تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="alaakamel30, post: 2141451, member: 87485"] [b][font=arial black][size=5][color=black]يأسرنى هذا الحى الذى ولدت ونشأت وترعرعت فيه،يذهلنى هذا الإمتزاج العجيب فى تفاصيله،فهو يمزج فى أروقته بين فخامة قصور الباشاوات وعصرية الأبراج السكنية الحديثة بل وحتى عشش الفقراء،وكثيرا ما يدعونى هذا الجو المفعم بالتاريخ أن أجلس متأملا على المقهى الشعبي الذى يتوسط ميدانه،ولا يفوق هذا التأمل متعة إلا متعتى بقفشات عم ابو هبة القهوجى،ذلك الرجل الذى قارب على الستين من العمر والذى يحمل بداخله إمتزاج لا يقل روعة عن تمازج الحى،فهو وبرغم تعليمه المتوسط إلا أنه يتمتع بثقافة الستينات وإنفتاح السبعينات وخفة دم العصر الحالى، والغريب ان عم ابو هبة لا تخرج موضوعاته النقاشية عن ثلاثة موضوعات يتيمة ألا وهى إخفاقات نادى الزمالك المتكررة وإشتراكه فى حرب 73 والحبة الزرقاء ومفعولها السحرى الذى يساعده على إستحلاب شبابه الذى اصبح مجرد صور قديمة يزين بها جدران البيت.[/color][/size][/font][/b] [b][font=arial black][size=5]وذات مرة وأثناء إستمتاعى بكوب الشاى على الكرسى المنزوى فى أقصى أركان المقهى،شد إنتباهى على إحدى القنوات الفضائية كليب للفنان إيهاب توفيق،وبرغم حبى لصوته الشجى ورغم إنه من المطربين الذين عاصروا فى بداياتهم بدايات بلوغى ومراهقتى وحماقاتى،وبرغم إننى شاهدت هذا الكليب عشرات المرات من قبل،إلا أن الكليب فى هذة المرة كان يبدو فى عينى مختلفا وكأننى أراه للمرة الأولى،وكانت الأغنية بعنوان (أنا ليه ماكونشى ع الجراح قادر)،وكانت تصور إيهاب رجلا يعيش فى قصر فخم يتسع لكى يكون مقرا لإحدى الوزارات أو ساحة من ساحات القضاء،والرجل متزوج من امرأة فاتنة وله ابن يبدو مثل البدر فى ليلة منتصف الشهر العربى،وكان المشهد يظهر إيهاب وحيدا فى القصر ينظر من خلف زجاج أبوابه الشاهقة وهو يراقب الخدم والحشم وهم يحملون الحقائب ويضعونها فى السيارة الفارهة وزوجته وابنه يغادران ويتركانه فى قصره حبيس الجدران،وبالطبع لم أجد إلا عم ابو هبة أشاركه تأملاتى فكان الحوار كالتالى:[/size][/font][/b] [b][font=arial black][size=5]أنا: ياعم ابو هبة..هى الناس دى شاربة حاجة ولا بيستهبلوا على اللى خلفونا[/size][/font][/b] [b][font=arial black][size=5]أبوهبة: ليه يا باشا بتقول كده[/size][/font][/b] [b][font=arial black][size=5]أنا: يعنى واحد عايش فى قصر يرمح فيه الخيل ومتجوز ست بالجمال ده وربنا مديله نسل وعز وخدم وحشم،تفتكر إيه بقى الجراح اللى ممكن يكون بيحس بيها؟[/size][/font][/b] [b][font=arial black][size=5]أبو هبة: أقولك يا باشا، الراجل ده مجروح عشان المدام والواد المفعوص ابنه رايحين مارينا وسايبينه لوحده فى القصر.[/size][/font][/b] [b][font=arial black][size=5]أنا: هأهأهأهأ يجازى شيطانك يا ابو هبة[/size][/font][/b] [b][font=arial black][size=5]أبو هبة: وكتاب الله زى ما بكلمك كده[/size][/font][/b] [b][font=arial black][size=5]أنا: يعنى تفتكر إن الواحد من دول لو ماراحشى مارينا ينجرح[/size][/font][/b] [b][font=arial black][size=5]أبو هبة: ينجرح بس،ده ينجرح ويكتئب ومش بعيد ينتحر كمان[/size][/font][/b] [b][font=arial black][size=5]أنا: ليه يعنى كل ده[/size][/font][/b] [b][font=arial black][size=5]أبو هبة: يا باشا الناس دى لو ماراحتش مارينا مرتين تلاتة فى الشهر يتعبوا أه ، أنت فاكر إن الناس دى زينا كده قلوبهم حجر وجلدهم تخين، دول ناس رهيفة يا حبة عينى،أنت ماروحتش مارينا قبل كده ولا إيه؟[/size][/font][/b] [b][font=arial black][size=5]أنا: ولا حتى شوفتها فى التليفزيون[/size][/font][/b] [b][font=arial black][size=5]أبو هبة: أأأه عشان كده بقى،ليك حق تسأل ما أنت ماروحتش مارينا عشان تعرف إزاى مارينا بتفرق مع الناس دى[/size][/font][/b] [b][font=arial black][size=5]أنا: أروح مارينا إزاى يا أبو هبة دول بيقولوا الشاليه هناك عامل اتنين مليون جنيه[/size][/font][/b] [b][font=arial black][size=5]أبو هبة: أتنين مليون إيه يا باشا اسم الله على مقامك،الشاليه ابو اتنين مليون ده بتاع الناس النص نص، ده فيه بيوصل لعشرة مليون جنيه[/size][/font][/b] [b][font=arial black][size=5]أنا: عشرة مليون!!!؟[/size][/font][/b] [b][font=arial black][size=5]أبو هبة: أه فى المنطقة بتاعة الوزراء والمسئولين الكبار[/size][/font][/b] [b][font=arial black][size=5]أنا: وهما الوزراء والمسئولين ليهم منطقة خاصة كمان هناك[/size][/font][/b] [b][font=arial black][size=5]أبو هبة: طبعا يا باشا، مارينا أصلا فى الأساس سياسة دولة[/size][/font][/b] [b][font=arial black][size=5]أنا: إزاى بقى يا عم الفقيه[/size][/font][/b] [b][font=arial black][size=5]أبو هبة: بس من غير ما تتريق وتقول فقيه...أنت ماسمعتش عن المايوه الليبتون؟[/size][/font][/b] [b][font=arial black][size=5]أنا: مايوه ليبتون؟[/size][/font][/b] [b][font=arial black][size=5]أبو هبة: أه ..المايوه ابو فتلة من وراء[/size][/font][/b] [b][font=arial black][size=5]أنا: هأهأهأ قصدك البكينى،هو البكينى بقى اسمه ليبتون وابو فتلة[/size][/font][/b] [b][font=arial black][size=5]أبو هبة: لا مؤاخذة بقى يا باشا الصنعة تحكم[/size][/font][/b] [b][font=arial black][size=5]أنا: لا عادى خد راحتك[/size][/font][/b] [b][font=arial black][size=5]أبو هبة: أهو المايوه أبو فتلة ده بقى يا باشا هو عنوان سياسة الدولة[/size][/font][/b] [b][font=arial black][size=5]أنا: إزاى يعنى؟[/size][/font][/b] [b][font=arial black][size=5]أبو هبة: المايوه ده اكبر دليل على العدل والشفافية فى البلد[/size][/font][/b] [b][font=arial black][size=5]أنا: يا راجل أنت أختصر وخش فى الموضوع[/size][/font][/b] [b][font=arial black][size=5]أبو هبة: حاضر..حضرتك لما بتروح محكمتك بتشوف إيه مرسوم على المحكمة من بره؟[/size][/font][/b] [b][font=arial black][size=5]أنا: مرسوم واحدة ست وماسكة فى ايديها ميزان بكفتين من النص[/size][/font][/b] [b][font=arial black][size=5]أبو هبة: اسم الله عليك هو الميزان ابو كفتين[/size][/font][/b] [b][font=arial black][size=5]أنا: يا راجل انت هتجننى،إيه علاقة ميزان العدل بالمايوه البكينى[/size][/font][/b] [b][font=arial black][size=5]أبو هبة: قولتلى بقى إيه العلاقة..الميزان ده مش ممسوك من النص؟[/size][/font][/b] [b][font=arial black][size=5]أنا: أه[/size][/font][/b] [b][font=arial black][size=5]أبو هبة: ينفع كفة تزيد على كفة؟[/size][/font][/b] [b][font=arial black][size=5]أنا: لاء طبعا وإلا ميبقاش عدل[/size][/font][/b] [b][font=arial black][size=5]أبو هبة: تمام..أهو المايوه ابو فتلة ده ماسك الدنيا بحالها من النص وقاسمها كفتين ومفيش كفة تزيد ولا كفة تقل..يبقى عدل ده ولا مش عدل؟[/size][/font][/b] [b][font=arial black][size=5]أنا: هأهأهأهأ بقى هو ده العدل فى بلدنا؟ طيب ده العدل وعرفناه فين بقى الشفافية؟[/size][/font][/b] [b][font=arial black][size=5]أبو هبة: هو حضرتك لما تروح مارينا وتشوف الباشا الوزير ولا المسئول الكبير ماشى على البلاج وماشية جنبه الحُرمة بتاعته ومفيش حاجة مغطياها غير المايوه ابو فتلة مش دى شفافية برضه يا أستاذ، والله الحكومة بتاعتنا دى عندها شفافية مش عند حد تانى لدرجة إن السادة المسئولين بيكشفوا أعز ما يملكوا قدام عينينا...بقى بذمتك فى اكتر من كده شفافية[/size][/font][/b] [b][font=arial black][size=5]أنا: هأهأهأهأ لا عندك حق يا ابو هبة،بس الوزراء والمسئولين الكبار دول بيجيبوا تمن الشاليهات دى منين يا ابو هبة[/size][/font][/b] [b][font=arial black][size=5]أبو هبة: يا باشا هما بيدفعوا حاجة من جيبهم،دى بتبقى هدايا من الحكومة عشان الباشاوات يروقوا مزاجهم[/size][/font][/b] [b][font=arial black][size=5]أنا: طيب قوللى بصراحة،مانفسكشى انت كمان الحكومة تروقلك مزاجك وتهاديك بشاليه فى مارينا،واهو منه تغيير جو ومنه تتفرج على الشفافية عينى عينك بدال الحباية الزرقاء اللى هرت معدتك؟[/size][/font][/b] [b][font=arial black][size=5]أبو هبة: الحكومة تهادينى أنا بشاليه؟[/size][/font][/b] [b][font=arial black][size=5]يا باشا أنا حاربت وشوفت الموت بعينيا فى 73 وأعز أصحابى ماتوا ما بين إيديا،ولما رجعنا الأرض لأصحابها الحكومة مهانشى عليها تكرمنا ولا حتى تبل ريقنا بكلمة حلوة وكأن دم الغلابة رخيص[/size][/font][/b] [b][font=arial black][size=5]وبعدين أنا مابقيتش عايز حاجة من الدنيا[/size][/font][/b] [b][font=arial black][size=5]كل اللى عايزه إن ربنا يقدرنى وأستر البت اللى طلعت بيها من الدنيا واجوزها[/size][/font][/b] [b][font=arial black][size=5]وكفاية عليا أم هبة مستحملانى وشايلانى بقالها سنين.[/size][/font][/b] [b][font=arial black][size=5]ترقرقت أعين أبو هبة بدموع محبوسة منذ سنين ولكن شموخ المحارب منعه من ان يذرفها أمامى،وترقرقت عيناى بالتبعية بدموع ولكن كبرياء الشباب منعنى من أن أذرفها أمامه،مما أضطر أبو هبة أن يخرج من الموقف بديبلوماسية مفتعلة مبتعدا عنى قليلا ومتعللا بندائه لصبى القهوة قائلا(ياض يا حموكشة قوم رش جردلين ميه قدام القهوة بدال ما انت قاعد،خليها ترطب على نار الجو،مش كفاية النار اللى جوانا!!!)[/size][/font][/b] [b][font=arial black][size=5]يتبع...[/size][/font][/b] [/QUOTE]

التحقق