هبعد عشان خاطرك

[بنت الفادى]

هبعد عشان خاطرك

وعشان خاطر عيونك

مش هحاول اقرب منك

ولا حتى هتمنى رجوعك

لو كان فى بعدى سعاتك


هرضى بظلم الزمن

وهدفع لوحدى التمن

هرضى انا بالذكرى

اللى هتكون دوائى لبكرة

مش هكون انانى

واظلمك معايا فى زمانى

دا الحب تضحية

وانا كنت الضحية

بس دة قدر ونصيب

انى اكون بعيد

بعيد عن حب امتلكنى

واعيش معاة وحيد

واوعى تبكى يا عين

خلاص دا حكم وصدر

واوعى تشكى يا قلبى

خلاص دا نصيب وقدر

ودور على حب جديد

واتمنى تعيش معاة سعيد

لو اعرف ان الحب سيقتلنى
لكنت اعددت قبل الحب
اكفانـــــــــــــــــــــــى
منقوووول
بقلم
فادى الساهر


:Love_Mailbox: :Love_Mailbox: :Love_Mailbox:​

 

[Bino]

الللللللل
ايه الكلام الكبير ده
حلو أوى يا بنت الفادى , و شاكلك طالعه من أزمه عاطفيه اللى هيه

 

[بنت الفادى]

لالالالالالالالالالا متفهمش غلط دا منقول صدقنى

 

[ramyghobrial]

الكلام حلو يابنت الفاجي
بس
لية الكاتب هايضحي
التضحية مش حب ابدا

 

[بنت الفادى]

الكلام حلو يابنت الفاجي
بس
لية الكاتب هايضحي
التضحية مش حب ابدا

شكرا لمروك يا رامى بصراحه انا مش عارفه اجواب على سوالك
انا نقلت الشعر دا حتى من غير مستاذن صاحبه مش عارفه رد
فعله ايه
على العموم هبقا اسئله​

 

[tina_tina]

الكلام حلو يابنت الفاجي
بس
لية الكاتب هايضحي
التضحية مش حب ابدا

التضحية= الحب

نو كومنت

رائع يا بنت الفادى ويا ساهر​

 

[maarttina]

عارفيين هو الحب فعلا تضحية بس دايما دايما واحد بس اللي بيضحي والتاني مش بيكون يستاهل انا قلت كده ده معناه اني اقصد رجاله او بنات علشان بس ماحدش يتهمني بالعنصرية ضد الرجالة

 

[بنت الفادى]

شكرا لمروكم الجميل وتعلقيكم الاجمل​

 

[قلم حر]

الكلام حلو يابنت الفاجي
بس
لية الكاتب هايضحي
التضحية مش حب ابدا

الشاعر هايضحي من أجل مصلحة حبيبته .......فيظهر من القصيده أنها تريد منه أن يبتعد عنها .
ممكن تقول اٍنه : حب من طرف واحد ( فقط ) !!!
-----------------------------------------------------
شكرا لبنت الفادي .
قصيده جميله .
ربنا يوفقك .

 

[Coptic Man]

شعر رائع

بس حاسس منه انه بيوضح انه هو اللي دفع الثمنه واحده وهو اللي حصله كل حاجة

والطرف التاني ولا الهواء

ليها تفسيرين

1- انه يكون الطرف التاني مش بيحبه زي ماهو بيحبه

2- انه يكون هو فاهم غلط و انه هو واحده اللي شايل الجرح كله مع اني في المواضيع دي الجرح بيبقي للاثنين مش لواحد بس

بس هو بجد شعر رائع

وكمان موضوع جميل

ممكن نبقي ننتناقش فيه ويكون عن التضحية والحب

وياريت بقي رامي او ارطاميس يعملوه

شكرا ليكي يا بنت الفادي

 

[tina_tina]

شعر رائع

بس حاسس منه انه بيوضح انه هو اللي دفع الثمنه واحده وهو اللي حصله كل حاجة

والطرف التاني ولا الهواء

ليها تفسيرين

1- انه يكون الطرف التاني مش بيحبه زي ماهو بيحبه

2- انه يكون هو فاهم غلط و انه هو واحده اللي شايل الجرح كله مع اني في المواضيع دي الجرح بيبقي للاثنين مش لواحد بس

بس هو بجد شعر رائع

وكمان موضوع جميل

ممكن نبقي ننتناقش فيه ويكون عن التضحية والحب

وياريت بقي رامي او ارطاميس يعملوه

شكرا ليكي يا بنت الفادي

اللى بيضحى يا كوبتك مش بيهمة اوى حكاية الطرف التانى حاسس بيه ولا لاء
الاهم عنده ان يسعد الطرف التانى حتى لو ضحى علشانه
كونك انك تشوف الطرف التانى سعيد قدامك حتى لو انت مش معاه اعتقد اكبر سمات الحب
رغم التضحية انها صعبة بس لما تحس ان تضحيتك بفايدة ده شئ عظيم
وده رائى
​

 

[Coptic Man]

اللى بيضحى يا كوبتك مش بيهمة اوى حكاية الطرف التانى حاسس بيه ولا لاء

الاهم عنده ان يسعد الطرف التانى حتى لو ضحى علشانه
كونك انك تشوف الطرف التانى سعيد قدامك حتى لو انت مش معاه اعتقد اكبر سمات الحب
رغم التضحية انها صعبة بس لما تحس ان تضحيتك بفايدة ده شئ عظيم
وده رائى​

انا بتكلم اني لو الاثنين بيحبوا بعض

بس فيه مشاكل مش هينفع يرتبطوا

يبقي لما يضحي طرف علشان خاطر الطرف الثاني

الاثنين هيتالموا بس بيكون عارف اني ده الصح

ودي التضيحة اللي بتكلم عليها
​

 

[ابن الفادي]

رايي في الكلام جميل والشعر ممتاز

بس يلاش تظلموا وتقولا تضحيــــــة

لانه الاثنين لو جمعهم حب يبقي مفيش غدر
ولا خيانة ولا تضحيه لكن هيكون فيه شئ مشترك
لا هيبان فيه مين اخذ اكتر ولا اعطي اكثر

( مغبوط العطاء اكثر من الاخذ )

لكن لو حصل شي غير الطبيعي يبقي فيه حاجة
غلط من الاول بين الطرفين اما واحد فرض نفسة
علي الثاني او حصل وهــــــم وليس حب

المهم خلوا بالكم من المطبات اللي في الهوي
يا جماعة لانه مطباته كتير واوهامه اكتر.

 

[artamisss]

التضحيه والحب ................. مممممممممم موضوع جامد بس انا بيتهيئلى ان لكل حاجه شروط وحدود ولكل شيئ بدايه ونهايه يبقى اكيد برضه التضحيه فى الحب ليها حدود
بس ايه حدووووووودها
ماهو مش معقول طرف يفضل يضحى بسعادته علشان يسعد الاخر والتانى يتحول لجانب استغلالى ياخد بس

عاوزة اعرف ارئكو فى لاموضوع ده

 

[بنت الفادى]

ماهو مش معقول طرف يفضل يضحى بسعادته علشان يسعد الاخر والتانى يتحول لجانب استغلالى ياخد بس

عاوزة اعرف ارئكو فى لاموضوع ده

دا ميبقاش حب دى انا نيه الحب تضحيه متبادله من الطرفين الطرفين لازم يفرحو مع بعض ويعانو مع بعض علشان يعرفو معنى الحب​

 

[maarttina]

ما انا قلتلكم يا جماعة دايما طرف واحد بس اللي بيضحي والتاني بيفضل مستني تضحيات اكتر ومميزات اكتر علشان يحس انه هو الاقوي والاكثر سيطرة علي الطرف الاخر ومن الاخر نوعية التضحية اللي موجوده في الشعر ده انا شايفه انها وهم ومافيش حد في الزمن ده ممكن يضحي علشان حد

 

[dream2010]

جميلة جدا يا مارو .....اكتر من جميلة.

 

[merola]

رد على: هبعد عشان خاطرك

حلوووووووووووووووووووووووووو اوى يا ماروووو

 

[باراباس]

رد على: هبعد عشان خاطرك

جمده جمده جمده جدا
بس اكيد جرحك انتى اقوى من الكلام
واكيد انتى اقوى من اى انسان
واللى يعرف معنى الشعر دايما يكون مليان قلبه بالاحزان
ولو جه الفرحه يكون فى العمر مره على طول الزمان
( بصراحه جميله جدا ً )

 

[monlove]

رد على: هبعد عشان خاطرك

هبعد عشان خاطرك

وعشان خاطر عيونك

مش هحاول اقرب منك

ولا حتى هتمنى رجوعك

لو كان فى بعدى سعاتك


هرضى بظلم الزمن

وهدفع لوحدى التمن

هرضى انا بالذكرى

اللى هتكون دوائى لبكرة

مش هكون انانى

واظلمك معايا فى زمانى

دا الحب تضحية

وانا كنت الضحية

بس دة قدر ونصيب

انى اكون بعيد

بعيد عن حب امتلكنى

واعيش معاة وحيد

واوعى تبكى يا عين

خلاص دا حكم وصدر

واوعى تشكى يا قلبى

خلاص دا نصيب وقدر

ودور على حب جديد

واتمنى تعيش معاة سعيد

لو اعرف ان الحب سيقتلنى
لكنت اعددت قبل الحب
اكفانـــــــــــــــــــــــى
منقوووول
بقلم
فادى الساهر


:Love_Mailbox: :Love_Mailbox: :Love_Mailbox:​

جميلة جدا جدا جدا
واكتر من رائع