Happy Mother's Day

[ABOTARBO]

سلام ونعمه......

كل سنة وكل أم طيبة
ونخص بالتهنئة
مشرفة القسم
ماما كـــــــــاندى
هنحاول فى الموضوع دة نجمع موضوعات هتفيد فى خدمة مدارس الاحد وبردو فى المراحل المختلفة زى اعدادى وثانوى
ملحوظــــــــة
الموضوعات
مُجمعة من كذا موقع
أما ملف القديسات الأمهات
وتصميمات الخلفيات فدى من مجهود أعضاء منتدى الكنيسة
ودة بمساعدة
الخادمة المباركة :

besm alslib

و

الخادمة المباركة :
+Roka_Jesus+

​

 

[ABOTARBO]

صور تلوين لعيد الام

​

​

 

[ABOTARBO]

أسكتش عرائس لعيد الام

​

الشخصيات​

ماما - بندق - بندقة - مدرسة مدارس الأحد​

الحوار​

بندق : صباح الخير ياماما
ماما : صباح النور ياحبيبي
بندق : الفطار جهز ياماما
ماما : اه ياحبيبي جاهز من بدري
بندق : من بدري يعني زمانه برد روحي سخنيه تاني
ماما : حاضر ياحبيبي من عينيا

( تدخل الام وتخرج اخته دبدوبة )​

بندقة :انت ياواد يابندق انت بتكلم ماما وحش كدة ليه
بندق : وانتي مالك انتي متخليكي في حالك
بندقة :يعني ايه اخليني في حالى المفروض انك تحترم ماما اكتر من كدة
بندق : حاضر يااستاذة المرة الجاية ويالله اغسلي وشك عشان تكويلي القميص
بندقة :وانت متكوهوش لنفسك ليه
بندق : خلاص خلاص ايه ده مبقاش في محبة في البشر ياربي
بندقة :ياسلام وانت بقي اللي المحبة مالية قلبك وعمال تقول لماما روحي سخنيلي الاكل وانا اكويلك القميص وانت قاعد مبتعملشي حاجة
بندق : الله ماانا بذاكر
بندقة :بتذاكر عشان تنجح يعني بتعمل ده عشان نفسك وبس
بندق : طيب ماانتوا بتفرحوا لما بنجح
بندقة :طبعا بس اكيد انت بتفرح اكتر
بندق : يعني مش هتكوي القميص م الاخر
بندقة :لاياسيدي هيتكوي بس ياريت تبقي احسن من كدة معايا انا وماما
بندق : حاضر بقولك ايه صحيح يادبدوبة
بندقة :نعم عاوزني امسحلك الجزمة بالمرة
بندق : لا مافيش داعي انا مش هلبس الجزمة ممكن تمسيحلي الكوتشي بس انا كنت عاوز اسالك عن حاجة
بندقة :خير
بندق : اصل انا بصراحة بالصدفة امبارح بامانة بالصدفة شفت في الرف بتاعك من تحت اللي انتي قافلاه بالقف بالصدفة بامانة شفت تحت كتبك هدية كدة ملفوفة هي الهدية دي لمين ليا انا صح
بندقة :اولا انت ايه اللي خلاك تدور في حاجتي ده غلط ده اسلوب وحش ثانيا هو انت مجبتش هدية
بندق : جبت هدية اجيب هدية لمين ليكي يعني هو انتي يعني عشان جبتيلي هدية يبقي المفروض انا كمان اجيبلك هدية
بندقة :هدية ايه اللي انا جبتهالك انا مجبتلكشي اي هدايا
بندق : الله امال الهدية دي لمين لواحدة صاحبتك
بندقة :لا مش لواحدة صاحبتي انت بجد متعرفشي الهدية دي لمين
بندق : لا
بندقة :طيب خش جوة بص في النتيجة عشان تعرف النهاردة كام وعيد مين
بندق : طيب​

( يدخل بندق وتقول بندقة كلمة للأطفال )​

بندقة : شفتوا ياولاد بندق نسي عيد ماما مع ان ماما دي هي اللي بتصحي بدري عشان تجهزلنا الشنطة واللبس والاكل ولو احنا في مرة مثلا عيينا بتنام جنبنا وبنعييها وبعد كدة احنا مبناخدشي بالنا منها زي ماهي مابتاخد بالها مننا وكمان ساعات هي بتذاكرلنا يبقي اقل حاجة اننا حتي نقولها بس كل سنة وانتي طيبة حتي لو مخدناش اي هدية​

( يأتي بندق )​

بندق : انا جيت النهاردة عيد الام انا زعلان قوي
بندقة : بقي تنسي عيد الام يابندق هو ده برده يصح
بندق : لا طبعا ميصحش والمشكلة بقي ان انا صرفت كل فلوسي ومعييش اي فلوس عشان اجيب بيها هدية لماما
بندقة : طبعا لانك مكنتش بتحوش زيي ولا كنت عامل حسابك انك هتجيب لماما هدية مع انها هي عمرها مانسيتنا ولا نسيت عيد ميلادنا بيبقي امتي
بندق : خلاص بقي يابندقة وبعدين انا واثق ان اختي حبيبتي هتسلفني
بندقة : مين اختك حبيبتك دي هو انت ليك اخوات غيري
بندق : الله ما انا اقصدك انتي طبعا
بندقة : منين ما انا كل اللي كنت محوشاه جبت بيه هدية لماما
بندق : طب وبعدين هعمل ايه انا دلوقتي
بندقة : صلي لربنا وهو هيبعتلك هدية
بندق : بجد تفتكري ممكن
بندقة : اه ممكن لو صليت من قلبك لبابا يسوع هو هيديك حتي فكرة
بندق : طيب انا داخل اصلي​

( يدخل ليصلي وتخرج امه وتسال عليه )​

ماما: الله امال فين اخوكي ياحبيبتي انا سخنتله الاكل
بندقة : هو بيصلي وجاي ياماما ياحبيبتي
ماما: بيصلي طيب كويس ماتيجي احنا كمان نصلي يابندقة ماشي ياماما​

( وهم يصلوا يسمعوا طرقات ع الباب وتظهر عروسة اخري )​

ماما: اهلا ازايك يامس
المس : ازايك ياطنط كل سنة وحضرتك طيبة
ماما: وانتي طيبة ياحبيبتي
المس :امال بندق فين
ماما: جوة هخش اندهلك عليه​

( تدخل الام ويخرج بندق )​

بندق : انا جيت اهو ازايك يامس
المس :ازايك يابندق انا زعلانة منك علي فكرة
بندق : انتي كمان زعلانة مني يامس علي كدة انا مفيش حد بيحبني بقي النهاردة
المس : لا يابندق كلنا بنحبك بس انا زعلانة عشان انت مجيتشي امبارح مدارس الاحد
بندق : اه اصل انا راحت عليا نومة وماما قعدت تصحي فيا وانا بردوا مصحيتش
المس : طيب يابندق ياريت متعملشي كدة تاني
بندق : حاضر يامس
المس : واتفضل ياسيدي
بندق : ايه ده يامس
المس : دي ياسيدي هدية عيد الام اللي وزعناها امبارح قلت اجي اديهالك عشان تديها لماما
بندق : شكرا يامس لا ثواني شكرا يابابا يسوع لانك سمعتني
المس : ايوة جدع يابندق اي حاجة ناخدها م المس او من ماما نشكر بابا يسوع عليها وبعديها برده نشكر ماما او المس طيب انا همشي بقي​

( تدخل الام )​

ماما: رايحة فين يامس ثواني والعصير هيكون جاهز
المس : معلش ياطنط ده انا رايحة الشغل وكدة هتاخر يالله مع السلامة
ماما: مع السلامة
ماما: خلاص هجيبلكم ياولاد الفطار والعصير واجي
بندق : شكرا ياماما
بندقة : بص يابندق​

بندق : ايوة يابندقة
بندقة : انا دلوقتي هقول لماما ان الهدية بتاعتي انا وانت جايبنها سوا عشان هي متزعلشي
بندق : لا يابندقة ياحبيبتي احنا كدة هنكون بنكدب وبعدين انتي افتكرتي وانا لا وبابا يسوع بعت لي هدية انا هديها لماما وهي مش هتزعل مني
بندقة : خلاص يابندق اول لما ماما تيجي نديها الهدية​

( تدخل الام ويحتفلوا بعيد الام)​

 

[ABOTARBO]

كليب بحبك يا أمى عن عيد الام

http://www.4shared.com/video/onvTaB4T/_____.htm​

 

[ABOTARBO]

هدية عيد الأم

صوت خارجي : كان في بيت جميل عايشين فية ماما و كوكي و كيفين تعالوا و في يوم ماما تعبت قوي و كانت عيانة خالص طيب يا تلاي هنعمل اية ؟؟؟ تعالوا نشوف كوكي و كيفين عملوا اية مع ماما ؟
كيفين: حمد الله على سلامتك يا ماما... نشكر ربنا الدكتور طمنا و قال إنك هتكوني كويسة بعد لما تاخدي الدواء
ماما:شكراً يا كيفين يا حبيبي... نشكر ربنا
كوكي: و أنا كمان يا ماما هأصلي كل يوم إن بابا يسوع يشفيكي بسرعة
ماما: يلا يا ولاد غيروا هدومكوا لحد لما احضر العشاء
كوكي: لأ يا ماما إنتي تعبانة... أتفضلي يا ماما حضرتك ارتاحي و أنا و كيفين هنجهز الأكل
ماما: ماشي يا كوكي... و انت يا كيفين ساعد أختك الصغيرة
كيفين: من عنيا يا ماما... ارتاحي انتي بس.
كوكي: يا رب ماما تخف قبل عيد الأم علشان نقدر نحتفل بيها
كيفين: ماتقلقيش يا كوكي ماما هتبقى كويسة إن شاء الله
كوكي: اوعى يا كيفين تكون نسيت تجيب لماما هديتها
كيفين: عيب عليكي...ده أنا أشتريت لماما حتة هدية ...إنما إيه... هتعجبها قوي
كوكي: و أنا كمان جبت لماما هدية صغيرة كانت هي محتاجاها... بص كده...
كيفين: إيه ده... جونتي... ديه هدية ديه؟
كوكي: ايوة دة جوانتي علشان ماما تطلع بيه الأكل السخن من الفرن... هي كانت محتاجاه
كيفين: جوانتي للفرن!!! تعالي شوفي الهدايا اللي بجد... بصي أنا جبت إيه... طقم خلاط و معاه عصارة برتقال علشان ماما تعملي العصير اللي بحبه
كوكي:الاه حلو قوي.... بس المهم انك تكون جايبة علشان يساعد ماما في شغل البيت مش علشان تعملك فية برتقال و بس ...ماشي ....
كيفين : ماشي ... ماشي ....
كوكي : المهم يلا يا كيفين انت هات الأكل من التلاجة و انا هأجهزه في المطبخ
كيفين: بصي يا كوكي انا ورايا ماتش على الكمبيوتر , و عقبال ما أخلصه تكوني انتي جهزتي الأكل
كوكي: الاه... يعني مش هاتساعدني زي ما ماما قالت؟ طيب علشان خاطر ماما مش هي تعبانة و إحنا لازم نساعدها؟ و بعدين إن ماكنش علشان هي تعبانة فعلى الاقل علشان خاطر عيد الأم
كيفين: يا كوكي انا جبت لماما هدية كبيرة و غالية... اعتقد إن ده كفاية... اما انتي فهديتك صغيرة قوي... فممكن تساعدي ماما انتي بدل الهدية الصغيرة ديه
كوكي: بس يا كيفين ماما هتزعل لما تلاقيك مش بتسمع كلامها
كيفين: ما انا هأبقى اقولها اننا كنت تعبان... يلا بقى لأحسن أنا جعان قوي
كوكي: ماشي يا كيفين براحتك... بس ما تنساش تدي لماما الدواء في ميعاده بالليل
كيفين: و الدواء ميعاده الساعة كام بالظبط
كوكي: الدواء الأول ميعاده الساعة 1 و التاني الساعة 4
كيفين: يا سلام و انتي عاوزاني أصحى الساعة 4
كوكي: يا كيفين ما انت عندك بكره أجازة و بعدين انت نسيت ياما ماما سهرت جنبنا طول الليل و إحنا عيانين
كيفين: لا يا كوكي مانستش.... بس ... اصل.... طيب ربنا يسهل... ممكن بقى تحضري العشاء بسرعة علشان الحق انام و اصحى تاني
كوكي: حاضر يا كيفين... بس ممكن من فضلك تلف هديتي في ورق الهدايا ده.
كيفين: حاضر... لما نشوف اخرتها... ياه انا نعسان قوي... انا هالف الهدايا و انام...
يا سلام أدي الهدايا و لا بلاش... حتى شكلها يملى العين مش هدية كوكي دي الصغيرة اللي عاوزة عدسة مكبرة علشان الواحد يشوفها... كده تمام... اهو الواحد يفرح قلب ماما بدل ما أنا علطول تاعبها و مش باساعدها... اما ألحق انام بقى شوية لحد لما كوكي تحضر العشاء....
صوت خارجي : و فعلا يا ملايكة كيفين لف الهدايا و بعدين نام كيفين و بعد شوية حلم بالملاك الحارس يا تري اية اللي هيحصل تعالوا نشوف ؟؟
كيفين: إيه يا كوكي خلصتي الأكل؟... إيه ده ... إيه النور ده... انت مين...؟
الملاك: انا ملاكك الحارس يا كيفين...
كيفين: أهلاً أهلاً يا ملاكي الحارس.... إيه ده هو انت واخد الهدايا ديه و رايح فين؟
الملاك: انا واخد الهدايا بتاعتك انت و كوكي اوديها لماما...
كيفين: ايوه بس استنى كده... ديه هديتي... صح....
الملاك: تمام يا كيفين...
كيفين: امال الهدية الكبيرة ديه بتاعت مين يا تري ؟
الملاك: ديه هدية كوكي لماما...
كيفين: هدية كوكي؟ بس ديه هدية كوكي كانت صغيرة قوي!!! إزاي كبرت كده؟؟؟
الملاك: يا كيفين... تفتكر إيه اللي يفرح قلب ماما أكتر؟ هدية كبيرة و لا انك تسمع كلامها و تساعدها ؟
كيفين: أعتقد يعني... متهيالي !!!! الهدية الكبيرة ... و علشان كده انا جبت لماما هدية كبيرة...
الملاك: لا لا يا كيفين... مش الهدية الكبيرة اللي تفرح قلب ماما... الهدية اللي تفرح قلب ماما بجد يا كيفين هي انك تسمع كلامها و تساعدها و تعمل كل اللي تطلبه منك لأنها بتحبك قوي و كل اللي بتطلبه منك اكيد بيكون علشان مصلحتك.
كيفين: أيوه بس!! هو إيه اللي حصل لهدية كوكي؟؟... ده ..ده انا اللي اففلها بنفسي و كانت صغيرة قوي
الملاك: علشان كوكي يا كيفين طول الوقت بتسمع كلام ماما و تساعدها و اي حاجة ماما بتطلبها بتعملها علطول... و علشان كده كل ما كوكي تعمل حاجة حلوة مع ماما انا احطها لها جوة الهدية لحد ما بقت الهدية كبيرة قوي كدة و اتملت بحاجات كوكي الحلوة ...
كيفين: عندك حق يا ملاكي ... انا فعلاً ماكنتش باسمع كلام ماما في أي حاجة و عمري ماكنت باساعدها و لا انفذ اللي بتطلبه مني... بس اوعدك من هنا ورايح مش هأعمل كده تاني و هأعمل كل اللي انت قلت عليه علشان افرح قلب ماما بجد
الملاك: برافو عليك يا كيفين... سلام...سلام يا كيفين...

كيفين: إيه ده ... ده كان حلم حلو قوي... عندك حق يا ملاكي انا لازم افرح قلب ماما...
يا كوكي...يا كوكي... أستني انا جاي اساعدك في تحضير العشاء...

صوت خارجي : و فعلا يا ملايكة كيفين اتعلم انه يفرح قلب ماما لما يسمع الكلام و يساعدها
مش لما يجيب هدية كبيرة و بس
و احنا كمان اللي عايز يفرح قلب ماما يسمع الكلام و يساعدها
علشان كلنا نقولها كل سنة و انتي طيبة يا احلي ماما ​

 

[ABOTARBO]

+ بصوا بقى دة ملف حلو خاااااااااااااااااالص عن قديسات أمهات فى تاريخ المسيحية
هيفيدكم كتييييييييير فى تحضير قصص عن قديسات كانوا أمهات وكمان فيه كلمات لأباء الكنيسة عن عيد الأم
ودة لينك الموضوع

:download:

أمهـــــــــات قديســــــات فــــى تـــــــاريخ المسيحيـــــــة( ملف خاص بمناسبة عيد الأم )


​

 

[ABOTARBO]

ودة فـــــــــلاش إسمه الملاك
عن عيد الأم :

http://www.4shared.com/video/m4P21_B1/__2.html
​

 

[ABOTARBO]

أفكــــــــــار هدايا لعيد الام :

أنا هطرح بعض الأفكار وانتم ممكن تختاروا منها ...
(وأحب ألفت نظركم ان الهدية مش بتمنها ..يعنى مش لازم تكون غالية ...لا على قدر مصروفك ..وملحوظة تانية ودى مهمة خالص لازم تصالح ماما الاول لو كنت مزعلها قبل ما تقدم الهدية )

وأبسط هدية يا أولاد وردة حلوة نقدمها لماما ...

+ ممكن نجيب لماما ( إيشارب علشان تستعمله أثناء حضورها فى الكنيسة ) أعتقد الهدية هتعجبها قوووووى.

+ ممكن تجيب لمامتك كمان صليب خشب أو كتاب مقدس أو صورة لماما العدرا أو صورة للقديس او القديسة اللى بتحبهم .

+ ممكن تجيب بردو لماما البرفيوم (برفان) اللى بتحبه...


لو افتكرت افكار تانية هضيفها ليكم.
​

 

[+Roka_Jesus+]

ترانيم خاصة بعيد الام
​

صلاة فى عيد امى

http://www.4shared.com/file/39719827...ified=7ea08f0d



ماما علمتنى

http://www.4shared.com/file/87513380...nline.html?s=1



ماما يا عدرا

http://www.4shared.com/file/38623829...nline.html?s=1



ماما عرفت منك

http://www.4shared.com/file/28061095/b664166c/___online.html?s=1



ماما بحبك


http://www.4shared.com/file/41540256...nline.html?s=1



يسوع يخبرنى عن ماما

http://www.4shared.com/file/83005246...nline.html?s=1


ماما أنت الحب

http://www.4shared.com/file/49313229...nline.html?s=1



حنانك يا أمى

http://www.4shared.com/file/94068545/e2c39362/___online




ترنيمه فى لحظة

http://www.4shared.com/file/41239310.../__online.html





يلا نفرح

http://www.4shared.com/file/41239574.../__online.html



يا أمى يا غاليه يا مصر

http://www.4shared.com/file/41239482...___online.html



حضن ماما

http://www.4shared.com/file/90634263...HODN_MAMA.html
​

 

[menasonjesus]

موضوع حلو اوي ومفيد اوي اوي​

 

[ABOTARBO]

قصــــــــة:
اليدين المشوهتين

كانت هناك امرأة على جانب كبير من الجمال، بينما كانت يداها مشوهتين تماماً. وكانت لهذه المرأة بنت صغيرة تحب أمها جداً.
وذات يوم سألتها: أماه؛ إني أحب وجهك الجميل وعينيك الصافيتين وشعرك المُسترسل. لكن يا أمي .. يداك ..! أنا لا أقدر أن أنظر إليهما.

أجابت الأم: سأقص عليك يا عزيزتي ما حدث ليديَّ. من سنوات مضت، عندما كان عمرك ثلاثة أشهر، وفي ذات يوم مزدحم بالأعمال المنزلية، وبعد أن أرضعتك، أضجعتك في مهدك لتكملي نومك. وبينما أنا في المطبخ، فجأة سمعت صراخاً. ومن النافذة رأيت الجيران يسرعون نحو المنزل وعلى ألسنتهم صرخة واحدة .. النار .. النار! لقد أتت النيران على باب الحجرة التي كنتِ تنامين فيها. فما كان مني إلا أن أندفع إلى حجرتك وأنا مُمسكة بغطاء كبير لففت به رأسي وأكتافي، واقتحمت ألسنة النيران. وخطفتك من مهدك، وضممتك بقوة إلى صدري وجريت بكِ كالسهم خارج المنزل، وبفضل الغطاء الذي لففته على رأسي وصدري نجا رأسي وأكتافي، كما نجا وجهي وعنقي. أما يداي وذراعاي فقد احترقت تماماً.

وهنا أمسكت الابنة بيدي الأم المشوهتين وقبّلتهما وقالت لأمها: أماه إني أحب وجهك الجميل، وعينيك، وعنقك، وشعرك. أما هاتان اليدان فإني أحبهما أكثر من الكل.

هكذا نحن أيضاً نحب صليب المسيح. فلولا الصليب ماذا كان مصيرنا، سوى بحيرة النار إلى أبد الآبدين؟ والآن هل عرفت أيها القارئ العزيز لماذا كل المؤمنين يحبون الصليب؟
​

 

[ABOTARBO]

قصــــــــــــــــــــــة 2
إرجعي إليَّ

عاشت ماريا، هذه الأرملة الشابة، في إحدى قرى البرازيل. توفّى زوجها وهو في ريعان شبابه، تاركا لها طفلة إسمها كرستينا. كانت هذه الأرملة الشابة وإبنتها، يسكنان في غرفة متواضعة. فكانت هذه الأم تعمل في تنظيف البيوت، رافضة كل عروض الزواج التي قُدمت لها، إذ كان جُلّ همها أن تعمل بجدٍ ونشاط لكي تعيل نفسها وإبنتها كرستينا.

مرت الأعوام، وكبرت كرستينا واصبحت شابة جميلة جدا، ذات روح خفيفة وابتسامة جذّابة. حام حولها الشباب بكثرة، لكنها لم تبالِ بأي منهم، بل كانت تتكلم بإستمرار عن حلمها أن تذهب وتعيش في المدينة الكبيرة ريو دى جانيرو.


كانت الأم في قلق مستمر من هذا الأمر، وكانت تقول لإبنتها "يا حبيبتي، ماذا ستفعلين هناك؟ فأنت لا تعرفين أحدا، فيترصد لك رجال السوء، ويعاملونك بقساوة، ليسلبوك شبابك، ويتركونك عندما لا ينتفعون منك". كان قلب تلك الأم يفيض بالخوف على إبنتها، لأنها علمت شرور تلك المدينة، وما قد يحدث لإبنتها هناك.

ذات يوم، عادة الأم، لتجد سرير إبنتها فارغا، وخزائنها كذلك. فلا شك بأن إبنتها، رحلت الى تلك المدينة الغريبة.

أسرعت تلك الأم، ووضعت بعض الثياب في حقيبة صغيرة، وهي تجري الى محطة القطار والدموع تملأ عينيها. إشترت تذكرت القطار، ثم أنفقت تلك الأم كل ما بقي لديها من المال في آلة التصوير الأوتوماتيكية. آخذت لنفسها العشرات والعشرات من الصور إلى أن نفذ كل مالها.

أخذت ماريا القطار وشرعت تكتب كلمات قليلة في خلف كل من تلك الصور. كتبت نفس الرسالة عشرات المرات، وعيونها تمتلئ بالدموع.

وصل القطار الى ريو دى جانيرو ، فنزلت ماريا وطافت تبحث عن إبنتها، لكن من غير جدوى، بحثت عليها في كل مكان، أخيرا... أخذت تسير من خمّارة الى خمارة، وتلصق في كل مكان إحدى صورها، ثم ذهبت الى الفنادق ذي السمعة السئية، وفي كل مكان ذهبت اليه تلك الأم، لصقت صورها على لوحة الإعلانات. بعد أيام قليلة، وزعت ماريا كل صورها، فعادت حزينة الى قريتها وقلبها مكسور في داخلها.

مرت الأسابيع... وذات صباح نزلت كرستينا السلالم في أحد الفنادق السيئة. لم تعد لديها تلك الإبتسامة الضاحكة، بل أصبحت عيناها تحكي قصة حزن وشقاء، وجسدها، يحكي قصة الذل والهوان.

وبينما هي في رواق الفندق، وقعت عيناها على صورة أمها على الحائط. امتلأت عيناها بالدموع وهي ترفع الصورة. مسكت تلك الصورة في يديها وهي ترتجف، ثم قلبت تلك الصورة، وإذ بهذه الكلمات مدوّنة عليها..." يا حبيبتي، لا يهمُ ماذا فعلتِ، أو كيف أصبحتِ. أرجوكِ، إرجعي إلي. إرجعي إلى بيتكِ" لم تحتاج كرستينا إلى دعوة أخرى، بل في تلك الساعة عينها رجعت إلى بيتها وأمها.
​

 

[treaz]

موووووووووووضوع حلو بجد زكل سنة وكل ام طيبة

 

[ABOTARBO]

[YOUTUBE]-U3h_KGENms[/YOUTUBE]​

 

[ABOTARBO]

[YOUTUBE]DGgvcDLhL34[/YOUTUBE]​

 

[ABOTARBO]

بمناسبه عيدالام
مسرحيه بدون مقابل

الشخصيات

ابانوب
مينا
جورج
هاني
الام

تبدأ المسرحيه علي مينا وامه يدخلان الي الصاله " المسرح "

مينا : يلا عاوزة حاجه انا ماشي بقي
الام : رايح فين يا مينا في الوقت المتأخر ده هتخرج حالا الساعه عدت 1 بالليل
مينا : نعم هو انا عيل صغير هتقوليلي رايح فين انا حر يا ستي
الام : هو انا علشان خايفه عليك ابقي بقولك انتا عيل
مينا : عاوزة ايه حالا انا هخرج ومش كل شويه تفضلي تقوليلي الكلام ده
الام : يبني اسمعني انا خايفه علي مصلحتك
مينا : يعني هو انا مش عارف مصلحتي يعني انا اهبل ولا ايه افضلي انتي كل شويه ضايقيني بكلامك ده خنقتيني يا شيخه انا ماشي
الام : يبني بس استني مينا .. مينا
" يخرج مينا مسرعا وهو في قمه الغضب "
وتبكي الام علي ابنها ثم تقول :-
الام : يارب احفظهولي وخلي بالك منه يارب متحاسبهوش علي اللي هو بيعملوا معايا . يارب السكينه سرقاه يارب انا نفسي بس اشوفه منتبه في حياته ودروسه علشان يكبر ويبقي حد كويس ويتجوز واشوف ولاده نفسي يارب يروح الكنيسه ويتناول يارب خليك معاه يارب واحفظه ليا من كل شر
" ثم تبدأ في الصلاه " بسم الاب والابن والروح القدس ............."


المشهد التاني يبدأ علي مجموعه اصدقاء يجلسون مع بعض يتبادلون اطراف الحوار يلقون علي بعض الدعابات ثم يرن هاتف احدهم وهو مينا
مينا : ألو
الام : ايوة يا مينا انتا فين يا حبيبي
مينا : طب ثواني كده " ثواني يا جماعه وجاي"
ثم يعاود الحديث في التليفون
مبنا : إيه عاوزة ايه
الام : انتا فين يا مينا إتاخرت ليه يبني بقالك اسبوع برا البيت ومش عارف انتا فين ؟
مينا : هو أنا عيل صغير علشان كل شويه تتصلي بيا كده
الام : هو انا علشان بطمن عليك تبقي عيل صغير
مينا : بس لما تفضلي كل شويه تفضلي تزني علي دماغي كده وانتا فين بتعمل ايه اتاخرت ليه كده مبقاش عيل صغير علي فكره بجد انا اتخنقت من تصرفاتك دي وبردو قبل ما انزل عملتي نفس الحكايه بقولك ايه اقفلي انا مش جاي وهرجع بمزاجي

ويغلق الهاتف فجاه


ثم يعود الي اصحابه

مينا : ايه يا جماعه كنا بنقول ايه ؟
ابانوب : ايه يبني صوتك كان عالي ليه كده ومين ده اللي انتا مخنوق منه كده
مينا : امي يا عم كل شويه انتا رايح فين وخارج ليه والمزاكره لحد ما زهقت بجد يا جماعه انا عاوز اسيبلها البيت وامشي

هاني : يعني لو مشيت من البيت هتروح فين
مينا : علي رايك ياريت لو هي اصلا مكنتش موجوده عارف انتا لو تختفي من حياتي بقي في قمه السعاده مش هتفضل بقي تقولي كل شويه الكلام الرخم بتاعها ده


ثم يبدأ صديقه جورج في البكاء

يتكلم مينا ويساله

مينا : ايه يبني فيه ايه بتعيط ليه ؟
جورج : في الوقت اللي انتا فيه بتعمل في امك الكلام ده ونفسك امك متبقاش موجوده اصلا انا بس بتمني اشوفها ولو مرة واحده نفسي بس اشوفها واقولها اسف علي اي حاجه انا عملتها زعلت مني فيها

مينا : يا جورج انتا حاجه وانا حاجه

جورج : انا امي ماتت وانا صغير ماتت في الوقت اللي كنت نفسي فيه تحضني وتضمني بايديها زي بقيت الاطفال
وانا صغير كنت بشوف اصحابي معاهم امهم ماسكين في ايديهم والحنيه في عنيهم لو اي حد فيهم حصلوا حاجه امه كانت بتقوم تجري عليه
وانا اتحرمت من كل ده مكنش عندي ام تحضني وتخاف عليا
حتي لما كبرت وكبرت مشاكلي معايا كنت دايما ببقي نفسي ام تبقي موجوده جنبي أحكيلها مشاكلي وهي تسمعني ولما اكون تعبان من مشاكل الدنيا علي الاخر اترمي في حضنها وافضل ابكي وهي تطبطب عليا بحنيه وتواسيني وتحاول تنصحني اعمل ايه

هاني : خلاص يا جورج هو انتا يعني كنت عملت حاجه تزعلها منك

جورج : لا ده انا حتي ملحقتش اشوفها وانا كبير علشان اشوف حنانها زي كل الامهات
عارفين كان نفسي في ايه ؟
أبانوب : ايه يا جورج ؟
جورج : عيد الام اهه كمان كام يوم كان نفسي اجيب ليها هديه واقولها كل سنه وانتي طيب وابوس ايديها واقولها شكرا يا ماما علي حنانك ليا
وشكرا علي كل حياتك اللي كنتي عايشاها علشاني .. ياااه ياحبيتي يا امي نفسي اشوفك ولو لحظه بس... وحشاني اوي ياامي
"يترمي في حضن ابانوب"
ابانوب : خلاص يا جورج ما تعملش يبني كده انتا اي نعم عشت من غير ان لكن كان العدرا امك معوضاك و حافظاك من كل شر وحضناك دايما بحنانها

مينا : ياااه قد يا جورج حسستني اني اعمي قد ايه يا جورج انا كنت غلط في كل حاجه بعملها يعني انتا حاس بده كله وطول عمرك كان نفس يبقي ليك ام تخاف عليك وتحضنك وانا عملت ده في امي
في الوقت اللي فيه انتا كان نفسك تحضن امك انا كنت بزعق معاها وفي الوقت اللي كان نفسك تبوس ايديها كنت انا بخليها تبكي عليا وبسيبها بالايام لوحدها كانت دايما بتنصحني وانا كنت ببعد عنها لما كنت ببقي تعبان ومريض كانت بتسهر جنبي تبكي وتصلي علشاني ان ربنا يشفيني كنت بسغرب اوي وانا صغير علي عياطها علشاني لكن حالا بس عرفت قد ايه هي كانت بتحبني
يا حبيبتي يا امي يا حبيبتي قد ايه كنت تايه ومش شايف كل الحنان ده منك
انا فعلا ناكر للجميل

هاني : ازاي بس احنا مش بنحس بكل الحنان ده من الام الا بعد فوات الاوان وبعد ما بنكون جرحناهم كتير اوي

ابانوب : وليه فات الاوان ليه لسا الوقت قدامك قوم يا مينا وروح ليها في البيت واعتذر ليها علي اللي انتا عملته ده
جورج : قوم يامينا صدقني كل حاجه في الدنيا دي ممكن تكون مزيفه الا حنان الام بجد مش بيكون علشان مصلحه وعلشان هما عاوزين حاجه بس بجد بيكون حنان بدون مقابل

يلا بينا

المشهد التالت في البيت عند مينا "
يدخل مينا واصحابه وامه مش في البيت
مينا : يا ماما انتي فين ماما ... اكيد زعلت مني وسابت البيت
ابانوب : يعني كان لازم تزعق معاها
مينا : انا غلطان يا امي يا تري رحتي فين بس يارب علي قد صلاتها ليك علشان ابقي انا حد كويس وعلي قد حنيتها عليا رجعها ليا يارب صدقني انا هبقي حد كويس وهصلي وهروح الكنيسه ومش هزعلها مني تاني ابدا بس ترجع تاني
" تدخل الام من الباب "
الام : مينا انتا جيت
مينا : " مقبلا يد امه ويقول "

مينا : ماما انتي كنتي فين انا الفتكرتك زعلتي مني وسبت البيت
الام : لا يا حبيبي انا عمري ما ازعل منك ابدا ده انتا ضنايا
مينا : يااه حنينه اوي يا امي قلبك حنين اوي عليا وانا مكنتش شايف ولا واخد بالي من كل الحنيه دي
الام : يبني انا بس عايشه لمين الا علشانك انتا ده انتا ابن بطني ومليش حد غيرك

مينا : سامحيني يا امي علي كل حاجه عملتها في حقك غلط النهارده او امبارح او اي يوم اي غلطه انا غلطتها فيكي سامحيني انا عارف ان انا مستهلش انك تسامحيني لكن بردو عارف ان قلبك كبير حنانك يكفي العالم كله بلاش تزعلي من وارضي عليا في الوقت اللي انتي كنت خايفه عليا انا كنت بقاابل ده بكل قسوه مني
الام : مسامحاك يبني راضيه عليك طول عمري بس لازم ربنا كمان يرضي عليك صليله علشان يقبل توبتك
مينا : حاضر يا ماما هصلي وهروح الكنيسه ياريت تقبلي مني الهديه البسيطه دي بمناسبه عيد الأم

الام : شكراً يا حبيبي تعيش وتجيبلي بس يبني انا كل اللي كنت بترجاه من الدنيا اني اشوفك ماشي في طريق ربنا وعارف طريق الخير فين وتكون سعيد في حياتك . انا دعيت ربنا انه يحفظك ويرجعك ليا واديه اهه نفس وعده معايا شكرا ليك يا رب انك رجعتلي ابني وعرفته طريقك
مينا : يا امي دول اصحابي وهما اللي رجعوني ليكي وعرفوني قد ايه انا كنت غلطان
الام : تعالوا يا ولاد كلنا نصلي وندعي ربنا
يارب شكرا ليك علي انك رجعت مينا ابني ليا وكنت معاه لحظه بلحظه حاميه بملائكتك من كل شر. يارب خليه معاك علي طول وخليك جنبه وكمان اصحابه خليهم جنبك ونورلهم طريق الخير ابعد عنهم طريق الشر
غير ابنى زى ماغيرت القديس اغسطينوس ابن الدموع
ترنيمه .......................

​

 

[besm alslib]

​

يا رب بس يعجبوكم

وكل سنه وكل امهات العالم بخير وسعاده

شكرا اخي الغالي على تعبك ومجهودك الرائع

الرب يباركك ويبارك تعبك
​

 

[besm alslib]

​

 

[ABOTARBO]

​

يا رب بس يعجبوكم

وكل سنه وكل امهات العالم بخير وسعاده

شكرا اخي الغالي على تعبك ومجهودك الرائع

الرب يباركك ويبارك تعبك
​

إيه التصميمات الروووووووووووووووووووووووعة دى
حلوييييييييييييييييييييييييييييييين قووووووووووووووووووووووووووووووووووووووووى
كل سنة وحضرتك طيبة يا أم جورج
وأجمل تقيييييييييييييييم
ربنا يبارك خدمتكم واسرتكم
آميـــــــــــــــــــــن

 

[besm alslib]

وانت طيب يا رب وربنا يخليك على دعواتك الغاليه جدا

وبامانه سعيده جداااااااااا انهم عجبوك شان انت بقى المشرف بتاعي ويهمني رايك دايما هههههههههه

وميرسي كتيررررررررررررر على التقييم
​