رد: حواء في استضافه ادم والعكس ( bob & white.angel )

[bob]

طيب اديني رجعت تاني مع شوية حاجات خفيفة اهو

123 تيست تيسيت بيست :smile02

شقاوة
عايزك تقوليلي كلمة او جملة عن الكلمات دي
يسوع
الكنيسة
شفيعك
بابا
ماما
الصداقة
الحب
الرجل
المرأة
اخيرا المطبخ ههههههه

شوية سياسة
ايه رايك في الثورة؟
كنت تفضلي البلد ماشية زي ما كانت ماشية ولا الثورة احسن؟
رايك في الاخوان , السلفيين ؟
ايه اكتر حدث المك في المرحلة اللي فاتت؟
ايه رايك في وضع الاقباط في الدولة ؟
مين مرشحك للرياسة ؟

 

[+Nevena+]

ايه الى انتى بتعمليه دة ... دى وصيتى ليكى بالذمة هو كلكم عليا ولا ايه لالالا براحة انا مش ادكم اعااااااااا :smi420:

ههههههههههههههههههه
هوانا لسه عملت حاجه اصلا يعني :smile01

وصيتك محفوظه لا تقلقي

بس لازم تعرفي اني محايد
معاهم معاهم عليهم عليهم
وفي دورك هاكون عليهم
ههههههههههههههههه

بس لازم انعش الجو واشططه كدااااااااا
:budo::nunu0000::gun:




ملاك انا :smile01

 

[sha2awet 2alam]

بغوز فعل مضارع من غز بمعني طعن
من قاموس المورد القريب

اما الشريك فمقصود بها الاخت اللي عايزه تقاسمني في السبوبه اللي جايه
من قاموس هغوز البعيد اقصد المورد البعيد

​

انا كمان بقيت بعيدة و هتغز عادى كدة ؟؟؟؟؟ و بعدين قولها بينك و بينه مش علنى كدة يعنى :budo: يعينى عليا غلبانة و واقعة فى وسطكم ربنا على المفترى :act31:

 

[sha2awet 2alam]

شقاوة شوية ملاحظات او استفسارات

عروستي !!

مدورة و فيها كل الالوان :smile01 هو ايه اللى عرسوتى يا بوب اسلوب اغلب الشباب يعنى بيبقى حلو فى المعاملة و الكلام .. هو انا هنزل الاجابات بالترجمة كمان مكنش حد قايلى على الاوبشن دة :smil15:

انا حعيت من التاثر

و انا هعيط من الفرسة :new2:

شقاوة متخليش موضوع زي ده يكون السبب في خطفك:t26:

يا بوب انا مش عايزة كلام انا عايزة فعل :nunu0000:

 

[sha2awet 2alam]

متابعـــة اناا

منورانا يا قمراية مش عايزة متابعة فى صمت انا عايزاكى تشوفيه بيعمل فيا ايه و اما يجى دورى فى الاسئلة هفتح باب التبرعات باى سؤال و انا اسئله :smile01

متابعا انا كمااان
اسئله خفيفه و لزيزه جدا و إجابات حلوه و جميله و عجبانى...
مش تخافى هتتخرجى قبل انا ما اموت هههههههههه و هتشتغلى و هتبقى اجمل زوجه وام...الرب يباركك...

منورانى يا جميلة ... هى الاسئلة ظريفة و هتبقى اظرف لو مكنتش انا للى بجاوب :smile01 يارب يارب يسمع منك ربنا و اوعى تقوليله اى دعوة غير ربنا يبعتلك بنت الحلال اللى تطلع عينك يا بوب قادر يا كريم قولو امين يا بنات :smile01

 

[sha2awet 2alam]

ههههههههههههههههههه
هوانا لسه عملت حاجه اصلا يعني :smile01

وصيتك محفوظه لا تقلقي

بس لازم تعرفي اني محايد
معاهم معاهم عليهم عليهم
وفي دورك هاكون عليهم
ههههههههههههههههه

بس لازم انعش الجو واشططه كدااااااااا
:budo::nunu0000::gun:




ملاك انا :smile01

ههههههههه يخليكى لينا يا ملاك و ربك يستر على عبيده احسن اختك تبعت اوى من الراجل دة ... دى لو حوا معاه فى الجنة كانت سبتهاله مخضرة و مشيت من غير سقوط :smile01

 

[حبو اعدائكم]

و انا كمان متابع معاكي :smile01

ميرسي يا حبو علي كلامك
طيب مفيش دعوتين هنا ليا ولا ايه كله مع الجنس الناعم بس !! :ura1:

يااا رب يبعت لك بنت الحلال إلى تخلى حياتك كلها جميله و تبقا اجمل اب و زوج-- اى خودمه إدكو على قرشين--

 

[حبو اعدائكم]

فين الاسئله؟؟ شكل شقاوه قعدت تقول انا غلبانه لغايه م صعبت عليه----- نيفووووووووووووووو متسكتييش عايزين دم عيزين الناس تتلم هههههههههههههههههه

 

[bob]

يا بوب انا مش عايزة كلام انا عايزة فعل :nunu0000:

افتكري اني قولتلك بلاش:gun:

ههههههههه يخليكى لينا يا ملاك و ربك يستر على عبيده احسن اختك تبعت اوى من الراجل دة ... دى لو حوا معاه فى الجنة كانت سبتهاله مخضرة و مشيت من غير سقوط :smile01

يا ناس ياهو حد يشوف ازاي انها بتتبلي عليا ( كشفت راسي و دعيت و قولتلها يا ام العواجز ) بس مش حدعي كتير:nunu0000:

يااا رب يبعت لك بنت الحلال إلى تخلى حياتك كلها جميله و تبقا اجمل اب و زوج-- اى خودمه إدكو على قرشين--

هو ده الكلام يا حبو استمري بقي و ربنا يسترها معايا و حاضر حبقي اديكي قرش ساغ :smile02

فين الاسئله؟؟ شكل شقاوه قعدت تقول انا غلبانه لغايه م صعبت عليه----- نيفووووووووووووووو متسكتييش عايزين دم عيزين الناس تتلم هههههههههههههههههه

يا حبوا الاسئلة موجودة من الضهر لغاية ما حمضت تقريبا و مستني ترد علشان انزل ب غيرهم ههههههههه قال صعبت عليا قال (no mercy) :gun:

 

[sha2awet 2alam]

طيب اديني رجعت تاني مع شوية حاجات خفيفة اهو

123 تيست تيسيت بيست :smile02

فراشة الحج مسعود للافراح و النجاح تهنيكم :smile01

شقاوة
عايزك تقوليلي كلمة او جملة عن الكلمات دي
يسوع .. حبيبى
الكنيسة .. كنيستى انا بالذات هى فعلا بيتى التانى لكن اى كنيسة تانية هى بيت ربنا بالنسبة لى
شفيعك .. امى العدرا
بابا .. راجل طيب و بيحبنى
ماما ... طيبة و ذكية و بتعشقنى و انا من غيرها مسواش
الصداقة ... معنى مبهم بالنسبة لى لفترة طويلة و بدأت اكتشفه بالتدريج
الحب ... اصل الوجود
الرجل .. بالنسبة لى هو الاحساس بالامان
المرأة ... كائن ظالم نفسه بنفسه
اخيرا المطبخ ههههههه ...... اوبس ليه الاحراج دة :smile01 انا بعشق المطبخ طول ما انا رايقة و بعمل الاكل اللى بحبه بس :smile01

شوية سياسة
ايه رايك في الثورة؟

انا شخصيا مش ثورية ولا بحب احساس انى عسكرى شطرنج .. زمان اما كان المدرب بتاعى بيعلمنى الشطرنج كان اهم قانون انى احمى الملك دايما .. و انى فى اول اللعب لازم ابيت عشان الملك يكون فى حصن حصين و من بعد الملك اى حاجة بتيجى حسب قوتها و قيمتها بالنقط و نظرا لان العسكرى كان تمنه نقطة واحدة كان اسهل قطعة بضحى بيها و اوقات حتى لو مكنش فى خطر كنت بحطه طعم ...... دة اللىبيحصل دلوقتى الشعب بقا ارخص قطعة على رقعة الشطرنج و الملك محمى و شغالين تضحية بالبشر لجل ما يكسب الملك و يفوز و فى الفوز مفيش حاجة اسمها عد نقط حتى ... انا مش ناوية اكون عسكرى على رقعة حد ولا ناوية اترمى طعم ولا ناوية اخسر روحى عشان اى حاجة الا معتقدى الدينى .... كل الكلام دة حاجة و احترامى للناس المؤمنة بفكرة الحرية و الثورة و الكلام دة كله على عينى و على راسى حقهم يؤمنو زى مايعوزو و يضحو زى ماهما عايزين بس انا شخصيا لا عمرى كنت منهم ولا عمرى هكون منهم ولا عمرى هكون ضدهم

كنت تفضلي البلد ماشية زي ما كانت ماشية ولا الثورة احسن؟

بالنسبة لى مش فارقة !!!! دايرة حياتى الصغيرة متأثرتش كتير .. يمكن تكون فترة غياب الامن اثرت فى الناس كلها بس مش معنى كدة انى العن الثورة و اللى عملها لان قبل الثورة برضه الامن اما كان يحب يغطى على حاجة ولا يحب يسيب البلطجية كان برضه بيسيبهم الفرق كله فى النسبة و التناسب يعنى لو كان الامن واقع الاول بنسبة 10% دلوقتى بنسبة 70% ... فيه ناس مقتنعة ان البلد هتتحسن و تتغير انا مش عايزة احبطهم مع انى مش مقتنعة بس مستنية اشوف نتيجة واقعية عشان اقولك الثورة كانت افضل ولالا لكن لحد دلوقتى مينفعش احكم

رايك في الاخوان , السلفيين ؟

وجهين لعملة واحدة ... بحسهم صليبيين العصر الحالى ... يمعنى انهم زيهم زى الصليبين التانين اخدو الصليب علامة لمجرد التستر به و دول اخدو الاسلام عباية تستر اغراضهم السياسية و تدخلهم بين الناس .... الاخوان اكثر ذكائا و مكرا من السلفيين نظرا لخبرتهم الاطول فى السياسة .... بس جوهر الاتنين تقريبا واحد ..... الحكم و الدولة تمشى كيفما يريدون

ايه اكتر حدث المك في المرحلة اللي فاتت؟

اى حدث مات فيه بشر المنى اوى ... بغض النظر مين دول و ماتو ليه بس النهاية ماتو ... و لو اخدناها عقليا ان اللى كانو فى ثورة او غيره متوقعين ان يبقى فيه شد و جذب و ضرب و كلام من دة فهما نفسهم متحملين اللى حصلهم و كانو متوقعينه .. لكن الناس اللى ماتو فى ماتش دى كانت قاسية اوى صعب انى ابعت ابنى عشان يتفرج على فريقه و يفرح و يرجعلى فى نعش

ايه رايك في وضع الاقباط في الدولة ؟

ههههههه زى الفل .... اقولك هو فيه نسبةحساسية و نسبة معاملة غبية غير مبررة باى سبب غير اختلاف الدين .. بس برضه يعنى مش هكدب عليك فيه مسيحين ولاد حلال مبلطين فى الخط ولا بيعملو حاجة و اى حد يحاول حتى يعاملهم بالعدل يقولك مضطهدنى عشان انا قبطىىىى .. بقا عندنا ارتكاريا اسمها الاضطهاد ... الدولة مش ملاك ولا المسلمين انبياء العدل على الارض يعنى بس برضه احنا مش قديسين الله المضطهدين بدون اسباب فى كل الحالات اوقات كتير بنستاهل اللى يجرالنا و نلزق الحكاية فى حجة الاضطهاد

مين مرشحك للرياسة ؟

لا مفيش ولا ليا علاقة بالسياسة لا من قريب ولا من بعيد

ها يا باشا اى اؤامر تانية ... يارب يا بوب يارب يهديك عليا كدة :94:

 

[sha2awet 2alam]

فين الاسئله؟؟ شكل شقاوه قعدت تقول انا غلبانه لغايه م صعبت عليه----- نيفووووووووووووووو متسكتييش عايزين دم عيزين الناس تتلم هههههههههههههههههه

حرااااااام كدة على فكرة ... ياناس حرام ... ماهومتوصى و زيادة شويتين اهو عايزين ايه تانى ... دة فاضل يطلب منى الرقم القومى :smile01

 

[sha2awet 2alam]

افتكري اني قولتلك بلاش:gun:

يا ناس ياهو حد يشوف ازاي انها بتتبلي عليا ( كشفت راسي و دعيت و قولتلها يا ام العواجز ) بس مش حدعي كتير:nunu0000:

بتدعى عليا فى مولد النبى يا رمضان :smile02

هو ده الكلام يا حبو استمري بقي و ربنا يسترها معايا و حاضر حبقي اديكي قرش ساغ :smile02

يا حبوا الاسئلة موجودة من الضهر لغاية ما حمضت تقريبا و مستني ترد علشان انزل ب غيرهم ههههههههه قال صعبت عليا قال (no mercy) :gun:

صعبانة على مييييييين ... دة مبيصعبش عليه غالى دة مفترى وقادر و مبيرحمش و مش هقولك غير ربنا كبير :thnk0001:

 

[حبو اعدائكم]

اجابات جميله--- طريقه تفكيرك عجبانى-- الرب يباركك

 

[sha2awet 2alam]

اجابات جميله--- طريقه تفكيرك عجبانى-- الرب يباركك

ربنا يخليكى يا قمر دة بس من ذوقك :t23:

 

[+Nevena+]

ارائك روعه يا شقاوة ربنا يحميكي يابنتي

ويديلك القوة وتبقي مفتريه في دورلك
اي خدعوه اهو ههههههههه




ويا واد يا بوب انزل بطقم الاسئله ومش تنسي
هههههههههههههههههههههه

 

[sha2awet 2alam]

ارائك روعه يا شقاوة ربنا يحميكي يابنتي

ربنا يخليكى يارب :t23:

ويديلك القوة وتبقي مفتريه في دورلك
اي خدعوه اهو ههههههههه

ايوة صليلى كتير كدة و انا هتغذى كويس و اجيله فايقة وقت الاسئلة عشان اعرفه ان الله حق :smile01

ويا واد يا بوب انزل بطقم الاسئله ومش تنسي
هههههههههههههههههههههه

هههههههههه شكله قام الحمد لله :smile01

 

[bob]

ها يا باشا اى اؤامر تانية ... يارب يا بوب يارب يهديك عليا كدة :94:

هههههههه ننزل بالساقع بقي :smile01

صعبانة على مييييييين ... دة مبيصعبش عليه غالى دة مفترى وقادر و مبيرحمش و مش هقولك غير ربنا كبير :thnk0001:

اووووووووووبا يا شقاوة بتسوقي سمعتي في مكان اكل عيشي !!:nunu0000:

ارائك روعه يا شقاوة ربنا يحميكي يابنتي

ويديلك القوة وتبقي مفتريه في دورلك
اي خدعوه اهو ههههههههه

حسبي الله و نعم الوكيل فيكوا الواحد بس يغيب دقيقتين تتفقوا مع بعض


ويا واد يا بوب انزل بطقم الاسئله ومش تنسي
هههههههههههههههههههههه

طبعا يا نيفينا مش حعتقها ههههههههه

هههههههههه شكله قام الحمد لله :smile01

ههههههه رجعت الحمد لله

 

[bob]

طيب ننزل بشوية اسئلة سريعة كده
نشوف رايك في الرياضة
بتحبي رياضة ايه ؟
بتشجعي فريق مين ؟
مين لاعبك المفضل ؟
احسن ماتش اتفرجتي عليه ؟
شوية اسئلة مختلفة
بتحبي ايه من اسماء الولاد
و بتحبي ايه من اسماء البنات
بتحبي لون ايه ؟
بتعرفي تطبخي ايه ؟
اكتر اكله بتحبيها ؟
اكتر مكان تحبي تروحي فيه ؟
لو معاكي 3 وردات تديهم لمين ؟
ازاي شقاوة بتقدر تكسب الناس ؟
لو معاكي فانوس سحري و معاكي 3 امنيات حتكون ايه ؟
بما انك متابعة المنتدي بقالك فترة
مين بتحبي تقري ارائه
مين بتضحكي علي ردوده
مين بتحسيه قوي في ردوده
اكتر موضوع عجبك قريتيه
حفكر و اجيلك

 

[sha2awet 2alam]

طيب ننزل بشوية اسئلة سريعة كده

نشوف رايك في الرياضة

ماليش فيها اوى على فكرة و اعذر جهلى بقا

بتحبي رياضة ايه ؟

انا كنت بلعب هاند بوول و بحب السباحة بس مجتش الفرصة انى العبها كمحترفة يعنى مش هواية

بتشجعي فريق مين ؟

مش بشجع حد دلوقتى

مين لاعبك المفضل ؟

اى لاعب امور :smil15:

احسن ماتش اتفرجتي عليه ؟

ههههه عيب بقا كدة :smile02

شوية اسئلة مختلفة
بتحبي ايه من اسماء الولاد

جورج و ريمون و بيتر

و بتحبي ايه من اسماء البنات

بتول

بتحبي لون ايه ؟

الاسوووود

بتعرفي تطبخي ايه ؟

مكرونة بشاميل و جلاش باللحمة و فراخ بانيه و لحمة مشوية و فراخ فى الفرن و مكرونة عادية طبعا :smile01 و اوقات بعمل بسكوت بالشيكولاتة

اكتر اكله بتحبيها ؟

البانيه و البشاميل

اكتر مكان تحبي تروحي فيه ؟

البحر :t23:

لو معاكي 3 وردات تديهم لمين ؟

اولهم لماما و تانيهم هشيلها فى حضنى و اخبيها و احافظ عليها لحد ما احب حد و اديهاله ... و التالتة هديهالك عشان ترحمنى من الاسئلة العجيبة دى :smile01

ازاي شقاوة بتقدر تكسب الناس ؟

الابتسامة سر جبار فى اى حد و انا بحاول ابتسم على اد ما اقدر ... بعامل كل انسان بالطريقة اللى بيحب يتعامل بيها ... بهتم بالناس كويس و بحترمهم ... لو حد متضايق و انا اقدر اساعد بساعد لو بالفعل او انى حتى اسمع مشاكلهم او على اقل تقدير احسسهم انى موجودة حتى لو متكلمناش ... الاهتمام بالناس و تقديرهم حاجة مهمة جدا ...... و بعدين كل دى محاولات و فيه ناس بكسبهم و بيبقى شرف ليا و ناس للاسف مش بعرف و بدور على الاسباب الى معرفتش اكسبهم ليه

لو معاكي فانوس سحري و معاكي 3 امنيات حتكون ايه ؟

اولهم اتخرج حالا بس بنفس خبرة الاول على الدفعة :smile01
ثانيا الاقى انسان يحبنى اوى و احبه اوى اوى اوى
ثالثا هدور على حد محتاج امنية صعبة التحقيق و اديله الفرصة يطلبها لان انا مش عايزة حاجة تانية :t23:

بما انك متابعة المنتدي بقالك فترة
مين بتحبي تقري ارائه

شيبرد و كريتيك ارائهم رائعة فعلا

مين بتضحكي علي ردوده

كيرلس لوف و كوبتيك ليون :smile01

مين بتحسيه قوي في ردوده

انت :vava: و ميرنا و حبو اعدائكم

اكتر موضوع عجبك قريتيه

لا فيه كتير و اغلبهم انا مسجلة اعجابى في الموضوع نفسه بس انا مش فاكرة اسم معين دلوقتى

حفكر و اجيلك

هيييييييه فكر ولا يهمك احنا جامدين اوى و بنعرف نجاوب اهو :smil15:

 

[bob]

انا جه ههههههه
عايز اعرف راي شقاوة
ما اجمل شىء وما اسوأ شىء فى الحياة ؟
حاجه حصلت في حياتك غيرت تفكيرك او مجري حياتك
كلمة تتمني تسمعيها كل يوم
مبادىء بتتمسكي بيها جدا ؟
احلى ذكري فى حياتك ؟
موقع مضحك حصل معاكي ومقدرتيش تمسكي نفسك من الضحك ؟؟
ايه اكتر مشكلة عملتيها وانت صغيره؟
ايه العقاب اللى اتعقبتيه قبل كده فى المدرسه وعمرك ماهتنسيه؟
لما بيجيليك حاله خنقه بتعملي ايه؟
ايه اكثر صفة بتكرهيها في شقاوة؟ واكثر صفة بتحبيها ؟
مين اكتر شخص بتحبي تتكلمي معاه؟
ايه اكتر موقف حسيتي فيه انك زعلتي ربنا جدا منك ؟وعملتي ايه ؟
بتعملي ايه لو اتعاكستي في الشارع ؟ و ايه شعورك ساعتها ؟
و كفاية كده النهاردة و يبقي فاضلي يوم بس