كل ده وبتسخنى :w00t:انا جيت
دونا حبيبى .. مبدئيًا كلام جد مش مجاملة بس أسلوبك راقى أوى بتغلب عليه المشاعر الجميلة و دة اللى بيخليه مميز و قريب من القلب أوى ..
قبل ما نبدأ فى المواضيع نفسها ..
- بدأتى الكتابة و انتى فى سن كام تقريبًا ؟؟ :t9:
انا بدأت الكتابه بالقرايه كنت مدمنة قرايه بشكل رهيب مفيش كتاب مجله جورنال كان يعدى من قدامى الا ولازم اقضى عليه من الجلده للجلده
قراياتى كانت متنوعه ومتدرجه بدأتها بمجلات الاطفال فى المرحله الابتدائيه وجزء من الاعداديه وبعدها بدأت رحلتى مع الروايات الرومانسيه والبوليسيه وخصوصا الروايات المترجمه ..تقدرى تقولى أن مصروفى كله كان ضايع على شرا الممنوعات دى ههههههه
وكان ابن عمتى بيشاركنى نفس الهوايه وكانت شقتهم اسفل شقتنا وكان السبت شغال ما بيننا مكتبه متنقله لتبادل الكتب والروايات :99:..
أما عن الكتابه بقى بدأت تقريبا مع بداية مرحلة الثانوى ..
- هل كل حاجة بتكتبيها بتبقى تعبير عن مشاعر و مواقف خاصة ..ولا ممكن تعبرى عن اى موقف تتخيليه او يحصل لحد تعرفيه ؟
فكرتينى ببداياتى فى المنتدى كنت اكتب عن الحب يقولولى ربنا يكمل اكتب عن الهجر يقولولى سيبك منه ميستاهلش ههههههههه
الصادم بقى فى الامر أن اغلب كتاباتى لا تخصنى ولا تمت بصله لمشاعرى الخاصه
أنا ممكن اتأثر بقصه تخص حد من أصدقائى أو ممكن اتأثر بفيلم أو موقف مر قدامى والاقى نفسى بكتب وكأنى عايشه اللى بكتب عنه واللى يراجع اللى كتبته هيفهم أنه مستحيل أكون عشت كل التجارب دى :w00t:
- هل كل اللى بتكتبيه بتنشريه .. ولا فيه مذكرات خاصة بيكى محدش بيشوفها غيرك ؟ :w00t:
بالعكس مش بحس بارتياح الا بعد ما تطلع الخاطره للنور لانه بيهمنى جدااااا رأى القارىء
على فكره فى وقت من الاوقات راسلت مجلة أعتقد نص الدنيا للاسف مش متأكده كان مسؤول عن ركن المواهب الاستاذ ايمن الدهبى وعجبته بعض خواطرى ونشرها وكانت عناوينها حزينه فكان بينوه على ان أنا اللى بختارها وكنت ببقى مبسوطه وحاسه بفخر ان ليا خواطر بتتنشر بس للاسف اتلهيت فى هوايات اخرى لوقت طويل وبعدت عن الكتابه ..:11azy:
- ايه اكتر حاجة كتبتيها و قريبة لقلبك .. او بتيجى فى بالك كتير ؟؟ عايزاها باللينك لو سمحتى :smi420:
بدون اى مبالغه كل كلمه كتبتها ليها غلاوه غريبه عندى
وكتييييييير لما بكون متضايقه بروح اقلب فى خواطرى وبحس بسعاده كبيره وانا وسطيهم
لكن لو هنتكلم باللينك بقى هقولك قصتى انتهت قبل ان تبدأ !!!!! ( قصه قصيره )
القصه دى ليها غلاوه خاصه عندى لانى أهديتها لروح صديقتى الغاليه اللى اتوفت واحنا فى عمر ال 18 وكانت صدمه كبيره جدااا ليا أثرت كتير فى شخصيتى ..ربنا يرحمها
- فيه قيود معينة ليكى فى الكتابة .. بمعنى خطوط حمرا ولا بتكتبى فى أى حاجة تيجى فى بالك ؟
بالتأكيد المنتدى فرض على قلمى قيوووود كتير ..طابع المنتدى الاسرى وأنه تبشيرى خلانى احط حدود لتعبيراتى وأحدد خطوط حمرا لكلماتى مستحيل أتخطاها ولا اسمح لغيرى بتخطيها من واقع مسؤوليتى مع أنى أومن بحرية الكلمه ولكن فى مكانها ..
ادينا بنسخن بس .. و شوية و ارجعلك تانى :love45:
نورتى البيت يا شقاوتى :Love_Letter_Open:
ميرررررسى على كلامك الجميل ده عنى يا قمررر صدقينى ده بس من ذوقك ومحبتك الكبيره :99:
