- إنضم
- 21 نوفمبر 2009
- المشاركات
- 30,377
- مستوى التفاعل
- 2,102
- النقاط
- 0
- الإقامة
- Je rêve que je suis un papillon
فردة الشــــــراب..!!
دايماً كانت ماما تعلم مينا إبنها إزاى يرتب حاجته .. لكن يظهر إن مينا مش عايز يتعلم..ودائماً حجرته مهرجلة, وهدومه متبهدلة من الرمى على الكراسى والسرير,
حتى سريره مايحبش يرتبه, تلاقى المخدة فى مكان والكوفرته شبه واقعة على الأرض .. مع إن ماما وفرت له شماعتين , لكن الشماعتين فاضيين لأن الهدوم مبعثرة فى كل مكان . مرة وإثنين وعشرة وعشرين... مافيش فايدة , ماما أخدت قرار .. إشترت برميل كبير خشب وبدأت تضع فيه كل شئ مش موضوع فى مكانه , وإستمر الوضع يوم وإثنين .. وإتملا البرميل على الأخر ! ..
ومينا مش مهتم من الطريقة دى , فات الخميس والجمعة.. ويوم السبت قام مينا من النوم متأخر , وبسرعة بدأ يلبس هدومه .. وجاب الحذاء , ولبس فردة الشراب .. و ... و .. لما جه يلبس الفردة التانية لم يجدها , وطبعاً قعد يدور عليها , وبص فى الساعة لقى الوقت متأخر على المدرسة .. وبدأ يعيط مينا, ويزعق بصوت عالى : فيييين الشراب ؟؟..
ما حدش ردّ عليه , كان منظر مينا يضحكّ أى شخص ... رجل فيها شراب , ورجل من غير شراب والحذاء فى إيده .. فين الشراب ؟؟
وبص حوله.. وجد البرميل الخشب اللى ماما إشترته مليان ومشحون بحاجات كثيرة...
هدوم ولعب وكراريس ...!
جرى بسرعة ناحية البرميل , وقلب كل اللى فيه..
وفى آخره وجد فردة الشراب !!!
ومن وقتها مينا أصبح منظم ومرتب .. وما قدرش ينسى أبداً موضوع البرميل وفردة الشراب.
عن مجلة أولادى للأولاد والبنات
دايماً كانت ماما تعلم مينا إبنها إزاى يرتب حاجته .. لكن يظهر إن مينا مش عايز يتعلم..ودائماً حجرته مهرجلة, وهدومه متبهدلة من الرمى على الكراسى والسرير,
حتى سريره مايحبش يرتبه, تلاقى المخدة فى مكان والكوفرته شبه واقعة على الأرض .. مع إن ماما وفرت له شماعتين , لكن الشماعتين فاضيين لأن الهدوم مبعثرة فى كل مكان . مرة وإثنين وعشرة وعشرين... مافيش فايدة , ماما أخدت قرار .. إشترت برميل كبير خشب وبدأت تضع فيه كل شئ مش موضوع فى مكانه , وإستمر الوضع يوم وإثنين .. وإتملا البرميل على الأخر ! ..
ومينا مش مهتم من الطريقة دى , فات الخميس والجمعة.. ويوم السبت قام مينا من النوم متأخر , وبسرعة بدأ يلبس هدومه .. وجاب الحذاء , ولبس فردة الشراب .. و ... و .. لما جه يلبس الفردة التانية لم يجدها , وطبعاً قعد يدور عليها , وبص فى الساعة لقى الوقت متأخر على المدرسة .. وبدأ يعيط مينا, ويزعق بصوت عالى : فيييين الشراب ؟؟..
ما حدش ردّ عليه , كان منظر مينا يضحكّ أى شخص ... رجل فيها شراب , ورجل من غير شراب والحذاء فى إيده .. فين الشراب ؟؟
وبص حوله.. وجد البرميل الخشب اللى ماما إشترته مليان ومشحون بحاجات كثيرة...
هدوم ولعب وكراريس ...!
جرى بسرعة ناحية البرميل , وقلب كل اللى فيه..
وفى آخره وجد فردة الشراب !!!
ومن وقتها مينا أصبح منظم ومرتب .. وما قدرش ينسى أبداً موضوع البرميل وفردة الشراب.
عن مجلة أولادى للأولاد والبنات
