+0+( لقاء مع مونيــــــكا 57 )+0+

[مونيكا 57]

رد: +0+( لقاء مع مارثا المصرية )+0+

موضوع جميل جدا وانا فرحانة ان معانا فى المنتدى ام محبة زى حضرتك

أشكرك إبنتى الحبيبة
وأنا كمان فرحانة بوجودك معانا

كنت عايزة اسال حضرتك سؤال

لما فى الخدمة كنت بتلاقى طفل شقى اوى ومتكبر على اخواته ومبيسمعش الكلام كنت

بتتعاملى معاه ازاى​

ياديدى الطفل بسهولة تكسبية
لماتروحىلوا إفتقاد تعطية صورة وهدية صغيرة مثل قلم ومسطرةأوقلم علية صورة قديس
وتتكلمى معاة بمحبة وتمدحى فية أى شئ كويس
بعد مايحبك هايسمع كلامك ويحاول ميزعلكيش
وياريت لوالكنيسة فيها نادى للأطفال يذهبوا إلية معظم أيام الإسبوع لأن الطفل عندة طاقة فلو نوجها بطريقة صحيحة هيفرق بين وقت اللعب ووقت الصلا
سلام ونعمةرب المجد

الرب يباركك​

 

[HappyButterfly]

رد: +0+( لقاء مع مارثا المصرية )+0+

ميرشسى جدا على الرد بجد
وانا ححاول انفذ كلام حضرتك
المسيح مع حضرتك

 

[مونيكا 57]

رد: +0+( لقاء مع مارثا المصرية )+0+

ميرشسى جدا على الرد بجد
وانا ححاول انفذ كلام حضرتك
المسيح مع حضرتك

 

[vetaa]

رد: +0+( لقاء مع مارثا المصرية )+0+

ولو انى جيت متاخرة
بس الحمدلله جيت
قوليلى حمدلله على السلامه بقى
هههههههه

حقيقى منورة جدااااااااا
وربنا معاكى وحقيقى بجد
ردودك جميله وكمان عارفة بتقولى اية ومركزة كويس
ودة طبعا بيدى مصداقيه واستفاده

وكمان مبسوطه لاختيارك لاسمك هنا
لانه اسمى فى المعموديه
وخصوصا لما ربنا قالها
"ان امنت ترين مجد الله"​

ندخل بقى على لب الموضوع
هههههه

1_كنتى مخططه شئ معين بعد التخرج ومحصلش؟
ولو كانت الاجابه اه
كان اية؟ وزعلتى انه متحققش؟
2_تقولى اية للى لسه مش مؤمنين بالمسيح؟ وتقولى اية للناس المؤمنه بالاسم بس؟
3_لو حصل من اولادك ان واحد قالك عاوز حاجه ومصمم وانتى عارفة انها غلط...رد فعلك؟
4_لو فى قرار لازم تاخديه حالا ومش عارفة او محتارة بتعملى اية؟
5_لو قعدتى اسبوع لوحدك خااااالص خالص تفتكرى هيكون رد فعلك اية فى ال7 ايام دول؟
6_ممكن تقلقى من بعد جواز اولادك من قله اهتمامهم بيكم؟وكمان تقلقى من الوحده؟
7_الدنيا دى بتمثلك اية؟وتتمنى تشوفى اية فيها ؟ورايك فيها اية؟
8_قبل ما تدخلى لعالم النت..كانت فكرتك اية عنه؟ وهل بتعتبرية اساسى لكل الناس دلوقتى؟
9_اكيد مهم ان الام تكون صديقة لاولادها..بس لو كان صعب يبقى تتصرف ازاى ؟
10_لما بنت تطلب منك تنصحيها فى حياتها اية اكتر حاجات بتركزى عليها معاها؟
11_الجواز والعزوبيه...طبعا فرق كبير جدا بينهم وكل مرحله ليها مميزاتها واعبائها
بس الجواز بقى طبعا مسؤليه كبيرة وتكوين بيت اعضائه كلهم يمجدوا ربنا دى حاجه صعبه وبتحتاج معونه من ربنا وحكمه واختيار سليم من الاول مبنى على اراده ربنا
قوليلنا بقى
اية اكتر حاجات البنت تخلى بالها منها فى اختيار شريك حياتها؟ والولد كمان علشان ميزعلوش ههههههه
وايه اكتر حاجات تخليها فى بالها قبل ما تتجوز؟
ولما تتجوز تحاول تعمل اية علشان بيتها يبقى نسبيا مستقر؟
12_انا غلسه صح؟ هههههه بجد طولت عليكى جدا وفى اسئله طويله
بس حقيقى يهمنى وهيفدنى رايك جدا

ميرسى ليكى مقدما
وربنا يكون فى عونك
وصلاوتك ومتدعيش عليا متفقين؟
هههههه
​

 

[Coptic MarMar]

رد: +0+( لقاء مع مارثا المصرية )+0+

بجد أنا مكسوووووفة أدخل الموضوع

هههههههه

حضرتك طولتى معانا فى الكرسى سامحينى بقى

وبحد حضرتك شخصية انا مبسوطة انى أتعرفت عليها جداااااااا

وكل أجوبتك جميلة

وبكده حضرتك خلصتى فترتك معاناااا بس لو حد لسه حابب يسأل يتفضل

وطبعا حضرتك بتجاوبى على الأسئلة اللى موجودة دلوقت

وأنا بعتذر لتانى مرة عن التأخييييييير

وأذكرينى فى صلواتك ​

 

[مونيكا 57]

رد: +0+( لقاء مع مارثا المصرية )+0+

ولو انى جيت متاخرة
بس الحمدلله جيت
قوليلى حمدلله على السلامه بقى
هههههههه

حمدالله على السلامة
ومرحبا

حقيقى منورة جدااااااااا
وربنا معاكى وحقيقى بجد
ردودك جميله وكمان عارفة بتقولى اية ومركزة كويس
ودة طبعا بيدى مصداقيه واستفاده

وكمان مبسوطه لاختيارك لاسمك هنا
لانه اسمى فى المعموديه
وخصوصا لما ربنا قالها
"ان امنت ترين مجد الله"

ندخل بقى على لب الموضوع
هههههه

1_كنتى مخططه شئ معين بعد التخرج ومحصلش؟
فعلا
ولو كانت الاجابه اه
كان اية؟
كنت أفضل إستلام العمل بعد التخرج ولكن لظروف أجلت العمل
وزعلتى انه متحققش؟
لا لم أزعل
2_تقولى اية للى لسه مش مؤمنين بالمسيح؟
أقول له
إقرأ الإنجيل وأطلب من الرب أن يرشدك إلى الحقيقة
تكلم مع الرب كصديق إحكى معه عن مشاعرك وأفكارك
إفتح قلبك للرب خالق الكون وقولة أنا بحبك يارب وعايزك تظهر لى ذاتك
أقول له المسيح هو الطريق والحق والحياة
وتقولى اية للناس المؤمنه بالاسم بس؟
أقول لهم
أنتم ملح الأرض فإذا فسد الملح فبماذا تملح
أقول لهم
توبوا وإرجعوا إلى الرب
إندموا على خطاياكم إعترفوا بها وتقربوا من الأسرار المقدسة
إبعدوا عن أصدقاء السؤ
داوموا على قراءة الإنجيل وسير القديسين وتمثلوا بهم
3_لو حصل من اولادك ان واحد قالك عاوز حاجه ومصمم وانتى عارفة انها غلط...رد فعلك؟
بهدوء أتناقش معة ونقيم مميزات وعيوب هذا الشئ وتوضيح العيوب خصوصا من الناحية التى يجهلها الإبن
وأصلى له عشان ربنا يفتحعينيهعلىالحقيقة
وصدقينى أحسن طريقة بتجيب نتيجة هى الصلا
4_لو فى قرار لازم تاخديه حالا ومش عارفة او محتارة بتعملى اية؟
بطلب العون من ربالمجد أولا
والتفكير فى نتائج القرار الذى سوف أتخذه
وسؤالمنلهخبرةأكثر منى إذا إحتاج الأمر
ولو القرار يخص فرد من الأسرة يكون التفكير جماعى

5_لو قعدتى اسبوع لوحدك خااااالص خالص تفتكرى هيكون رد فعلك اية فى ال7 ايام دول؟
أنا لا أحب أن أقعد لوحدى ولو يوم واحد
اكيد الوحدة صعبة ويجب أن يتغلب عليها الفرد
أعتقد إنى هاقضى أغلب الوقت على النت وسوف أقضى الليل فى قراءة الإنجيل وسأنام فى الصباح

6_ممكن تقلقى من بعد جواز اولادك من قله اهتمامهم بيكم؟وكمان تقلقى من الوحده؟
أكيد بعد الأولاد شئ مقلق ولكن الموبيل قلل من هذا القلق
أما عن الوحدة ربنا يبعد عنى هذه التجربة
وعموما النت بيسلى

7_الدنيا دى بتمثلك اية؟
مسرح كبير مملؤ بالقصص والصراعات

وتتمنى تشوفى اية فيها
؟
أتمنى أشوف فيها هدوء ومحبة
والجميع يتعامل بكل ما فى الإنجيل من وصايا وتعاليم ومحبة وطهارة ونقاء
وأحب أن أشوف فيها الطبيعة غالبة أحب الخضرة والأشجار والبحر بأمواجة المتلاحقة والسماء الصافية
ورايك فيها اية؟
دنيا صعبة محتاج الإنسان يعيش فيها عمرين مرة عشان التجارب ومرة عشان يتجنب الوقوع فى الأخطاء السابقة

8_قبل ما تدخلى لعالم النت..كانت فكرتك اية عنه؟

كنت أعتبرة نافذة على العالم
وهل بتعتبرية اساسى لكل الناس دلوقتى؟
نعم أعتبرة أساسى لكل الناس

9_اكيد مهم ان الام تكون صديقة لاولادها..بس لو كان صعب يبقى تتصرف ازاى ؟
لازم تحاول التقرب منهم
لاتستهزئ بأرائهم وأفكارهم
لاتهاجم تصرفاتهم الخطأ بل بالهدوء والتفاهم والمحبة والإقناع
أى تحترم أفكارهم وتظهر لهم محبتها وتكون عادلة فى محبتها لأولادها لاتميز واحد عنالأخر
وتكون متسامحة وتنكر ذاتها وتفضل أبنائها عن نفسها
تعبت

10_لما بنت تطلب منك تنصحيها فى حياتها اية اكتر حاجات بتركزى عليها معاها؟
يجب أن تتخلى عن الأنا والعصبية فى كل تعاملتها
تكون محبة وديعة مطيعة حمولة متأنية عندما تتخذ قرار
تعرف كيف تأخذ قرار بتعقل بدون عواطف
تتعلمتحملالمسؤلية تكون متعقلة ومتزنة فى تصرفاتها وملابسها
تكونمحترمه فىكل تصرفاتها
تتخذ من وصايا الإنجيل الإطار الذى تمشى فى حذاه
11_الجواز والعزوبيه...طبعا فرق كبير جدا بينهم وكل مرحله ليها مميزاتها واعبائها
بس الجواز بقى طبعا مسؤليه كبيرة وتكوين بيت اعضائه كلهم يمجدوا ربنا دى حاجه صعبه وبتحتاج معونه من ربنا وحكمه واختيار سليم من الاول مبنى على اراده ربنا
قوليلنا بقى

اية اكتر حاجات البنت تخلى بالها منها فى اختيار شريك حياتها؟
ههههههههه لسه هاقول
أن يكون متدين وعندة محبة ويحترم وجهات نظرها وأرائها وميكونش بخيل ولا أنانى ولا عصبى
مقارب منها فى السن مابين 4 : 7 سنوات من عائلة فى نفس المستوى العائلى
متوافق عقليا معها وتكون متقبلاه
عندة شقة ويعمل عمل مناسب

والولد كمان علشان ميزعلوش ههههههه

يجب على الشاب عندمايفكر فى الزواج أن يبحث عن ا لبنت ا لمتدينةالمنضبطة فى تصرفتها وملابسها
المتوافقة معه فى الطباع المطيعة وحمولة وصبورة وتكون مقبولة الشكل

وايه اكتر حاجات تخليها فى بالها قبل ما تتجوز؟
أن تعرف كيف تختار صديقاتها
أن تكون الكنيسة والكتاب المقدس أهم شئ فى حياتها
تنشغل بخدمة فى الكنيسة حتى تتعود على المسؤلية ونكران الذات والتخلى عن الأنا

ولما تتجوز تحاول تعمل اية علشان بيتها يبقى نسبيا مستقر؟
البيت هايكون مستقر لو ربنا فيه
قراءة الإنجيل والذهاب للكنيسة
وتعمل كل ما أوصاها به الكاهن يوم الإكليل
أن تكون مطيعة وبشوشة الوجه أى مش نكدية
تحب زوجها وأهله وترحب بيهم وتكون لطيفة مبتسمة دائما
تحل مشاكلهابالتفاهموالمحبة
لاتحكى أسرار بيتها لأحد
تكون صديقة لزوجها

_انا غلسه صح؟ هههههه بجد طولت عليكى جدا وفى اسئله طويله
بس حقيقى يهمنى وهيفدنى رايك جدا

ميرسى ليكى مقدما
وربنا يكون فى عونك

أشكرك
وأنتى مش غلسة بالعكس أسئلتك فى منتهى الذكاء
ربنا يباركك

وصلاوتك ومتدعيش عليا متفقين؟
متفقين هههههه هههههههه
هههههه​

 

[مونيكا 57]

رد: +0+( لقاء مع مارثا المصرية )+0+

بجد أنا مكسوووووفة أدخل الموضوع

هههههههه

حضرتك طولتى معانا فى الكرسى سامحينى بقى

وبحد حضرتك شخصية انا مبسوطة انى أتعرفت عليها جداااااااا

وكل أجوبتك جميلة

وبكده حضرتك خلصتى فترتك معاناااا بس لو حد لسه حابب يسأل يتفضل

وطبعا حضرتك بتجاوبى على الأسئلة اللى موجودة دلوقت

خلاص جاوبتها

وأنا بعتذر لتانى مرة عن التأخييييييير
مفيش لزوم للإعتذار

وأذكرينى فى صلواتك ​

ربنا معاكى ويباركك

الرب يعطيكى سؤال قلبك
سلام المسيح

​

 

[هالة الحب]

انا مبسوطة قوى انى عرفت حاجات كتير عن معلمتى الام الروحية ليا.ربنا يباركها

 

[مونيكا 57]

انا مبسوطة قوى انى عرفت حاجات كتير عن معلمتى الام الروحية ليا.ربنا يباركها

أشكرك حبيبتى هالة
الرب يباركك​

 

[سندريلا 2011]

اتمتعت جدا بلقائيك استاذه مونيكا

 

[مونيكا 57]

اشكرك سندريلا حبيبتى
وانا كمان تمتعت بمعرفتك ومعرفة المجموعة اللى كانوا معاكى
ربنا يحافظ عليكم يابناتى ياحلويين