تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="حياة بالمسيح, post: 3867266, member: 124702"] يمّا، يا نَبضة قلبي اللي ما بتهدى، يا دفا أيّامي لو الدنيا بردت، إنتِ الحكاية اللي كل ما كبرت… كبرت معي أكتر. شو بدي احكي لحتى أوصّفك؟ وإنتِ التعب اللي ما بيبين، والعطا اللي ما بينحكى، والحب اللي ما إلو حدود ولا آخر. يمّا، كنتي دايمًا الضوّ لما تعتم الدنيي بعيوني، وكنتي القوّة لما ضعفت، وكنتي الحضن اللي بيردّ الروح لمكانها، كأنك وطن صغير… بس فيه كل الأمان. قديش حملتي همّي بصمت، وقديش خبيتي وجعك مشاني، وكنتي تقولي “أنا منيحة” بس لحتى تضلّني أنا منيح. بهالعيد، بدي قلك إنو كل شي فيني بيشبهك، حتى طيبتي… من طيبتك، وحتى صبري… من صبرك. الله يخليلي ياكي يا يمّا، وتضلي فوق راسي تاج، وضوّ بقلبي ما بينطفي، وكل عام وإنتِ كل العمر يمْا يا اللي نـسجتي من سـنينك دفا وعـطيتي من روحك.. بـحور الوفا ياما حـملتي التـعب.. فوق الكتاف وقـلتي: "يا ابـني.. لا تـخاف الجفا" تؤبري قلبي.. يا صـبّارة الدار يا اللي سـهرتي.. والـمدى أسـرار جـوعتي لـنشبع.. وعـطشتي لـنرتوي وخـبيتي بـصدرك.. لـهيب الـنار يا شـمعةٍ ذابت.. لـيضوي طـريقنا يا مـرساة الأمـان.. بـغرق ضـيقنا يـبست عـروقك.. لـتخـضّر غـصوننا وصرتي انتي الفـرح.. بـعزّ حـريقنا بـوسة قـدمـك.. هيّي عـيدي الكـبير يا مـلكةٍ.. مـالك بـهالدني نـظير الله يـخلّيكي.. يا بـركة العـمر ويا طـهر الـدعا.. بـالوقـت العـسير يمّا يا منبع المحبة ويا طهر هالأرض حبك بقلبي عبادة.. وسيرتك سنّة وفرض يا ضحكة البيت ونورو.. يا جنتنا في بلاد الغزبكغ كل الدني بتصغر.. وأنتِ بضلك الوسع والعرض شو بوصف فيكي؟ وأنتِ القصيدة والوزن يا بلسم جروحي.. ويا راحة القلب من الحزن دعوة من تمك بتفتح بواب السما العالية وبلمسة من إيديكي.. بيغفى بصدري كل الشجن كل سنة وأنتِ تاج راسي وعزّي ودلالي يا أغلى من روحي.. وأغلى من حالي ومالي يا أمي يا نبض الحياة.. ويا بركة العمر تبقي لقلبي شمس.. تشرق بليلي وبالليالي يمّا [B]يا مبعث النور في آفاق وجداني ويا نشيدا سما في عذب ألحاني أمي.. وهل في مدى الكلمات متسع؟ لوصف طهر جرى في نبض شرياني أنت الربيع إذا ضاقت بي الدنيا وأنت فيض الندى في جدب أزماني كم ساهرت عينك الخضراء ترعاني وكم سقيت بيد الرحمن بستاني لو كان يهدى لك العمر الذي بيدي لأهديتك العمر.. يا عمري وعنواني في عيدك الكون يبدو ضاحكا بهجا فأنت عيد الهوى.. في كل أحياني[/B] [/QUOTE]

التحقق