†عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

[ABOTARBO]

†عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

سلام ونعمه

كل سنة وانتم كلكم طيبين
بمناسبة عيد النيروز
اللى بيفكرنا بسير الشهداء اللى سفكوا دمائهم من أجل
الإيمان بشخص الرب يسوع

+ ومش هنسى اننا بردو بنفتكر أكل البلح والجوافة فى العيد دة وهعرف بردو ليه ...
فتابعوا

+ وفى الموضوع دة هنحاول نجمع شوية افكار اتمنى تفيدكم
والافكار فى منها منقولة طبعا للامانة وبعضها مش منقول أوكى
لكن هبدأ الاول بتجميع لينكات الموجودة بالقسم الخاصة بعيد النيروز

+ ومتنسوناش فى صلواتكم

آمين
​

 

[ABOTARBO]

لينكات موضوعات عيد النيروز

عيد النيروز و البلح الأحمر..!!​

​

سحابة من الشهود _ نشاط لمدارس الأحد فى عيد النيروز​

​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

+ دى أفكار حلوة أنا شوفتها فى خدمة مدارس الأحد

التــــــــــــــــاج
​

الخادم بيعمل تيجان من ورق اللوحات اللى لونه احمر لو مش موجود ممكن اللون الروز يستخدمه اوكى
وبعد ما يقص التاج يكون عامل حوالى 150 تاج للاطفال يلزق على كل تاج
ممكن شفيع الكنيسة اذا كان من الشهداء او يلزق اى صور للشهداء زى القديس ابانوب او مارجرجس ومارمينا والشهيدة دميانة و الشهيد سيدهم بشاى ....إلخ
وعلشان التاج مش يطلع ضيق او واسع الخاد بيحط عند طرف التاج استيك زى بتاع الفلوس علشان يتحكم فى مقاس التاج للطفل... ويبقى كل الكنيسة
حتى الخدام يبقوا لابسين التاج ...بيبقى جو مفرح ومحتلف للاطفال بيحسسهم بانه فعلا عيد .:yahoo:

أكل البلح مع الاطفال
​

+ فكرة تانية بردو بيجيبوا البلح الاحمر خالص ويغسلوه كويس قوى ويحطوه فى اكياس شفافة نضيفه ويتوزع على الاطفال والخادم بقى يحكيلهم عن ليه بناكل البلح فى عيد النيروز..

يتبع.....
​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

شويـــــــــة أفكار تاااااااااااااااااااااانى :
​

+ ممكن الخادم يرسم بلحه على ورق كانه هيعمل كارت وتفتح البلحايه وتخليى الاطفال يلزقوا النوا بتاعتها او مثلا يلزقوه صوره صغيره استيكر
لاى شهيد وممكن قبليها يلونها من بره بالاحمر..!!




+ وممكن تعمل تاج من الورق وملزوق عليه من فوق محموعه بلح جنب بعض يعنى الخادم يعمل فكرة التاج والاطفال يلزقوه البلح من فوق .


+ وممكن الخادم يعمل شويه بلح من الورق وتكون محضر دوباره وتعمل عقد للاطفال هيفرحهم قووووووووى.

 

[ABOTARBO]

أتمنى أبقى شهيد..!!

أتمنى أبقى شهيد..!!

الفكرة دى بتوضح للطفل اللى بيتمنى انه يكون زى الشهيد ابانوب او مارجرجس او الشهيدة دميانة او اى شهيد
الخادم هيوضحله انه مممكن يكون شهيد لما نستحمل بعضنا ومنضايقش ونزعل بسرعة ولما كمان مانتمردش على اى حاجة فى حياتنا ,,,
نبقى شهداء لما نحارب الخطية ومانزعلش ربنا مننا..
وهكذا الخادم ياخد الفكرة ويبسط المعلومة بطريقته

بس الفكرة دى عايز سن كبير شوية
​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

نسمع الترنيمة دى ........ وممكن نحفظها لسن اعدادى وثانوى

[YOUTUBE]OyczafZB_Qg&feature=related[/YOUTUBE]

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

+ شخصيات الشهداء

فى فكرة تانية انا فاكر السنة اللى فاتت كتبتها فى مشاركة بس مش لاقى الموضوع بس هقولها تانى لانها عجبتنى كتير....

+هتختار مجموعة اطفال ونخليهم يلبسوا لبس الشهداء المعروف ليهم
زى القديس ابانوب ( الجلبية البيضاء والصليب والحذام اللى فى الوسط)
او الشهيد مهرائيل (الجلابية الفلاحى والضفيرتين والجرة
او القُلة ماسكاها فى ايديها ) وهكذا...
+ طبعاً الاطفال هتطلع على المسرح والخادم اللى ماسك الفقرة هيسال الاطفال اللى قاعدين تفتروا مين دة يا اولاد من الشهداء وتشاور على احد الاطفال
اللى بيقوموا بالدور ...
+وبعد ما يتعرفوا على اسماء الشهداء اللى موجودين فى الفقرة
+ تبتدى تعمل حوار بسيط خالص مع كل شهيد وشهيدة ويحوا ازاى استشهدوا وانهم دلوقتى فرحانين خالص انهم فى السما مع ربنا يسوع ...
​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

صاحبنا بلحة وصاحبتنا جوافة ههههههههه

+ دى فكرة لذيذة خالص
بس هتحتاجوا يونيفورم وتصميم للبلحة او الجوافة
علشان تلبسوهم زى لبس العرايس بتاعت حفلات الاطفال

وهيجى خادم اسمه بلحة (ويكون طبعا لابس لبس البلحة
وخادمة تانى اسمها جوافة (بردو نفس الكلام بالنسبة لليونيفورم الخاص بالجوافة)
و كل واحد هيعرف نفسه للاطفال
بس فى الاول يتخانقوا بانه هو المعروف والمشهور فى عيد النيروز وطعمه احلى من التانى هههههههه
+ وممكن الخادم اللى ماسك الفقرة يطلع طفل او طفلة ويسائلهم بتحبوا البلح الاكتر ولا الجوافة كنوع من التشويق للفقرة

+ وممكن تديهم هدية لما يجاوبوا كيس بلح او جوافة :smil12:
+ ويبتدوا يحكوا علاقتهم بعيد النيروز
​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

كاتب سير الشهداء والقديسين

​

+ أكيد كلنا عارفينه لكن الاطفال مش كتير يعرفوه هو القديس يوليوس الاقفهصى ...
هنخلى خادم يلبس لبس الشهيد يوليوس الاقفهصى ويبقى معاه ورقة من الورق القديم دة اللى لونه بيج (اللى بتاع شكاير الاسمنت) اوكى

والخادم التانى يساله هو انت اسمك ايه وشكلك كمان مش من عصرنا وايه الورقة اللى فى ايدك دى ...
ويبتدى بقى الحوار وممكن القديس يوليوس الاقفهصى يتكلم مع الاطفال ويمشى وسطيهم كمان ...( الفقرة هتكون حلوة خالص حسب ابداع الخدام وتنظيمهم للفقرة اوكى)

 

[النهيسى]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

صوره للتليوين لعيد النيروز
​

 

[النهيسى]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

[YOUTUBE]Jnpre5UgjIY&feature=player_embedded[/YOUTUBE]

عيد النيروز

 

[النهيسى]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

كم قسا الظلم عليك

*كم قسا الظلم عليك **كم سعى الموت إليك
كم صدمت باضطهادات ** و تعذيب و ضنك

+ كم جرحت كيسوع ** بمسامير و شوك
عذبوك و بنيك ** طردوك و نفوك
عجبا كيف صمدت ** ضد كفران و شرك

+ هو صوت ظل يدوي ** دائما في أذنيك
يشعل القوة فيك ** حين قال الله عنك
إن أبواب الجحيم ** سوف لا تقوى عليك

+ لست في ارض ولدت ** قد ولدت في السماء
أنت من روح طهور ** لست من طين وماء
أنت حق أنت قدس ** أنت نور و ضياء

+ من بناك هل بناك ** غير رب الشهداء
من رواك هل رواك ** غير ينبوع الدماء
من حماك هل حماك ** غير اقنوم الفداء

+ إسألى عهد المعز ** فهو بالخبرة يعلم
اسأليه كيف بالإيمان ** حركت المقطم
جبل قد هز منك ** و إذا شئت تحطم

+ أيها الناس رويدا ** قلب التاريخ تفهم
قل لمن يدعى عظيما ** إن رب المجد اعظم
كل قبطي وديع ** إنما في الحق ضيغم

+ و هو يعطى الروح أيضا ** قائلا في غير شك
إن أبواب الجحيم ** سوف لا تقوى عليك
فإطمئنى و استريحى ** إنما المصلوب معك

[YOUTUBE]pP82DIZqfY8&feature=player_embedded[/YOUTUBE]
​

 

[النهيسى]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

البلحة والجوافة

قم بعمل عرائس على شكل البلحة والجوافة، و استخدمهم لرواية درسك عن النيروز.​

فكرة ١: قم بقص أشكال ثمرة البلح والجوافة من الورق المقوى، ثم ثبتها على عصا ليسهل عليك تحريكها كعروسة من خلف المسرح.


فكرة ٢: لعمل عرائس مجسمة،


تحتاج إلى:
بالونة طويلة على شكل ثمرة البلح، بالونة على شكل ثمرة الجوافة، ملح، ماء، دقيق، ألوان جواش، كثير من أوراق الجرائد


أولا، تحتاج لعمل الصمغ. قم بخلط مقدار من الدقيق إلى مقدارين من الماء و قليل من الملح. قم بالتقليب جيدا بحيث تحصل على صمغ أبيض سائل.


ثانيا، قم بقطع أوراق الجرائد إلى شرائح عرضها حوالي ٥ سنتيمتر، ثم قم بنفخ البالون بالحجم المراد.


بعدها، تغطي شريط من ورق الجرائد بقليل من الصمغ، ثم تبدأ في استخدامه لتغطية البالون.
للحصول على أفضل النتائج:
- إستخدم فرشاة تلوين للتحكم بمقدار الصمغ الموضوع على ورق الجرائد.
- ضع الشرائح في إتجاهات مختلفة.
- احرص على تجنب دخول فقاعات الهواء.

​

بعد تغطية البالون كاملا، دعه ليجف. بعدها، يمكنك إضافة طبقة أخرى من ورق الجرائد إذا لزم الأمر أو إضافة أي أجزاء أخرى من ورق الجرائد.
أخيرا، قم بتلوينه وتزيينه كعروسة و تثبيت عصا صغيرة به للتحريك.

​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

+ فى وسيلة إيضاح وترفيهية فى نفس الوقت

+ هنجيب مجموعة من البالونات اللى بنعمل منها اى شكل احنا عايزينه عن طريق اننا نتنيها او نربطها ... هى بتكون مخصصة لتكوين الاشكال
لقيت صورة زى اللى انا اقصده عن البالون

+ وهنعمل بقى شكل البلحـــــــة وشكل للجوافـــــــــــة

ونخلى الاطفال تعمل معانا العمل الفنى الجميل دة ...

+ هتبقى حاجة مختلفة وهتفرحهم خالص ...
​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

فكرة لعيد النيروز لاجتماع اعدادى او ممكن كمان ثانوى
​

+ كان الخادم جايب عرض فيديو وبوربوينت عن كل شهداء أخميم بقى ووضح بقى كمية العذابات بتاعة الشهداء واسماء ادوات التعذيب فكانت فقرة روووووووووووعة ولفتت الانتباة قوى...اتمنى تطبقوها...

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

فكرة تانى جميلة عن مفهوم الشهادة الحقيقى
​

+ وهو ان الخادم وجه نظر الاولاد لمفهوم اعمق للشهادة
وهى شسهادتى للمسيح فى حياتى
وسالهم هل بشهد للمسيح فى كنيستى ؟ بيتى ؟ شارع ؟ فى حوش الكنيسة ؟ فى النادى
ولا الناس بتعثر من سلوكياتى وتصرفاتى بدل ما تقول عليا ابن حقيقى للمسيح ؟

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

بهديلك كل عمرى يا الهى يسوع ..!!

كانت فكرة مميزة بصراحة شوفتها عجبتنى
الخادم عمل مقدمة عن ايام حياة مارجس وقعد يكلم الاولاد ويقولهم لو قلنا لمارجرجس ايه احلى يوم تحب تقدمه لربنا هيكون يوم ايه وليه ؟
وابتدى الخادم يجيب اجزاء من قصة مارجرجس فى شكل ايام
و ووصلهم ان كل ايامه كانت بركة وحلوة واجمل هدية لربنا

وسالهم هل ينفع اقدم يوم من عمرى لربنا
ولا مش هينفع لان كل يوم بتخانق وبزعل اخواتى وممكن اكسل انى اروح الكنيسة

ولا هقدمله اليوم اللى قعدت فيه مع نفسى وصليت ورنمت ومش اتخانقت وصالحت صاحبى اللى كنت مخاصمه وهكذا
ودى هتكون احلى هدية لربنا فى عيد النيروز

+ اتمنى الفكرة تكون عجبتكم
​

 

[ABOTARBO]

رد: †عــــــــــــــــيد النيــــــــــــــــروز †أهو جانا بذكرياته الغالية جاى وعمّال يحكيلنا سير شهدائنا الغالية ..!!!

أنا و شفيعي

الهدف: لعبة تعارف بسيطة، بمناسبة بدء العام الدراسي الجديد وعيد النيروز

يقف الأطفال في دائرة.
تختار أحد الأولاد ليبدأ اللعبة.
يقول الطفل الأول إسمه و إسم شفيعه (مثال: "أنا مينا و شفيعي مارمينا").
ثم يقول الطفل الثاني إسمه و إسم شفيعه و يتذكر إسم و شفيع الطفل الأول (مثال: "أنا مايكل و شفيعي مارجرجس. دة صاحبي مينا و شفيعه مارمينا").
بعدها يقول الطفل الثالث إسمه و إسم شفيعه و يتذكر إسم و شفيع الطفلين الأول و الثاني (مثال: "أنا ماري وشفيعي البابا كيرلس و دة مايكل و شفيعه مارجرجس..مينا و شفيعه مارمينا")، إلخ.

تدور اللعبة هكذا و يساعد الخادم الأولاد في التذكر.
بعدها، قد تستبعد الطفل الذي يخطيء كثيرا و قد تبدأ اللعبة من نقطة أخرى في الدائرة حتى يشارك كل الأولاد باسماءهم.

في المجموعات الصغيرة يمكن أن تسأل عما إذا كان أحد الأولاد يتذكر أسماء الجميع (و أسماء شفيعهم إذا أمكن).


copy
++++++++++++
​

 

[ABOTARBO]

للرفع ...............

 

[ABOTARBO]

قصة حقيقية من كتاب رائحة المسيح
من كتاب رائحة المسيح في ابرار معاصرين ...للقمص لوقا سيداروسالجزء الرابع
في ليلة عيد النيروز 10 سبتمبر عام 1979 كانت كنيسة مارجرجرس باسبورتنج مزدحمة بالشعب للاحتفال بهذا العيد و كان من عادة أبونا بيشوي كامل في عشية النيروز أن يجمع ما أستطاع من أيقونات الشهداء و يدور بها في الكنيسة بعد لحن " افنوتي ناي نان " و هو يمشي يكاد يقفز من الفرح الروحي الذي كان يفيض من قلبه على شعبه ، فيتهلل الجميع .
و لما ضاق الشيطان بهذه الروح ، ملأ قلب بعض الشباب المستهتر ، فوقفوا على جسر الترام المقابل للكنيسة ، و أخذوا يقذفون الكنيسة بالطوب ، فأصابت هذه الحجارة نوافذ الكنيسة ، فتطاير الزجاج و....
و فجأة ارتفعت صرخة إحدى السيدات ، لقد جاءت طوبة في نظارتها ، فتهشم زجاج النظارة و دخل عينها و نزفت عينها و وجهها دما غزيراً ....
أسرع " أبونا بيشوي كامل " نحو السيدة " لندا " التي أصيبت يحاول أن يضمد شيئا ، و لكن العجيب في الأمر أن السيدة " لندا " كانت رغم الألم تشكر ربنا قائلة لأبونا : " الحمد الله يا أبونا ، الحمد الله ، إن الطوبة لم تأتي في تاسوني انجيل ( تاسوني انجيل زوجة أبونا بيشوي كامل ) التي كانت تقف بجانبي الحمد الله إن الطوبة لم تصب إحدي الفتيات الصغيرات ، أنا إمرأة كبيرة ، مش مهم ، دي بركة عيد النيروز ، أنا فرحانة.... "
تعجب الجميع من هذه السيدة التي ينزف الدم من عينيها و تتألم و هي فرحانة . أسرع " أبونا بيشوي كامل " و أخذ االسيدة " لندا " إلي طبيب العيون الدكتور " ماهر ميخائيل " . رفع الدكتور الضمادات التي كانت على عينيها ، فوجد النزيف مستمرا و شظايا الزجاج متناثرة داخل العين ، فقال الطبيب لأبونا : أنا لا أستطيع أن أفعل شيئا ، سأعطيها مسكنا و شيئا يساعد على وقف النزيف و في الغد تأتي لنكشف على العين لنرى ماذا سنفعل .
و رغم ألمها ، أصرت السيدة " لندا " على حضور سهرة عيد النيروز لتشترك في التسابيح الجميلة حتى الصباح . و قد حاول " أبونا بيشوي كامل " أن يثنيها عن ذلك حتى تذهب لتستريح و لكنها أصرت على تكملة السهرة . فقال أبونا بيشوي : لندا ستدخل الملكوت حدف ، الملائكة أول ما يشوفوها حيرموها في الملكوت على طول "
و تناولت " لندا " و عادت لبيتها ، ثم ذهبت مع أبونا " بيشوي كامل " إلي الدكتور ماهر ميخائيل الذي ما أن رفع الضمادات من على عينها حتى رأى المفاجأة التي أذهلت الجميع ، فقد كانت العين سليمة تماما لا خدش و لا جرح و لا شظايا الزجاج التى رأها بالأمس ، فالعين صحيحة تمام...!


منقول
​