أقتحام أعماق كاتب ... متجدد "الضيف الثالث Dona Nabil "

[Samir poet]

بنورك
وشكلها هتكون ليلة حلوة
ههههههههههههه

 

[G.a.L.a.x.y]

امير هههههههههه ازيك انت وقعت ولا الهوا رماك ^_*
الاول ادخل صبح وسلم علينا عشان نبتدى عندى حاجات كتير عايزة اعرفها
بما انى من الناس الا كانت بتقرالك وكنت متابعاك

 

[إيمليــآ]

,.

آلأمير .. من آلشخصيآت آلجميلة
على آلمستوى آلإنسآنى ومستوى آلكتآبة

وطبعاً آلمحآورين نيفين وجلآكسآية وكريس
فى غنآية عن آلتعريف ^_^

فـ أكيد هتكون أستضآفة مميزهـ
متآبعة معآكم




.،​

 

[elamer1000]

وطبعاً ... بعد أما خلصت حلقتنا مع جلاكسي ... كان ولابد وحتماً :smile01
أننا ندور علي ضحية جديدة ... قصدي ضيف جديد​

وبعد مداولات ومناقشات مع نيفينا -المسؤلة مسؤلية مباشرة عن الموضوع معي- ​

أتفقنا علي العضو الرائع elamer1000
عضو ملوش في وجع القلب واللف في المنتدي ... عضو هادي كتير
محدش بيشوفه كتير غير المهتمين بكتباته طبعاً​

أنا وبكل صراحة أتصدمت بكمية الموضيع ال هو رفعها ع المنتدي
بصراحة كمية حلوة كتير ... من عضو محترم عضو ليه قلمه المميز
رقة أسلوبه بتجبر الكثيرين علي احترام كلماته
أنا بصراحة مقرتش ليه كتير ... وده إنما يدل علي شئ واحد بس هو -كسلي- :thnk0001:​

عامة نتمني نقضي وقت حلو معاه ... وهو يتبسط في التوبيك معانا ​

وطبعاً بنرحب بالأخت جلاكسي -الضيف السابق- ال هتكون محاورة للضيف مع الأخ الحبيب بداية العمر ​

منوريين ​

بسم الصليب

اولا احب اشكر كل الاعضاء الحلوين والموضوع الجميل ده واللى استفدت منه كتير

ومن كلامكم ومشاعركم الجميلة خالص

+++
​

 

[elamer1000]

1) احب تعرفنا بنفسك في البدايه . وليه اخترت اسم الامير في تسجيلك في المنتدي ؟

2 ) متي بدأت الكتابه واي انواع الكتابه تفضل اكثر ولماذا ؟

شكرا للأخت نيفينا

اهلا بحضرتك

بس على مهلكم على انا صغنن فى الكتابة واخر العنقود وماما عايزانى تانى

انا اسمى الحقيقى مينا ومن الصعيد وخريج تربية انجليزى

اخترت اسم الأمير علشان بحب الشهداء الأمراء فشفيعى ما جرجس ومار مينا العجايبى واى أمير بشوف انه ساب كل المجد علشان حبه لربنا فبحب اسيب كل شىء لمجد ربنا

بدأت الكتابة فى الثانوى احلى واقوى وقت وارتباطى بربنا حلو كتير واكتب كل شىء روحيا فقط

ربنا يبارك حياتك ومعلش لتأخيرى النت عندى مش شغال كويس
وربنا يدبر

+++
​

 

[elamer1000]

امير هههههههههه ازيك انت وقعت ولا الهوا رماك ^_*
الاول ادخل صبح وسلم علينا عشان نبتدى عندى حاجات كتير عايزة اعرفها
بما انى من الناس الا كانت بتقرالك وكنت متابعاك

اهلا اهلا انتى ربنا كبير اوعى تكونى انتى اللى رشحتينى

مساء الفل

قريتى ايه من كل ده
اى حد يتصدم من كل المواضيع دى

ربنا معاكم

+++
​

 

[elamer1000]

,.

آلأمير .. من آلشخصيآت آلجميلة
على آلمستوى آلإنسآنى ومستوى آلكتآبة

وطبعاً آلمحآورين نيفين وجلآكسآية وكريس
فى غنآية عن آلتعريف ^_^

فـ أكيد هتكون أستضآفة مميزهـ
متآبعة معآكم




.،​

بسم الصليب عليكى

شكرا لكلامك الحلو يا سكرة

انتى من الشخصيات المميزة على كل المستويات

+++
​

 

[elamer1000]

فى انتظاركم لو النت شغال

ربنا معاكم وصلواتكم لى كتير

+++
​

 

[G.a.L.a.x.y]

انا اسمى الحقيقى مينا ومن الصعيد وخريج تربية انجليزى

اول مرة اعرف ان اسمك مينا ^_*

بدأت الكتابة فى الثانوى احلى واقوى وقت وارتباطى بربنا حلو كتير واكتب كل شىء روحيا فقط

اشمعنى روحى فط يا مينا ليه مش تحاو تجدد نفسك فى الكتابه واشمعنى الروحى فقط
هل انت شايف نفسك موهوب فى الكتابه الروحيه فقط ؟؟ ولا مش يهمك تكون كاتب المهم تكتب وخلاص؟
انت بتكتب عشوائى دينى الا يجيى على بالك بتكتبه ولا يتكون عايز تكنتب فى حاجه معينهة فتقوم تكتبها ؟؟

هل الا بتكتبه بيعبر عن احساسك انت ولا بيعبر عن احساس الناس؟
هل تعتقد ان الا بتكتبه بيوصل للناس ؟؟ ولو متعرفش بيوصل لهم ولا لا هتعمل ايه عشان تعرف
اكتر شئ يشغل الكاتب ان الا بيكتبه ميوصلش لقلب الناس

سؤال تانى ليه بتكتب معروف ان الا بيكتب حزين او فرايحى بيعبر عن مشاعره فى ذاك الوقت
وفى الا بيكتب عامى وفصحى بيعبر عن حال الدنيا والبلد والناس والصداقات وغيرها وفى الا بيكتب دينى
عشان ترانيم وعشان مقالات دينيه او حتى عشان الناس تقرا وتستمتع زى ما بنشوف فى سى تى فى
انت بتكتب ليه وايه الا خلاك تبتدى تكتب وحسك على الكتابه والتعبير ليه محاولتش تعبر عن نفسك فى الرسم مثلا ؟؟


وعايزة اعرف ان بتحب الشعر يكون ماشى على انهو وزن وعلى اى مدرسه كلاسيكى ولا حر ؟
والشعر ييمثل ليك ايه ؟

معلش ياامير اسئله كنت هموت لو مسألتهاش

 

[Dona Nabil]

منور يا مينا بجد
قلم الامير قلم ذهبى اسلوبه رائع وبسيط وواضح ..يملك ادوات تعبيريه هايله لا يؤخذ عليه الا قلة تواجده معنا وبالتالى حرماننا من كتاباته الجميله
بتمنالك كل التوفيق يا مينا وربنا يستخدمك دايما لمجد اسمه ..
متابعه اللقاء باهتمام ..

 

[elamer1000]

منور يا مينا بجد
قلم الامير قلم ذهبى اسلوبه رائع وبسيط وواضح ..يملك ادوات تعبيريه هايله لا يؤخذ عليه الا قلة تواجده معنا وبالتالى حرماننا من كتاباته الجميله
بتمنالك كل التوفيق يا مينا وربنا يستخدمك دايما لمجد اسمه ..
متابعه اللقاء باهتمام ..

شكرا لكلامك الحلو ده

ربنا يبارك حياتك

+++
​

 

[elamer1000]

اول مرة اعرف ان اسمك مينا ^_*





اشمعنى روحى فط يا مينا ليه مش تحاو تجدد نفسك فى الكتابه واشمعنى الروحى فقط
هل انت شايف نفسك موهوب فى الكتابه الروحيه فقط ؟؟ ولا مش يهمك تكون كاتب المهم تكتب وخلاص؟
انت بتكتب عشوائى دينى الا يجيى على بالك بتكتبه ولا يتكون عايز تكنتب فى حاجه معينهة فتقوم تكتبها ؟؟

هل الا بتكتبه بيعبر عن احساسك انت ولا بيعبر عن احساس الناس؟
هل تعتقد ان الا بتكتبه بيوصل للناس ؟؟ ولو متعرفش بيوصل لهم ولا لا هتعمل ايه عشان تعرف
اكتر شئ يشغل الكاتب ان الا بيكتبه ميوصلش لقلب الناس

سؤال تانى ليه بتكتب معروف ان الا بيكتب حزين او فرايحى بيعبر عن مشاعره فى ذاك الوقت
وفى الا بيكتب عامى وفصحى بيعبر عن حال الدنيا والبلد والناس والصداقات وغيرها وفى الا بيكتب دينى
عشان ترانيم وعشان مقالات دينيه او حتى عشان الناس تقرا وتستمتع زى ما بنشوف فى سى تى فى
انت بتكتب ليه وايه الا خلاك تبتدى تكتب وحسك على الكتابه والتعبير ليه محاولتش تعبر عن نفسك فى الرسم مثلا ؟؟


وعايزة اعرف ان بتحب الشعر يكون ماشى على انهو وزن وعلى اى مدرسه كلاسيكى ولا حر ؟
والشعر ييمثل ليك ايه ؟

معلش ياامير اسئله كنت هموت لو مسألتهاش

وانا مش اعرف اسمك الحقيقى ايه

مممممممممممممممممممممممممممممممم

انا بدايتى كانت علاقتى بربنا حلوة حبيت اكتب مشاعرى ممكن احاول اكتب حاجة تانى بس ماحاولتش اعتقد الروحى اعمق بكتير من اى شىء تانى انا مش مهم الناس تقول على كاتب اصلا انا بحب الناس تتذوق وتسمع وتحس بالحلاوة اللى شوفتها مع ربنا وهى مش كتابات وخلاص

انا بكتب فكرة جاتنى او مشاعر بحسها او بدور على عنوان واكمل

اللى بكتبه بيعبر عن احساسى انا وعن خبراتى مع الناس

اعتقد بيوصل للناس لانه مش صعب او معقد ده مشاعر ببساطة

انا برسم حلو خالص دى موهبتى قبل الكتابة بس لقيت فى الكتابة الطريق السهل لتوصيل مشاعرى مش محتاجه تعب وتفكير بعمق شديد وتخيل كبير

لا شعر حر اما الأوزان انا مش دارسها

بحب الشعر كتير فيه عمق وبحب اتأمل فيه خالص

تموتى

لا لا وانا اقدر اعيش من غيرك

ربنا معاكى

+++
​

 

[elamer1000]

ياريت تبقى فيه فرصة يومين كده اللى يحب يشوف الكتابات لأنى بجد احب اشوف نقدكم لأنى هستفيد وهتعلم كتير من حضراتكم

مبسوط بجد انى اكون فى وسطكم

ربنا يبارك حياتكم

+++
​

 

[aymonded]

ياريت تبقى فيه فرصة يومين كده اللى يحب يشوف الكتابات لأنى بجد احب اشوف نقدكم لأنى هستفيد وهتعلم كتير من حضراتكم

مبسوط بجد انى اكون فى وسطكم

ربنا يبارك حياتكم

+++
​

جميل يا أجمل أخ حلو رأيت لك موضوعين في الكتابات عجبوني بصراحة شديدة، وأعتقد أن أفضل شيء للكتابة السليمة هو التجربة الشعورية التي يدخلها الإنسان لتصير خبرة حلوة ينحصر فيها فيكتب ما تختلج مشاعره من إرهصات افكار تُعبِّر عن ما في داخله بانفعالات خاصة، أن دخل لعمقها وارتضى بها كخبرة تحوَّلت لحياة يعيشها أن أراد أن تكون متأصله فيه، لأنها في النهاية تُعبَّر عن شخصيته التي تظل تتطور وتنمو حسب استمرار الخبرة... أقبل مني كل احترام وتقدير لشخصك العزيز، النعمة معك
​

 

[G.a.L.a.x.y]

انا بدايتى كانت علاقتى بربنا حلوة حبيت اكتب مشاعرى ممكن احاول اكتب حاجة تانى بس ماحاولتش اعتقد الروحى اعمق بكتير من اى شىء تانى انا مش مهم الناس تقول على كاتب اصلا انا بحب الناس تتذوق وتسمع وتحس بالحلاوة اللى شوفتها مع ربنا وهى مش كتابات وخلاص

يعنى اعتبر بمعنى تانى انك هاوى تكتب عن ربنا بأى شكل كان يظهر شعر يظهر نثر او مقال او خاطرة مش هتفرق
يعنى لو حد قالك قصايدك مش حلوة ومش تقول عليها شعر قدام الكل هيكون رد فعلك ايه
بالحق عايزة رد فعلك الحقيقى يعنى اتخيل الموقف وقولى الرد بصراحه ومتقلقش هستر عليك هههههههههههه

انا بكتب فكرة جاتنى او مشاعر بحسها او بدور على عنوان واكمل

اللى بكتبه بيعبر عن احساسى انا وعن خبراتى مع الناس

مينا تفتكر لو انت مخنوق وجايب اخرك هتكتب ايه قصيده عن ربنا بس مؤلمه ولا فرايحى
وياريت الرد يكون صادق ياامينا

و
انا برسم حلو خالص دى موهبتى قبل الكتابة بس لقيت فى الكتابة الطريق السهل لتوصيل مشاعرى مش محتاجه تعب وتفكير بعمق شديد وتخيل كبير

على فكرة انا لو موهوبه بالرسم زيك عمرى ما هفكر اكتب عارف ليه ؟
لان الكلام مش بيعبر عن الا بحسه عامل زى انت بتسمع حد يبكى عن انك تشوف دموعه
الرسم عامل زى انك شوفت دموع الا قدامك وحسيت ب المه عكس القصيده ولا انت رئيك ايه ؟؟؟؟؟؟

لا شعر حر اما الأوزان انا مش دارسها

مفكرتش تتعلم يا مينا الاوزان والمدارس والشعر اصله وبدايته ؟
يعنى مش ناوى تتعمق فى الشعر وتبقى محترف فيه ولا ناوى تفضل هاوى فقط ؟



...............

قولى ياامير اقرب قصيده ل قلبك
وايه الظروف الا كتبتها بيها واكتر واحده ماثره فيك وحاسسها اوى

وهل بتتابع قصايد حد من المنتدى ؟
ولو بتتابع قول مين واشمعنى الشخص دة بقصايده
ممممممم وياريت بالمرة تقولى لو تفتكر يعنى اكتر قصيده قريتها بكل المنتدى اثرت اعجابك وليه
ومشعايزة مجاملاك هقفشك لو جاملت

 

["خْرْيْسْتْوْفُوْرُوْسْ"]

سلام المسيح مع جميعكم أخوتي ..
حابب أسلم علي كل أخواتي اللي منورين الموضوع ..
استاذه" نيفينا" وأستاذه" جلاكسي" والكاتب. الرائع اللي بركه كبيره اين اتحاور معاه وأناقشه في كتاباته وهو أخونا الغالي "الأمير"
وحابب أسلم علي كل اللي شاركو هنا وشكرا ل الرائع "توين"علي موضوعه الرائع
أنا للأمانه متابعتش كل الأسئله ..لكن أتمني ان الأسئله متكونش معادة..
حابب اين الأول أتكلم مع الأمير في شوية حاجات قبل ما اطرح أسئلتي اللي جالت في بالي لما تصفحت بعض موضوعاته ..
أخويا الغالي..
لفت نظري ان حضرتك من الصعيد..يعني المفروض أقلك يا واد عمي ههههه ..
بص يا واد عمي ..
معروف ان الكاتب بيكون في حاجه مميزه جواه ولاثيما كونه شخص يجيد التعبير عن مشاعره ودي نعمه كبيره من ربنا ..
استئلتي...
1: حضرتك اكتشفت ازاي انك عندك الموهبه دي .. يعني أول مره كتبت فيها في حياتك أمتا وأيه اللي فجر جواك معرفة انك بتكتب .. وهل حضرتك فاكر انتا كتبت ايه أول مره ..هل شعر ..خاطره.موضوع نثر عادي..
2:هل حضرتك ليك صقوس معينه في الكتابه .. يمعني هل ليك أجواء معينه تكتب فيها ولا ممكن تكتب في أي مكان ..
3: هل أسرتك وأصحابك بيشاركوك كتاباتك وبيبدوا رأيهم فيها ولا بتحتفظ بيها لنفسك..
4: هل حضرتك معا ان الكاتب ممكن يكتب في أي وقت وأي ظرف ولا في حاله نفسيه معينه بتهيأك انك تكتب ..
5: هل فكرت انك تخدم بكتاباتك في الواقع بمعني انك تطبعها وتوزعها في الكنيسه وهذا بخصوص الكتابات الدينيه ..
هرجع تأني أكمل أسئله..
ربنا يرعي روحك ويبارك موهبتك وينميها ويستخدمها لمجد اسمه القدوس..
النعمه معكم وتحل علي أرواحكم ..
​

 

[Twin]

تسجيل مرور ع الموضوع
أحبه وهو مشعلل كدة

أاااااااااااااااااه كنتم فين من زمان​

 

[elamer1000]

يعنى اعتبر بمعنى تانى انك هاوى تكتب عن ربنا بأى شكل كان يظهر شعر يظهر نثر او مقال او خاطرة مش هتفرق
يعنى لو حد قالك قصايدك مش حلوة ومش تقول عليها شعر قدام الكل هيكون رد فعلك ايه
بالحق عايزة رد فعلك الحقيقى يعنى اتخيل الموقف وقولى الرد بصراحه ومتقلقش هستر عليك هههههههههههه




مينا تفتكر لو انت مخنوق وجايب اخرك هتكتب ايه قصيده عن ربنا بس مؤلمه ولا فرايحى
وياريت الرد يكون صادق ياامينا



على فكرة انا لو موهوبه بالرسم زيك عمرى ما هفكر اكتب عارف ليه ؟
لان الكلام مش بيعبر عن الا بحسه عامل زى انت بتسمع حد يبكى عن انك تشوف دموعه
الرسم عامل زى انك شوفت دموع الا قدامك وحسيت ب المه عكس القصيده ولا انت رئيك ايه ؟؟؟؟؟؟



مفكرتش تتعلم يا مينا الاوزان والمدارس والشعر اصله وبدايته ؟
يعنى مش ناوى تتعمق فى الشعر وتبقى محترف فيه ولا ناوى تفضل هاوى فقط ؟



...............

قولى ياامير اقرب قصيده ل قلبك
وايه الظروف الا كتبتها بيها واكتر واحده ماثره فيك وحاسسها اوى

وهل بتتابع قصايد حد من المنتدى ؟
ولو بتتابع قول مين واشمعنى الشخص دة بقصايده
ممممممم وياريت بالمرة تقولى لو تفتكر يعنى اكتر قصيده قريتها بكل المنتدى اثرت اعجابك وليه
ومشعايزة مجاملاك هقفشك لو جاملت

حبيت اسهل فهرس الكتابات هنا #73

مش مهم الناس تقول ايه انا لما نشرت الحجات دى لحبى للناس انه تستفيد مش من شخصى لانى بخى نفسى مش مستنى مدح ولا مقابل

فى اصعب حالة بكتب اللى بيجرحنى ومزعلنى وحزنى وتعبى واختم ببهجة وفرح وسلام ربنا لانى بلاقى ربنا بيكلمنى ويعزينى

الرسم متعة تانى خالص وا عتقد انه اقوى من الكتابة بس محتاجة تعمق وتركيز وتخيل لكن الكتابة انا بشرح واستفيض لابسط العقلاء حتى يفهموا ما اعنيه بادق الالفاظ وبسهولة وبتوسع وبتكرار وبرسم الصورة بكلامات وحروف كتير يعنى ممكن ارسم صورة واشرحها فى 10 صفحات

لا طبعا انا احب اتعلم لو عندك كتاب ابعتيه
انا مش واخد الموضوع شغل ده اعتقد ان فيه هواة بيلمسوا قلوب بجد عن كبار الشعراء وممكن ابقى هاوى محترف

هبقى اشرح دى بعدين

انا قريت حجات كتير لناس حلوة كتير واللى بيعجبنى خالص

برد بررررررررررررررررررررررررررررررررررررروعه بجد

لو افتكرت هبقى اقول

+++
​

 

[+Nevena+]

ايون كدا هو دا الشغل التمام

منور يا امير
وشطوره بجد يا جلاكسي اسئله رائعه انتي وكريس

متابعه ...

 

[elamer1000]

سلام المسيح مع جميعكم أخوتي ..
حابب أسلم علي كل أخواتي اللي منورين الموضوع ..
استاذه" نيفينا" وأستاذه" جلاكسي" والكاتب. الرائع اللي بركه كبيره اين اتحاور معاه وأناقشه في كتاباته وهو أخونا الغالي "الأمير"
وحابب أسلم علي كل اللي شاركو هنا وشكرا ل الرائع "توين"علي موضوعه الرائع
أنا للأمانه متابعتش كل الأسئله ..لكن أتمني ان الأسئله متكونش معادة..
حابب اين الأول أتكلم مع الأمير في شوية حاجات قبل ما اطرح أسئلتي اللي جالت في بالي لما تصفحت بعض موضوعاته ..
أخويا الغالي..
لفت نظري ان حضرتك من الصعيد..يعني المفروض أقلك يا واد عمي ههههه ..
بص يا واد عمي ..
معروف ان الكاتب بيكون في حاجه مميزه جواه ولاثيما كونه شخص يجيد التعبير عن مشاعره ودي نعمه كبيره من ربنا ..
استئلتي...
1: حضرتك اكتشفت ازاي انك عندك الموهبه دي .. يعني أول مره كتبت فيها في حياتك أمتا وأيه اللي فجر جواك معرفة انك بتكتب .. وهل حضرتك فاكر انتا كتبت ايه أول مره ..هل شعر ..خاطره.موضوع نثر عادي..
2:هل حضرتك ليك صقوس معينه في الكتابه .. يمعني هل ليك أجواء معينه تكتب فيها ولا ممكن تكتب في أي مكان ..
3: هل أسرتك وأصحابك بيشاركوك كتاباتك وبيبدوا رأيهم فيها ولا بتحتفظ بيها لنفسك..
4: هل حضرتك معا ان الكاتب ممكن يكتب في أي وقت وأي ظرف ولا في حاله نفسيه معينه بتهيأك انك تكتب ..
5: هل فكرت انك تخدم بكتاباتك في الواقع بمعني انك تطبعها وتوزعها في الكنيسه وهذا بخصوص الكتابات الدينيه ..
هرجع تأني أكمل أسئله..
ربنا يرعي روحك ويبارك موهبتك وينميها ويستخدمها لمجد اسمه القدوس..
النعمه معكم وتحل علي أرواحكم ..
​

سلام المسيح معاك حبيبى
البركة لى انا يا غالى

اهلا يا ولد العم

انا اول كتاباتى فى الثانوى كانت روحياتى حلوة خالص اول حاجة كتبتها


** كرمالى ... من أجلى ... For me **

كنت سمعت ترنيمة كرمالى

اكتب فى اى مكان ووقت وظروف

اسرتى لأ لكن قلة من اقربائى اللى بفتح ليهم قلبى

فى اوقات نادرة مش اقدر اكتب لما عقلى بيكون فى ضغط رهيب

نشرت قليل فى كنيستى بس مش تحت اسمى الحقيقى

ربنا يباركك حبيبى لى الشرف

+++
​