المصطبه الرجالى

[+إيرينى+]

ممكن اطرح سؤال حرج جدا , وطبعا رجالى فقط , ومفيش ولا بنت هتجرؤ تتكلم اساسا
السؤال خطر فى بالى لعدة ايام , ومش عارف الاقيله جواب
الانسان لما بيجوع : بياكل , بيعطش : بيشرب , محتاج حب : بيلجأ لأصحابه
محدش فينا كرجالة يقدر ينكر ان بيجيله وقت يحس ان احتياجه الجسدى بيزن عليه
طيب لما احتياجك الجنسى بيزن عليك بتعمل ايه ؟!!
انت شاب حاليا مش متجوز ولسا بدرى مثلا ,وجميع الوسائل الاخرى ضد قيم العقيدة والمجتمع الخ الخ , يبقى المفروض تشبع احتياجك ازاى ؟!!
هل تهرب منه ؟ تكبته ؟ تلهى نفسك عنه ؟! تنكره اصلا !!!
فكرت كتير جدا فى السؤال ده ومش لاقيله جواب !

لما بدخل اقرا مشاكل الشباب (والشابات حتى) على مواقع مثلا والاقى انحرافات جنسية او مواقع اباحية , او حتى عادات , بحس انى مش قادر اغلطهم او اجى عليهم , يفرغ طاقاته واحتياجه الجنسية و يشبعها ازاى يعنى ؟!
وابوس ايديكم , انزلوا لأرض الواقع وفكروا فى المشكلة بعيدا عن المثالية

ليه و لا بنت ح تجرؤ يعنى ..............عيب مثلا .....

ندخل فى الغميق

بتكلم عن الاحتياج الجنسى

أوكية

طيب هل يا ترى الاحتياج الجنسى للانثى يختلف عن الذكر ؟.............الاجابة لا

طيب إشمعنى البت ما بتعملش زى الولد .....أقصد ...العادة السرية أو الزنى مثلا

الاجابة .............الخوف على غشاء البكارى أو الحمل و الفضيحة

من هنا يجب أن نقف وقفة

هل الانسان بيوقف أخطاء عشان خايف على نفسه و لا لأة ؟؟
الاجابة غالبا أيوة :fun_oops:

هل الرجل يخاف على نفسة من العادة السرية ؟
غالبا لأة
لأنه ما عندوش حاجة يخاف عليها زى غشاء البكارى مثلا

هل الرجل يخاف على نفسة من الزنى ؟
البعض أيوة بسبب الامراض المعدية


طيب هى البنات بتعمل إيه بأة ؟؟؟؟
الاجابة : ما بتفكرش فى الحكاية خااااااااااااااالص خاااااااااااااااالص

و بتتنسى لوحدها

ما تعملوا كدة يا رجالة

 

[Critic]

ليه و لا بنت ح تجرؤ يعنى ..............عيب مثلا .....

ندخل فى الغميق

بتكلم عن الاحتياج الجنسى

أوكية

طيب هل يا ترى الاحتياج الجنسى للانثى يختلف عن الذكر ؟.............الاجابة لا

طيب إشمعنى البت ما بتعملش زى الولد .....أقصد ...العادة السرية أو الزنى مثلا

الاجابة .............الخوف على غشاء البكارى أو الحمل و الفضيحة

من هنا يجب أن نقف وقفة

هل الانسان بيوقف أخطاء عشان خايف على نفسه و لا لأة ؟؟
الاجابة غالبا أيوة :fun_oops:

هل الرجل يخاف على نفسة من العادة السرية ؟
غالبا لأة
لأنه ما عندوش حاجة يخاف عليها زى غشاء البكارى مثلا

هل الرجل يخاف على نفسة من الزنى ؟
البعض أيوة بسبب الامراض المعدية


طيب هى البنات بتعمل إيه بأة ؟؟؟؟
الاجابة : ما بتفكرش فى الحكاية خااااااااااااااالص خاااااااااااااااالص

و بتتنسى لوحدها

ما تعملوا كدة يا رجالة

مين قالك ان البنات مبتعملش حاجة ؟!!
انتى علشان فى وسط مثالى متعرفيش حاجة
عايزكم تدخلى اى منتدى نسائى وتشوفى مشاكل بنات كتير جدا عاملة ازاى ومن انهى نوع بسبب المشكلة دى
انا قريت كمية مشاكل مكنتش متوقع انها بالعدد ده لبنات من كل الملل , بيمارسوا انحرافات جنسية زيهم زى الولاد بالظبط (مواد اباحاية , عادات , علاقات جنسية ... الخ)

طيب هل يا ترى الاحتياج الجنسى للانثى يختلف عن الذكر ؟.............الاجابة لا

بل الاجابة علميا : اه
معروف ان الاحتياج الجنسى عند الرجال لأسباب فسيولوجية ونسبة افراز هرمونات ما فى الجسم اعلى من المرأة بحوالى 4- 5 مرات , زى ما الاحتياج العاطفى عند المراة اعلى من الراجل

وعلى فكرة
فكرة "متفكرش فى الحكاية" دى وهم مش حل !!
ده زى لما واحد يكون جعان وتقوليله "متفكرش فى جوعك"
محدش فينا هيختلف ابدا على ان الزنا او حتى العادات خطية ومش بتقدم حل سليم , بس هو محل تعجبى , اومال ايه اللى يقدم حل سليم ؟!
مارسلينو قال الروحيات , طبعا دى قناعته وكل شخص وقناعاته ,جايز انا كمان اقوله اه طبعا الروحيات هى الكل فى الكل , بس انا مش جوايا مش مقتنع ,شايف انك حتى مع الروحيات غريزتك وميولك واحتياجاتك الجسدية بتفضل موجودة , جايز بتهرب منه شوية او بتلهى نفسك عنها شوية بس بتفضل موجودة , فهل يا ترى فى مجتمعنا "الهروب" و "الالهاء" هو الحل الوحيد لحد الزواج ؟! طيب واللى ميقدرش يصمد او يهرب لفترة كبيرة وينفجر من كتر الكبت ! ازاى نقدر نلومه ومنعذروش ولو بنسبة ما ؟!
ده محل تفكيرى حاليا

 

[amgd beshara]

مارسلينو قال الروحيات , طبعا دى قناعته وكل شخص وقناعاته ,جايز انا كمان اقوله اه طبعا الروحيات هى الكل فى الكل , بس انا مش جوايا مش مقتنع ,شايف انك حتى مع الروحيات غريزتك وميولك واحتياجاتك الجسدية بتفضل موجودة , جايز بتهرب منه شوية او بتلهى نفسك عنها شوية بس بتفضل موجودة , فهل يا ترى فى مجتمعنا "الهروب" و "الالهاء" هو الحل الوحيد لحد الزواج ؟! طيب واللى ميقدرش يصمد او يهرب لفترة كبيرة وينفجر من كتر الكبت ! ازاى نقدر نلومه ومنعذروش ولو بنسبة ما ؟!
ده محل تفكيرى حاليا

في رأيي ان الاحتياج الجنسي شهوة لكنة مش احتياج اساسي زي الاكل و الشرب
لان الاكل و الشربد ة اساسي و من غيرة هموت
لكن الشهوة الجسدية او الاحتياج الجنسي من غيرة مش هموت ابدا بالعكس
يعني الرهبان مثلا مبيمارسوش الجنس و دة مش مسببلهم اي مشكلة والا مكانوش اتقدموا للرهبنة

الروحيات مش بس بتقلل الاحتياج دة لكن بتمحية خالص
و بيجي بعد كدة في شكل محاربات يعني ابليس بيحاربني

و الموضوع دة لية ناحية نفسي
يعني مش بس احتياج جسدي
زي انك تتعلمهعا من الاصدقاء و كمان العتداءات الجنسية في سن مبكر
و كمان الجراح النفسية العميقة
كل دة بيسبب الم جوايا و بحاول لا اراد
يا اني اغرق الالم دة بمتعة و لذة زي الادمان و العادة السرية ... دة بيخلي عندي شعور بالذنب ... فاحاول ادارية و اغرقة بالمتعة ..... و هكذا

و في رأيي الشخصي ان الحياة و العشرة مع ربنا بتشبعني لدرجة اني مبفكرش في شهوة تانية
صدقني دة مش كلام مثالي ولا صعب الوصول لية
و دة حصل مع كل الاباء القديسين و لسة بيحصل لحد دلوقتي
يعني لما يبقي فكري مليان بربنا مش بحتاج لمصدر شبع تاني ..

انا كنت ناوي اكتب موضوع عن العادة السرية و اسبابها و طرق علاجها من محاضرة تحفة سمعتها و هبقي ابعت اللينك هنا

 

[Critic]

انا بختلف معاك جذريا يا اخ امجد
الاحتياج والميول الجنسية مش شهوة ومش خطية ! احنا اتولدنا بيها
استخدامها الغلط هو اللى خطية , لكن الميول دى نفسها طبيعية ومقدسة جدا علشان استخدامها فى الزواج اللى ربنا بيباركه
وفكرة ان الروحيات بتمحى الاحتياج ده اسمحلى اقولك انها غلط خالص !
والا بقا الاباء الكهنة اللى روحياتهم عالية اللى متجوزين مش هيكون عندهم ميول جنسية ومش هيمرسوا اى علاقة وهيكونوا مقصرين فى حق زوجاتهم ومش هيخلفوا ولا هيستمتعوا بالعلاقة اللى خلقها ربنا !!

جايز ميكونش احتياج اساسى , لكن يظل احتياج , يظل انه بيجى عليك وقت تحس انه احتياج "مُلح" , ده واقع مينفعش ننكره !!
ومين قالك ان الرهبان مش مسببلهم مشكلة ! طبعا مسببلهم مشكلة والا مكناش هنسمع عن حكايات الرهبان اللى بتسقط فى الخطايا دى وبتتوب , بس هما اختاروا الطريق ده وباعوا كل حاجة علشان ربنا وكل واحد واحتماله !
ولى عودة

 

[amgd beshara]

انام ختلف معاك جزريا يا اخ امجد

الاختلاف يجوز ان شاء الله

الاحتياج والميول الجنسية مش شهوة ومش خطية ! احنا اتولدنا بيها

انا مقلتش خالص ان دي خطية لكنها شهوة و في فرق كبير
الخطية هي مخالفة الوصايا اما الشهوة فهي الاحتياج الشديد
فألاكل شهوة لكنة مش خطية
و اتقال عن ربنا ان حلقة كلة مشتهيات .. لكن كلام ربنا طبعا نعمة مش نقمة

استخدامها الغلط هو اللى خطية , لكن الميول دى نفسها طبيعية ومقدسة جدا علشان استخدامها فى الزواج اللى ربنا بيباركه

باظبط كدة
و كمان وصية اكثروا و املآوا الارض كانت قبل السقوط .. يعني الاحتياج دة ربنا خلقة فينا لاجل الانجزاب الي الاخر و الحياة معة مش علشان انغلق علي نفسي و امارس كل متعة ليا لوحدي

وفكرة ان الروحيات بتمحى الاحتياج ده اسمحلى اقولك انها غلط خالص !
والا بقا الاباء الكهنة اللى روحياتهم عالية اللى متجوزين مش هيكون عندهم ميول جنسية ومش هيمرسوا اى علاقة وهيكونوا مقصرين فى حق زوجاتهم ومش هيخلفوا ولا هيستمتعوا بالعلاقة اللى خلقها ربنا !!

انت عمال تفهمني غلط علي فكرة
انا مقصدتش بتمحي الاحتياج الجنسي لكن من كتر شبعي و تفكيري في ربنا محاربات الشيطان في الموضوع دة بتقل و بتبقي سهلة جدا عليا
لان العقل الفارغ معمل لابليس
اما الجواز فهو رباط مقدس و مفيش فية اي خطية
بالعكس الرسول بيقول ليكن الزواج مكرما عند كل واحد و المضجع غير نجس
يعني في فرق بين الاحتياج الجنسي الشهواني و بين علاقة الزواج

جايز ميكونش احتياج اساسى , لكن يظل احتياج , يظل انه بيجى عليك وقت تحس انه احتياج "مُلح" , ده واقع مينفعش ننكره !!

لا طبعا انا مقدرش انكرة و علي فكرة انا كنت عايش في الخطية دي
و لما ابتديت اقرب من ربنا بطلت السجاير و كل حاجة تانية وحشة كنت بعملها في وقت قصير جدا
الا الخطية دي
لان كل حاجة بتشوفها بتفضل في الزاكرة لحد لما تملا مكانها حاجات تانية
و لما ابتديت املا مكانها تسبيح و عظات و تفاسير و صلاوات ابتدي تأثيرها عليا يقل واحدة واحدة
لما بيبقي الفكر مليان بربنا مفيش اي خطية تقدر عليك
و دي طبعا خطية بالنسبالنا

ومين قالك ان الرهبان مش مسببلهم مشكلة ! طبعا مسببلهم مشكلة والا مكناش هنسمع عن حكايات الرهبان اللى بتسقط فى الخياطا دى وبتتوب , بس هما اختاروا الطريق ده وباعوا كل حاجة علشان ربنا وكل واحد واحتماله !

هما ماباعوش كل حاجة علشان ربنا و كأنها اشياء ليها قيمة لكنهم حسبوها نفاية ملهاش اي قيمة قدام الحياة مع ربنا
اما قصص وقوع الرهبان في خطية فأنا مقلتش انهم ملايكة و منزهين عن الخطية
هما اكيد بيقعوا في خطايا كتير زي بقيت البشر
لكن لما تسمع القة من دول وتعرف ان الراهب طول بتوليتة عاش من غير الاحتياج دة يبقي اكيد مش صعب اني اعمل زية
هو مفيهوش حاجة زيادة عني
و طبعا كل واحد و احتمالة لكن استطيع كل شئ في المسيح

انا مش عايز اخد صورة الواعظ الناصح و اسف ان كان دة ظهر في كلامي
لكن انا بتكلم علي ان دي خطية زيها زي الكذب اقدر اتغلب عليها
ان كانت محتاجة شوية تعب وووقت لكن مش مستحيل

ولى عودة

افرح برجوعك اخويا الحبيب

 

[minatosaaziz]

مهند دا سمعت انه بيخون عمه وكريم دا قعد المسلسل كله مش وراه حاجة غير انه يثبت لفاطمة انه بيحبها حتى بعد حادثة اغتصابها !!!!!!

يعني دي مسلسلات تدور أحداثها في البيت وبس وبكده هي غير واقعية
ههههههههه

بالنسبة لمصطبتهم هم أحرار فيها وهي دي اهتماماتهم الى جانب المواضيع النقاشية ليهم في أماكن أخرى

​

أنا كلامي هزار ... أنا أساسا لا أشاهد المسلسلات ولا أعرف من هو مهند ولا من هو كريم ... وكلامي عن المصطبة هزار من باب الهزار ...
وفعلا أحسن حاجة التجاهل ...
انا بس زعلني كلام مينا البطل لانه حسسني اني أهوج وانا بحترم مينا خالص فزعلت من كلامه مش أكتر .

 

[++ كيرلس ++]

مافيش حل لا خطيئة فيه غير الزواج، ومن لا يستطيع ربنا يتولاه حتى يتزوج، غير كده مافيش كلام ولا حل، واعتقد لا يوجد فائدة في مزيد من الكلام لان الموضوع واضح، وانا في مداخلتي جبتلكم من الاخر. لو حد عنده حل يا ريت ينّورنا، لاني بصراحة مش عارف النقاش رايح فين.

 

[Critic]

خلاص يبقى كفاية كلام
شكرا على النقاش جميعا

 

[عبود عبده عبود]

انت عمال تفهمني غلط علي فكرة
يعني في فرق بين الاحتياج الجنسي الشهواني و بين علاقة الزواج

ياريت تشرح لى دى لو سمحت
لكن ثانية واحدة ...
لو متجوز أشرح لو مش متجوز
كأنك ما قرتش المشاركة دى خالص

 

[girgis2]

طبعاااا اللي عايز يتناقش في موضوع سابق يناقش وأدينا بنستفيد كلنا ولكن أنا عايز أسألكم آيه رأيكم نفتح موضوع أو طلب جديد قبل ما أنسى الفكرة :

بلاحظ ان معظم الموضوعات والبرامج الحوارية اللي بتتكلم عن علاقة الراجل مع المرأة بتتكلم من منظور أنثوي أو يغلب عليها الطابع ده

وده أنا مش عارف هل لأن الراجل خلاص بقى بيفهم كويس شخصية البنت اللي أمامه وبيقدر يفحصها في عمقها زي مهي بتدرسه كويس ؟!!

ولا ده عشان اهتمام المرأة بمعرفه أعماق الشخص اللي قدامها أكتر من الراجل ؟؟؟ وبالتبعية بتفرز الانسان اللي هي هترتبط بيه كويس وعشان كدة أسئلتها للشاب اللي هترتبط بيه أكتر وأعمق لو قارناها بأسئلة الشاب ليها مثلاااا - دا لو كان عنده أسئلة ممكن يسألها أصلاااا -

أنا في رأيي ان المرأة من وهي بنت قدام الناس بره لازم تظهر بمظهر البنت العسولة الرقيقة ..... وهكذا ولكن داخل بيتها مع جوزها فمفيش مانع المواهب التانية تظهر

المطلوب هنا في المصطبة هو :

- ازاي كل شاب يعرف احتياجاته - هو مش شاب غيره - في زوجته المستقبلية أو مواصفاتها عشان جوازه يكون جواز ناجح ؟

- وازاي يعرف شخصية البنت اللي قدامه عشان يختار صح ؟ آيه مثلاااا الأسئلة اللي ممكن يكتشف بيها مواهبها المخفية مش اللي بتظهر بيها قدام الناس ؟

- لسة سامع في برنامج مثلاااا ان الزوج لازم يكون بيتوتي أو يحب جو البيت والزوجة لازم تكون ست بيت عشان يكون الزواج ناجح ؟ آيه رأيكم ؟

​

 

[amgd beshara]

ياريت تشرح لى دى لو سمحت
لكن ثانية واحدة ...
لو متجوز أشرح لو مش متجوز
كأنك ما قرتش المشاركة دى خالص

ههههههههههههههه
هو انا مش متجوز
بس هي بسيطة اوي اللاحتياج الجنسي الشهواني انا اقصد بية الاحتياج لفعل الخطية
لكن علاقة الجواز دي حاجة تانية فيها احتياج جنسي لكنة مش خطية
فالخطية في الاحتياج الجنسي هو استخدامة الخاظئ كشهوة لفعل الجنس كجنس مجرد من اي شئ ( مشاعر - عطاء - ...... )
يا رب تكون وضحت

وبعدين كمل اختبارك علشان انا نفسي اعرف حصل اية بعد كدة
انت سبتنا في اهم نقطة لما ابتديت تكتشف المسيحية :t19:

 

[عبود عبده عبود]

وبعدين كمل اختبارك علشان انا نفسي اعرف حصل اية بعد كدة
انت سبتنا في اهم نقطة لما ابتديت تكتشف المسيحية :t19:

الأختبار هيكمل بعد التعميد ان شاء الله

 

[++ كيرلس ++]

طبعاااا اللي عايز يتناقش في موضوع سابق يناقش وأدينا بنستفيد كلنا ولكن أنا عايز أسألكم آيه رأيكم نفتح موضوع أو طلب جديد قبل ما أنسى الفكرة :

بلاحظ ان معظم الموضوعات والبرامج الحوارية اللي بتتكلم عن علاقة الراجل مع المرأة بتتكلم من منظور أنثوي أو يغلب عليها الطابع ده

وده أنا مش عارف هل لأن الراجل خلاص بقى بيفهم كويس شخصية البنت اللي أمامه وبيقدر يفحصها في عمقها زي مهي بتدرسه كويس ؟!!

ولا ده عشان اهتمام المرأة بمعرفه أعماق الشخص اللي قدامها أكتر من الراجل ؟؟؟ وبالتبعية بتفرز الانسان اللي هي هترتبط بيه كويس وعشان كدة أسئلتها للشاب اللي هترتبط بيه أكتر وأعمق لو قارناها بأسئلة الشاب ليها مثلاااا - دا لو كان عنده أسئلة ممكن يسألها أصلاااا -

أنا في رأيي ان المرأة من وهي بنت قدام الناس بره لازم تظهر بمظهر البنت العسولة الرقيقة ..... وهكذا ولكن داخل بيتها مع جوزها فمفيش مانع المواهب التانية تظهر

المطلوب هنا في المصطبة هو :

- ازاي كل شاب يعرف احتياجاته - هو مش شاب غيره - في زوجته المستقبلية أو مواصفاتها عشان جوازه يكون جواز ناجح ؟

- وازاي يعرف شخصية البنت اللي قدامه عشان يختار صح ؟ آيه مثلاااا الأسئلة اللي ممكن يكتشف بيها مواهبها المخفية مش اللي بتظهر بيها قدام الناس ؟

- لسة سامع في برنامج مثلاااا ان الزوج لازم يكون بيتوتي أو يحب جو البيت والزوجة لازم تكون ست بيت عشان يكون الزواج ناجح ؟ آيه رأيكم ؟

​

موضوع حلو يا جرجس. بص، انا عندي اقتناع ان المراة الفاضلة هي هدية من ربنا، كدة من غير مجاملة، ومهما وضعت صفات لزوجة المستقبل وحاولت تطبقها على البنات، ستفشل. سليمان النبي مش من فراغ قال: "امراة فاضلة من يجدها" و "المال والبيوت فهي من الاباء اما المراة الفاضلة فمن الرب". الكلام ده حقيقي، وعن تجربة بقولك.

البنات، بشكل عام، في مجتمعنا الشرقي المنافق، ليهم شخصيتين، ممكن تكون معك بوجه ومن وراك لها وجه اخر. بالاضافة ان طبيعة العلاقات في فترة الخطوبة لا تسمح لك ان تعرف النواقص الحقيقية في الشخصية. هذا يذكرني بنكتة سمعتها، عن واحد تزوج بعد طول انتظار، فبدات زوجة تحضر نفسها للنوم ليلة الدخلة، خلعت حواجبها الصناعية ورمتهم على الكنبة، خلعت الرموش الصناعية ورمتهم على الكنبة، خلعت الشعر الصناعي ورمتهم على الكنبة، خلعت الاظافر الصناعية ورمتهم على الكنبة، والزوج ينظر لها وهو مصدوم، قالت له: يالله يا حبيبي على النوم، بص لها وقال: لا معلش، انا بفضّل انام على الكنبة مع الاغلبية.

 

[girgis2]

موضوع حلو يا جرجس.

طيب كويس ان الموضوع عجبك
​

بص، انا عندي اقتناع ان المراة الفاضلة هي هدية من ربنا، كدة من غير مجاملة، ومهما وضعت صفات لزوجة المستقبل وحاولت تطبقها على البنات، ستفشل.

الله يطمنك :t19:
أهو على الأقل الواحد يعمل اللي عليه عشان شرف المحاولة بس
وربنا عليه الباقي
​

سليمان النبي مش من فراغ قال: "امراة فاضلة من يجدها" و "المال والبيوت فهي من الاباء اما المراة الفاضلة فمن الرب".

مرة واحد قريبي كان بيهزر وعلق على تعبير - من يجدها - ده ؟ انه اسلوب انشائي نوعه استفهام غرضه النفي ههههههه

الكلام ده حقيقي، وعن تجربة بقولك.

طيب بما ان حضرتك بتتكلم عن تجربة

طبعاااا ربنا هو الأول في كل شيئ لكن هل كل المسؤلية بتقع على ربنا يعني مفيش مجهود مننا خالص كدة في ان كل شاب فينا يعرف نفسه ويعرف احتياجاته وبالتبعية يعرف مواصفات الفتاة المناسبة ليه وازاي يكتشفها وسط الفتيات ؟؟؟؟

​

البنات، بشكل عام، في مجتمعنا الشرقي المنافق، ليهم شخصيتين، ممكن تكون معك بوجه ومن وراك لها وجه اخر.

هو بالفعل ده مجتمعنا شئنا أم أبينا ومش هنعرف نغيره فخلينا في اللي نقدر عليه

بالاضافة ان طبيعة العلاقات في فترة الخطوبة لا تسمح لك ان تعرف النواقص الحقيقية في الشخصية.

امممممم تحدي كبير فعلاااا
طيب وبعدين ؟!!
​

هذا يذكرني بنكتة سمعتها، عن واحد تزوج بعد طول انتظار، فبدات زوجة تحضر نفسها للنوم ليلة الدخلة، خلعت حواجبها الصناعية ورمتهم على الكنبة، خلعت الرموش الصناعية ورمتهم على الكنبة، خلعت الشعر الصناعي ورمتهم على الكنبة، خلعت الاظافر الصناعية ورمتهم على الكنبة، والزوج ينظر لها وهو مصدوم، قالت له: يالله يا حبيبي على النوم، بص لها وقال: لا معلش، انا بفضّل انام على الكنبة مع الاغلبية.

هههههههه
​

 

[تيمو]

طيب لما احتياجك الجنسى بيزن عليك بتعمل ايه ؟!!

هلا شوف يا عم ، يمكن أنا أكون غلط ، بس بشكل عام ، الإحتياج ما بيجي غير لما يكون حد معين ببالي (ما بحكي عن ايام المراهقة يوم ما كان الموضوع على الهواء بيجي )، واحتياجي بكون نابع من كوني حابب أكون مع هاي الشخصة تحديداً ، وحابب أعيش معها بقية عمري ...

نرجع للموضوع ، بشكل عام ، الشخص المشغول ما بفكر كثير بالموضوع ، لذلك بحس إنو الحل الأفضل إنو الشخص يملأ حياتو بأمور معينة ، ويبتعد عن انو يكون لحالو قدر الإمكان .. الموضوع مش موضوع خطيئة بقدر ما هو موضوع فراغ بحياة الشخص ومش عارف كيف يملأه ؟ الخدمة مهمة ، التواجد بين الناس مهم ، الإنشغال مهم ، أي نشاط اجتماعي مهم ، حتى الدراسة والقراءة والأمور الروحية مثل ما ذكرتوا انتو ...

بلاحظ ان معظم الموضوعات والبرامج الحوارية اللي بتتكلم عن علاقة الراجل مع المرأة بتتكلم من منظور أنثوي أو يغلب عليها الطابع ده

لأنو المنظور الأنثوي معقد شوي ، البنت عشان تتعامل معها بدك كاتلوج لتفهم عليها ، وكل ردود أفعالها مش مفهومة ، بمرة قرأت مقولة بما معناه: أحتاج فهم رجل واحد لأفهم كل رجال العالم ، بينما أحتاج فهم كل نساء العالم لفهم إمرأة واحدة !!

 

[+إيرينى+]

- لسة سامع في برنامج مثلاااا ان الزوج لازم يكون بيتوتي أو يحب جو البيت والزوجة لازم تكون ست بيت عشان يكون الزواج ناجح ؟ آيه رأيكم ؟

​

يا ساتر يارب

الراجل يقعد فى البيت

يا مصيبتى السودة

أنهو برنامج دا

...إوعى تتفرج عليه

 

[marcelino]

بلاحظ ان معظم الموضوعات والبرامج الحوارية اللي بتتكلم عن علاقة الراجل مع المرأة بتتكلم من منظور أنثوي أو يغلب عليها الطابع ده

وده أنا مش عارف هل لأن الراجل خلاص بقى بيفهم كويس شخصية البنت اللي أمامه وبيقدر يفحصها في عمقها زي مهي بتدرسه كويس ؟!!

ولا ده عشان اهتمام المرأة بمعرفه أعماق الشخص اللي قدامها أكتر من الراجل ؟؟؟ وبالتبعية بتفرز الانسان اللي هي هترتبط بيه كويس وعشان كدة أسئلتها للشاب اللي هترتبط بيه أكتر وأعمق لو قارناها بأسئلة الشاب ليها مثلاااا - دا لو كان عنده أسئلة ممكن يسألها أصلاااا -

أنا في رأيي ان المرأة من وهي بنت قدام الناس بره لازم تظهر بمظهر البنت العسولة الرقيقة ..... وهكذا ولكن داخل بيتها مع جوزها فمفيش مانع المواهب التانية تظهر

المطلوب هنا في المصطبة هو :

- ازاي كل شاب يعرف احتياجاته - هو مش شاب غيره - في زوجته المستقبلية أو مواصفاتها عشان جوازه يكون جواز ناجح ؟

- وازاي يعرف شخصية البنت اللي قدامه عشان يختار صح ؟ آيه مثلاااا الأسئلة اللي ممكن يكتشف بيها مواهبها المخفية مش اللي بتظهر بيها قدام الناس ؟

- لسة سامع في برنامج مثلاااا ان الزوج لازم يكون بيتوتي أو يحب جو البيت والزوجة لازم تكون ست بيت عشان يكون الزواج ناجح ؟ آيه رأيكم ؟

بص يا جرجس .. ولا دراسه ولا قوانين ولا عوامل ولا اسباب

الموضوع بأختصار : الناس عامه بتظهر فى المواقف

والبنت نفس الكلام مش هتعرفها على حقيقتها غير فى المواقف

لازم موقف يحصل ويطعلك المواهب المخفيه وانت ونصيبك بقى ..


يعنى لو النبت عايشه دور الرقيقه اللى زى النسمه .. لازم هايحصل موقف معين تظهرلك صورة امنا الغوله دة لو هى كدة فعلا يعنى .. زى الاعلان بتاع درويتوس دة على ما اعتقد .. بحبه اوى الاعلان دة بيعجبنى لان نسبه كبيره من البنات كدة

ومش كلام احصائيات دة كلام واقعى بشوفه بعنيا وبحسه ساعات من كلامى مع اى بنت

ما علينا .. فى الارتباط متمشيش على دراسات وبرامج الحاجات دى مش هتاكل معاك ولا هتفيدك

حط البنت فى موقف وشوفها على حقيقتها .. أستفز حقيقتها من جواها ..

ومش شرط يكون موقف صعب يعنى بالعكس فى ناس بتظهر على حقيقتها فى ابسط المواقف بس الناصح اللى ياخد باله ويبقى فاهم كل كبيره وصغيره ..



​

 

[عبود عبده عبود]

ممكن اطرح سؤال حرج جدا ,
طيب لما احتياجك الجنسى بيزن عليك بتعمل ايه ؟!!
هل تهرب منه ؟ تكبته ؟ تلهى نفسك عنه ؟! تنكره اصلا !!!

بتحاول تلهى نفسك عنه ...ودة الأصح
تنكره دى مستحيلة وغلط كمان لأن الأنكار هيجيب نتيجة عكسية ...
هو مش سؤال حرج ولكنه سؤال ( خاص )
ماينفعش تدخل جوه خصوصيات حد بتعمل أية وبتتصرف أزاى
لأنك مش هتحصل على أجابة صريحة إلا على سبيل التهريج الشبابى ...
عندك مثلاً اللى كان متجوز قبل كدة ...تلاقيه غرقان فى الشغل بدون ما يدرى ويخترع لنفسه شغل أضافى ...مجرد تلاهى
وهكذا ...
الإنكار مش هيفيدك :new6:

 

[apostle.paul]

الله الله دا فى تطور جامد اوى

وروك على علم بالموضوع دا ولا اجبهولكم هنا؟؟؟؟؟؟

 

[++ كيرلس ++]

الله الله دا فى تطور جامد اوى

وروك على علم بالموضوع دا ولا اجبهولكم هنا؟؟؟؟؟؟

اللهم اني صائم