بنعمة المسيح نبدأ أولي قعداتنا ف ورشتنا او مجموعة العمل
زي ما اتفقنا هنتعلم كل مره حاجه جديده وكل المشتركين مطابين بتطبيق اللي اتعلمناه ويرفعوهولنا ونتناقش فيه ولو حتي الانسان يحاول
مكونات الترنيمه كاسلوب فني -من وجهة نظري- 4 أشياء :
1- فكره او موضوع
2- اللفظه أو الألفاظ المستخدمه
3-وزن موسيقي
4-قافيه
هنتعلم ونتقناقش ف الوزن وبعد كده القافيه بانواعها وبعد هنكون علي اتم الاستعداد اننا نعرف اساسيات الترنيمه كفكره وأسلوب وموضوع ولفظه
الــــــــــــــــــوزن
الوزن هو صلب الترنيمه زي القصيده بالظبط لو ضاع الوزن اصبح الكلام لا موسيقي ولا زمن له ولا اقصد بالوزن هو اوزان بحور الشعر او الأوزان النحويه إطلاقاً بل أعني بالوزن هو زمن الكلام نفسه يعني الشطره الواحده بتاخد زمن أد ايه علي الأذن ... بتعامل بزمن الشطره وليس البيت او العدد وهناك اوزان رباعي وثلاثي وخماسي بس اللي شائع جدااا الرباعي
طاب علشان اوزن صح اعمل ايه ؟؟؟
في طريقه مبدأيه ممكن نستخدمها وهي اني اعمل حاجتين ف وقت واحد
اولاًاني انطق الكلام بزمن متساوي
ثانياً اعد علي صوابعي زمن كل شطره
تعالوا ناخد مثال ننطق الكلام بزمن متساوي يعني ما اسرعش وما ابطأش واقسم الكلام واعد علي ايدي ,, انا هنطق واكتب العدد تحب الكلام
ملحوظه مهمه: ليس معني الوزن هو عدد الكلمات هنشوف دلوقت
من ترنيمة خليني اعيشلك
دا وزن رباعي يعني الشطره الواحده بتاخد 4 عدات موسيقيه وانا مقسملكم الكلام
هو/ في/ ف الدنيا /ايه .... يستاهل /اني/ اخاف/ عليه
1...2..3.......4 ..........1.....2...3...4
غير/ إني افرح /قلب /سيدي ..... واشوف/ رضاه/ عني/ ف عينيه
1.....2........3.....4........1......2.....3......4
ناخد مثال لوزن ثلاثي مثلاً عشان نعرف نفرق اكتر
لما / الفرصه/ تجيلك ... اوعي/ تضيعـــ/ـها
1...2.......3.........1.....2......3
ربك /لو/ يناديلك ...اسمع/ صوته/ قوام
1...2..3........1....2......3
ف الترنيمه اللي فاتت ف الشطره التانيه " اوعي تضيعها " كلمة تضيعها خدت عدتين موسيقيتين نلاحظها ف النطق
وفي ترنيمه ممكن تتكون من كذا وزن بس ف الوزن مدام شغال بكتب بنظام اربع شطرات للعدد - وهناخدهم بأنواعهم قادم شويه - يبقي الشطره الأولي و التالته اخوات يعني ليهم نفس الوزن والتانيه والرابعه اخوات ليهم نفس الوزن دا لو عايز اغير ف الأوزان تعالوا ناخد مثال
خدت /قراري/ خلاص /وشعاري .... ان /انا عايش/ ليك
1....2......3.......4...........1...2........3
إسمك /دا/ لحني /واشعاري ..... ياللي/ انا بفرح /بيك
1....2..3.....4.............1.....2.........3
هنا نلاحظ ان الشطره الأولي والتالته كانت اوزناهم 4 عدات موسيقيه علي عكس الشطره التانيه والرابعه كانوا 3 عدات موسيقيه
بكل بساطه دا الوزن ودا اصعب حاجه للناس اللي لسه بتتعلمه وف نفس الوقت لو كل ترنيمه قعدت احللها وافهم وزنها يبقي رااااااائع لكن في حاجات اوزانها مش بتبقي واضحه دي محتاجه خره منكم وهتعرفوها لوحدكم قادم شويه
دلوقتي بما اننا موهوبين وبنقدر نكتب
الواجب بتاعنا هيكون كالآتي
كل مشترك هيكتبلنا 3 اعداد كترانيم يفضل يكونوا مختلفين ف الوزن او نفس الوزن مفيش مشكله 3 اعداد زي اللي اتعلمنا بيهم فوق
وتاني حاجه هكتب جزء من ترنيمه انا كتبها والمطلوب منكم تقيم الترنيمه حسب الوزن اللي موزنه بيه سواء ثلاثي او رباعي او غيره ممكن يكتفي بالشرط بين الكلام ///// مش لازم ارقام تحت الشطرات واللي عملها كويس
الترنيمه بقي :
من بين بلاد الدنيا بحبك.....ودمي جوه عروقي من دمك
ولمـا تقولي يا بلـدي الآه....جــوه ضلـوعي فـ قلبي هضمك
واكتــب ليكي كتــاب جوايــا...افضل اقولـه لجيل ورا جيل
وقصة حبنا ديــا حكايه...ضــد الظلـم دي اقـوي دليــل
هتتبعت الاجابات ع الصفحه هنا ماشي او ع الخاص ماشي ف الاخر هتتحط ونناقشها مع بعضنا وعشان نكمل باقي الكورس محتاجين اننا نعدي المرحله دي كويس جداا لأن الجاي كله متوقف علي دي
والموضوع متاح للنقاش والتوضيح والإضافه
سلام الرب يكون معاكم 
