- إنضم
- 23 يناير 2012
- المشاركات
- 5,276
- مستوى التفاعل
- 1,807
- النقاط
- 0
انا جه ههههههه
انت نوٌر :smile01
عايز اعرف راي شقاوة
و انا كمان عايزة اعرفه :smile01
ما اجمل شىء وما اسوأ شىء فى الحياة ؟
اجمل شئ فى الحياة الحب ... و اسوء شئ فى الحياة تقلباتها اللى مش مضمونة ابدا
حاجه حصلت في حياتك غيرت تفكيرك او مجري حياتك
مفيش محطة معينة بس اقدر اقولك ان مفيش فترة بتعدى عليا من غير ما تغير فى تفكيرى ... مجرد مقابلتى مع الناس بتغير فيا كتير
كلمة تتمني تسمعيها كل يوم
ممم اى كلمة حلوة من حد بيبحبنى بجد اتمنى اسمعها و ياريتها تبقى كل يوم باسلوب مختلف فى وقت مش محدد عشان تبقى اجمل :t23:
مبادىء بتتمسكي بيها جدا ؟
فيه مقولة رائعة للامام الشافعى بتقول رأى صواب يحتمل الخطأ و رأى غيرى خطأ يحتمل الصواب ... دى تعتبر المبدأ الاعظم اللى ماشية بيه فى الدنيا
احلى ذكري فى حياتك ؟
ذكريات طفولتى و لعبى مع صحابى الصغننين كانت اجمل ايامى و مش ناسية منها حاجة
موقع مضحك حصل معاكي ومقدرتيش تمسكي نفسك من الضحك ؟؟
لا كتير :smile01 واحد منهم انى مرة كنت مروحة و لابسة كوتشى ضخم كدة رياضى و الكوتشى اتقطع و انا فى النادى فقولت اعدى اشترى حاجة البسها مش هكلم المشوار كدة فعديت على محل حلو و شيك اوى و دخلت اشتريت شوز ظريف كدة و قلعت الكوتشى و حطيته فى الشنطة بتاعت الشوز المشكلة ان الشنطة دى كانت كرتون و من تحت مش ملصوقة كويس فمشيت شوية و انا بعدى الشارع حسيت الشنطة بتخف فببص اتاريها اتقطعت و فردة كوتشى واقعة فى نص الشارع و الرباط بتاع الفردة التانية نازل من الشنطة و انا شوفت المنظر و موت من الضحك و مش عارفة ارجع اجيبها ولا عارفة ابطل ضحك :smile01
ايه اكتر مشكلة عملتيها وانت صغيره؟
فتنة طائفية مرة بين المسلمين و المسيحين فى المدرسة :budo:
ايه العقاب اللى اتعقبتيه قبل كده فى المدرسه وعمرك ماهتنسيه؟
ولا حاجة طلبو ولى امرى و كنت هاخد رفد 3 ايام بس ربنا ستر
لما بيجيليك حاله خنقه بتعملي ايه؟
بسمع موسيقى و احاول اقرا اى حاجة بحبها :66:
ايه اكثر صفة بتكرهيها في شقاوة؟ واكثر صفة بتحبيها ؟
بكره خجلى الزايد جايبنى ورا و الناس بتتريق عليه كتير :fun_oops: و بحب الشقاوة و الهزار :ura1:
مين اكتر شخص بتحبي تتكلمي معاه؟
الشخص اللى بيعرف يسمع كويس من غير ما يتعبنى بكلام كتير
ايه اكتر موقف حسيتي فيه انك زعلتي ربنا جدا منك ؟وعملتي ايه ؟
اما اخدت فترة كنت مغرورة ربنا زعل منى و شد ودنى شدة جامدة اوى ... و نشكر ربنا فوقت و رجعتله اعتذرت و عيطت لدرجة هستيرية بس و هو سامحنى و ساعدنى اوى
بتعملي ايه لو اتعاكستي في الشارع ؟ و ايه شعورك ساعتها ؟
بعمل نفسى من بنها ولا سامعة ولا كأن الشخص دة بيكلمنى ..... بحس بالمهانة لان اغلبهم بتبقى المعاكسات مش محترمة و حتى لو محترمة انا مش بنزل من بيتنا عشان اخد رأى جلالتهم فى شكلى انهاردة عامل ايه .. و هما فاكرينه واجب وطنى و بيرفعو روحنا المعنوية :smile01
و كفاية كده النهاردة و يبقي فاضلي يوم بس
ايوة بقا اخيرا الحمد لله يااااااااااااة سانتقم :smil15:
