موضوع محير كل شاب وشابة

[بنت المسيح]

بسم الاب والابن والروح القدوس
اله واحد أمين


سؤال لكل بنت وولد ورجل وأمراة



هل الشات بين الولد والبنت اللى مش عارفين بعض الا غير على النت وبعض غلط ام صح؟؟؟؟​

:t9: :t9:

هو دة موضوعى عاوزة الرد بصراحة ......​

 

[zama]

رأيئ بصراحة و بدون حيرة ..

لو الموضوع قاصر على تبادل النقاشات العادية جداً وبعض الأبتسامات يبئا عااااااادى (( هيكون زى المنتدى )) ..

لكن لو الموضوع هيقلب لمرحلة أعمق شوية و إن الولد أو البنت عايز يحب و يتحب أوك مفيش مشكلة ،

لكن يبئا فى الحالة دى يتفق الطرفين ع المقابلة فى كنيسة معينة أو مكان أمييييييين ع الطرفين

بكدا (( يبئا النت تحول من معاول هدم للعلاقة لوسيلة تعارف عادية جداً )) ، لكن برفض تماماً العلاقات الخفاشية الظلالية المبهمة ..

أشكرك جداً ..

 

[بنت المسيح]

شكرا ليك زاما
بحييك على ردك
بس انا كان سؤالى لو الطرفين ميعرفوش بعض غير من على النت بس

 

[zama]

شكرا ليك زاما
بحييك على ردك
بس انا كان سؤالى لو الطرفين ميعرفوش بعض غير من على النت بس

صباح الخير أولاً ..

..

فاهم سؤالك كويس جداً ، و أجابتى من هذا المنطلق و على هذا المحور أيضاً ..

و هو لو يعرفوا بعض يا (( بنت المسيح )) هقولك يحددوا ميعاد بكنيسة أو مكان أمن ..

أجابتى على أساس (( إن واحد من الشام والتانى من المغرب )) ..

 

[بنت المسيح]

شكرا زاما على ردك

 

[+SwEetY KoKeY+]

شايفه ان الموضوع مش محير
لو اتنين عرفوا بعض من النت واتكلموا سوا عادى وفى حدود يبقا مافيش مشكله
هيكون زى ما احنا هنا بنتكلم سوا فى المنتدى وفينا كتير منعرفش بعض بس بنسال على بعض وبنتكلم
ولازم بردوا كل واحد ياخد باله ان مش اى حد من النت بيكون كويس​

 

[بنت المسيح]

مش قصدى كلامنا فى المنتدى يا كوكى قصدى مثلا شات زى شات الفيس بوك
فهمانى؟؟؟

 

[marcelino]

عادى مافيهاش حاجه فى حدود المعقول

طالما تعارف عادى

ايه اللى يمنع؟؟
​

 

[apostle.paul]

عادى بحدود

 

[+SwEetY KoKeY+]

مش قصدى كلامنا فى المنتدى يا كوكى قصدى مثلا شات زى شات الفيس بوك
فهمانى؟؟؟

فهماكى صدقينى
بس عادى ان اى اتنين يتكلموا طالما هو فى النهايه كلام عادى
ماهو شات الفيس يعنى ناس متعرفهاش
هنا فى المنتدى نفس القصه الناس هنا متعرفهاش الاتنين واحد
المهم الانسان ياخد باله ان الى بتكلميه متعرفهوش عشان تديله الامان وتبقوا بتتكلموا فى كل حاجه ​

 

[بنت المسيح]

ميرسى بجد على رايكم
ربنا يبارككم

 

[johna&jesus]

انتى قصدى لو الاعلاقه تطورت وقلبت بخب
ودا فعلا بيبقى اصعب حب ممكن الانسان يعرفة
بس بيبقى اجمل حب لانه بيتبنى على احا سيس وبس
يعنى لا يعتمد على شكل ولا لون ولا اى حاجة
حلو السوال

 

[بنت المسيح]

شكرا لردك المسيح يباركك

 

[zama]

شكرا زاما على ردك

الأهم أنتى مقتنعة و الفكرة وصلاكى و لا نتناقش تانى ؟؟

لأن الهدف من أى موضوع أننا نوصل لمرادنا من الطرح ..

 

[بنت المسيح]

اكيد مقتنعة
شكرا ليك المسيح معاك

 

[MIKEL MIK]

رايي انه مش محير ولا حاجه
مدام الكلام في حدود ومعقول ايه اللي يمنع
وبعدين لو اتطور الموضوع لحب وده بيحصل كتير
اكيد عادي برضه لانه مش بيتولد في يوم ولا شهر
اكيد بيكون بقالهم فتره كبيره وحصل بينهم اعجاب في حاجات كتيره
لكن عشان يكمل الاعجاب ده لازم يقابلوا بعض والاهل يكونوا عرفيين طبعا
وممكن مع جروب مش لازم لوحدهم
وانا شفت كتير وحصل كده واتجوزوا وكل حاجه مدام في جديه من الطرفين
المهم زي ما قالت كوكي مش تدي الامان لاي حد حتي لو بنت من اول مره
مع الوقت والكلام هتعرفي وتفهمي وتتاكدي
سوري ع الرغي ده كله​

 

[dodo jojo]

حقيقى معرفش..شكرا للموضوع

 

[+Roka_Jesus+]

رايي مش هيختلف عن اصحابي
ميرسي للموضوع المهم
​

 

[mero_engel]

بصي يابنت المسيح اي علاقه بتزيد عن حدها والشات دا اتقلب لكلام متواصل والتدخل الزياده في شئون كل واحد بيقلب بمرحله اكبر وممكن تقلب لحب بين اتنين ميعرفوش بعض غير من خلال الشات وبس
عشان كده راي من راي اخواتي مفيش مانع من وجود شات بس مش مع كل واحد او واحده معرفوش لازم اكون عارفه اي شخصه هضيفه عندي انه انسان كويس وممكن اتعامل معاه
وبعدها هيكون الكلام بحدود ومختصر
اسفه علي الاطاله
​

 

[مسيحية مصرية]

الموضوع ده مهم جدا بس خلينا صرحاء مين الولد اللى يرضى يرتبط بواحدة عرفها عن طريق الشات و هما من الأساس ما يعرفوش بعض يعنى معظم الولاد لو كلموا بنت ع الشات هيبقى الهدف إيه إحنا مثلا فى المنتدى بنتكلم هنا كإخوات فى إطار المسيح ده بالنسبة للولد اما للبنت إيه اللى عرفك إن اللى بيكلمك مثلا مثلا بيشوى مش أحمد الموضوع مرفوض تماما خاصة إن إحنا فى المجتمع ده البنات مخصوص لازم يبقوا مفتحين عنيهم أوى