حد فيكم هرب من المدرسة أو الفصل أو الحصة ؟؟؟

[حبيب يسوع]

اولا- انا رايح اقول للاخوان انك دخلت المسجد بالحذاء
وشوفى الل رايح يجريللك
ثانيا كلنا هربنا من المدرسة وكان الهروب جماعى يعنى الفصل كله يتحد ويهرب

 

[حبو اعدائكم]

اقول لك يا ايرو ....

ماما كانت لسا فى الكس و انا كنت مع بابا و اخويا هنا--- و ماما كانت تيجى ويك اند بس--
"طبعا الحركات دى مكنتش تنفع مع ماما ههههههههه"
بابا بئا كان يصهر يشتغل فيفضل ناااايم الصبح شويه-- و لما المنبه يضرب كان يقوم يشوف السرير-- فاضى يبقى انا نزلت--
المهم كنا فى بيت صغير الاول-- انا و اخويا فى نفس الغرفه-- السرير دورين-- جت جدتى معانا بعد وفاه جدى فبابا عمل لنا دور تالت هههههههههههههههههههههههههه
و انا كنت--كنت زمان رفيعه اوى و مش كنت بتدايق من وجود السقف فوق مناخيرى و عادتى مش بتشقلب و اتقلب و انا نايمه-- فكان مكانى الدور التالت ههه-
بابا بئا كان يجى و يقوم واقف اخر الغرفه و يبص فوق -- السرير فاضى يبقى حبو نزلت--

اقوم انا ايه بئا-- منعكشه الغطاء مكان القدم و افضى الدنيا مكان دماغى و اتفعص فى الركن فى الاخر خااالص-- اسمع المنبه-- يقوم هو طافيه-- و يبداء اسمع خطواته اقوم كاتمه نفسى بئا لحد ما يروح اخر الغرفه يبص فوق و يقوم ايه ماشى غرفته تانى--
افضل محبوسه فوق ساعتين كدا او تلاته--( يوم بيبقى اسود لو قرر مينزلش ههههههههه ) لحد ما ينزل شغله--
المهم الحركه دى لازم لها ترتيبات--
يعنى لازم اخفى الشنطه بتاعت المدرسه و الجزمه بتاعت المدرسه -- و لازم اخفى هدوم المدرسه-- و لازم منساش افتح القفل بتاع الباب من جوه-- كان قفل كدا له لسان طويييل حديد كبير يغلق من الداخل--
حصل ايه بئا-- نسيت يوم افتحه--
و بابا اخد اللفه بتاعته و جه و بص على السرير فوق و كتمت انفاسى و مشى تانى و فات حبت وقت شويه مش عارفا مين خبت على باب الشقه--
بابا راح يفتح الباب بيبص لقى القفل بتاع الباب لسا مقفول من جوه--
ده معناه انه مفيش حد خرج من البيت--
لقيت بابا راجع و بصوت عالى --
يا حبوووووو اطلعيلى دلوقتى حالا من المكان الى انتى مستخبيه فيه--
طبعا حبو قلبها وقف اصلا و اتشليت و اتخرصت--
يا حبوا قدامك خمس دقايق لو ملقتكيش قدامى -- زنبك على جنبك -- طبعا هو بيقول الكلام ده من غرفته و صوته ماشى بيخبط فى كل حوائط و اركان الغرف و طرقات المنزل -
و روحت زى الشاطره كدا نازله بكل ادب و احترام
ههههههههههههههههههههههههههههههههههههههههههههه روحت اتعلمت الادب و الاحترام اكتر طبعا و رجعت على اوضى هههههههههههههههههههههههههههههههههههه

طبعا بئا محرمتش-- لان دى كانت طريقه اخويا -- بقينا نغير المكان لحد ما وصلنا اننا نطلع نستخبه فى سطوح البيت لحد ما بابا يخرج نقوم رجعين تانى هههههههههههههههههههههههههههه

 

[عبود عبده عبود]

طبعا بئا محرمتش-- لان دى كانت طريقه اخويا -- بقينا نغير المكان لحد ما وصلنا اننا نطلع نستخبه فى سطوح البيت لحد ما بابا يخرج نقوم رجعين تانى هههههههههههههههههههههههههههه

دى خطة هروب متكاملة
ترباس الباب وشنطة المدرسة والجزمة
​

 

[R.O.R.O]

ايوا يا رورو القلم ده نزل عليكى من مين--
من ماما و لا من الميس؟؟

من الميس يا حبوا اهى اهى
ومن ساعتها خلاص حرمت يا بوجى ههههههههه
​

 

[+إيرينى+]

كل القصص جميلة جدا و مواقف حلوة حلوة فعلا

الواحد بيفتكرها دلوقتى و يضحك على نفسه

ههههههههههههههههههههههههههههههههههه

و لكن

القصص كلها لفتت نظرى

إن فيه نوعين من الهروب

النوع الأول

الهروب من المدرسة من أول اليوم الدراسى

و هو = عدم الذهاب الى المدرسة

يستلزم هذا الموضوع خطط محكمة ضد الأهل (الأب و الأم)

أما النوع الثانى

فهو الهروب من المدرسة أثناء اليوم الدراسى

و هو = الزوغان

____________________________

أيًا كان النوع فهو يثبت كرهنا للمدرسة

فلماذا نلوم أولادنا على كرههم للمدرسة؟؟؟؟

إبنى قالبها محزنة فى البيت عشان المدرسة قربت

 

[+ماريا+]

هروب لأ مفيش الكلام ده
طبعا عندنا احنا صعايده يا بنتى
يعنى البنت اللى تهرب تضرب بالنار على طول
يعنى ولا حتى نقدر نفكر فى الموضوع

 

[عبود عبده عبود]

أيًا كان النوع فهو يثبت كرهنا للمدرسة
فلماذا نلوم أولادنا على كرههم للمدرسة؟؟؟؟
إبنى قالبها محزنة فى البيت عشان المدرسة قربت

آآآآآآآآآآآآآآآآآآآآآآآآآآه يعنى الموضوع عائلى ؟؟
طيب أحنا ذنبنا أية إن شاء الله ؟؟؟
:smile01
​

 

[چاكس]

لا خالص عمرى ما عملت كدا .. كتير كانوا بيحبونى المدرسات .. يااه فكرتينى بميس اسمها جميلة .. كانت عايزه تتبنانى بجد اصلها كانت جميلة فعلا و لا جوز ولا اولاد ليها .. كانت قمر و كتير كانت بتاخدنى البيت عندها و انا صغير من ورا اهلى .. لحد ما ماما اتصاحبت عليها .. فى يوم سمعت انها صابها مرض خطير و استقالت من المدرسة .. و سافرت برا .. فاكرها لحد دلوقتى .. بجد من الناس الجميلة اللى مرت عليا فى حياتى ..

 

[+ ميلاد العجايبى +]

انا من اول سنة اولى ابتدائى لحد ثالثة اعدادى عمرى ما فكرت اهرب من المدرسة كنت يوميا اذهب الى المدرسة فى ميعادى ما اروحش البيت الا لما الجرس يضرب عمرى مامشيت بدرى حتى خمس دقائق .
دا انا حتى فى سنة اولى اعدادى اخذت جائزة التلميذ المثالى .
كل ده لحد سنة ثالثة اعدادى بس .
--------------
انما من اول سنة اولى ثانوى واتعلمت الهروب
كنت يدوب احضر كام حصة كدة وكفاية عليهم بقى هو انا فاضلهم وبعد الفسحة اتسلق سور المدرسة وزغان على فين بقى ؟؟

على السوق .

سوق ايه ؟؟؟

سوق يباع فيه الخردة يعنى كل ماهو قديم من الابرة للصاروخ
كنت اشترى راديو او كاسيت صغير ووكمان خربان ( تالف ) من السوق واحاول ان اصلحه ( ما انا اصلى كنت غاوى الكترونيات ) ثم ابيعه بضعف او اضعاف ثمنه اللى اشتريته بيه
فكنت منها ارتاح من باقى اليوم الدراسى ومنها تجارة ومنها كنت بتعلم فى الراديو والكاسيت اللى كنت بشتريهم من السوق
ما الواحد لازم يطلع اى (سبوبة ) برضه

 

[Sango]

انا هربت من الحضانة وعمرى ما كررتها تانى

 

[!! Coptic Lion !!]

اهرب من المدرسه !!!
علي الطلاج عمري ما عملتها
طول فتره الدراسه بتاعه ابتدائي واعدادي
غبت 3 تيام في تانيه ابتدائي لما ايدي اتكسرت
وغبت يومين في رابعه ابتدائي لما عمتي اتوفت
وغير كده معملتش غياب مش بس هروب
​

 

[+KiMO+]

لييييييييييييييه الفريد نوبل

 

[النهيسى]

أحلى الأيام
أنا أستاذ هروب
كنت بروح السينما
وأتفرج على أفلام دراكولا
وفى الليل بخاف جدا
لأنى كنت بشعر أن دراكولا هيحضر عندى

​

 

[*koki*]

احم احم
مش كتير 30 دقيقه كان اخرى
دا فى مدرسه (فصل الاسبانى)
اتاخرت 3 دقايق على فصلها طلبت رجل الشرطه اللى فى المدرسه يدور عليا
و بعدين طلبت من منظم المدرسه يدور عليا
(بس انا كنت بهزر معاه كتير فمعمليش حاجه)
و لما جتلها كانت اتصلت بالمكتب تقولهم انى مفقوده
(كنت بتحبنى اووووى ههههههه) بس بردوا كنت طلبتها المفضله عشان كده مصتقصدانى
لكن فى مصر كنت بستخبى تحت الديسك هههههههه
عشان المدرسيين مش يلاقونى
و قولت اقولوكم على الحاجه البسيطه دى عشان متفكروش فيا وحش هههههه​

 

[+KiMO+]

أحلى الأيام
أنا أستاذ هروب
كنت بروح السينما
وأتفرج على أفلام دراكولا
وفى الليل بخاف جدا
لأنى كنت بشعر أن دراكولا هيحضر عندى

​

ههههههههههه

 

[!! MR.BeBo !!]

ههههههههههههههههههههههههه

ابتدائي & اعدادي
كنت مؤدب فيهم وعمري ما هربت

ثانوي

خلينا ساكتين XD​

 

[واثقه فيك يارب]

تصدقي ياايرو انا عمري ماعملت كدا
مع اني كان نفسي اووي اعمل كدا
لاني كنت بكره المدرسة والمدرسين
والناظره وكمان التلاميذ
وعم جاد بتاع الكانتين
وكمان الست بتاعة الحرنكش والدووم اللي كانت بتقف قدام المدرسة
وبكرهني انا شخصياا

بس مكنتش اقدر اعمل كدا
ماما وبابا كانوا ممكن يكسروا رقبتي نصين : (
​

 

[حبو اعدائكم]

مااالها بتاعت الحرنننكش يا واثقه
ههههههههههههههههههههههههههههه بتكرهيها ليه بئا ها!!.؟؟

 

[واثقه فيك يارب]

مااالها بتاعت الحرنننكش يا واثقه
ههههههههههههههههههههههههههههه بتكرهيها ليه بئا ها!!.؟؟

اصلي كان مصروفي مش بيقضي ياحبو
وكنت بتحايل عليها تديني حرنكشاية شوُكك بس مكانتش بترضي:new6:

شوفتي بقا حقي اكرهها ولا لاء:shutup22:

 

[حبو اعدائكم]

اصلي كان مصروفي مش بيقضي ياحبو
وكنت بتحايل عليها تديني حرنكشاية شوُكك بس مكانتش بترضي:new6:

شوفتي بقا حقي اكرهها ولا لاء:shutup22:

ههههههههههههههههههههههههههههههههههههه
إزا كان كدا يبقى حقق طبعااااااا هههههههههههههه