هل مؤهل العريس اللي متقدملك يفرق معاكي؟

[mora22]

هل مؤهل العريس اللي متقدملك يفرق معاكي؟



طبعا موضوعي باين من عنوانه
هل مؤهل العريس اللي متقدملك يفرق معاكي؟
اللي خلاني اكتب الموضوع ده ان واحده جارتى متقدملها عريس مواصفاته كلها مناسبه جدا

هو محترم وابن ناس وماديا كويس جداااا
ولكن
ولكن
معاه مؤهل متوسط وهي مؤهل عالي.....
وده هو اللي عاملها قلق في الموضوع
قالتلي يعني ذاكرت وتعبت ودخلت جامعه واتخرجت
مش من حقي بقي اخد واحد مؤهل عالي زيي؟؟؟؟؟
كمان صحباتي هيقولوا اني واخده واحد اقل مني في التعليم؟؟؟
واسئله كتير بتسئلها لنفسها؟؟؟؟
والمشكله زي ما الكل عارف ان اكتر المؤهلات العاليه ظروفهم صعبه اووي ومفيش وظايف يعني كده كده بيشتغلوا اي حاجه والسلام هي مرتحه له كشخص بس خايفه يكون موضوع مؤهله اللي اقل منها ده يسبب لها مشكله قدام...
ياريت نسمع ارائكم وخاصه البنات وكل واحده تقول وجهة نظرها في الموضوع ده
وياريت لو المتزوجات لهم تجربه زي كده يقولولنا عليها
عشان كلنا نستفاد ونشوف الموضوع ده بصوره اعمق واشمل..
مستنيا ردودكم​

 

[جيلان]

قالتلي يعني ذاكرت وتعبت ودخلت جامعه واتخرجت
مش من حقي بقي اخد واحد مؤهل عالي زيي؟؟؟؟؟

خييبة هى الناس اليومين دول بتدخل الجامعة عشن تاخد عريس زيها ولا عشن تنمى دماغها وعقلها
ملهاش علاقة بالعريس التعليم بتاعها يا عسل
بصى عن نفسى ممكن اقبل لحد مؤهل متوسط عشن على الاقل الواحد بيبقى معاه المبادىء الى يقدر ينمى بيها نفسه لكن الجامعة بتكون وصلنا لدرجة التخصص فى العلم ودى ممكن الواحد يكملها بالتثقيف
بعيدا عن ان فى مصر المؤهل لا يضيف الكثير لبعض الناس ( مش الكل .. الى بعد التخرج بينسى كله ) فى ناس مش مؤهل عالى ودماغهم عالية جدا ومثقفين وبيقروا وفى ناس مؤهلات عليا ودماغهم مافيش او بتوع صم وحفظ
قوليلها مش مقياس خالص على فكرة ولو مرتحاله تتكل على الله بعد ما تختبر تفكيره وتعرف بيفكر ازاى
احنا مقلناش تاخده معاه ابتدائية يعنى بس لو مؤهل متوسط يبقى كويس كدى

 

[روماني زكريا]

شكرا يا جيلان علي مرورك المميز
وشكرا علي تعب محبتك وردك الجميل​

 

[روماني زكريا]

بس ليا تعليق بالنسبه لي جيلان
متهيالى ان الشخص اللى متقدم للزواج لازم مؤهلة فى نفس مستوى اللى متقدملها مش عشان الناس والكلام دة لكن بعد كدة لو حصل مشاكل بينهم ممكن يدخل موضوع الدراسة على اساس انتى متكبرة عشان انتى تعليمك اعلى منى وكدة ومتقوليش ان فى ناس بعد الزواج ما بيحصلش بينهم مشاكل بسبب الموضوع دة وانا لى ناس اعرفهم اكبر مشكلة فى حياتهم بسبب الموضوع دة فهمنى
وهى دى وجهة نظرى بصراحة الا واذا كانوا متفاهمين نوعا ما
وشكرا ​

 

[+Coptic+]

انا شايف ان التفكير اهم من المؤهل لو تفكيرهم متقارب و هي مرتاحة له المؤهل مش هيفرق كتير زي ما قالت جيهان

 

[جيلان]

بس ليا تعليق بالنسبه لي جيلان ​

متهيالى ان الشخص اللى متقدم للزواج لازم مؤهلة فى نفس مستوى اللى متقدملها مش عشان الناس والكلام دة لكن بعد كدة لو حصل مشاكل بينهم ممكن يدخل موضوع الدراسة على اساس انتى متكبرة عشان انتى تعليمك اعلى منى وكدة ومتقوليش ان فى ناس بعد الزواج ما بيحصلش بينهم مشاكل بسبب الموضوع دة وانا لى ناس اعرفهم اكبر مشكلة فى حياتهم بسبب الموضوع دة فهمنى
وهى دى وجهة نظرى بصراحة الا واذا كانوا متفاهمين نوعا ما​

وشكرا ​

بص هى مش هتتجوزه النهاردة ولا بكرة
فى خطوبة سنة او سنة ونص هتبين شوية
صحيح الخطوبة مش بتبين كل حاجة .. بس ده لو البنت عبيتة واخر حاجة ممكن تركز فيها هى الرومانسية
مفروض بتبقى فترة كل واحد فيها بيراقب تصرفات التانى بدون مبالغة .. اه هيحبوا بعض وفسح وخروج وكله تمام لكن كمان تراقبه فى المواقف المختلفة بيتصرف ازاى
تجرب مرة واتنين الموضوع ده هيقابلهم ولا لا ورد فعله ايه فى موقف محتاج اتخاذ قرارات هل هيقولها بتتكبرى ولا لا
ولو على الخناق بعد الجواز بسب حاجات مبانتش فى الخطوبة فسدءنى مش دى الحاجة الوحيدة الى ممكن يتخانقوا عليها ولو الحياه مترتبة من الاول مش هيحصل خناق لان كل واحد هيحاول يفهم التانى كويس
وبعدين كدى كدى فى حاجات مش هتكتشفها فى الخطوبة لكن رأييى انه مش سبب رفض كمان هى هتختبر تفكيره وعقله كويس .. مهم انها متاخدهوش وخلاص وتفهمه كويس جدا سواء بمؤهل متوسط او عالى او فوق العالى كمان .. فى كل الحالات هتحتاج تعرفه كويس جدا وهيبان خلال الخطوبة تأييد رأيها بالارتباط بيه او العكس

 

[MATTEW]

الأسف الشعب المصري عموما يربط كل شيء بالواجهه

حينا تسئل احد ما الشهاده اللي معاك يقول بكالريوس صيدله اذن ماذا فعلت بها و بمذاكرتك لا شيء

في حين ان هناك من معه بكالريوس تجاره و شغال في بنك و بيقبض مرتب كويس لكن في الواجهه معاه بكالريوس تجاره

و هناك من يكون لا يملك سوي شهاده مؤهل متوسط ( ثانويه عامه ) و في نظر الناس هذا رجل فاشل لكنه في الحقيقه افضل من خريجي الشهادات جميعها

الأسف الشعب المصري يربط نفسه بالظاهر دائما و لا يهمه ما في الداخل

يهمه ما في جيب العريس غني , عنده شقه , عربيه

لكن لم ينظروا اللي اخلاقه , حياته , ضميره

هذا هو الشعب المصري الأسف

 

[tasoni queena]

التعليم مهم عشان العقلية​

لما اخد واخد فى مستوى تعليمى هتجوزه عشان يبقى نفس مستوى التفكير​

لكن لو هو عقليته كبيرة ومخه نظيف بس كان عنده ظروف تمنعه من انه يكمل للتعليم العالى​

خلاص مش مهم المهم التفكير​

 

[Coptic MarMar]

لا طبعااااااا أكيد هيفرق معايا حتى عشان نعرف نكون متفاهمين مع بعضنا
وشرط الأرتباط أنه يكون فى توافق بين الطرفين ..
وأنا مقولتش يبقى دكتور ور مهندس بس على الأقل يبقى معاه مؤهل
مش يبقى على البلاطة يعنى
ههههه
ثانكس يا مارو​

 

[+Sameh+]

من رأى لو بتحب الشخص اللى اتقدملها خلاص مافيش مانع من الزواج

​

 

[+ماربيلا+]

الاول عايزة اشكرك يا مورا بجد موضوع جميل
انا رأيى زى رومانى تقريبا بس عايزة اضيف حاجه

انها بتختلف من واحده لواحده فى بنات عندها التعليم اهم شىء
وبنات تانيه الماديات اهم فهى البنت اللى هتعيش يبقى هى اللى تقرر​

 

[عادل نسيم]

مارو
إسمح لي أقول رأى بصراحة
مهم جداً أن يكون الأثنين في درجة علمية متقاربة
أما إذا كان هنا إختلاف في الدرجة العلمية فيجب أن يكون الشاب هو ذو الدرجة العلمية الأعلي أما العكس فغير مستحب لكثرة مشاكله في المستقبل
أما إذا كان إختلاف الدرجة العلمية يسمح بها ربنافالله وحده الأعلم لأنه إختياره والرب يوفق

 

[mora22]

انا شايف ان التفكير اهم من المؤهل لو تفكيرهم متقارب و هي مرتاحة له المؤهل مش هيفرق كتير زي ما قالت جيهان

شكرااااااااااااااااا لمرورك ولرايك استاذ ماجد

 

[mora22]

بص هى مش هتتجوزه النهاردة ولا بكرة
فى خطوبة سنة او سنة ونص هتبين شوية
صحيح الخطوبة مش بتبين كل حاجة .. بس ده لو البنت عبيتة واخر حاجة ممكن تركز فيها هى الرومانسية
مفروض بتبقى فترة كل واحد فيها بيراقب تصرفات التانى بدون مبالغة .. اه هيحبوا بعض وفسح وخروج وكله تمام لكن كمان تراقبه فى المواقف المختلفة بيتصرف ازاى
تجرب مرة واتنين الموضوع ده هيقابلهم ولا لا ورد فعله ايه فى موقف محتاج اتخاذ قرارات هل هيقولها بتتكبرى ولا لا
ولو على الخناق بعد الجواز بسب حاجات مبانتش فى الخطوبة فسدءنى مش دى الحاجة الوحيدة الى ممكن يتخانقوا عليها ولو الحياه مترتبة من الاول مش هيحصل خناق لان كل واحد هيحاول يفهم التانى كويس
وبعدين كدى كدى فى حاجات مش هتكتشفها فى الخطوبة لكن رأييى انه مش سبب رفض كمان هى هتختبر تفكيره وعقله كويس .. مهم انها متاخدهوش وخلاص وتفهمه كويس جدا سواء بمؤهل متوسط او عالى او فوق العالى كمان .. فى كل الحالات هتحتاج تعرفه كويس جدا وهيبان خلال الخطوبة تأييد رأيها بالارتباط بيه او العكس

ثانكس جيلان على مرورك وكلامك بس لو اتقدمك حد دبلوم مش هتفكرى عالاقل

 

[mora22]

الأسف الشعب المصري عموما يربط كل شيء بالواجهه

حينا تسئل احد ما الشهاده اللي معاك يقول بكالريوس صيدله اذن ماذا فعلت بها و بمذاكرتك لا شيء

في حين ان هناك من معه بكالريوس تجاره و شغال في بنك و بيقبض مرتب كويس لكن في الواجهه معاه بكالريوس تجاره

و هناك من يكون لا يملك سوي شهاده مؤهل متوسط ( ثانويه عامه ) و في نظر الناس هذا رجل فاشل لكنه في الحقيقه افضل من خريجي الشهادات جميعها

الأسف الشعب المصري يربط نفسه بالظاهر دائما و لا يهمه ما في الداخل

يهمه ما في جيب العريس غني , عنده شقه , عربيه

لكن لم ينظروا اللي اخلاقه , حياته , ضميره

هذا هو الشعب المصري الأسف

شكراااااااااا على مرورك بس الحياه بتفرض كده مش بس الشعب المصرى

 

[جيلان]

ثانكس جيلان على مرورك وكلامك بس لو اتقدمك حد دبلوم مش هتفكرى عالاقل

لو معرفهوش لسة هفكر الف مرة لكن لو حد اعرفه كويس وعارفة طريقة تفكيره وعجبتنى يبقى ليه لا
امثلة من صحابى كتير اتخطبوا لاقل منهم دبلوم وناجحة وزى الفل انا مباقولش ثانوبة عامة او اعدادية اكيد كدى الفجوة هتبقى كبيرة ومش هينفع لكن تعليم متوسط مفهاش مشكلة

 

[mora22]

التعليم مهم عشان العقلية​

لما اخد واخد فى مستوى تعليمى هتجوزه عشان يبقى نفس مستوى التفكير​

لكن لو هو عقليته كبيرة ومخه نظيف بس كان عنده ظروف تمنعه من انه يكمل للتعليم العالى​

خلاص مش مهم المهم التفكير​

مش عارفه بس المؤهل حاسه انه ضرورى

 

[mark2030]

هاى عجبنى كثيرا هذا الموضوع ولكن من وجهة نظرى احيانا اشعر ان البنت عندما تقبل بوضع العريس الاقل منها فى التعليم فللاسف يشعر العريس بالغرور وانه يستحق الافضل منها فيتركها لانها فى نظره غير مناسبة ويبحث عن اخرى فما رايكم فى حالة البنت بعد ذلك اى عندما تقبل بوضع العريس يتركها فماذا تفعل؟

 

[جيلان]

هاى عجبنى كثيرا هذا الموضوع ولكن من وجهة نظرى احيانا اشعر ان البنت عندما تقبل بوضع العريس الاقل منها فى التعليم فللاسف يشعر العريس بالغرور وانه يستحق الافضل منها فيتركها لانها فى نظره غير مناسبة ويبحث عن اخرى فما رايكم فى حالة البنت بعد ذلك اى عندما تقبل بوضع العريس يتركها فماذا تفعل؟

يبقى خير وبركة انه تركها لانه فى الحالة دى انسان لا يستحقها وهى تستاهل الافضل منه مية مرة
لان التصرف ده يدل انه مش بيحبها بجد من الاول وداخله مش كويس

 

[ميرنا]

خييبة هى الناس اليومين دول بتدخل الجامعة عشن تاخد عريس زيها ولا عشن تنمى دماغها وعقلها
ملهاش علاقة بالعريس التعليم بتاعها يا عسل
بصى عن نفسى ممكن اقبل لحد مؤهل متوسط عشن على الاقل الواحد بيبقى معاه المبادىء الى يقدر ينمى بيها نفسه لكن الجامعة بتكون وصلنا لدرجة التخصص فى العلم ودى ممكن الواحد يكملها بالتثقيف
بعيدا عن ان فى مصر المؤهل لا يضيف الكثير لبعض الناس ( مش الكل .. الى بعد التخرج بينسى كله ) فى ناس مش مؤهل عالى ودماغهم عالية جدا ومثقفين وبيقروا وفى ناس مؤهلات عليا ودماغهم مافيش او بتوع صم وحفظ
قوليلها مش مقياس خالص على فكرة ولو مرتحاله تتكل على الله بعد ما تختبر تفكيره وتعرف بيفكر ازاى
احنا مقلناش تاخده معاه ابتدائية يعنى بس لو مؤهل متوسط يبقى كويس كدى

معكى يا جيلو بجد فى كلامك انا اول عن اخر تعليم مصر لا اومن بيه اطلاقا تعليم فاشل بكل مستوياته ولو مكنش فاشل مكنش دكتور نسى ادوات الجراحة جوا انسان لو مكنش فاشل مفيش تشخيص مريض طلع غلط ومات المريض لو تعليم كويس مكنش فى مبنى اتدهت وكتير فى مصر وجوا مصر بس
وعمار يا ام الدنيا
بصى هقولك حاجة بجد فى ناس تعليمها متوسط بس ثقافته عالية جدا وناس جامعة بس بلاطا
بس طبعا مينفعش نبقى فى مصر وميبقاش فى مظاهر انا بصراحة كانت حاجة مضيقانى فى ارتباطى بخطيبى رغم انى انا معهد مش كلية بس برضو بس هى دى مصر
بس هقولك حاجة هى هتفضل حاسة بيها طول خطوبتها انو اقل منها
بجبلك من الاخر
لانى للاسف دى ترسبات مجتمع فاشل حطاها جوانا وانى كلية لازم ترتبط بكلية ومعهد بمعهد بس لازم تكون مقنعة وهتقدر على تعليقات الناس عشان متفضلش تانب نفسها انا وافقت ليه والكلام دا