كام من 10 !!!!

[Dona Nabil]

بقالى يومين بفكر فى حاجه غريبه جداااا
عماله أحاول اقيم حياتى واترجمها لرقم على 10
يعنى بحاول اعرف بالظبط أنا لو قيمة اللى المفروض احققه فى حياتى بتساوى 10 بكل مجالاتها على المستوى الروحى والا جتماعى والثقافى وخلافه .. عاوزه اعرف انا وصلت لكام لحد دلوقتى .
يمكن اللى يفكر فى كده يكون محبط لانه محققش كل اللى بيتمناه ويمكن العكس ممكن تكون دى حالة رضا ومحاولة للاحساس بنتيجه حلوه وصلنالها ويمكن كمان تكون وقفه مع النفس ومطالبتها بتقديم كشف حساب عن فتره عدت .
انا عن نفسى احترت كتيييير أدى لنفسى كام من 10
أوقات قلت 3 ويمكن 4
يمكن يكون رقم صغير
بس مش مهم لسه عندى فرصه أنى احقق رقم كويس من 10
يا ترى فى حد منكوا فكر فى كده زيى ويا ترى ادى لنفسه كام ؟؟
فكر كويس قبل ما ترد .. الموضوع مش سهل زى ما أنت متصور ..ده محتاج تفكير فى كل حاجه عملتها فى عمرك اللى فات كله
بس مهما كان قيمة اللى وصلناله مش كتيييير بلاش نقسى على نفسنا .. لسه فى بكره نقدر نعمل فيه كتيييير واكتر بكتيييير من اللى وصلناله امبارح .
فى أنتظار ردودكم الجميله :Love_Letter_Open:

 

[asmicheal]

بس انا شايفاكى دونا نبيل 10 على10

بنت جميلة وذكية وملتزمة وظريفة واعتقد ناجحة فى حياتك
واحلى حاجة عجبانى فيكى
حزمك اللى بينساب بمنتهى النعومة
انا حزمى بيكون صريح بزيادة وعنيف
لذا نعومة حزمك بجد هاحاول اتعلم منها
والحقيقة فيكى صفات حلوة تانية بس انا لسة جديدة هنا

 

[asmicheal]

:smi411:

نسيت اقول
احلى صباح لاجمل دونا نبيل

 

[Dona Nabil]

بس انا شايفاكى دونا نبيل 10 على10

بنت جميلة وذكية وملتزمة وظريفة واعتقد ناجحة فى حياتك
واحلى حاجة عجبانى فيكى
حزمك اللى بينساب بمنتهى النعومة
انا حزمى بيكون صريح بزيادة وعنيف
لذا نعومة حزمك بجد هاحاول اتعلم منها
والحقيقة فيكى صفات حلوة تانية بس انا لسة جديدة هنا

ميرسى يا حبيبتى على ردك الجميل بس مش يمكن كل اللى انتى شايفاه جميل فيا ده ( لو كان صح يعنى ) مش يمكن ده كله درجه من ال 3 اللى قيمت بيها نفسى ههههه .
وعلى فكره نقطه الحزم بنعومه دى بعترف انى اكتسبتها من وجودى بالمنتدى لانها معادله صعبه جدااااا أنك تكونى فى موقع مسئوليه وفى نفس الوقت تكونى محبوبه ومتخسريش حد .
وبعدييييين تعالى هنا يا هرابه فييييييييييييين تقيييييييييمك لنفسك :t9:
مستنيه انا اشوفك اديتى نفسك كام على 10 :Love_Letter_Open:

 

[Alexander.t]

ممكن يكون 2 من 10 مش لانى معملتش حاجه لا لانى لسه قدامى حاجات كتيييييييييييييييييييييييييير جدا هتتعمل


ميرسى دونا على الموضوع الجميل جدا ربنا يباركك​

 

[asmicheal]

على فكرة السؤال صعب بجد
وفى منتهى العمق رغم بساطتة
وجمال دونا نبيل فى طرحة بنعومة
بغير ما تصدم القارىء زى ما بعمل انا


وكيف يفتى ودونا نبيل فى المنتدى
الادب حلو
بس فية حاجات جميلة بتعلمها منكم كلكم
حقيقى مش تواضع

 

[zama]

الحقيقة الموضوع حلو ومهم ولكن عميق أوى ..

وأنا رأيئ دايما أن الأنسان لازم كل يوم لازم يحاسب نفسه قبل ما ينام ليعرف مدى المسافة بينه وبين أهدافه ..

الحقيقة عشان أدى نفسى تقييم اقرب للصحة والواقع بدون تعسف لنفسى وبدون محاباة لذاتى يبقى لازم أكون موضوعى جداً ..

حياة الأنسان مجالاتها عديدة مثل :

الجانب الأجتماعى والأخلاقى والروحى والعلمى والنفسى .. ممكن يكون فى جوانب تانية لكن أنا لما بقيم نفسى بقيمهم على أساس الجوانب دى بس ..

لكل جانب منهم درجتان فقط ليكون مجموع الكل 10 درجات ..

الجانب الأجتماعى عندى 1 من 2 فقط ..

الجانب الأخلاقى 1.5 من 2 فقط ..

الجانب الروحى 0.5 من 2 فقط ..

الجانب العلمى 0.5 من2 فقط .. لأن أهداف كتير لسه مش قادر أحققها ..

الجانب النفسى 1 من 2 فقط .. وده أعلى تقييم وصلتله فى نفسيتى ..

Total = 4.5 /10 ..

أشكرك على الموضوع الجميل ..

ويستحق التقييم ..

 

[Dona Nabil]

:smi411:

نسيت اقول
احلى صباح لاجمل دونا نبيل

صبااااح الجماااال يا قمررر ومبسوطه بجد لمرورك المميز على موضوعى المتواضع :t4:

 

[Dona Nabil]

ممكن يكون 2 من 10 مش لانى معملتش حاجه لا لانى لسه قدامى حاجات كتيييييييييييييييييييييييييير جدا هتتعمل


ميرسى دونا على الموضوع الجميل جدا ربنا يباركك​

المهم انك تكون عارف فعلا ان قدامك كتيييير وتبدأ بسرعه علشان تجيب ال 10 من 10
اسعدنى مرورك يا مينا وربنا يوفقك

 

[Dona Nabil]

على فكرة السؤال صعب بجد
وفى منتهى العمق رغم بساطتة
وجمال دونا نبيل فى طرحة بنعومة
بغير ما تصدم القارىء زى ما بعمل انا


وكيف يفتى ودونا نبيل فى المنتدى
الادب حلو
بس فية حاجات جميلة بتعلمها منكم كلكم
حقيقى مش تواضع

هرابه بجداره هههههه
على العموم يكفى ان فكرة موضوعى وصلتلك وأتمنى متابعتك يا قمررر لان ده بجد هيسعدنى

 

[Dona Nabil]

الحقيقة الموضوع حلو ومهم ولكن عميق أوى ..

وأنا رأيئ دايما أن الأنسان لازم كل يوم لازم يحاسب نفسه قبل ما ينام ليعرف مدى المسافة بينه وبين أهدافه ..

الحقيقة عشان أدى نفسى تقييم اقرب للصحة والواقع بدون تعسف لنفسى وبدون محاباة لذاتى يبقى لازم أكون موضوعى جداً ..

حياة الأنسان مجالاتها عديدة مثل :

الجانب الأجتماعى والأخلاقى والروحى والعلمى والنفسى .. ممكن يكون فى جوانب تانية لكن أنا لما بقيم نفسى بقيمهم على أساس الجوانب دى بس ..

لكل جانب منهم درجتان فقط ليكون مجموع الكل 10 درجات ..

الجانب الأجتماعى عندى 1 من 2 فقط ..

الجانب الأخلاقى 1.5 من 2 فقط ..

الجانب الروحى 0.5 من 2 فقط ..

الجانب العلمى 0.5 من2 فقط .. لأن أهداف كتير لسه مش قادر أحققها ..

الجانب النفسى 1 من 2 فقط .. وده أعلى تقييم وصلتله فى نفسيتى ..

total = 4.5 /10 ..

أشكرك على الموضوع الجميل ..

ويستحق التقييم ..

رد مميز يا مينا بيدل على شخص واثق من خطواته وعارف هدفه وبيسعى لتحقيقه
ميرسى على ردك وربنا يوفقك
اشكرك على التقييم

 

[monmooon]

موضوع جميل جداً يا دونا
بلنسبه لتقيمي لنفسي
انا مش حاسه اني هعدى في التقييم ده لحد 1 من العشرة
بس هفكر تاني يمكن تزيد شويه هههههههه
موضوع رائع وسؤال صعب
ربنا يخليكي يادونا
ويباركك​

​

 

[Dona Nabil]

موضوع جميل جداً يا دونا
بلنسبه لتقيمي لنفسي
انا مش حاسه اني هعدى في التقييم ده لحد 1 من العشرة
بس هفكر تاني يمكن تزيد شويه هههههههه
موضوع رائع وسؤال صعب
ربنا يخليكي يادونا
ويباركك​

​

رغم ان تقييمك اكيد فى قساوه على نفسك شويه لكن ممكن كمان يكون دافع انك تفكرى تزودى من اهتمامك بكل مجالات حياتك
منتظره تيجى تقوليلى ان درجاتك زادت عن كده والا هحرمك من اعمال السنه هههههه
ميرسى يا قمرر على مشاركتك وربنا يوفقك

 

[zezza]

يا خبر ابيض
الصراحة يا دوندون لما فكرت لاقيت نفسى محتاجة اصلح حاجات كتير قوى
و محتاجة اعمل و احقق حاجات اكتر
بجد موضوع عميق جدا جدا
يعنى لو اخد تقيم على حياتى يبقى 2.5
ربنا يساعدنى احسن من نفسى
شكرا يا قمرة على الموضوع المهم ..ربنا يباركك

 

[Dona Nabil]

يا خبر ابيض
الصراحة يا دوندون لما فكرت لاقيت نفسى محتاجة اصلح حاجات كتير قوى
و محتاجة اعمل و احقق حاجات اكتر
بجد موضوع عميق جدا جدا
يعنى لو اخد تقيم على حياتى يبقى 2.5
ربنا يساعدنى احسن من نفسى
شكرا يا قمرة على الموضوع المهم ..ربنا يباركك

ده بداية نجاح اى مشوار ان الانسان يعرف انه ناقصه حاجات معطلاه عن نجاحه
ميرسى يا حبيبتى على مشاركتك الجميله وربنا يوفقك

 

[oesi no]

مش بكام من 10
اهم حاجة ان الواحد يكون راضى عن اللى بيعمله
ويكون عنده طموح انه يوصل لمستوى عالى فى كافة المجالات سواء دينيا او اجتماعيا او ماديا او اى مجال
​

 

[Dona Nabil]

مش بكام من 10
اهم حاجة ان الواحد يكون راضى عن اللى بيعمله
ويكون عنده طموح انه يوصل لمستوى عالى فى كافة المجالات سواء دينيا او اجتماعيا او ماديا او اى مجال
​

الرضا والطموح شىء جميل لكن للاسف مش كفايه لنجاح الانسان يا جوجو
والتقييم ده علشان نعرف احنا ماشيين صح ولا لا
نورت يا فندم

 

[SALVATION]

بس مهما كان قيمة اللى وصلناله مش كتيييير بلاش نقسى على نفسنا .. لسه فى بكره نقدر نعمل فيه كتيييير واكتر بكتيييير من اللى وصلناله امبارح .

ده الشيىء الوحيد اللى بيخلينا نتهاون ونقول لسه بدرى واحيانا بيكون فرصة
فكرنا كتيير يا دونا بس مش بالارقام واذا جت على الارقام
انا اعطى نفسى ((-10)) مش قساوه على نفسى بس نتاج حياتى وماضية
اتمنى اكسر الرقم ده
اما بالنسبة لدونا اكيد هيه عرفة ووثقة من ان الكل يعطيها اعلى رقم بالفعل تستحقى
احنا مش بنحسد ها
يسوع يحميكى دايما دونا انتى وكل اسرتك
تقبلى مرورى​

 

[just member]

انا بقول لنفسى صفر كويس
بس مش اى صفر
دة صفر كبييييييييييييير
يعنى حققت نجاح مبهر
لان ماحدا عندة صفر كبير مثلى​

 

[Dona Nabil]

ده الشيىء الوحيد اللى بيخلينا نتهاون ونقول لسه بدرى واحيانا بيكون فرصة
فكرنا كتيير يا دونا بس مش بالارقام واذا جت على الارقام
انا اعطى نفسى ((-10)) مش قساوه على نفسى بس نتاج حياتى وماضية
اتمنى اكسر الرقم ده
اما بالنسبة لدونا اكيد هيه عرفة ووثقة من ان الكل يعطيها اعلى رقم بالفعل تستحقى
احنا مش بنحسد ها
يسوع يحميكى دايما دونا انتى وكل اسرتك
تقبلى مرورى​

مفيش مشكه اننا نكون لسه مش راضيين عن اللى وصلناله طالما فى بكره قدامنا نقدر نعمل فيه كتير بس المهم بلاش الاحباط الزياده لان نتيجته عكسيه دايماا
وميرسى يا تونى لرأيك ومجاملتك وربنا يعوض تعبك ويفرحنى بيك دايما