موضوع مطروح للمناقشة

[mrmr120]

هاااااااااااااااى
ياشباب وبنات
عايزين نتناقش فى الموضوع دة
عن هل انت ممكن تحب بنت او تحبى ولد عرفتوهم فى شــــات
طيب وليه ممكن تحبها او تحبية موضوع مفتوح للمناقشه ياريت كلنا نشــــــــارك فيه

دة رائى الشخصى
بصراحة انا مش مقتنعة بالحكاية دى
ازاى ممكن تحب بنت
او تحبى ولد انتى او انت
متعرفهومش بمجرد انكوا
اتعرفتوا بس ولقتوا فكركم متشابهة
ومعجبين ببعض يعنى معنى كدة انكم بتحبوا
بعض وهى دى مشكلة الشباب دلوقتى
انهم يبعتوا صورهم لبعض ويتعرفوا على
بعض يبقى كدة هما عرفوا بعض كويس
وحبوا بعض لاء انا مش مع الموضوع دة كدة
يلا عايزة اسمع الاراء​

 

[ميرنا]

الموضوع ده يا مرمر تقريبا نزل اكتر من مره

 

[tina_tina]

ده انسان عاوز يحب وبس
مش شرط عنده اذا كان ده صح او لا
وانا اوافق على كده خالص

 

[Coptic Man]

وانا رائي كما وضحت سابقا

اني لو الانترنت او الشات ده مجرد وسيلة وهيكملوا الباقي

سوا يعني مثلا يقابلها علي الحقيقة ويتعرف عليها اكتر

هيبقي الشات وسيلة ليس الا

اما لو اختص علي الشات بس وحبها هتبقي ده شخص بيحب علي نفسه ههههههه

مش ليها حل تاني

 

[الياس عازار]

في بعض ألأوقات يأتي الحب من أول نذرة

 

[الغريب]

يجماعة الحب مش مجرد كلمة تتقال والسلام لازم الاول نعرف ايو معنى الحب والفرق بينة ةبين الاعجاب انا ممكن اعجب بشخص معين لكن علشان احبة اكيد ها يكون هناك اعتبارات تانية كتير ولالاسف البعض دلوقت اصبح يستغل كلمة الحب للوصول الى اهداف واغراض بعيدة تمام عن معنى الحب

 

[THE GALILEAN]

لا انا لا اؤمن بقصص التعارف على النت التشات انها ناجحة او انها تاتي بنتيجة
التشات ممكن يكون محاورة لكسب المعلومات للتعرف على امور في بلد الآخر الذي تحاوره ولكن تعارف بين شاب وفتاة يصل الى الحب هذه شخصيا لا اؤمن بها

 

[ارووجة]

بتتعلق بالشخصين ازا كانو صادقين يعني بكونو على طبيعتهن زي بالحقيقة
ميغيروش تصرفاتهم وحاجات كتيرة والمبالغة...

لما يكونو صادقين مع بعض اكيد هتستمر المحبة حتى في الحقيقة ...

ازا هيك كانت... انا بأيدها اكيد

وخاصة انه الشات بيخلي الطرفين يتعلقو ببعض بالتصرفات والشخصية والجمال الداخلي
ومش بالمظهر والجمال الخارجي...( ازا كانو على حقيقتهن اكيد )

 

[mrmr120]

رايك جميل
ياارووجة بس ازاى يكونوا صادقين على الانترنت
لازم يشوفوا بعض ويتعرفوا اكثر الصراحة انا مش
مقتنعة بالاعجاب على الانترنت دة​

 

[الياس عازار]

hello for all

 

[ميريت]

انا برضه رائي زي ما قلته قبل كدا


انا مش مع الحب علي النت بس انا مع الحب عن طريق النت

يعني قصدي بكلامي انه مش مشكله وسيله التعارف ايه لكن المشكله الطريقه الي هيستمر بيها الحب دا

يعني لو كانت وسيله التعارف النت بس حصلت مقابلات وتعارف واطور الموضوع لحب بعد كدا

فيها ايه ماهو النت زيه زي اي وسيله تعارف تانيه

بس الي انا مش معاه انه النت يبقا الوسيله الوحيده للحب يعني انا مش مع اني الغي جانب المواجهه

لو حصلت مواجهه وحكمنا عقلنا وطلعت كل الظروف مناسبه يبقا ليه لا

لكن لو محصلتش واكتفينا بالنت بس او حصلت وطلعت الظروف مش مناسبه

وحاولنا نلغيها زي مثلا الفوارق في المستوي الاجتماعي او المادي او التعليمي

دا مينفعش

دا علي اعتبار انه كل الاطراف توافقه مش اي طرف بيضحك علي التاني

بس علي ما تلاقي قصه متوافقه دي بنسبه مش اكتر من 5 %
بس قصص الحب الي بتبقا علي النت مش اقل من 90 %
بس الي منها بيكمل مش اكتر من 5 %
لظروف كتير اوي اوي اوي اوي

بس التوفيق بيبقا من عند ربنا
ودي حاجه في اي علاقه سواء من النت او تعارف عادي

 

[mrmr120]

راءى جميل ياميريت
بس الحب عن طريق النت فعلا تختلف عن الحب على النت
طيب الى عن طريق النت
ازى هتقدر تحب بنت انت مشفتهاش قبل كدة
وانت اتعرفت عليها بمجرد الصدفة يعنى وسيلة من وسائل الترفية
يعنى صداقة مش اكتر انما حب مينفعش
بص انت لما تيجى تكلم البنت لازم تعرف انها بتكدب عليك فى حاجات
يعنى انتا ممكن تتعرف عليها ممكن هى تجاوب عادى لكن ممكن تكدب فى بعض حاجات
الصراحة انا مش مع الحب عن طريق الانترنت ولا على الانترنت ​

 

[ميريت]

بصي
عن طريق النت تختلف اختلاف شاسع عن الحب علي النت
لانه الحب علي النت بيقتصر الكلام بينهم والمحاوره لي النت فقط
لكن عن طريق النت
بيتقابلوا يشوفوا بعض يشوفوا التعابير
الاختلاف
المشاعر هتزيد ولا هتقل
وبعدين مفرقتش النت ولا مش نت
ماهي كلها في الاخر وسيله تعارف
يعني حب الجامعه دا بالزمه حب
والواحد محيلتوش غير مصروفه
لكن فيه قصص بتم
بس واحد في الميه
وزيها زي النت
برضه
مانتي متضميش ايه الظروف
ممكن يكون هو رافض المبدا وهي كمان رافضه المبدا
بس تتغير حجات كتير مع طول المده
زيها زي الواحد الي داخل يرسم علي بنت ومتفق مع صحابه يوقعها
وبعد فتره هو بيتعلق بيها
ويحبها
ويخسر الرهان
بس
دي حجات قليل ما بتحصل
بس بتحصل
والتوفيق بيبقا في االاول والاخر من عند ربنا

 

[الياس عازار]

hello for all

:smil12: :dance:

 

[ENG/peter]

ان الحب غير منطقى على النت

سلام ومحبة لكل الموجودين......​

لو سمحتولى انا شايف موضوع الحب على التشات غير منطقى لانه الحب مش مجرد كلام على النت لانه الحب فى راى حاجة تانية فهو خليط من المشاعر و الاحاسيس و الثقة ...........و حاجات تانية كتير فمثلاا ماينفعش انى اسلم قلبى لآى واحدة لا عمرى شفتها وكل الى يربطنى بيها هو النت و يا عالم ان كانت الصراحة موجودة ولا لا فيبقى حاتيجى منين الثقة يبقى لازم يتقبلوا قبل ما يحبوا بعض وزى ما فى ولاد غير صراحاء فى برده بنات كده.....(صدقونى).

merry christmas for all​

 

[ارووجة]

اكيد بعدين رح يشوفو بعض عالحقيقة حبيبتي ^_^
اومال ايه...يتزوجو على النت ههههههه

ولو شافوا بعض مش متل ماكان متوقعين من تصرفات واخلاق ...يبعدو عن بعض
محدش مانعهن القرار بيرجعلهن

 

[الياس عازار]

يارب احمي شعبي البناني من نيران الصهيونية
واحمي جميع الاطفال الابرياء يامن علمنا على محبة الجميع انشر المحبة في جميع قلوب العالم

 

[مريم.]

انا معا TINA
فعلا بيكون شخص عاوز يحب ويضيع وقت وخلاص
واكيد حب ربنا مش بيكون جوا
والا كان هو يمله عليه حياته
وميرسى اوى يا مرمر على موضوعك دة
وديما للامام

 

[mrmr120]

مرسى اوى اوى اوى
على ارائكم دى ياشباب
ربنا يبارككم​

 

[K A T Y]

بصي يا مرمر ان حاسة فعلا انه صعب الواحد يحب علي النت

الواحد لما بيقابل حد فعلا بيبقي خايف لو حبه وبعد كدا يطلع مخادع في نقطة معينة وبيحتاج وقت علشان

يقدر يثق فيه طيب بقي لو شخص علي النت اثق فيه ازاي صعبة انا مقابلتهوش ولا اعرفه ممكن ارتاح

لشخص اعجاب بالشخصية اللي بيتكلم بيها قدامي لكن حب اعتقد صعبة شوية طيب اي حد علي الشات

بيتكلم كلام حلو اعرف من فين دا فعلا ولا كلام تسالي

الموضوع دا فعلا محير وصعب