حملة غريبة في الفيس بوك - موضوع للنقاش

[aymonded]

كان هناك مجموعة في الفيس بوك سمت نفسها:

[ مليون واحد مستعد يموت شهيد عشان المسيح فى مصر ]
​

أنا طبعاً ليَّ رأي في هذا العنوان الغريب، لكن هاترك مناقشته ليكم، لكن اللي احب اقوله، أن الغريب في الموضوع، تلاقي الناس ممكن تدافع بضراوة حتى الاستشاهد من أجل الدين، لكن لو قلت لحد أنت عايش ايه من الدين اللي بتتكلم عليه يقول لك كلام هُلامي يتزفلط من بين إيديك ومش تعرف له راس من رجلين ... يعني تلاقي واحد عمره ما يدخل كنيسة وأول لما يسمع أن هناك مشكلة تمس المسيحيين يقول انا مستعد أكون شهيد للمسيح، أنا فداء للكنيسة، وبالروح والدم نفديك يا صليب !!!

والعجيب سألت مرة واحد بيحب هذه الشعارات عن علاقته الحميمية مع شخص المسيح، إيه اللي يعرفه عنه غير المعلومات اللي استقاها من الكتب أو ما تعلمه من الصغر أو سمعه من الميديا أو في المنتديات.. الخ، وهل صلاته بيشعر فيها بقوة الله، فقال بالحرف الواحد [ ان عمره ما صلى إلا ساعة لو كان محتاج يصلي والصلاة مش بالالتزام بيها، وبيقرأ الإنجيل ساعات علشان يعرف يرد على الناس المخالفين اللي بيشككوا فيه واللي مش قادره تفهم الإنجيل والكتاب المقدس صح، والموضوع مش محتاج تعقيد أصله بالقلب مش بالصلاة، الله بسيط وبيحب البسطاء وعارف اللي في القلب وإني على استعداد كامل أموت لأجله، نفسي ابقى شهيد ] ولا تعليق..................
​

 

[soul & life]

انا شاركت بتعليق وكتبت كتير اوى بس النت فصل والكلام موصلش

 

[aymonded]

ولو اني كان نفسي اشوف التعليق، عموماً ولا يهمك بتحصل في أحسن النتانيت، حاولي بس قبل ما تكتبي الموضوع مباشرة اكتبيه الأول في تكست على الكمبيوتر الأول واحفظية وبعدين انقليه هنا يبقى اسهل علشان لو حصل النت فصل والا حاجة مش تعيديه تاني
​

 

[soul & life]

يلا هكتب مرة كمان علشان خاطرك انت بس يا استاذ ايمن

الموضوع عنوانه فعلا غريب اول مرة اسمع انه احنا عندنا بنعمل دعوة لتقديم شهداء للمسيح مع انه كنيستنا معروف عنها كنيسة الشهداء والشهادة عندنا سواء كانت زمان او حاليا بتكون بسبب اضطهاد زمان كان الانسان ممكن يقدم نفسه فداء للمسيح علشان ميضطرش انه ينكر مسيحه او يمنعوه عن صلاته والتبشير بالمسيح وحاليا الاسباب كتيرة وحدث ولا حرج

لكن الشهيد ده مبيبقاش عارف انه نازل من بيته ورايح يقدم روحه شهيد ده حب نابع من قلبه وروحه تجاه مسيحه بينزل بيخاطر بنفسه ومش فى دماغه خالص انه هيبقا شهيد
حصل انه فى بعض الجماعات بيحتفلوا بالشهداء قبل استشهادهم على اساس خلاص كمان ساعات هيبقا شهيد وده غريب علينا خالص ومش عندنا ابدا المنظرة بالاستشهاد دا لو كان اصلا كده يبقا استشهاد يعنى

البسطاء قريبين من ربنا وربنا بيحبهم جدا وانا بشوف ناس بسطاء كتير علاقتهم جميلة اوى بربنا
بسطاء بمعنى بسطاء فى كل شىء بسطاء تعليميا وماديا واجتماعيا اخواتنا البسطاء دول بيعبدوا ربنا ببساطه متناهية مبيعرفوش يقروا بيصلوا بمفرادتهم البسيطة ويمكن كمان مبيعرفوش يقروا فى الانجيل لكن حافظين كلام ربنا فى قلوبهم من الوعظات اللى بيسمعوها وعلاقتهم وقربهم من ربنا اروع ما يكون من ناس كتير بتقرا وتحلل وتكتب وتبحث ويمكن علشان كده هما اقرب لربنا لانهم معتمدين على قلوبهم غير المثقفين بيعتمدوا على عقولهم وقلوبهم فى نفس التوقيت لانه بيبحبث وبيحلل ويناقش ويقدر يتواصل مع اصحاب القامات الروحية العالية ويستفسر منهم وبيقنعوه
لكن فى فرق بين انسان بسيط بيحب ربنا ودايما ربنا فى قلبه وعلى لسانه وفى تصرفاته وبين انسان بسيط مدخلش الكنيسة كام مرة فى حياته وناسى تماما ربنا ومبيفتكرش يصلى ولا بيتناول من الاسرار المقدسة ويجى فى وقت معين يقول انا هقدم روحى شهيد !!
محبة ربنا علشان تنمو بداخلنا محتاجة مننا مجهود سواء الانسان البسيط او الغير بسيط وبعتقد المحبة الحقيقية هى اننا نصون ربنا فى قلوبنا وتصرفاتنا نحب ربنا ونحب كلامه ونحفظه مش نعمل جيش ونقدم شهداء
سورى على الاطالة

 

[واثقه فيك يارب]

انا قبل ماهعلق عالموضوع
محتاجه اشوف تعليق حضرتك استاذ ايمن علي كلام الشخص ده
ممكن؟

والعجيب سألت مرة واحد بيحب هذه الشعارات عن علاقته الحميمية مع شخص المسيح، إيه اللي يعرفه عنه غير المعلومات اللي استقاها من الكتب أو ما تعلمه من الصغر أو سمعه من الميديا أو في المنتديات.. الخ، وهل صلاته بيشعر فيها بقوة الله، فقال بالحرف الواحد [ ان عمره ما صلى إلا ساعة لو كان محتاج يصلي والصلاة مش بالالتزام بيها، وبيقرأ الإنجيل ساعات علشان يعرف يرد على الناس المخالفين اللي بيشككوا فيه واللي مش قادره تفهم الإنجيل والكتاب المقدس صح، والموضوع مش محتاج تعقيد أصله بالقلب مش بالصلاة، الله بسيط وبيحب البسطاء وعارف اللي في القلب وإني على استعداد كامل أموت لأجله، نفسي ابقى شهيد ] ولا تعليق..................

​

 

[عبود عبده عبود]

[FONT=&quot]يعنى أخيرا هنلاقى مسيحى بيفجر نفسه فى أعداء المسيحية ؟​

​

[FONT=&quot]دة تطور جميل [/FONT]​

[FONT=&quot]مليون مُتفجر مسيحى على مليون مُتفجر مسلم [/FONT]​

[FONT=&quot]ونحل مشكلة ديون مصر [/FONT]​

[/FONT]

 

[soul & life]

[FONT=&quot]يعنى أخيرا هنلاقى مسيحى بيفجر نفسه فى أعداء المسيحية ؟​

​

[/FONT]

[FONT=&quot]دة تطور جميل ​

​

[FONT=&quot]مليون مُتفجر مسيحى على مليون مُتفجر مسلم [/FONT]​

[FONT=&quot]ونحل مشكلة ديون مصر [/FONT]​

[/FONT]

هههههه تصدق فوكيرة برضو

 

[aymonded]

هههههههههههههههههههه طبعاً كلام عبود مش عاوز اقول خلاني اقعد اضحك ازاي يعني، حرام عليك يا عبود خلتني مش عارف آخد نفسي وانا مش قادر اضحك ههههههههههههه
​

 

[aymonded]

أنا طبعاً هاعلق بس خليني في الآخر ...
​

 

[!! MR.BeBo !!]

هو ممكن الصغير يعلق هو كمان ^_^


اولا: المسيح مش محتاج اي حد يدافع عنه او عن بيته
هو قادر يحمي بيته ويحمي اولاده ، بس ليه حكمه ووقت في كل حاجه


ثانينا: مش معقوله يبقي متقراش في الانجيل ومبتصليش ومش تعرف ربنا اصلا ، علشان تروح تدافع عن بيته


انت كده يعتبر بتجامل واحد صحبك


ياسيدي هو بيقولك صوم وصلي واقراء الانجيل
واعرفني كويس وانده عليها
وخليني انا اتصرررررررف بمعرفتي، وشوف قوتي ومجدي



​

 

[tamav maria]

بالروح بالدم نفديك يا صليب .
هذا القول ليس صحيح .. فحن لانفدى الصليب بل نأخذ حياتنا من الذى فدانا و مات على الصليب و دفن و قام و هو جالس الأن على العرش يشفع فينا و يسمع لصرخاتنا ، و هو فى ذات الوقت ساكن فى وسطنا يدافع عنا ، فهو الله الذى ظهر فى الجسد .. و هنا ينبغى ان نراجع هتافاتنا و الكيفيه التى نعبّر بها لإظهار ألامنا ، بل و ما نريده عندما نتكلم .. عن .. و .. مع .. من يضطهدوننا .. فدمك لا يبقى المسيحيه عاليه بل المسيحيه عاليه بدم من دعيت على إسمه : المسيح . و هو القادر ان يعليها .. لذلك اهتف و لا تسكت , و لكن .. اهتف الهتاف الصحيح : يسوع بالدم فدانا على الصليب .
شكرا استاذ ايمن للموضوع الشيق

 

[Desert Rose]

ملاحظة ممتازة يا استاذ ايمن , وهى فعلا شعارات غريبة جدا
اسمحولى اقول رأيى وهيكون شوية سخيف . لكنه مجرد رأى
للاسف احنا اللى عملنا وزرعنا فى دماغ الناس الشعارات ديه
ليه ؟ وازاى ؟ هقولك ليه
كل حادثة من الحوادث اللى حصلت للمسيحين فى الفترات الاخيرة فى مصر كان كل المسيحين اللى بيموتو فيها بيتقال عليهم شهداء المسيح
مين قال كده ؟ ومين قال ان كل واحد اتقتل فى ماسبيرو ولا حتى مات فى حادثة كنيسة انه شهيد للمسيح ؟

انا مش بحكم على حد , بس انا بتكلم من خلال كلام الكتاب المقدس نفسه على حسب معرفتى . اللى انا اعرفه انا شهيد المسيح هو اللى مات واتقتل لانه اعترف بالمسيح ورفض ينكره او بشر بأسمه زى ما كان بيحصل مع التلاميذ والرسل , وزى ما كان بيحصل بردو مع اباءنا القديسين

لكن مش كل واحد مسيحى اتقتل فى حادثة او انفجار كنيسة يبقا شهيد للمسيح
اصل الشهادة للمسيح مش حاجة بتحصل فجأة قبل الموت , لكنها بتبقا النهاية لحياة اصلا من البداية مع المسيح
يعنى مش واحد طول عمره بعيد عن المسيح وراح فى العيد يحضر القداس زى كل سنة والكنيسة اتفجرت بيه فى حادث ارهابى بقا هو هنا كده شهيد للمسيح
منين طيب وهو طول حياته بعيد عن المسيح ؟؟؟
وده اللى خلى الناس اللى مش عارفه الكتاب كويس تفكر بالطريقة ديه وهى طريقة بعيدة عن الفكر المسيحى
يقول طيب ما انا ممكن اضمن السما بأنى اتقتل فى اى حادث علشان مسيحى ويعتبرونى شهيد المسيح والمسيحية من غير ما اتعب نفسى فى حاجة ولا حياة روحية ولا وجع دماغ

 

[Alexander.t]

نحن نعشق البطولات الزاءفه ' ونعيش هذه البطولات ع انفسنا !

 

[aymonded]

صدقتم يا إخوتي في كل كلمة وكل نطق نطقتوا به، المشكلة سقوط الوعي الروحي عند الناس والتعاليم المشوشة، وليس لي إلا أن أكرر ما كتبه الأخ العزيز مينا لأنه رد مختصر للغاية يعبر عن الموضوع كله: [ نحن نعشق البطولات الزاءفه، ونعيش هذه البطولات ع أنفسنا ! ]
​

 

[peace_86]

أنا ملاحظ هذا الموضوع من فترة معينة.. وهي من بداية ظهور الفيسبوك.
العرب والمسلمين يعشقوا الأرقام بشكل كبير ومقزز.. وهي موجودة عند المسلمين أكثر من المسيحيين
إنما مسيحيي الشرق أخذوها من المسلمين بحكم العشرة الطويلة اللي بينهم.
يعني تلاقي صفحة مليار مسلم... 5ملايين مسلم يفتخر بمحمد وهكذا ..

لكن أغرب صفحة مسيحية وجدتها هي: (100مليون مسيحي يحب البابا شنودة!!)
وكان عدد المعجبين بالصفحة لا تزيد عن 10آلاف.. المنظر أصبح مخجل
انت من وين تجيب 100مليون مسيحي عربي أو يتكلم عربي يحب شنودة؟ مسيحيي الشرق بأجملهم لا يعدوا نصف هذا العدد .. وكمان من المفترض ان معظمهم يكونوا أقباط أرثوذكس ويفهم اللغة العربية حتى يقبلوا بضغط زر لايك للصفحة.

أما بالنسبة لكلمة مليون شهيد ..
الشهداء القديسيون اللي ماتوا خلال القرون الأولى للميلاد حينما واجه المؤمنون بالمسيح أقسى التحديات والاضطهادات من قبل المجتمع والدولة.
الشهيد هو اللي عاش حياته يبشر بالمسيح بطريقة أو بأخرى ولم يرفض المسيح حتى وان تسبب في قتله.
لذلك أصبحت كلمة شهيد تقال عن كل من هب ودب.. مع احترامي لجميع الموتى والأبرياء
لكن لما افتح القنوات ألاقي الناس تتكلم عن الشهداء من الضباط أو شهداء فلسطين وغيره..
فـ.. كلمة شهيد صارت تقال عندما يموت لنا من نحب على يد من نكره .. وهكذا دون أدنى تفكير..

أكرر: مع احترامي لجميع الموتى والقتلى وأتمنى ان يكونوا شهداء عند الرب.. فمن يدري

 

[YOYO JESUS]

احنا بنعيش البطولة دى على نفسنا احنا وبس
​

 

[aymonded]

أنا فقط في هذا كله يحضرني قول بطرس الرسول حينما تكلم الرب عن آلامه وموته: [ قال له بطرس ولو اضطررت أن أموت معك لا أنكرك، هكذا قال أيضاً جميع التلاميذ ] (متى 26: 35)، وهذا هو الكلام المندفع بحماسة العاطفة الجياشة، وهي عاطفة صادقة وليست كذباً، لكنها وحدها لا تعين الإنسان على أرض الواقع، لأن العاطفة تجعل الإنسان يقول كلام جميل ورائع ولكن عند النزول لأرض الواقع يظهر أنه لم يكن مصحوباً بقوة من الأعالي في سر التقوى وبذل المحبة، لتعطي الإنسان رؤية قيامة مجيدة امام عينيه ليضع نفسه مع المسيح على الصليب بإرادة واعية توافق على الموت الفعلي بشكر عميق، لأنه الإنسان هنا يرى مجد قيامة يسوع وبهاءه في قلبه، لذلك كانت نتيجة اندفاع بطرس الرسول والتلاميذ قبل أن ينالوا قوة القيامة وحلول الروح القدس روح الشهادة الحقيقة، أن كلهم هربوا حتى بطرس الرسول أنكر الرب أمام مجرد جارية كما قال له الرب بالحرف الواحد، لأن ربنا يسوع يعرف خفايا القلوب ويدرك أن كل ما قيل حماس مشاعر صادقة لكنها غير مسنودة بقوة من فوق، بقوة روح الشهادة الروح القدس الذي يشهد لله في القلب ويعطي نعمة للنفس لتقدر أن تنتصر على الموت بروح الحياة الذي في المسيح يسوع، فتقبل كل ألم وضيق بشكر لأن لها شركة مقدسة مع مسيح القايمة والحياة...
​