ولا ابو تريكة ولا متعب ولا منتخب فين جهودة

[TULiP TO JESUS]

ومهما اكون يا بلدي مضطهد فيكي


ومهما اكون مش واخد حقي فيكي


وحكومتك ظالمة المسيحي بيكي


ولا فرصة شغل واكون ناقم عليكي


ودخلي فيكي بسيط ولا عارف اعيش فيكي


لكن بردو انتي وطني وبروحي افديكي


ولما قالوا مصر بتلعب ودوري احيكي


قلت وانا مالي بالكورة ولية اصرخ ليكي


ولما جة الميعاد لقيتني قاعد وبقلبي بصيح ليكي


وفوزك في الماتش الاول كنت بصيح باسمك واناديكي


وفرحت مثل الاطفال وصوتي علا لما جة الهدف ليكي


حتي الصغير راجعلي راسم علمك علي خدودة


واقول اية دة يقولي بشجع مهي بلدة وبلد جدودة


يمكن فاكر انة بالكورة هيعدي جبالة وسدودة


وجه الماتش الفيصل وكانت الاعصاب مشدودة


من الصغير للكبير قاعد مترقب المنتخب وعهودة


وننتظر نجاح حتي نفرح بالفرحة المنشودة


وعملوا عيال ولعبهم رديء جدا ولا فية صمودة


ولا ابو تريكة ولا متعب ولا منتخب فين جهودة


باين المنتخب دة قبل الماتش كان بيلعب في بيوته


وسامحوني اني بضيع وقتكم بكلامي وشجونة


اتعودت اقول خواطري بمنتدي الكنيسة المحبوبة


​

سامحوني علي عبطي
رجعا ليسوع​

 

[النهيسى]

ههههههههههه

روعه جدا

المهم أنها بتعبر عن واقع نعيشه

ربنا ينمى موهبتك

ويبارككم​

 

[just member]

بجد جميلة جدا جدا يا رجعا
هههههههههه
وكان نفسى اعطيلك تقييم لكنة مانفعش
تعيش ايديكى وهو ولا عبط ولا حاجة
انا هعتبرة صرخة حزينة من قلب كان بجد مستنى يفرح..
​

 

[marmora jesus]

هههههههههههههههه

جميلة جدا يا راجعة بس تعرفي انا كمان قولت نفس اللي قولتيه عن ظلم مصر لينا وعن الاضطهاد اللي بيشوفوه المسيحين قولت وانا مالي عنها ما كسبت بس رجعت وقولت ان حقنا مش هيرجعلنا في كورة حقنا هيرجعلنا في اللي اكبر من كده

انا عن نفسي مش زعلانة انها خسرت ومش هفرح لو كسبت لانها مش هتفرق معايا في حاجة

ممكن يتقال عليا مش عندي انتماء او حتي برود بس مش اتعودت اني اجامل او ازيف مشاعري

وعلي رأي مني زكي ماتقولش هتدي ايه لمصر قول هتاخد ايه من مصر

هههههههههههههه

هي طبعا بتقول عكس كده بس ده علي رأي مرمورة

ميرسي ليكي يا قمر بجد كلامك واسلوبك روعة

ربنا معاكي ويباركك​

 

[فراشة مسيحية]

انا زعلانة جدا

 

[marcelino]

يسلم ايددددك يا راجعه

بجد رائعه

كنت فاكرك مش مصريه​

 

[marcelino]

هههههههههههههههه​

جميلة جدا يا راجعة بس تعرفي انا كمان قولت نفس اللي قولتيه عن ظلم مصر لينا وعن الاضطهاد اللي بيشوفوه المسيحين قولت وانا مالي عنها ما كسبت بس رجعت وقولت ان حقنا مش هيرجعلنا في كورة حقنا هيرجعلنا في اللي اكبر من كده​

انا عن نفسي مش زعلانة انها خسرت ومش هفرح لو كسبت لانها مش هتفرق معايا في حاجة​

ممكن يتقال عليا مش عندي انتماء او حتي برود بس مش اتعودت اني اجامل او ازيف مشاعري​

وعلي رأي مني زكي ماتقولش هتدي ايه لمصر قول هتاخد ايه من مصر​

هههههههههههههه​

هي طبعا بتقول عكس كده بس ده علي رأي مرمورة​

ميرسي ليكي يا قمر بجد كلامك واسلوبك روعة​

ربنا معاكي ويباركك​

يعجبنى فيكي انتمائك :ura1:​

 

[KOKOMAN]

كلام صح ميه فى الميه يا رجعا
طلعتى كل كلمه كلنا نفسنا نقولها
شكرا ليكى على خواطرك الرائعه
ربنا يبارك حياتك وينمى موهبتك​

 

[tota bent elmaseh]

وسامحوني اني بضيع وقتكم بكلامي وشجونة​

اتعودت اقول خواطري بمنتدي الكنيسة المحبوبة ​

سامحوني علي عبطي

رجعا ليسوع ​

[/quote]مسامحين يارجعا بس انتى ماضيعتيش وقتنا ولا حاجه لان دا حال كل واحد وواحده فينا ماهى دى مصر
وانتى مش عبيطه لاسمح الله انتى هبله بس ههههههههه بهزر طبعا
بس صدقينى خواطرك دى تجنن حلوه خالص

 

[جيلان]

بجد حلوة اوى يا حبيبتى
انا اتعكننت امبارح اخر قرف من اللعب بتاعهم خصوصا ابو تريكة
يلا بقى الى حصل حصل يمكن ربنا عمل كدى عشن ارواح المصريين فى الجزائر والى كان هيحصلهم لو مكسبوش

 

[rana1981]

جميل جدا كلامك يا راجعا
كتير حبيت موضوعك

 

[tota bent elmaseh]

انتوا عارفين انا امبارح وانا فى الكنيسه البنات والاولاد اعدين على اعصابهم واعدين يقولوا لابونا يلا يابونا بسرعه المطش ----------- وانا طبعا مالياش فى الكوره دى مع انى اهلويه بس اعدت اضحك واعدت اسال ابونا فى موضوعنا اسئله وهما هايطقوا والتلهم ان مصر هاتتغلب كانوا هايموتونى هههههههه بس ابونا ابتسم وانا مروحه شايفه الشباب والاطفال فى الشوارع بالاعلام على وشهم وفى ايديهم :giveup:والطبل والرق و----------- الخ وبالهتاف وانا اضحك بصراحه دا عيب منى انى استتفهتهم رغم انها حاجه حلوه واعدت على النت واخويا بيسمع الماتش وفجاه الى بزعل هاردلك لمصر وانا ااوله ريلى ايه دا بجد والشارع بعد ماكان دوشه بقى هس هس من الكسوف هههههههههههه

 

[tota bent elmaseh]

بس بصراحه اللعيبه اتظلموا دول الجزائريين عاملين ذى الوحوش كسروهم من الضرب
وعايزنهم بعد كدا يفوزوا

 

[bahaa_06]

شكرا ليكى على خواطرك الرائعه
ربنا يبارك حياتك وينمى موهبتك
بس لى تعليق صغير ارجوكم تتقبلوه
أؤمن واثق تمام الثقة : أن كل الأشياء تعمل معا للخير للذين بحبون الله
فالنصر خيرا والهزيمة خيرا افضل .. طالما الله الذى يريد ذلك
الم تسمعوا كما سمعت انه فى الجزائر قد احتجزوا المصريين ووعدوا بذبحهم ان فازت مصر بالمباراه.
فماذا لو حدث وفازت مصر ونفذ الجزائر وعده ؟؟؟
الله يا احبائى قام بعمله والفريق بذل جهده فقد كان مسيطرا على المبارة كما شاهدت
فليكن اسم الرب مباركا
أمين يايسوع اتبعك فى النصر والهزيمة
امين يا يسوع فى حياتى غنية او فقيرة
أمين يا يسوع ان سكنت بقصر أو حظيرة
أمين يا يسوع فى الصحة أو بأمراض خطيرة
أمين يايسوع الأن وطول حياتى القصيرة
امين يايسوع امين يايسوع فأنا فى يد امينة
​

 

[TULiP TO JESUS]

الاستاذ النهيسي مرسي خالص لحضرتك
شرفتني بمرورك في صفحتي​

 

[TULiP TO JESUS]

جوجو
مرسي خالص يا صديقي
التقيم الحقيقي لي هو مرورك الجميل

الرب يفرح قلبك​

 

[TULiP TO JESUS]

مرمورة جيسس
مرسي خالص يا حبي علي ردك الجميل

عارفة كان فية واحد صاحبنا هنا كان كاتب في توقيعة مصر دي مش امي دي مرات ابويا هههههههههه

نورتيني يا جميلة

 

[TULiP TO JESUS]

انا زعلانة جدا

معلش يا جميلة متزعليش
متعوضة
خيرها في غيرها

نورتيني يا حبي​

 

[TULiP TO JESUS]

يسلم ايددددك يا راجعه

بجد رائعه

كنت فاكرك مش مصريه​

لا يا باشا مصرية
مرسي خالص لمرورك الجميل
الرب يفرح قلبك​

 

[TULiP TO JESUS]

كلام صح ميه فى الميه يا رجعا
طلعتى كل كلمه كلنا نفسنا نقولها
شكرا ليكى على خواطرك الرائعه
ربنا يبارك حياتك وينمى موهبتك​

مرسي خالص يا كوكو
نورتيني بمرورك يا باشا

الرب يفرح قلبك​