نص الرساله اوعى تنام

[^_^mirna]

قاعد في مرة كالعادة
رن موبايلي لقيت رسالة

فتحت الرسالة شفت كلامها
واستغربت من أرقامها
.....................
عند الراسل مفيش أرقام
نص الرسالة أوعي تنام

نزلت بالموس لتحت
لا فهمت ولا ارتحت

باقي الرسالة كلام غريب
بتقولي استني حدث عجيب

بعد نص الليل بساعتين
بالتحديد الساعة اتنين

كلمت اصحابي حد بيشتغلني
قالوا هتمثل جوابهم حيرني

فضلت قاعد قلقان بفكر
الرساله دي حقيقي ولا حد بيهزر

واية اللي هيحصل الساعة 2
هموت ولا هاروح علي فين

و فجأة دقت عقارب الساعة
واتحقق كلام الرسالة

ظهر في الأوضة شخص غريب
باين علية عجوز كئيب

طلعني لبرة في البلكونة
جيت اصرخ واقول الحقونا

لقيت صوتي راح
العجوز قاللي اطمن هترتاح

قالي امسك في ايديا و يلا
اخدك نمشي و نطلع برة

نروح علي حته منك قريبة
لكن عن اهلك هيا غريبة

خدني ورحنا علي بحيرة
مليانة نار واسعة وكبيرة

بصلي و قالي هو ده مصيرك
قلة صلاتك واهمالك في انجيلك

انشغالك بالفيس والنت والشات
وتعجب بده وتعلق علي ده وتتعرف ع البنات

نسيانك لروحك و كنيستك وابديتك
خلي البحيرة دي تبقى جنتك

وانا ساكت مش قادر اتكلم
عينيا بتبكي و قلبي بيتألم

بصيت بعينيا وكأني بقوله مفيش فرصة
مش عايز اترمي فيها ولا هيا دي النكسة

فضلت ابكي مش عارف امسك نفسي
صعبت عليه قالي هسألك سؤال جاوب وامشي

بلهفة اديته انتباهي مستني السؤال
وهو فكر شوية وبصلي وقال

قاللي انت عارف انك مفدي بالدم فوق الصليب
قولي كام مسمار دقوه في جسم يسوع الحبيب

فرحت لان الاجابة سهلة وعارفها
بس صوتي ضايع مش عارف اقولها

شاورت بصوابعي تلاتة عددهم 3 مسامير
2 دقوهم في الايدين وفي الرجلين مسمار كبير

قاللي ده كان زمان دقوهم اليهود والرومان
لكن انت بأعمالك و خطاياك دقيت كام واحد كمان

حزنت واتكسفت من نفسي و ضياعي
ازاي هاعيش هنا والملكوت بتاعي

طلبت فرصة ولو ساعات بس بلغة الاشارة
فهمني و ضحك وقاللي دي زيارة

هترجع تاني لاوضتك وبيتك
بس افتكر صليب حبيبك

رجعني في ثانية وراح اختفى
والنور اللي منور ضعف وانطفى

فهمت الدرس وعرفت قيمة الوقت
قلت مفيش تأجيل التوبه من دلوقت

م ن ق و ل صلولى كتيرررررر
​

 

[أنجيلا]

روعة يا ميرنا
يسوع يباركك

 

[^_^mirna]

روعة يا ميرنا
يسوع يباركك

شكراااااااااااااا جدااااااااااااااا
لمرورك
يسوع يبارك حياتك

 

[back_2_zero]

فعلا اللى بيأجل الوقت عمرة ما حيتوب
توبنى يا رب فأتوب
​

 

[tota bent elmaseh]

روووووووووووووووووووووووووووعه بجد ياعسل صدقينى انا اول الناس اللى بتعمل كدا وبتبعد عن حبيبها المسيح

ميرنا انتى عسل وميرسى انك جبتيلنا الرساله الجميله دى

وصلى من اجلى ياعسل​

 

[+Nevena+]

الرساله وصلت
يارب ساعدني انفذها وانقذني من الهلاك والعبوديه
ساعدني اتحدي عدوي وانتصر علي كل خطيه
ومعاك افوز بالملكوت واعيش معاك في الابديه


ميرسي علي الرساله الجميله
يسوع يفرح قلبك

 

[^_^mirna]

فعلا اللى بيأجل الوقت عمرة ما حيتوب
توبنى يا رب فأتوب
​

ميرسى جدا لمرورك
والرب يبارك حياتك

 

[^_^mirna]

روووووووووووووووووووووووووووعه بجد ياعسل صدقينى انا اول الناس اللى بتعمل كدا وبتبعد عن حبيبها المسيح

ميرنا انتى عسل وميرسى انك جبتيلنا الرساله الجميله دى

وصلى من اجلى ياعسل​

ميرسى خالص ياتوتا
ربنا معاكى ويبارك حياتك

 

[^_^mirna]

الرساله وصلت
يارب ساعدني انفذها وانقذني من الهلاك والعبوديه
ساعدني اتحدي عدوي وانتصر علي كل خطيه
ومعاك افوز بالملكوت واعيش معاك في الابديه


ميرسي علي الرساله الجميله
يسوع يفرح قلبك

ميرسى ليكى وعلى مشاركتك
ربنا يفرح قلبك ويبارك حياتك

 

[النهيسى]

رجعني في ثانية وراح اختفى
والنور اللي منور ضعف وانطفى

فهمت الدرس وعرفت قيمة الوقت
قلت مفيش تأجيل التوبه من دلوقت​

فى منتهى الروعه

شكرا جداا الرب يباركك​

 

[^_^mirna]

رجعني في ثانية وراح اختفى
والنور اللي منور ضعف وانطفى

فهمت الدرس وعرفت قيمة الوقت
قلت مفيش تأجيل التوبه من دلوقت​

فى منتهى الروعه

شكرا جداا الرب يباركك​

شكرا جدا لحضرتك
ربنا يباركك

 

[kalimooo]

جميل يا ميرنا

شكرااااا جزيلا

ربنا يبارك مجهودك

 

[^_^mirna]

جميل يا ميرنا

شكرااااا جزيلا

ربنا يبارك مجهودك

شكرا جدا يا كليمو
ربنا يبارك حياتك