مساء الخير
انا مسلمه حاليا اسما فقط وبتعرف علي المسيحية لاني عاوزة اكون مسيحيه لاني بؤمن بالمسيح وبالديانة دي لانها اجمل واسمح ديانة
انا بنت عشان محدش يقولي اهلا يا اخ وعندي 24 سنة
وانا عاوزة اشكركم شكر كتير جدا لاني كنت فاكره انكم هتنبذوني ومش هتردوا عليا ولا هتساعدوني في تفكيري وفي اني اؤمن بربنا بجد
وعاوزة احكيلكم واقولكم حاجات كتير بس اخاف تزهقوا مني ومن حكاياتي بس حابه اعرفكم اد ايه انتم مؤثرين في حياة الناس
وانا صغيرة جدا يعني اصغر من 6 سنين كده كنت بحب شكل الصليب اوي معرفش ليه وكنت بفتكر ان كل المسيحين بيصحوا كل يوم الصبح يرسموه علي ايديهم بالفلومستر ههههههه كنت غبيه :t23:
وبعد كده قريبتي شافتني وقالتلي كده غلط وغسلتهولي كنت مدايقه منها جدا بس ما علينا
ومره كنت راكبه الاتوبيس وشوفت بنوتة لابسه سلسلة دهب وفيها دلايه صليب وعليها السيد المسيح قولتلها لو سمحتي ممكن امسكه قالتلي ماشي
وكان عاجبني اوي قولتلها هو ده ايه قالتلي ده المسيح والناس الوحشين حطوه ع الصليب عشان يعذبوه بصراحه صعب عليا جدا بس كانت عجباني الدلاية
ومره كنت ماشيه مع صحباتي المسيحيات وشوفت اسيس وهما قالوا احنا هنروح نسلم ع ابونا وقولتلهم طيب استنوا وهما سلموا وباسوا ايده وانا كمان عملت زيهم وكنت فاكره انه هيزعل مني
بس سلم عادي
ومره روحت محل وكنت مع خالتي والراجل كان جايب بقسماط وعمال ياكل فقولتله ياعمو ممكن واحده راح اداني بقسمطايه بعدين خالتو قالتلي بس عيب متاخديش ده اكله طول اليوم لانه صايم وهو اصر يديني بعدين الفضول اشتغل وسئلته هو انت ازاي ييا عمو صايم وفي نفس الوقت بتاكل راح ضحك وقالي احنا صيامنا مناكلش بيض ولبن ولا اي حاجه فيها روح قولتله ااااه ماشي وهتفطر امتي قاللي في العيد
وبس بقي طولت عليكم بس كنت عاوزة احكيلكم الحاجات دي لاني عمري ما حكيتها لحد وشكرا لانكم عندكم محبة وذوق ومش بتعاملوني وحش
انا مسلمه حاليا اسما فقط وبتعرف علي المسيحية لاني عاوزة اكون مسيحيه لاني بؤمن بالمسيح وبالديانة دي لانها اجمل واسمح ديانة
انا بنت عشان محدش يقولي اهلا يا اخ وعندي 24 سنة
وانا عاوزة اشكركم شكر كتير جدا لاني كنت فاكره انكم هتنبذوني ومش هتردوا عليا ولا هتساعدوني في تفكيري وفي اني اؤمن بربنا بجد
وعاوزة احكيلكم واقولكم حاجات كتير بس اخاف تزهقوا مني ومن حكاياتي بس حابه اعرفكم اد ايه انتم مؤثرين في حياة الناس
وانا صغيرة جدا يعني اصغر من 6 سنين كده كنت بحب شكل الصليب اوي معرفش ليه وكنت بفتكر ان كل المسيحين بيصحوا كل يوم الصبح يرسموه علي ايديهم بالفلومستر ههههههه كنت غبيه :t23:
وبعد كده قريبتي شافتني وقالتلي كده غلط وغسلتهولي كنت مدايقه منها جدا بس ما علينا
ومره كنت راكبه الاتوبيس وشوفت بنوتة لابسه سلسلة دهب وفيها دلايه صليب وعليها السيد المسيح قولتلها لو سمحتي ممكن امسكه قالتلي ماشي
وكان عاجبني اوي قولتلها هو ده ايه قالتلي ده المسيح والناس الوحشين حطوه ع الصليب عشان يعذبوه بصراحه صعب عليا جدا بس كانت عجباني الدلاية
ومره كنت ماشيه مع صحباتي المسيحيات وشوفت اسيس وهما قالوا احنا هنروح نسلم ع ابونا وقولتلهم طيب استنوا وهما سلموا وباسوا ايده وانا كمان عملت زيهم وكنت فاكره انه هيزعل مني
بس سلم عادي
ومره روحت محل وكنت مع خالتي والراجل كان جايب بقسماط وعمال ياكل فقولتله ياعمو ممكن واحده راح اداني بقسمطايه بعدين خالتو قالتلي بس عيب متاخديش ده اكله طول اليوم لانه صايم وهو اصر يديني بعدين الفضول اشتغل وسئلته هو انت ازاي ييا عمو صايم وفي نفس الوقت بتاكل راح ضحك وقالي احنا صيامنا مناكلش بيض ولبن ولا اي حاجه فيها روح قولتله ااااه ماشي وهتفطر امتي قاللي في العيد
وبس بقي طولت عليكم بس كنت عاوزة احكيلكم الحاجات دي لاني عمري ما حكيتها لحد وشكرا لانكم عندكم محبة وذوق ومش بتعاملوني وحش
