يا " أغبى " من حالاتى ..لييية ؟؟ ليية ؟؟

[عبود عبده عبود]

على وزن روائع " أم كلثوم "
يا أغلى من حياتى لية ؟ تيرررا
لية ؟ تييرررا
قابلنيش هواك يا حبيبى بدررررى​

وبأقتباس أسم لرائعة من روائع السينما المصرية ( أغلى من حياتى )
بعد التعديل لــ ( يا أغبى من حالاتى )​

نستعرض بعضاً من المواقف التى تتماشى مع العنوان أعلاه​

الموقف الأول
28 يناير 2011 فرض حسنى مبارك " حظر التجول "
الذى فشل بكل تأكيد ونزل الشعب لمشاهدة الحظر ع الطبيعة
28 يناير 2013 فرض دكتور مرسى " حظر التجول "
ولم يتعظ بما حدث لسلفه ​

وأكاد أرى " مبارك " من رقدته بسريره فى المستشفى
وهو يتغنى لمرسى​

يا أغبى من حالاتى لية ؟
تيرررا
لية ؟
تييرررا
:shutup22:​

 

[عبود عبده عبود]

الموقف الثانى​

أصدر النائب ( الخاص ) بالدكتور مرسى
أمراً بضبط وإحضار جميع عناصر «البلاك بلوك»، ومن ينضم إليهم أو يشاركهم بأى صورة كانت
كارتداء زيهم
:boxing:
وهذه اول مرة فى ( حياتى ) أسمع بأمر ضبط وأحضار
بناءاً على صورة ( !!! )
:shutup22::shutup22::shutup22:​

لأءة وأية ؟ ​

الصورة لابسة ماسك (؟؟؟؟)(!!!!)
:fun_lol:
وأكاد أري النائب السابق وهو يعاتب النائب اللاحق قائلاً
يا أغبى من حالاتى لية ؟
تيرررا
لية ؟
تييرررا
:new6:​

 

[عبود عبده عبود]

أنباءاً مؤكدة عن تحرك شرطة المصنفات الفنية
لضبط واحضار ( البلاك بيرى )​

وشرطة السياحة لضبط كل من
البلاك ليبل
والبلاك & وايت​

هذا ...ويُهيب النائب الخاص بالأخوات المواطنات بعدم الشرشحة
لأزواجهن قائلات
دى عيشة ( سودة )
:new6:​

 

[عبود عبده عبود]

ياترى دول يدخلوا تحت قرار السيد النائب الخاص
بالضبط والأحضار ؟

 

[عبود عبده عبود]

ياترى ودول كمان ؟

 

[عبود عبده عبود]

فى ( صدر ) الأسلام كانوا يستدعون الكافر من " دوللى "​

ليعرضوا عليه الدخول فى الدين ​

فإذا استجاب أهدونه درع التوحيد ​

أنظر كتاب " الدين المُستهِل فى أرتداء الدانتيل "​

 

[عبود عبده عبود]

(( جنايات القاهرة تؤيد منع عز من التصرف بأمواله وتسمح لأسرته بالتصرف ))
طيب ماهو معروف يا جنايات
أن أى مسجون مايعرفش يتصرف فى أمواله
لا بيع ولا شرا ولا حتى توقيع شيك
؟؟؟!!!!!!

وتسمح لأسرته بالتصرف ؟؟!!!
طيب ما هو هيعمل لهم توكيل من داخل محبسه بالتصرف !!!​

 

[عبود عبده عبود]

بدء تفصيل قوانين خصووووصى​

تباشر نيابة الدقى فى واقعة القبض على 3 طلاب ينتمون لمجموعة البلاك بلوك بالدقى،
تنفيذاً لقرار النائب العام المستشار طلعت عبد الله بالقبض على البلاك بلوك.​

وقامت النيابة بتوجيه تهمة انتمائهم لمجموعة البلاك بلوك، وضبط بحوزتهم 3 أقنعة سوداء​

يعنى التهمة ( إحراز قناع بدون ترخيص )
:new6:
:t19::t19::t19:​

 

[+إيرينى+]

طب تصدق عايزة أعطى تقييم على كل مشاركة

 

[عبود عبده عبود]

طب تصدق عايزة أعطى تقييم على كل مشاركة

هههههههههه
ماتديى ياختى
لا هو عيب ولا هو أية ؟؟
ولا هو حرام
هبعت لك أغنية ( بورساعيد )​

 

[lo siento_mucho]

متابعه لو لسه في مواقف

 

[عبود عبده عبود]

متابعه لو لسه في مواقف

المواقف مش هتخلص طول ما عندنا ريس زى مورسى
الموضوع مفتوووووووح ​

 

[lo siento_mucho]

المواقف مش هتخلص طول ما عندنا ريس زى مورسى
الموضوع مفتوووووووح ​

تماام
الله يخلي مرسي عشان تكتبلنا مواقف
ده تححححفه:t19:
شكرا ليك ع الموضوع

 

[إيمليــآ]

..

هههههههـ للصدفة آلعجيبة إنى بسمع آلأغنية دلوقتى
كلآم فى آلجون

وإستكمآلاً لكلآم ثومة
آلإخوآن بيقولولكـ

مآتسيبنى " أهبل " سيبنى .. مآتصحنيش :2:



..​

 

[عبود عبده عبود]

الموقف العاشر ​

بعد أقل من 24 ساعة من أصدار أمر ضبط وأحضار للبلاك بلوك
صدر مشروع قانون التظاهر متضمناً​

منع وحظر - ارتداء الأقنعة أو الأغطية التى تخفى ملامح الوجه.
هل هى صدفة " بعطشى " بتاعة مسرحية " سيدتى الجميلة "
اللى تسرق الكُحل من العين ؟
وألا هو تشابه أسماء ؟
:999:​

 

[عبود عبده عبود]

الموقف الحادى عشر ​

قال عماد حسين المستشار الأمنى للرئيس إنه تم القبض على 430 شخصا
تلقوا تمويلات من الخارج لإثارة الشغب فى مصر. ​

لالالالالالالا
الغباء مش هنا ياجماعة
تؤ تؤ تؤ ​

الغباء فى اللى جاى دة ​

وأضاف أنه
لا يوجد لديه أية معلومات حول وجود دول عربية تمول شخصيات فى مصر لإثارة الشغب وحرق المؤسسات الحيوية.​

حد يفهمنى سايق عليكوا النبى ​

:a82:​

​

​

​

​

​

 

[MIKEL MIK]

أًصلي يا عووووووبد​

 

[حبيب يسوع]

للاسف هو رجل غبى ويحكم اكبر بلد
لذلك البلد بترجع للخلف بسرعة عجيبة

 

[عبود عبده عبود]

كشف مجلس الوزراء فى تقرير له، عن أهم إنجازات الحكومة خلال شهر يناير 2013​

فل ياجماعة كدة ؟؟
ميت فل وأربعتاشر
المشكلة مش فى النخع اللى نخعوه
ولا فى الكذب اللى كذبوه​

تؤ
المشكلة ياجماعة أنهم حتى فى الكدب أغبياااااااا
نقرا كدة جزء من التقرير مع بعض​

(( تطوير الرى فى مساحة 50 ألف فدان غرب محافظة الفيوم، والتى )) (( تعانى حاليا من قلة مياه الرى،
بتكلفة 100 مليون جنيه ))​

((والتمويل المطلوب للمشروع 18 مليون جنيه ))​

!!!!!!!!!!!!!!!!!!!!!!!!!
!!!!!!!!!!!!!!!!​

​

​

​

​

​

​

​

​

 

[عبود عبده عبود]

نبدأ بأول خبر لفت نظرى عن عبقرية الوزارة الحالية ورئيسها
دكتور ( هشام أنتينال )​

( الخبر يقول )
قال الدكتور إنه من المقرر أن يتم افتتاح الجسر البرى بين مصر والسودان نهاية مارس المقبل،
مشيرا إلى أن حجم التبادل بين البلدين بلغ 539مليون دولار
وأن تكلفة النقل البرى تنخفض إلى الخُمس
والبضائع والسيارات تنتقل من الجنوب باتجاه الشمال
ثم تعود من الشمال إلى الجنوب لنقل البضائع المصرية​

( أنتهى الخبر )​

( خُمس أية بالظبط ؟؟؟) اللى التكلفة هتنخفضه ؟​

ياسبحان الله ...ع الأبداع والذكاء
أكتشفت حكومة " هشام أنتينال " أن السودان الشجيج يقع فى جنوب مصر !!!

والبضائع بتنتقل مع السيارات ( مش لوحدها يعنى )
من الجنوب للشمال​

ثم تعود ( مرة أخرى ويا سبحانك ياربى )
من الشمال الى الجنوب
سبحان الذى سخر لنا هذا وما كنا له مُقرنين
حد شاف عيل تايه ياولاد الحلال ؟​

ملحوظة : ( الأنتينال ) دواء معروف للأسهال فى بر مصر ​