المصطبه الرجالى

[marcelino]

سؤال للرجال واللي عايز يجاوب يبقى يجاوب بصراحة لأن ده موضوعنا واللي مش عاجبه :a82:

آيه رأي الرجال في المرأة الذكية ؟

يعني هل تقبل أنت كرجل انك ترتبط بزوجة أكثر ذكاء منك ؟ أم لا ؟

ولماذا ؟

أنا شخصياااا أعتقد ان المرأة نفسها لا ترضى أو لا تقتنع بمن أقل منها ذكاءااا
​

أحبها تكملنى وأكملها محدش احسن من حد ومحدش اقل من حد


أى حد فينا يحتوى التانى لاننا كلنا بنمر بلحظات ضعف

محبش اسحب واحدة ورايا يمين يمين شمال شمال

أحب اسمع رأيها ولو صح يمشى أحبها تكملى المعلومه اللى ناقصانى مش تاخد دور المُستقبل اللى بيستقبل معلومات وينفذ وبس

الموضوع محتاج الايمان بموضوع المساواة يبقى مريح اكتر لصاحبه
​

 

[girgis2]

الذكاء صفة رائعة ومن مميزات اي انسان!
لكن اللي انا عاوزه مش الذكاء العقلي الذي لا يظهر الا في الدراسة او في العمليات العقلية المعقدة او حتى الذكاء الاجتماعي فانا اعرف أصدقاء أذكياء دراسيا واجتماعيا ايضا ومن حيث الشخصية فهم لا شيء ! اذن اللي انا عاوزة هو الشخصية الجذابة والانسانة المفكرة والمثقفة الي هتعيش معايا !


ذكية مين دي .... ده اذكى بنت تتمتع بقدر من التفاهة ( سوري يعني ) يخلي اعبط عيل اذكى منها !
لو في الجد : لا طبعا لازم اكون السيد في كل حاجة .... وعلى العموم دي حاجة متقلقش لاني شايف نفسي عبقري ( واعوذ بالله من قولة انا ) وكل اللي اتعاملت معاهم من بنات بصراحة جعلوني اشعر ان الكائن المسمى بالمرأة ذكاؤه قليل مهما كان التفاوت في اصنافه وانواعه ( مع حبي وتقديري وعشقي للكائن ده برده )/SIZE]

البساطة في التعامل واختلاف الاهتمامات لا تعني بالضرورة قلة ذكاء أو تفاهة

لما يكون فيه مخ تاني بيفكر معاك ليساعدك في اتخاذ قرارات تهمك أنت شخصياااا وتهم مستقبلك وتهم الأسرة ككل وخصوصاااا لما يكون صاحب المخ ده شخص يهمه مصلحتك ومصلحة الأسرة هيكون أفضل

شكرااا لردك واضافتك
​

لا
مش نقص
بس هحس انى مش محتويها

حلوة النقطة دي وجدلية أيضاااا
اذن لكي يستوعب الشخص غيره ويحتويه لابد أن يكون أكثر حكمة منه

شكرااا لردك واضافتك

​

أحبها تكملنى وأكملها محدش احسن من حد ومحدش اقل من حد


أى حد فينا يحتوى التانى لاننا كلنا بنمر بلحظات ضعف

محبش اسحب واحدة ورايا يمين يمين شمال شمال

أحب اسمع رأيها ولو صح يمشى أحبها تكملى المعلومه اللى ناقصانى مش تاخد دور المُستقبل اللى بيستقبل معلومات وينفذ وبس

الموضوع محتاج الايمان بموضوع المساواة يبقى مريح اكتر لصاحبه
​

يبقى اذن الكلام ده ينطبق على الزوجة الحكيمة وليست الذكية فقط

المرأة الحكيمة هي التي تكمل الرجل وتستوعبه وقت ضعفه وفي نفس الوقت تهابه وتحترمه وحتى عندما تعطي له نصيحة أو رأي فيكون ذلك بكياسة ولباقة وبدون أن يشعر بانتقاص من شأنه أو مكانته كرب أسرة

شكرااا لردك واضافتك

​

 

[marcelino]

يبقى اذن الكلام ده ينطبق على الزوجة الحكيمة وليست الذكية فقط

المرأة الحكيمة هي التي تكمل الرجل وتستوعبه وقت ضعفه وفي نفس الوقت تهابه وتحترمه وحتى عندما تعطي له نصيحة أو رأي فيكون ذلك بكياسة ولباقة وبدون أن يشعر بانتقاص من شأنه أو مكانته كرب أسرة

شكرااا لردك واضافتك

اختلفت المسميان والنتيجه واحدة

الوضع الطبيعى : الرجل والمرأة بيكملوا بعض مافيش أى داعى لتفوق اى طرف على التانى بالعكس التساوى فى كل حاجه احسن ورايح
​

 

[girgis2]

اختلفت المسميان والنتيجه واحدة

الوضع الطبيعى : الرجل والمرأة بيكملوا بعض مافيش أى داعى لتفوق اى طرف على التانى بالعكس التساوى فى كل حاجه احسن ورايح
​

ماذا تعني بكلمة تساوي ؟

هل بمعنى توافق في مميزات كل طرف ؟
​

 

[marcelino]

ماذا تعني بكلمة تساوي ؟

هل بمعنى توافق في مميزات كل طرف ؟
​

لا اقصد الكلمه نفسها تساوى فى كل شى

مميزات عيوب قيادة التزامات مسؤليات
​

 

[girgis2]

لا اقصد الكلمه نفسها تساوى فى كل شى

مميزات عيوب قيادة التزامات مسؤليات
​

لو كان في تساوي بين البشر في كل شيئ كان زمان مفيش فروق طبيعية بينهم ومكانش فيه طرف يحتاج لطرف آخر يكمله

الكلام كدة عام على حاجات كتير

خلينا في موضوعنا وسؤالنا المحدد وهو الذكاء:

لما شاب يرتبط بفتاة وهي أذكى (اجتماعياااا مثلاااا أو حتى علمياااا) فهل ده هيكون ارتباط ناجح ؟ ولماذا عملياااا ؟

​

 

[Critic]

لما شاب يرتبط بفتاة وهي أذكى (اجتماعياااا مثلاااا أو حتى علمياااا) فهل ده هيكون ارتباط ناجح ؟ ولماذا عملياااا ؟

اللى مش مضايقه الموضوع ده يبقى مش هيسببله مشكلة

 

[marcelino]

خلونا نغير الموضوع
​

 

[marcelino]

قبل الزواج فكر قليلاً .. فسيكون هذا هو آخر قرار تتخذه بمفردك في كل حياتك بعد ذلك ..

+++++

فى فكره معينه فى دماغى عايز اناقش فيها الشباب

وهى قيد الزواج او قيد الارتباط بصفه عامه

برغم الجوانب الايجابيه للارتباط لكنى عندى صورة ضخمه للجوانب السلبيه

ومنها موضوع القيد دة لانى بطبعى متحرر مش بحب اتقيد بحاجه او بحد

أعمل اى حاجه وقت ما احب

لكن فى الاتباط هايبقى وضع تانى ماينقعش تروح الحته الفلانيه خير مع خطيبتك او زوجتك

ماينفعش تروح المناسبه الفلانيه من غيرها مانيفعش تشترى حاجه من غيرها

وقائمه ماينفعش كتير لازم تاخد بالك منها والا غضب ربنا هاينزل عليك

جنبها قائمه : لازم

لازم تروحلها على طول فى الخطوبه يعنى لازم تاخد هديه لازم تخلى بالك
من باقى أسرتها .. لازم مش عارف تعمل ايه لازم تحفظ كل اعياد الميلاد
و لازم و لازم لحد ما لازم تتشل ..


انا شايف ان الارتباط ماهو الا قيد ثقيل حد هيشاركك فى كل حاجه

حتى مكان النوم (انا بحب انام لوحدى) حتى الكلام حتى الهدوء .. الخروج

الزيارات المناسبات كل حاجه كل حاجه

لو عايز تقعد لوحدك مش هاينفع لازم تشاركك فى وحدتك

مبقتش وحدة كدة بقى جمعيه


ايجابيات الارتباط انا حافظها كلها عن ظهر قلب وعارف انه استقرار نفسي
وراحه من جوانب كتيره الخ الخ

سيبنا من المثاليات دلوقتى خلينا فى الرخمات والغلسات بتاعت الارتباط

المشكله فى حاجه زى ما انيس منصور قالها الواحد وهو عازب مايعرفش قيمه النعمه اللى هو فيها غير لما يتجوز

بس خلاص بيبقى لبس فى الحيط


ممكن تتجوز واحدة تطلع نكديه !! يبقى شكرا انت كدة أنتحر ارحم

محدش يقولى انت اللى تتحكم فى كدة او ماتخليهاش نكديه

لالالا دة كلام كتب ومحاضرات .. فى اشخاص بطبعهم نكددديين

هى متعرفش تعيش من غير نكد وكمان ممكن متبقاش حاسه بنفسها
لو جيت صارحتها بكدة تبصلك بأستغراب شديد !!!

ممكن تتجوز واحدة بارده مافيش أى احساس عندها

اهى شخص محسوب عليك وخانقك فى الحر وخلاص
على قلة فايده

مش حاسس أن فى انثى معاك فى البيت
واحدة بارده او واحدة راجل مفرقتش كتير

وتفضل انت بين نارين ( كرجل محترم) مش عايز تخون (اللى محسوبه مراتك) وفى نفس الوقت عايز تعيش حياتك كشاب او على الاقل ترجع لمرحله الاختيار علشان تقول لالالالالا مش هعمل كدة ..


محدش يقول عليا مجنون .. دى افكارى اللى مش عارف أغيرها


​

 

[Critic]

لكن فى الاتباط هايبقى وضع تانى ماينقعش تروح الحته الفلانيه خير مع خطيبتك او زوجتك

مين قال كدة ؟ ما هو الوضع ده هو اللى مكره الأزواج فى الزواج , وطبعا ده مش وضع صح !
انا لو عايز اروح مكان , وهى مش موافقة , هروحه لوحدى , ايه المشكلة ؟ هقلولها طيب براحتك ومش هضغط عليكى بس انا فعلا نفسى اروح فهروح , طبعا مش هيكون بمتعة انها تكون معايا , بس اهو ده الخيار التانى
نفس الكلام معكوس , يعنى لو هى عايزة تروح حتة , رحلة مثلا , والرحلة دى مش جاية على هوايا , هتروح لوحدها
طبعا مش كل حاجة هتكون منفصلة , بس اكيد هتكون فيه حاجات منفصلة لأن مش كل حاجة احنا الاتنين بنحبها بنفس المقدار , وده مش سلبى على فكرة ده بيخلق جو من الحرية , والشوق للطرف الآخر , ده رأيى

 

[marcelino]

مين قال كدة ؟ ما هو الوضع ده هو اللى مكره الأزواج فى الزواج , وطبعا ده مش وضع صح !
انا لو عايز اروح مكان , وهى مش موافقة , هروحه لوحدى , ايه المشكلة ؟ هقلولها طيب براحتك ومش هضغط عليكى بس انا فعلا نفسى اروح فهروح , طبعا مش هيكون بمتعة انها تكون معايا , بس اهو ده الخيار التانى
نفس الكلام معكوس , يعنى لو هى عايزة تروح حتة , رحلة مثلا , والرحلة دى مش جاية على هوايا , هتروح لوحدها
طبعا مش كل حاجة هتكون منفصلة , بس اكيد هتكون فيه حاجات منفصلة لأن مش كل حاجة احنا الاتنين بنحبها بنفس المقدار , وده مش سلبى على فكرة ده بيخلق جو من الحرية , والشوق للطرف الآخر , ده رأيى

كريتك .. !! احنا فى مصر يا عم او فى مجتمع عربى بمعنى أصح

انت لو قولت عايز أقعد لوحدك يبقى فيها محاكمه وحكم فورى بالاعدام


تقعد لوحدك ليه ؟ وتفكر فى ايه ؟ فكر بصوت عالى علشان اسمعك الخ الخ الخ

عايز بقى انت تيجى تقولها انا رايح رحله من غيرك ؟ وفيها بنات ؟

راجع مشاركتك وكلامك كويس .. مراجعه مقترنه بمعرفتك بالبنت العربيه ..

انا اصلا بتكلم عن القيد لانها مش هتسيبك تخرج من باب البيت غير وهى معاك
​

 

[Critic]

عايز بقى انت تيجى تقولها انا رايح رحله من غيرك ؟ وفيها بنات ؟

راجع مشاركتك وكلامك كويس .. مراجعه مقترنه بمعرفتك بالبنت العربيه ..

يا معلم انا عارف انا بقول ايه
صوابعك مش زى بعضها , انا اعرف ناس بتعمل زى ما انا كتبت عادى جدا
مش علشان اعراف المجتمع بتقول كذا يبقى انتهينا وهطبق ده على علاقتى غصب عنى
انا اسلوبى هيكون كدة , وهعرفها كدة من فترة الخطوبة , اللى عاجبها اهلا وسهلا مش عاجبها خلاص هى حرة
لازم تتقبل فكرة ان مش كل حاجة فى العالم هنعملها مع بعض لان مش كل حاجة انا بحبها هى هتحبها
افرض عايز اروح القهوة يعنى هتروح معايا ؟!!

 

[sparrow]

انا عارفه ان الموضوع للرجال
بس حبيت اوضح نقطه
لما يكون الاتنين علي قدر من النضج والعلم بثقافه الاخر هيبقي في مساحه للحريه ودا عن تجربه
يعني هتسيبك تمارس هواياتك وتخرج لوحدك وانت كمان هتسبها تعمل كده
يعني الارتباط لو الاتنين ناضجين مش بيبقي ابدا قيد ولا كتم نفس

 

[Strident]

قبل الزواج فكر قليلاً .. فسيكون هذا هو آخر قرار تتخذه بمفردك في كل حياتك بعد ذلك ..

+++++

فى فكره معينه فى دماغى عايز اناقش فيها الشباب

وهى قيد الزواج او قيد الارتباط بصفه عامه

برغم الجوانب الايجابيه للارتباط لكنى عندى صورة ضخمه للجوانب السلبيه

ومنها موضوع القيد دة لانى بطبعى متحرر مش بحب اتقيد بحاجه او بحد

أعمل اى حاجه وقت ما احب

لكن فى الاتباط هايبقى وضع تانى ماينقعش تروح الحته الفلانيه خير مع خطيبتك او زوجتك

ماينفعش تروح المناسبه الفلانيه من غيرها مانيفعش تشترى حاجه من غيرها

وقائمه ماينفعش كتير لازم تاخد بالك منها والا غضب ربنا هاينزل عليك

جنبها قائمه : لازم

لازم تروحلها على طول فى الخطوبه يعنى لازم تاخد هديه لازم تخلى بالك
من باقى أسرتها .. لازم مش عارف تعمل ايه لازم تحفظ كل اعياد الميلاد
و لازم و لازم لحد ما لازم تتشل ..


انا شايف ان الارتباط ماهو الا قيد ثقيل حد هيشاركك فى كل حاجه

حتى مكان النوم (انا بحب انام لوحدى) حتى الكلام حتى الهدوء .. الخروج

الزيارات المناسبات كل حاجه كل حاجه

لو عايز تقعد لوحدك مش هاينفع لازم تشاركك فى وحدتك

مبقتش وحدة كدة بقى جمعيه


ايجابيات الارتباط انا حافظها كلها عن ظهر قلب وعارف انه استقرار نفسي
وراحه من جوانب كتيره الخ الخ

سيبنا من المثاليات دلوقتى خلينا فى الرخمات والغلسات بتاعت الارتباط

المشكله فى حاجه زى ما انيس منصور قالها الواحد وهو عازب مايعرفش قيمه النعمه اللى هو فيها غير لما يتجوز

بس خلاص بيبقى لبس فى الحيط


ممكن تتجوز واحدة تطلع نكديه !! يبقى شكرا انت كدة أنتحر ارحم

محدش يقولى انت اللى تتحكم فى كدة او ماتخليهاش نكديه

لالالا دة كلام كتب ومحاضرات .. فى اشخاص بطبعهم نكددديين

هى متعرفش تعيش من غير نكد وكمان ممكن متبقاش حاسه بنفسها
لو جيت صارحتها بكدة تبصلك بأستغراب شديد !!!

ممكن تتجوز واحدة بارده مافيش أى احساس عندها

اهى شخص محسوب عليك وخانقك فى الحر وخلاص
على قلة فايده

مش حاسس أن فى انثى معاك فى البيت
واحدة بارده او واحدة راجل مفرقتش كتير

وتفضل انت بين نارين ( كرجل محترم) مش عايز تخون (اللى محسوبه مراتك) وفى نفس الوقت عايز تعيش حياتك كشاب او على الاقل ترجع لمرحله الاختيار علشان تقول لالالالالا مش هعمل كدة ..


محدش يقول عليا مجنون .. دى افكارى اللى مش عارف أغيرها


​

زي ما الناس قالت فوق...النضج يعطي حرية وغيره...
بس انا شخصياً....عندما اتزوج بمن احب....سافضل ان اقضي معها وقتي عن ان افعل شيء بمفردي...على الاقل في معظم الاحيان...

 

[sha2awet 2alam]

لا بقا انتو زودتوها و انا ساكتة من اول البتاع دة و بتابع فى صمت ... انا هروح انادى حد من الادارة يقفل البتاع دة بالشمع الاحمر .. قاعدين تقطعو فى فروتنا و مش من حقنا نتكلم ؟؟؟؟؟؟؟؟؟ اييييييييييييييييييييييه الظلم دة ؟؟؟؟

 

[My Rock]

تم حذف الردود الاخيرة
ممنوع منعا باتا وصوصف بعضنا البعض بالقبح
هذا خط احمر لا اسمح بتخطيه
ساكتفي بالحذف هذه المرة لكن احذر من تكرار هذه الالفاظ وهذه التعديات

 

[Strident]

طب ده سؤال جامد جداً للمصطبة:


ايه رايكم يا جماعة في موضوع خوف المصريين من الحرية؟

تﻻقي دايماً المصريين يقول لك ﻻ...الحرية المطلقة ﻷ...انتو مش شايفين الغرب والانحﻻل؟ وكل واحد عايز يقيد حرية المجتمع حماية للاخﻻق...

ماهو م الاخر كده....هل خايف على نفسك لو خدت الحرية تغلط؟ خﻻص يبقى المشكلة فيك مش في الحرية... يعني مثﻻً....انت ليه مهم عندك تمنع جارك من الزنا مثﻻً؟ ماهو زي ما انت شايف الزنا غلط...فيه واحد شايف ان مجرد خروج مراتك من غير حجاب غلط...

او مثﻻً ترفض حرية التعبير على الناس...زي انهم ينقدوا ناس معينة انت بتحبهم وبتقدرهم جداً....
انت بكده بتعترف تماماً انك ضد حرية التعبير.....ماهو الحرية ﻻزم تتحمل تبعاتها...

ربنا ادانا الحرية....وهو مستعد تماماً لكافة التبعات...زي ان احنا نبعد عنه ونختار مصيرنا في الخطية بعيد عنه!

 

[girgis2]

ايه رايكم يا جماعة في موضوع خوف المصريين من الحرية؟

أعتقد ان دا مش موضوع رجالي بحت

دا موضوع عام لكل البشر
​

 

[oesi no]

وشربت حجرين على الشيشه تيراراااراارارررررررررا

 

[Strident]

يا عم مصطبة رجالي مين انت صدقت؟

ده الرقابة على رقبتكو كلكو.....

شد شد...