|"*_*"| لقــــــ مع ــــاء Cobcob|"*_*"|

[ارووجة]

اهلا وسهلا ياغاليين
اليوم هنتبدي
مع شخصية جميلة
على كيفك كيفكن
ومعوداتنا على الترانيم الحلوة
مشــــــــرفة قسم الترانيم

" Cobcob "

اهلا وسهلا فيكي حبيبتي معانا على كرسي الاعترافــــ

ونبتدي بالاسئلة التمهيدية

اسمك الاول

عمرك

بلدك

حالتك الاجتماعية

مهنتك\دراستك

هواياتك

طموحك


بتمنى من الجميع يشارك بطرح الاسئلة
وربنا معاكـــــي ^_^

 

[cobcob]

ميرسى يا ارووجة على المقدمة الجامدة دى

اسمى ماريان

عمرى 24 سنة

بلدى مصر

حالتى الاجتماعية single

مهنتى مهندسة ديكور (عاطلة حاليا عن العمل)

هواياتى القراءة والتصميم

طموحى حاليا انى الاقى شغل احقق فيه نفسى واكتسب خبرة كويسة فى مجال شغلى ​

 

[KOKOMAN]

سلام ونعمه

ازيك ياماريان

اتمنى ان تكونى بأفضل حال

ممكن اسأل كام سؤال كده على الماشى

نبتدى الاسئله

1-ليه وجودك ديما مقتصر فى قسم الترانيم فقط

2-اكتر عضو او عضوه عجبتك مواضيعه
وعضو او عضوه بيعجبك ردودهم
​

3-اكتر موضوع شد انتباهك جدا

4-اذكرى خمس اعضاء غلسين

و خمس اعضاء مش غلسين

وخمس اعضاء بتفتقديهم لما بيغيبوا عن المنتدى

5-اكلتك المفضلة
​

6-المشروب المفضل ​

7- كان نفسك مجال دراستك يتغير ​

8- كليه الهندسه كانت صعبه ولا سهله :smil16:
ههههههههههههههه ​

نكتفى بهذا القدر ​

اكيد راااااااجع
سلام المسيح معاكى ​

 

[cobcob]

انا اسفة جدا يا ارووجة و يا kokoman
انا كنت بكتب رد على اسئلة kokoman
بس حصل مشكلة عندى فى النت
ودخلت من خلال التليفون وده بطىء ومكلف اوى
بس بليل هاكون حليت المشكلة واكمل الموضوع معاكو
واسفة جدا جدا جدا جدا​

 

[KOKOMAN]

ولا يهمك يا ماريان
ربنا معاكى ​

 

[cobcob]

سلام ونعمه

ازيك ياماريان

اتمنى ان تكونى بأفضل حال

ممكن اسأل كام سؤال كده على الماشى

اسأل براحتك يافندم​

نبتدى الاسئله

1-ليه وجودك ديما مقتصر فى قسم الترانيم فقط

من حيث التواجد
أنا أحيانا بتواجد فى أقسام تانى زى حواء والشبابيات والعام
بس بصراحة بلاقى نفسى مع الترانيم
الترانيم دى عندى ادمااااااااااااان
بس بينى وبينك كمان انا مش شاطرة فى الردود وكده
بحتاس ومش بعرف أكتب حاجة​

2-اكتر عضو او عضوه عجبتك مواضيعه

candyshop​

وعضو او عضوه بيعجبك ردودهم

فراشة مسيحية​

​

3-اكتر موضوع شد انتباهك جدا

موضوع الطريق الصحيح للخطوبة والارتباط​

4-اذكرى خمس اعضاء غلسين

لأ انا بامانة عمرى ما حسيت ان فى عضو غلس بالاسم
ممكن استغلس حد من خلال طريقته فى طلب ترنيمة أو شريط
بس مش بفتكر أسماء​

و خمس اعضاء مش غلسين

اللى مش غلسين كتييييييير
وعلى سبيل المثال لا الحصر
oesi-no
totty
kokoman
dona nabil
candy shop



وخمس اعضاء بتفتقديهم لما بيغيبوا عن المنتدى

فراشة مسيحية
oesi-no ( بحتاس من غيره)
ginajojo
dona nabil
candy shop​

5-اكلتك المفضلة
​

تقريبا بحب كل أنواع الاكل
بس بموووووووووت فى الرز المعمر​

6-المشروب المفضل ​

الايس موكا​

7- كان نفسك مجال دراستك يتغير ​

لا خاااااااالص
الكلية دى مكانتش دفى فى الاول
بس لما ابتديت الدراسة فيها ماتمنيتش أغيرها خالص​

8- كليه الهندسه كانت صعبه ولا سهله :smil16:

لا أنا خريجة كلية الفنون الجميلة
قسم الديكور
والدراسة فيها سهلة جدا​

ههههههههههههههه ​

نكتفى بهذا القدر ​

اكيد راااااااجع
سلام المسيح معاكى ​

أسئلتك بجد لذيذة
وآسفة على التأخير فى الرد​

 

[KOKOMAN]

لالالالالالا
مش هاينفع كده يا جماعه
فين الاسئله
هههههههههههههههههههه​

انا جايب كام سؤال معايا انا وجاى
لقتهم على باب المنتدى عند الكشك بالظبط


ســــــ1
اكتر مكان بتحبيه فى بلدك او اى بلد تانيه ؟


ســـــ2
مكان نفسك تزوريه ومازورتهوش خالص ؟


ســـــ3
نفسك تعيشى فى بلد تانيه غير بلدك ؟
وايه هيه البلد دى ؟


ســــ4
بتشجى فى الكوره ولا مالكيش فيها ؟
ولو بتشجعى
اسم الفريق المفضل ليكى ؟


ســــــ5
اكتر عضو او عضوه من المنتدى نفسك تتعرفى عليهم شخصيا ؟


ســــ6
نفسك تعملى ايه دلوقتى فى العضو الالى سئل الاسئله دى ؟
:t9::t9::t9:


راجعلك تانى
​

​

 

[cobcob]

لالالالالالا
مش هاينفع كده يا جماعه
فين الاسئله
هههههههههههههههههههه​

انا جايب كام سؤال معايا انا وجاى

ايه يا عم الحماس ده كله​

لقتهم على باب المنتدى عند الكشك بالظبط


ســــــ1
اكتر مكان بتحبيه فى بلدك او اى بلد تانيه ؟

أسوان (بلد جمييييييييييلة جدا)​

ســـــ2
مكان نفسك تزوريه ومازورتهوش خالص ؟

ممممم
أماكن كتير
بس نفسى أوى أروح أى بلد فى جنوب شرق آسيا زى تايلاند مثلا ​

ســـــ3
نفسك تعيشى فى بلد تانيه غير بلدك ؟
وايه هيه البلد دى ؟

لو بالنسبة للظروف أكيد نفسى أعيش فى بلد تانية
والبلد هى كندا​

ســــ4
بتشجى فى الكوره ولا مالكيش فيها ؟
ولو بتشجعى
اسم الفريق المفضل ليكى ؟

يعنى مش تشجيع أوى بس بكون فاهمة اللى بيحصل
بس ماليش خلق أتفرج على ماتش كامل
الفريق المفضل ليا الأهلى
وبعتبر ان تشجيع النادى الاهلى ده من باب الشياكة​

ســــــ5
اكتر عضو او عضوه من المنتدى نفسك تتعرفى عليهم شخصيا ؟

Coptic Man​

ســــ6
نفسك تعملى ايه دلوقتى فى العضو الالى سئل الاسئله دى ؟

كل خير صدقنى
نفسى برضو أتعرف عليه أكتر​

:t9::t9::t9:


راجعلك تانى



​

​

مستنياك​

 

[احلى ديانة]

انا جيت انا جيت

اولا اهلا وسهلا بيكى فى الكرسى هنا

ياترى مستريحة فى الكرسى ولا اية

نبدا بكام سوال بقى كدة على الماشى

- عرفتى المنتدى دة منين يا ترى ؟ مين اول شخصية عرفيتها ؟ وبعد مدة فى المنتدى وتقربتى من الاعضاء مين الى فى المنتدى لو سابة المنتدى يخسر ؟

2 - اغرب موقف حصلك فى المنتدى ومش قادرة تنسية ؟ " النسيان نعمة على فكرة "

3 - موضوع قراتية حسيتة الى كاتبة بجد انة مبدع فى افكارة ؟

4 - ناس كتير اوى فى المنتدى يستحقوا كلمة شكر منك ومن كل الناس ! دة شى اكيد بس الناس دى تحبى تقولى ليهم اية ياترى



ماى روك
صوت صارخ
قلم حر
فراشة مسيحية
كاندى
دونا
يارا
كوكو مان
توتى


وليا رجعة تانى

 

[cobcob]

انا جيت انا جيت

اولا اهلا وسهلا بيكى فى الكرسى هنا

ياترى مستريحة فى الكرسى ولا اية

لا تقلق
مريح وتمام التمام​

نبدا بكام سوال بقى كدة على الماشى

- عرفتى المنتدى دة منين يا ترى ؟

عرفت المنتدى من خلال بحثى عن ترنيمة
لقيت موضوع كان عامله جورج oesi-no لأى حد عاوز يطلب ترانيم​

مين اول شخصية عرفيتها ؟

جورج (oesi-no)​

وبعد مدة فى المنتدى وتقربتى من الاعضاء مين الى فى المنتدى لو سابة المنتدى يخسر ؟

ناس كتير أوى
دونا وكاندى وفراشة

2 - اغرب موقف حصلك فى المنتدى ومش قادرة تنسية ؟ " النسيان نعمة على فكرة "

فى موقفين :
+ فى ييوم كنت مش فى البيت وأول لما روحت فتحت المنتدى كالعادة
وفجأة لقيت رسالة بطردى بسبب مشاركة مخلفة
طبعا زى مايكون حد خبطنى على دماغى
بس طلع ان انا مظلوم يا بيه وكان فى شوية لخبطة وربنا حلها

الموقف التانى كان مستفز وغريب جدا من وجهة نظرى
لقيت فى عضو فى قسم الترانيم بيكتب مشاركات كتير
وكلها ترانيم وشرايط مكررة
ولقيت ان كل اللينكات اللى بيحطها بياخدها من فايلات انا اللى رافعاها
وزيادة على كل ده
لقيتو بيكرر مواضيع قديمة ليا وبياخدها بنفس الصياغة والفونت كمان
كان نفسى افهم ليييييييييييه
بس ماردش عليا ​

3 - موضوع قراتية حسيتة الى كاتبة بجد انة مبدع فى افكارة ؟

أغلب مواضيع بتاعت dona nabil فى ركن الشبابيات

وفكرة كرسى الاعتراف دى حلوة جدا جدا جدا واللى عاملها مبدع جدا​

4

- ناس كتير اوى فى المنتدى يستحقوا كلمة شكر منك ومن كل الناس ! دة شى اكيد بس الناس دى تحبى تقولى ليهم اية ياترى

ماى روك (ان اقبلت لخدمة الرب الاله فاثبت على البر و التقوى و اعدد نفسك للتجربة (سيراخ 2 : 1))
صوت صارخ (مهمتك صعبة .....ربنا معاك)
قلم حر ( معرفوش أوى يعنى بصراحة)
فراشة مسيحية ( بتعمل مجهود كبير ... ربنا يعوضها)
كاندى ( مش عارفة أقول ايه بس بجد هى لذيذة أوى)
دونا (فعالة جدا ورائعة بس محتاجة ان أعصابها تكون جامة أكتر شوية)
يارا ( برضو ماعرفهاش أوى)
كوكو مان ( جدع جدا وأتمنى نكون أصدقاء)
توتى (شقية أوى و واحشانى)​

وليا رجعة تانى

هاستناك​

 

[Coptic MarMar]

:smil16::smil16::smil16:

أنا جيـــــــــــــت30: ههههههه

ليكى وحشة يابت ياماريان قوليلى الاول عاملة ايه النهارده ؟

يلا بقى ننزل الجزء الاول من الاسئلة....

استعنا علي الشقا بالله

السؤال الأول وينقسم إلى أسئلة كتيييييير

1- امنية حياتك اللي نفسك تحققيها ؟ وياتري فيه امنية حققتيها ؟

2- هواية نفسك تمارسيها ؟ وايه هوايتك الحالية ؟

3- اكتر 5 اعضاء اتصاحبتي عليهم في المنتدي ؟

4- احلي شخصية عجبتك وارخم شخصية ؟ ( مش عايزة هروووووووب من السؤال ده )

5- احكيلنا موقف مضحك حصل معاكي ؟ وموقف محرج ؟ وموقف اتضايقتي فيه ؟ وموقف اتغاظتي فيه ؟ موقف طلع عنيكي الجوز فيه ؟

6- ايه اكتر ترنيمة بتحبيها ؟

7- بتروحي الكنيسه وبتعترفي وتتناولي ولا لا؟ و أخر مره كانت امتى..؟؟ ومين شفيعك..؟؟

8- امتى حسيتي ان ربنا قريب منك أوي.. وامتى حسيتي انه بعيد؟؟

السؤال الثانى : ينقسم الى ستة اجزاء:- 30:

1-أكتر حاجه بتضايقك..؟؟

2-أكتر حاجه بتنرفزك..؟؟

3-أكتر حاجه بتبسطك..؟؟

4-دموعك قريبه ولا لا؟؟ وامتى تنزل منك غصب عنك..؟؟

5-لو اعجبتي بشاب وهو مش يعرف.. تقوليله ولا تستني لما هو يحس ويتكلم معاكي..؟؟

6-راضيه عن حياتك الروحيه..؟؟ وحياتك الاجتماعيه..؟؟

السؤال التالت ( كام سؤال عالماشى كده ) :smil16:

1- أكتر سفر بتحبيه فى الكتاب المقدس ؟

2- أكتر أيه ؟

3- أكتر مزمور ؟

4 - أكتر شخصية متأثرة بها فى الكتاب المقدس ؟

السؤال الرابع ( أخر سؤال وهمشى خلاص هههه) :hlp:

1- تقدري تتخلي عن مبدأ من مبادئك..؟؟ ولمين..؟؟

2- بتحلي مشاكلك ازاي..؟؟ لوحدك ولا تتشاركي مع حد لحلها..؟؟

3- امتى دموعك تنزل منك غصب عنك ؟؟

4- ايهما اكثر في حياتك.. لحظات الفرح أم لحظات الحزن..؟؟ولماذا؟؟

5- ماهي جوانب الضعف والقوه في شخصيتك..؟؟

6- رأيك في الصداقه بين الولد والبنت..؟؟

7 - أكتر حاجه بتحبي تعمليها في وقت الفراغ.. غير النت..؟؟

8- أيه رأيك فى الأقوال دى !!!!

- قوة المرأه في ضعفها.

-الحب الأول وهم بعد مرور السنين.

-الرغبه التي لا تتحقق تظل تؤرق الانسان ولا ينساها.

-الحب الأفلاطوني.

-ثلاثة أصناف من البشر لا يستطيعون فهم المرأة : الأطفال ، والشبان ، والشيوخ .

-تضحك المرأة عندما تستطيع .. وتبكي عندما تريد .

كفااااااااية كده بقى أيدى وجعتنى :heat: هههههههه

فاصل ونرجع لبعض تانى30:​

 

[cobcob]

بصى بقى يا marmar_maroo
انت شكلك ناويالى على سهرة الليلة
انا هانزل مشوار صغير
أكون فكرت فى الاسئلة فى السكة
وارجعلك وأقعد أجاوب على الاسئلة للصبح​

 

[Coptic MarMar]

لالالالالالالالا مفيش نزول...

أنا مستنية

ولو ملقتش أجابة دلوقتى

هنزل الجزء التانى :new6:​

 

[cobcob]

ربنا يخليكى
ويخليلك عيالك حتى لو ماعندكيش عيال
هانزل حبة نونو واجى على طوووووووول​

 

[فراشة مسيحية]

ماريااااااااااااااااااااان على الكرسي لاء مش معقول :mus13:

ماريان سؤال على السريع كدا هو مزنوووووق في بالي

من اول معرفت ان اسمك ماريان يعني من كام يوم بس

لية اختارتي اسم كوب كوب ؟ مع ان اسمك بعيد عن كوب كوب :t19:

وبجد احرجتيني وفرحتيني و شجعتيني لما اختارتيني في الاجابات السابقة :new8:

متابعة معاكي يا قمر :flowers:


​

 

[cobcob]

:smil16::smil16::smil16:

أنا جيـــــــــــــت30: ههههههه

ليكى وحشة يابت ياماريان قوليلى الاول عاملة ايه النهارده ؟

تمام نشكر ربنا​

يلا بقى ننزل الجزء الاول من الاسئلة....

استعنا علي الشقا بالله

يا مسهل يا رب​

السؤال الأول وينقسم إلى أسئلة كتيييييير

1- امنية حياتك اللي نفسك تحققيها ؟ وياتري فيه امنية حققتيها ؟

الامنية اللى نفسى احققها حاليا قولتها
نفسى الاقى شغل كويس وأقدر أعمل خبرة فى مجالى

الامنية اللى حققتها انى ادخل كلية فنون جميلة​

2- هواية نفسك تمارسيها ؟ وايه هوايتك الحالية ؟

نفسى أمارس الرياضة
حاليا بحب القراية وتصميم الخلفيات على الفوتوشوب ودراسة اللغة القبطية​

3- اكتر 5 اعضاء اتصاحبتي عليهم في المنتدي ؟

oesi-no
mazzikano
totty​

4- احلي شخصية عجبتك وارخم شخصية ؟ ( مش عايزة هروووووووب من السؤال ده )

أحلى شخصية : Coptic man
أرخم شخصية : مفييييييييييييش​

5- احكيلنا موقف مضحك حصل معاكي ؟

كنت بمثل دور القديسة مارينا فى مسرحية وانا فى ابتدائى فى الكنيسة
وكان المفروض انى اشد الشيطان من قرونه (اللى هى الباروكة)
قامت الباروكة دى طلعت فى ايدى ​

وموقف محرج ؟

وانا فى ثانوى حكيت لواحدة صاحبتى على حاجة
وصاحبتى راحت حكت لأخت البنت اللى كنا بنتكلم عنها على الكلام اللى قولتو
واللى اتقال عليها الكلام دى جت وأحرجتنى
شغل عيال شويتين​

وموقف اتضايقتي فيه ؟

اتنين اعرفهم مافكروش يعزمونى فى خطوبتهم
وكنت فاكراهم أصحابى​

وموقف اتغاظتي فيه ؟

لبا حسيت ان اصحابى كلهم عارفين حاجة ومش قايلينلى عليها
(بالبلدى مقرطسنى)​

موقف طلع عنيكي الجوز فيه ؟

انى اجاوب الاسئلة دى
وبعد ما خلصت اجابة الكومبيوتر فصل وعيدتها تانى​

6- ايه اكتر ترنيمة بتحبيها ؟

مهما ضعفى امتلكنى​

7- بتروحي الكنيسه وبتعترفي وتتناولي ولا لا؟ و أخر مره كانت امتى..؟؟ ومين شفيعك..؟؟

أه بروح
آخر مرة اتناولت من شهر
آخر مرة رحت الكنيسة يوم الجمعة
شفيعتى السيدة العذراء​

8- امتى حسيتي ان ربنا قريب منك أوي.. وامتى حسيتي انه بعيد؟؟

حسيت ان ربنا قريب منى لما حسيت انه اختارلى دراسة حلوة
وبحس انه بعيد لما بختلف مع ماما​

السؤال الثانى : ينقسم الى ستة اجزاء:- 30:

1-أكتر حاجه بتضايقك..؟؟

السطحية​

2-أكتر حاجه بتنرفزك..؟؟

الغباء​

3-أكتر حاجه بتبسطك..؟؟

انى انتهى من اى حاجة بعملها بنجاح​

4-دموعك قريبه ولا لا؟؟ وامتى تنزل منك غصب عنك..؟؟

لأ
لما بحس باهانة من حد قريب​

5-لو اعجبتي بشاب وهو مش يعرف.. تقوليله ولا تستني لما هو يحس ويتكلم معاكي..؟؟

مستحيل انا اللى ابدأ​

6-راضيه عن حياتك الروحيه..؟؟ وحياتك الاجتماعيه..؟؟

لا مش راضية عن الاتنين​

السؤال التالت ( كام سؤال عالماشى كده ) :smil16:

1- أكتر سفر بتحبيه فى الكتاب المقدس ؟

رسالة يعقوب

​

2- أكتر أيه ؟

(تكفيك نعمتى لأن قوتى فى الضعف تكمل)​

3- أكتر مزمور ؟

المزمور الثالث
يا رب مأكثر مضايقى​

4 - أكتر شخصية متأثرة بها فى الكتاب المقدس ؟

بولس الرسول​

السؤال الرابع ( أخر سؤال وهمشى خلاص هههه) :hlp:

1- تقدري تتخلي عن مبدأ من مبادئك..؟؟ ولمين..؟؟

لأ مقدرش​

2- بتحلي مشاكلك ازاي..؟؟ لوحدك ولا تتشاركي مع حد لحلها..؟؟

معرفش أحلها لوحدى خالص​

3- امتى دموعك تنزل منك غصب عنك ؟؟

ما قولتلك لما احس بالاهانة من حد قريب​

4- ايهما اكثر في حياتك.. لحظات الفرح أم لحظات الحزن..؟؟ولماذا؟؟

لحظات الحزن
لأن بحس انى بفتقد حاجات أساسية فى حياتى​

5- ماهي جوانب الضعف والقوه في شخصيتك..؟؟

جوانب الضعف : انى لما باخد موقف حازم مع حد بسسب خطأ عمله بيصعب عليا لو زعل
جوانب القوة : ​

​

6- رأيك في الصداقه بين الولد والبنت..؟؟

مقتنعة بيها تماما بس تكون فى اطار مجموعة ومجتمع زى الكنيسة أو المدرسة​

7 - أكتر حاجه بتحبي تعمليها في وقت الفراغ.. غير النت..؟؟

أقرا رواية جامدة
أعمل تصميمات على الفوتوشوب أو أى أوراق للخدمة​

8- أيه رأيك فى الأقوال دى !!!!

- قوة المرأه في ضعفها.

صح 100%​

-الحب الأول وهم بعد مرور السنين.

مقتنعة بها تماما​

-الرغبه التي لا تتحقق تظل تؤرق الانسان ولا ينساها.

لأ مش دايما
فى رغبات بتتنسى مع تغير الظروف​

-الحب الأفلاطوني.

لا يمكن ان يتواجد بين طرفين مرتبطين عاطفيا​

-ثلاثة أصناف من البشر لا يستطيعون فهم المرأة : الأطفال ، والشبان ، والشيوخ .

لا لا لا الكلام ده مش صح
مكانتش الدنيا مشيت​

-تضحك المرأة عندما تستطيع.. وتبكي عندما تريد .

لا برضو مش مقتنعة
المرأة بتحس مش مكنة​

كفااااااااية كده بقى أيدى وجعتنى :heat: هههههههه

فاصل ونرجع لبعض تانى30:​

انتى بقى وجهتى ايدى وعينى
وتعبتينى
حتى الكومبيوتر اتخض منك وفصل
هههههههههههههه​

 

[cobcob]

ماريااااااااااااااااااااان على الكرسي لاء مش معقول :mus13:

ماريان سؤال على السريع كدا هو مزنوووووق في بالي

من اول معرفت ان اسمك ماريان يعني من كام يوم بس

لية اختارتي اسم كوب كوب ؟ مع ان اسمك بعيد عن كوب كوب :t19:

وبجد احرجتيني وفرحتيني و شجعتيني لما اختارتيني في الاجابات السابقة :new8:

متابعة معاكي يا قمر :flowers:


​

يا سلام
يعنى هو فراشة مسيحية ده اسمك الحقيقى؟
ههههههههههه
بصى يا ستى الحكاية بسيطة خالص
لما كنت صغيرة بابا الله يرحمه كان بيقوللى كوبكوب
لما سألته ليه مسمينى كده
قاللى عشان كنتى مكبكبة فى بعضك (يعنى كلبوظة شوية)
ولما كبرت وجبت موبايل
أصحابى قالولى ان اسم ماريان ده كتير اوى وهايلخبطهم وهما بيدورو على اسمى على الموبايل
ملقيتش قدامى غير كوبكوب
وعملت الايميل بتاعى بنفس الاسم وعجبنى
وبقى ال nickname بتاعى

وبعدين يا ستى ولا أحرجتك ولا حاجة
ده أقل واجب
ربنا معاكى​

 

[oesi no]

متابع معاكم
اسمى ظهر كتير اوى يا كوبكوب
انا قريت الصفحتين كلهم
ليا تعليق صغير على انك بتحتاسى من غيرى
فى حالة عدم وجودك فى القسم انتى وجينا ربنا يرجعها بالسلامة كدة بحس انى وحيد
لانكم فعلا اخواتى
مش هغتت عليكى باسئله فى الوقت الحالى
امبارح موضوع ترانيم الاطفال والنهاردة مرمر مارو عامله الواجب
مفتكرش انتى ناقصه ​

 

[Coptic MarMar]

انتى بقى وجهتى ايدى وعينى
وتعبتينى
حتى الكومبيوتر اتخض منك وفصل
هههههههههههههه​

منى :smil16:

ليه أنا عملت له حاجة لا سمح الله :hlp: هههههه

مانتى لازم تتعبى مش على الكرسى 30:

بكرة أنزلك الجزء التانى أنتظرينى بقى :t30:​

 

[Coptic MarMar]

امبارح موضوع ترانيم الاطفال والنهاردة مرمر مارو عامله الواجب
مفتكرش انتى ناقصه ​

اااااااااااااى خدمة يا جو

تصدق ده حتى الواحد بيفكر يوجب معاك 30:​