على الرغم ان الموضوع ده فيه حاجات صحيحة بالفعل
لكن مش عارف ليه كل حالات الرصد الموجودة في الموضوع ده هي عن السلبيات فقط ؟؟!!!
اما المصرى فتقريبا فاقد للانتماء للهوية المصرية وعلشان كده مش بيحاول حتى انه يقرب او يساعد اى حد جاى جديد من بلده بالعكس ده ممكن كمان يعذبه زى ما هو اتعذب واهو كاس وداير :t33::t33:
طبعاااا أنا مسافرتش وعارف ان مسألة التعذيب دي موجودة
لكن موضوع فقد الانتماء أو الهوية في الغربة ده ممكن يكون بسبب ان المصري المهاجر ده جاي للبلد دي طفشان من بلده يعني مش بارادته يبعد عن أهله وناسه ويجي يعيش في بلد غريبه لوحده
بالرغم مثلا فى المغرب العربى الشقيق ( المغرب وتونس والجزائر ) الاحتلال الفرنسى اثر تأثير كبير على الثقافة لدرجة اصبحت فيها اللغة الفرنسية لغة شبه رسمية فى معاملات الدولة وبين الناس
طبعا مش قصدى ابدا ان الانسان يفقد هويته تماما ويدوب فى الثقافات الاخرى دون الاحتفاظ بهويته وقوميته ويعتز بيها كمان
لكن مفيش مشكله ابدا ان الانسان يحتفظ بهويته وفى نفس الوقت يكتسب ثقافات جديدة من الاخرين وينمى ويطور شخصيته وخصوصا لو كان اللى عند الاخرين جيد وهيضيف لشخصية الانسان
طيب مهو كون اللغة الفرنسية تكون شبه رسميه في دول المغرب العربي ده في حد ذاته تشويه للانتماء والهوية
أعتذر لدول المغرب الشقيق على كلامي
مرة واحد قريبي سافر فرنسا ورجع وقالي لو واحد عربي سافر فرنسا وكلم مواطن فرنساوي بالانجليزية مثلاااا فهيرد الفرنساوي بالفرنسية في الأول ولو معرفش العربي يرد عليه فهيقوله المواطن الفرنسي بالانجليزية (روح انجلترا طالما تعرف اللغة الانجليزية لماذا جئت هنا ؟)
لكن المصرى غير . ابسلوتلى , ممكن يعيش 40 سنة فى الغربة وميعرفش يتقن لغة الدولة اللى هو عايش فيها
ابسلوتلي :99: دي بقى وسعت منك شوية
طيب بالزمة لو كان مش عارف لغة البلد اللي هو فيها يبقى ازاي هيعيش ويتعامل مع الناس ويشتغل ويصرف على نفسه في البلاد الغريبة دي ؟؟
لسه بردو عايش بنفس المنطق بتاع التحويش والتكنيز مع ان معروف ان الدول الرأسمالية الغربية دول مش بتاعت تحويش اصلا والدولة مش هتديلك فرصة تحوش لانها هتهد حيلك فى الضرايب والتأمينات وغيره بس هو بردو لسه عايز يحوش
مش شرط يكون تفكير قديم عنده ولكن هو حاطط في دماغه فكرة ان قعدته في بلاد الغربة مهما طالت فهي لازم تنتهي بسرعة ويرجع بخميرة كويسة من الفلوس لبلده فيما بعد يعمل مشروع مثلاااا ويعيش بيهم
بس للاسف بدل ما يستغل ذكائة فى حاجة كويسة عادة بيستغلها فى الفهلوة وكسر القوانين والتحايل عليها لدرجة انها ممكن توصل للنصب فى اوقات كتير
أعتقد دي حاجة مش بتميز المصريين وبس لكن في أي شعب تاني هتلاقي برضة اللي معندهوش ضمير وبيتحايل على القانون وبيعتبر ان ده ذكاء وشطارة
فالظروف اوقات مش بتكون هى السبب لان فيه شعوب غيرنا عدت فى حاجات صعبة واصعب مننا لكنها مش حزينة زينا 
