى ؟

مواقف كتير حسيت بإيد ربنا فيها معايا

- اسوء موقف حدث لك على المستوى الشخصى؟

مافيش موقف معين
بس كتير بتعدى علينا فترات حزن او كأبة
وكله بيعدى بالرجااء

- امنية لم تتحقق بعد وتتمنى تحقيقها العام القادم ؟

ان ربنا يفرح قلبى ببيبى ويعوض عن سنين التعب الكتير

- أمنية تحققت خلال هذا العام ؟!

حلمت انا وجوزى ناخد خطوة اكبر فى علاقتنا بربنا
ونشكر ربنا اتحققت

- افضل شخصية تعرفت عليها هذا العام ؟

اصحاب عرفتهم السنة دى وكانى اعرفهم بقالى سنين
مبسووطة بوجودهم فى حياتى
ومن المنتدى هنا
شوفت حبووو ومبسووطة انى عرفت حد بالقلب ده :*

- اسوء شخصية عرفتها هذا العام ؟

مااافيش

- كم مرة بكيت هذا العام ( او حزنت )؟

كتيررررررررررر متعديش ههههههههههه

- امنية لشخص قريب منك؟

لكل اللى اعرفهم
بتمنى من ربنا يكون معاهم ويحافظ عليهم
ويفرح قلوبهم ويكون معاهم فى كل خطوة
والسنة دى تكون سنة حب وسعادة عليهم
وربنا يحققلهم كل احلامهم

- من الذى حريص على وجوده معك فى ليلة رأس السنة؟

مينفعش يعدى اليوم ده غير اما اكون مع ماما

يوم نهاية عام وبداية عام يوم مميز جدا فماهى طقوسك فى هذا اليوم؟

طقوسى اليوم ده لازم اقضيه فى الكنيسة وابدا مع ربنا السنة الجديدة
بس قبل ما اروح الكنيسة ببقى عند ماما
حيث السمك او الكشرى
وبعدين بروح الكنيسة اقضى اليوم واحضر الصلاة وارجع
ياااه اخيرا خلصت
ليا رجعة بكرة بقى علشان تعبت اووى
ههههههههههههههه
كل سنة وانتى طيبة انيفو احبيبتى :*

​

 

[النهيسى]

روعه كل سنه وانتم طيبين + بعتذر مش قادر اتابع النت عندى رديئ جدا + صلى لى

 

[soul & life]

استجابة لرغبة الجماهير هحاول اضغط الاسئلة شوية
وميرسى للتثبيت

 

[النهيسى]

لى عوده باذن يسوع
​

 

[ABOTARBO]

:mus13::mus13:نودع عام ونستقبل عام :mus13::mus13: و قبل نهاية كل عام
تتزاحم بداخلنا الذكريات ونحلم بتحقيق الامنيات :big37:
وننتظر العام الجديد ليحمل معه المزيد والمزيد

و ننتظرمبتهجين لانها لحظة النهاية لأحداث كانت مؤلمة
ومتفاءلين بتحقيق الامانى فى عام جديد..

كل عام وكل الاخوة والاخوات فى فرح وسلام ف:new4:ى محبة ووئام بالفرح نحيا و بالرجاء تتسابق الاحلام ..

تنعاد عليكم وعلى احبابكم الايام بكل الخير والامان
ونتمنى وكلنا رجاء ناظرين الى السماء .. طالبين
من رب المجد يملأ الدنيا سلام ويكون عام اجمل من كل الاعوام :36_22_25:

هنا سوف يكون الاستفتاء .. استفتاء عام 2014
على المستوى الشخصى .. والمستوى العام ..
وعلى المستوى المنتداوى :766ah:



اولا: على المستوى الشخصى

1- اجمل موقف حدث لك على المستوى الشخصى ؟
اممممممممم مفيش
2- اسوء موقف حدث لك على المستوى الشخصى؟
انتقال بابا
3- أمنية تحققت خلال هذا العام ؟!
امممممممم اكثر نضج نفسى
4- افضل شخصية تعرفت عليها هذا العام ؟
بصراحة فى اكتر من شخصية وكلهم ناس بركة
5- من الذى حريص على وجوده معك فى ليلة رأس السنة؟
أمى
6- يوم نهاية عام وبداية عام يوم مميز جدا فماهى طقوسك فى هذا اليوم؟!
خلوة مع نفسى معظم اليوم




ثانيا: على المستوى العام .. سياسيا .. ثقافيا.. رياضيا



1- اسوء حدث على المستوى العام؟
امممممم مش عارف اى حوادث او حروب
2- اجمل حدث على المستوى العام؟
بردو مش عارف مبتفرقش معايا اى احداث وحشة حلوة المهم ربنا موجود فى حياتنا
3- أروع شخصية لهذا العام ؟!( شخصية لمع نجمها وتحترمها كثيرا )
بشوف دايما أمين خدمتى اروع شخص
4- أسوء شخصيات هذا العام ( شخصية سيئة وانفضحت افعالها )
ماليش دعوة بحد ... خلينى فى نفسى انا مالى بالكلام دة
5- متفاءل على المستوى العام سوف يكون فى تغيير ؟
اه متفائل مهما كانت الاحداث ... ربنا مصدر التفاؤل دة
6- اروع شخصية رياضية لهذا العام .. شخصية ادبية .. شخصية سياسية؟
للاسف مبخدتش فى بالى هههههه



ثالثا: على المستوى المنتداوى:new6:
اروع شخصية بشوف ناس رائعة كتير ماما أمه أستاذنا ماى روك , سكرت انجل , سول , خريستورفرس
النهيسى , جونا جيسس,جيسس لاف,استاذ بيتر , ElectericCurrent وتماف ماريا وحبو اعدائكم
وصوت صارخ وتوين وبنت العدرا ودونا نبيل و كوبتك واستاذ ايمن وابن يسوعنا ....... الخ كله كله حلو

1- اروع موضوع لعام 2014
علشان مش بدخل كتير فمش عارف

2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟
قولت معظمهم فى اجابة السؤال اللى فات

3- امنياتك للمنتدى ؟
بتمنى للمنتدى نجاح اكبر واكبر ويحقق اهدافه ويشبع كل الاحتياجات والاستفسارات للمخدومين
وينمى اكثر فاكثر ويحافظ عليه

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟
مفيش خالص طبعا .

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

ههههههه لا المواقف كتيرة بس بتبقى ذكرى حلوة علشان انا من النوع اللى اتنرفز اتنرفز وفى لحظة كان لم يكن :t17:

6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .


اتمنى 2015 تكون سنة حلوة ومباركة ومليانة تعزيات وتغييرات ومفاجات حلوة خالص من ربنا لكل حد بيقرا البوست دة :t39:
اخيرا نتمنى كل عام يمر علينا بخير وسعادة دون مشاكل او خلافات ونستقبل العام الجديد معا اخوة واخوات فى محبة وسلام ..

تذكروا يا اخوتى تمر علينا ايام وشهور وسنوات ونحن هنا بالمنتدى نتناقش نتحاور نختلف مرات ونتفق مرات نكون الكثير من الصداقات نلتقى يوميا ونقضى اجمل الاوقات وتصبح بيننا عشرة طويلة.. ويبقى هدفنا هو خدمة رب المجد
إله المحبةو الرحمة والتعزيات ..

دعونا نودع هذا العام ونستقبل عام جديد معا بدون خلاف او مشاحنات وفى قلوبنا الكثير من الصفاء والنقاء.. نتمنى من الجميع فى ليلة نهاية العام ومن ضمن كل الامنيات تذكروا منتدانا وكل الاخوة والاخوات .[

اهو جاوبت على كل الاسئلة

وكل سنة وحضرتك طيبة

 

[النهيسى]

اولا: على المستوى الشخصى

1- اجمل موقف حدث لك على المستوى الشخصى ؟
وقوف الرب معى دائما

2- اسوء موقف حدث لك على المستوى الشخصى؟


خساره صديق عمر
بعد ما سافر للسعوديه وظروفه تحسنت جدا
نزل اجازه وزارنى قبل كده
ونزل اجازه فى 2014 من شهر والأجازه شهران
وتجاهلنى

3- أمنية تحققت خلال هذا العام ؟!

مصر رجعت تانى

4- افضل شخصية تعرفت عليها هذا العام ؟
لا يوجد
5- من الذى حريص على وجوده معك فى ليلة رأس السنة؟
لا احتفل

لا احتفل



ثانيا: على المستوى العام .. سياسيا .. ثقافيا.. رياضيا



1- اسوء حدث على المستوى العام؟
ليس حدث معين بل أحداث الموت بالأنفجارات

2- اجمل حدث على المستوى العام؟
مصر رجعت تانى
3- أروع شخصية لهذا العام ؟!( شخصية لمع نجمها وتحترمها كثيرا )
لا يوجد
4- أسوء شخصيات هذا العام ( شخصية سيئة وانفضحت افعالها )
مرسى
5- متفاءل على المستوى العام سوف يكون فى تغيير ؟
بالطبع
6- اروع شخصية رياضية لهذا العام .. شخصية ادبية .. شخصية سياسية؟

السيسى


ثالثا: على المستوى المنتداوى:new6:


1- اروع موضوع لعام 2014
كل المواضيع جميله

2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟
كلهم رائعين
3- امنياتك للمنتدى ؟
ربنا يبارك الخدمه
4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟
ليس شخص معين
لكن اللى بيرد على الموضوع ويشتت هدف الموضوع
فى نقاشات غير مجديه
5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟
لا يوجد
6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .

رسالتى لكل من بالمنتدى دون أستثناء
بحبكم جميعا
صلوا لأجلى
محتاج فعلا

محبتى للجميع


​

 

[+إيرينى+]

موضوعك حلو يا سول

بس إدينى فرصة أجاوب

هههههههههههههههههههههه

عالم فاضية
​

:new6::new6::new6::new6:​

 

[grges monir]

انا هارد على تلات اسئلة
اجمل موقف حصل
انى اتجوزت
اسؤا موقف
انى اتجوزت برضة هههههههههه
شخصية جميلة اتعرفت عليها السنةدى
هقول انتى وايرينى وعبود

 

[soul & life]

معلش يا جماعة اصله الاستفتاء ده معمول لعام كامل مش لاسبوع وبعدين عملته تهنئة وتذكرة بأهم احداث العام
اللى مش فاضى يبقا يجاوب على اللى يقدر عليه او يكتب تهنئة بسيطة ويمشى

 

[ElectericCurrent]

اولا كل سنة وحضراتكو بألف خير وسعادة ونعمة وبركة مع 3 ثلاث نعم مهمة جدا جدا مصمم على ابراز ذكرها على حدى
وهى

نـــــعم (( الصحة والستر وهدوان السر.))​

 

[BITAR]

متاااااااااااااااااااااااااابع
​