هل ستحضر فرح من كنت تحبه؟؟؟؟

[سرجيوُس]

ابتدينا وافترقنا
والتقينا فى يوم الزفاف
حبيبتى......

موضوع صعب وغلس وقد يؤرق الكثيرين
وهو اذا كنت تحب شخص ما...
ثم افترقتم لاى سبب من الاسباب
ثم وجدت دعوة تاتيك لحضور حفل زفافه
فهل ستذهب الى ذلك العُرس؟؟
وان ذهبت
فهل سيكون قلبك ينبض بالحب والامانى بالسعادة له مع ذاك الاخر؟؟
ام
يغمرك الحقد والغيرة؟؟؟؟
(مستنى رئيكم )

​

 

[!! Coptic Lion !!]

انا عن نفسي معنديش الشجاعه الكافيه اني اعمل كده
وخصوصأً اني في الموقف ده حاليا
ومعزوم فعلا علي الفرح
وده علي عكس كلام ناس كتير
بانه لازم تواجه وكده


​

 

[+Bent El3dra+]

لو العروسة صاحبتى هروح ههههههههه
لا بجد هو موقف صعب قوى بس لو اضطريت اروح هروح
بس مش هحس بالحقد ولا حاجة ده نصيب وملناش نصيب فى بعض
​

 

[تيمو]

ستذهب لتقنع نفسك: أنا تغلّبتُ عليها وقلبك يحترق ألف مرة ....

 

[Ramy Fahmy]

يا خبر
انا مش متخيل ان الموقف دا لو حصل هيبقى شكلي ايه
انا حاسس ان ممكن يحصلي حاجة

 

[أنجيلا]

لو كان الفراق بغير ارادتنا مستحيل اروح مش ممكن اتحمل
بس لو كان الفراق بسببه وهو لعازمني... بالطبع هروح واهلل في زفافو كمان.. عشان اوريه قد ايه هو ولا حاجة بنضري
وبالطبع لا غيرة ولا حقد مش حصل نصيب وانتهى الامر يبقى كل واحد يروح لحال سبيلو

 

[marmora jesus]

اكيد هروح
وهبان قصاده وقصاد كل الناس اني عادي ومبسوطة كمان ولا همني
مع اني من جوايا هكون ميتة من الحزن بس استحالة هحقد عليه ابدا
لاني هكون حبيته
موقفي ده مش غرور لكن كبرياء​

 

[اوريجانوس المصري]

مش عارف اقول اية

بس اني اروح ولا لا علي حسب حاجات كتير

سبب الفرق ، مدي الحب بينا ، درجة النسيان ، مشاعري ناحيتها

بس في النهاية صعب جدا اني اروح لاني مش هقدر اتخيل المنظر

لو روحت مش هخليها تشوفني

سوال حقد وكلام دا غلط اسلوبة السوال هل هتكون راضي من جواكي ولا لا ؟!

 

[+bent el malek+]

لا هو عشان يكون حقد او غيرة لالالالا خالص مستحيل اصلى طول ما افترقوا وهما بيحبوا بعض يبقى الحب مفهوش حقد ولا غيرة ولا كرهانية
لاكن احضر الفرح بصراحة مفكرتش فى حاجة زى كدا ​

 

[^_^mirna]

مش هروح :smil8::smil8::smil8:

 

[+Nevena+]

مدام بعتلي دعوه
يبقي معناها انه نسيني او حابب يشوف رد فعلي

فلازم اروح طبعا واوريله انه مش فارق حتي لو بموت من جوايا
بس في الاول والاخر لازم ابقي قويه
علي الاقل لو كان فراقنا غصب عنا
يبقي وقتها هاينساني ويفكر في حياته الجديده
ولو كان بسببه
يبقي هايعرف وقتها انه مش فارق عندي ومش يستاهل احزن عليه

بس يارب ما اتحط في موقف زي دا

 

[vetaa]

انا من راى اوريجانوس الموضوع مش اه او لأ
هو على حسب حاجات كتيره تانى

بس اعتقد موقف مش جميل ابدا للاتنين
يعنى الاختصار عموما بيكون افضل

 

[elamer1000]

هههههههههههههههههههه

فكرتنى ليه

محدش يضحك غيرى

يلا اهو الواحد يفتح عينكم ويكسب ثواب

اقولكم على سر كبير

اوعى حد يعرفه

هو الموقف بيعتمد على حاجات كتير وتفاصيل وظروف سبب الفراق الشجاعة والحب حقيقى ولا كلام

المهم

ربنا يبارك اللى حط الموضوع

انا حضرت الفرح

مع انها قالتى ما تحضرش

شوفتم حد كده

سبحان الله

بس على فكرة كنت لازم احضر لظروف كتير

ده مينفعش اكون معاها وهى سعيدة

ويوم فرح ليها

فرحها

طبعا عارف ان نفسكم تعرفوا شعورى

...............

ربنا مايوريكم بجد

يعنى لو حد قلى نعذبك ملايين السنين او نقتلك كنت قلت ياريت

نشكر ربنا ادانى القوة

وسحقنى واحيانى تانى

دى انا حتى وانا بكتب دلوقتى اعصابى مشدودة

لكن بأمانة بتمنى ليها السعادة من كل قلبى ولو فى لحظة افتكرتها بقول ربنا يسعدها

........................................................................

....................................................................

لحظة صمت


ربنا يسعدها ادعولها يا جماعة

صلوا لى كتير يا جماعة

ربنا يختار للجميع الصالح

+++
​

 

[elamer1000]

انا من راى اوريجانوس الموضوع مش اه او لأ
هو على حسب حاجات كتيره تانى

بس اعتقد موقف مش جميل ابدا للاتنين
يعنى الاختصار عموما بيكون افضل

تمام

والاختصار دلوقتى حلو خالص يريح

ربنا يباركك

+++
​

 

[SALVATION]

كانت جه عليا فتره وشوفت موضوع زى ده
وكان ردى انى ممكن اروح عادى
لكن اعتقد الكلام بيكون سهل عن الفعل
فعلا الموضوع صعب ووقتها يحدد بس عن نفسى صعب جداااااااا
شكراا لفكرة موضوعك اخى الحبيب
تسلم ايدك​

 

[سرجيوُس]

احب اسوق اليكم هذا الامر الغريب
الموضوع هذا كما قالت مديونة واقع ومعاش
وعلى فكرة انا حضرت فرح حبيبتى ,وكنت لابس شماس فى عُرسة لانه مكنش فيه حد يساعد ابونا
اقصد الى كانت حبيبتى
وبكل حب ومحبة,قلت له الف مبروك
وعلى فكرة الاهم مش انى اقدر اروح ولا مقدرش اروح احضر حد بحبة
بس الاهم هو لو كان المسيح بدل منك فهل تظن انه لن يحضر هذا العُرس؟
ام سيذهب ويقول سوف افرح مع الفارحين
اسعدنى مروركم,ولى تعليق على كل واحد
اذكرونى فى صلواتكم

 

[سرجيوُس]

بس بجد شايف معظم البنات بتفكر بمنطق غريب اوى
وهو انه هتروح وتعمل نفسه مش زعلانه ولكن هى من جواه هتفرقع من الغيظ والزعل
وتيجى بنت من دول فالاخر تقولك لالالالالالادا مش حقد
ارسلكو على بر يا بنات
هههه

 

[SALVATION]

وعلى فكرة الاهم مش انى اقدر اروح ولا مقدرش اروح احضر حد بحبة
بس الاهم هو لو كان المسيح بدل منك فهل تظن انه لن يحضر هذا العُرس؟

​

دى نقطة تانية انت فى كل تفكيرك انك زى ما حبتها اكيد تحب لها الخير
ومن داخلك سعيد وحزين
سعيد لفرحها وحزين لانها هتكون لحد غيرك
فا الفكرة كله تنصب على قدرتك تشوف الموقف ده ولا لاء
​

 

[أنجيلا]

بس بجد شايف معظم البنات بتفكر بمنطق غريب اوى
وهو انه هتروح وتعمل نفسه مش زعلانه ولكن هى من جواه هتفرقع من الغيظ والزعل
وتيجى بنت من دول فالاخر تقولك لالالالالالادا مش حقد
ارسلكو على بر يا بنات
هههه

مش حقد... هي قضية كرامة يا سرجيوس
لو كانت العلاقة انتهت بسببه وهو لعازمها فلازم البنت تروح عشان تبين له انها خلاص مش بقى عندها مشاعر ناحيته

حاول تحط نفسك في مكان البنت ده... يعني ايه معنى انو يعزمها غير انو عايز يعرف لو كانت لسه بتحب او لا
او شهم جدا وعايز يغضها ههههههههه
يعني هتثبتلو انو خلاص كل حاجة انتهت بالنسبة ليها

وبعدين هو انك تبين للواحد انك مش زعلان عليه يبقى بتحقد عليه:t19:
ارسى على البر يا سرجيوس ههههههههههه

 

[+Nevena+]

بس بجد شايف معظم البنات بتفكر بمنطق غريب اوى
وهو انه هتروح وتعمل نفسه مش زعلانه ولكن هى من جواه هتفرقع من الغيظ والزعل
وتيجى بنت من دول فالاخر تقولك لالالالالالادا مش حقد
ارسلكو على بر يا بنات
هههه

لا الموضوع عندنا او اغلب البنات مش بيكون كدا خالص لا حقد ولا هو موضوع كرامه خصوصا لو بتحب بجد

انا لما قولت هاروح مثلا
قولت عشان لو كان بعدنا غصب يبقي وقتها
يعرف انه خلاص مش بقيت احبه والدليل اني جايه احضر فرحه ومبسوطه كمان
عشان يعيش حياته الجديده وحتي لو بموت من جوايا
لانه هو كمان اكيد هايكون تعبان وهايفضل فاكرني وبالتالي حياته هتتأثر
فلازم وقتها يشوفني قدامه قويه وابينله اني عادي

دا بالنسبه ليا حب مش حقد او غيره او كرامه

بالنسبه بقي للنقطه التانيه لو هو السبب وبعتلي عشان يشوف ضعفي وانكساري
فدا برده مش هاسمح بيه ووقتها هاروح عشان اثبت له
ان الحب الحقيقي بيقدر يفرح لحبيبه حتي لو كان خاين وبايع
واني هافضل قويه مهما حصلي ومش هانكسر ابدا

دا اصلا لو هو قدر يبعتلي دعوه
وانا اعتقد ان اي شخص لو باع وبعد صعب انه اصلا يبعت دعوه لحبيبه
لانه هايبقي مكسور قدامها وخجلان من تصرفاته معاه