بسأل نفسى كتير ليه بحس وانا بضحك انى حزين
ليه دايماً صوتى بتخنقه الدموع
ليه الانين جوه قلبى ساكن
وحلم عمرى بقى مجرد حنين
ليه فرحتى بيخطفها الزمن منى فى لحظه
ليه الضيقه حاضره والفرح عنى غايب
ليه حلمى جبان خايف يتولد
هيفضل لامتى متدارى ومش شايف النور
ليه يا احزان مصره تقتلى جوايا الانسان
لامتى هتخطفى منى الامان
يا عمر تاه منى فى وسط الزحام
مستنياك تكسر قيود الظلام
وتاخدنى لخط البدايه
ونعيد كتابة الحكايه
حكاية قصه كان لازم تكمل
ومتقوليش فات الاوان