- إنضم
- 28 يناير 2010
- المشاركات
- 5,712
- مستوى التفاعل
- 298
- النقاط
- 83
الثعلب والعصفورة
كان يا مكان في قديم الزمان نحكي ولا ننام اكيد ننام ههههههههه
كان في ثعلب مامته من هو وصغير بتعلمه اعمل اي شي المهم تاخد اللي انت عايزو
في يوم كان ماشي الثعلب ومر بجنب نهر طويل فضل ماشي معاه وهو ماشي
بص شاف عصافير بتبني عش فوق الشجره
فضل يتفرج عليهم شافتو العصفورة الصغيره سالتو
بتبص علينا كده ليه قالها ابدا مستغرب
قالتلو مستغرب ليه قالها اصلكم بتتعبو وبتبنو العش وانتم عارفين ان هيجي صياد ويصطادكم
او هيجي اي حيوان تاني وياكلكم فبتتعبو نفسكم كده ليه
بصت عليه العصفورة الصغيره وضحكت قالتلو احنا بنبني عشنا ده عشان هنفضل فيه
اولادنا كمان هيكبرو هنا وهنعتني بيهم
قالها طيب مش عامله حساب انك ممكن يصيدوكي
قالتلو هو انت تضمن انك دلوقت تروح عند مامتك سليم قالها طب مش بتتعبي
قالتلو اتعب وانا مبسوطه احسن بكتير من اني اخد الحاجه من غير تعب بس اكون مش مبسوطه
وبابايا اللي في السما بيزعل مني
الكلام اثر في الثعلب اوي وسابها ومشي
ولما رجع بيتو مامتو سالتو عملت ايه النهارده يا تعلوب
قالها النهارده انا اتعلمت درس مهم كتير
قالتلو وايه الدرس ده يا حبيبي
قالها الدرس يا ماما اني مسمعش كلامك لو علمتيني شي غلط اويزعل بابايا اللي في السما
ومش كل حاجه اعوزها اخدها لان ده حرام ومش حلو لما اتعب شويه بس اخد الحاجه بفرح
وبابايا اللي في السما يكون مبسوط مني احلى بكتير من اني ازعلو ومحسش بالحاجه اللي باخدها وارميها بعدين .
وتوته توته خلصت الحدوته حلوة ولا ... ؟
اكيد غرضنا من الحكايه ان مهما كان ومين من كان لو حاول يعلمنا الغلط
مينفعش نتعلم ونفضل فاكرين ان ربنا هيزعل مننا لما بنعمل الغلط
ولو ربنا زعل مننا مش هيفيدنا بقى لا لعبه جديده ولا كلمة حلوة من بابا وماما
لان بابا يسوع هو اكتر حد بيحبنا وبيخاف علينا ومينفعش نزعلو ابدااااا
__________
لاول مره اكتب قصه للاطفال بحياتي فعايزا راي اللي هيقراها بصراحه
عشان اعرف ابطل اكتب ولا ايه هههههههههه
سلام المسيح
التعديل الأخير:
