لا مفتكرش انه قسمة ونصيب
ربنا مش معين واحد معين لواحدة معينة ولازم وحتما هيتجوزو يعنى هيتجوزو
لا , الانسان المسيحى اللى عايز بيت صح ربنا حطله قواعد عامة فى الكتاب المقدس عن الزواج , يعنى زى لاتكونوا تحت نير مع غير المؤمنين
ليكن الزواج مكرما عند كل واحد , وكل الايات ديه
لكن مش اللى مكتوب على الجبين والكلام ده
فيها مسئولية اختيار وصلاة وطلب ارشاد من ربنا على الانسان ميحاولش يهرب منها بكلمة اهو قسمتى كده
بالنسبة لاولاد الله فربنا لما بيشوفهم ماشيين فى اتجاه جواز غلط بيوضحلهم بكل الطرق ان الطريق ده غلط
سمع كان بها
مسمعش الجواز بيتم عادى ( رغم ان الله مش مبسوط بالجوازه ديه ) وديه حاجات شوفتها قدامى وعاشوا طبعا تعسا جداااااا رغم ان ربنا كان بيقولهم بشكل واضح من البداية انتو متنفعوش مع بعض
بس هما قرروا يكملوا , ربنا بقا مش هينزل صاعقة عليهم ولا هيولع فى الفرح علشان مش يتم
لا الجواز هيتم والفرح هيتعمل , لان ده اختيار الانسان
وفيه مثال على كده فى الكتاب المقدس , معتقدش ان كانت ارادة الله ان يعقوب يتجوز راحيل , راحيل كانت شخصية غريبة وكان قلبها متعلق باصنام والدها , متنفعش لواحد زى يعقوب اللى هو امير الله
بالعكس ليئة اللى كان يعقوب مش بيحبها هى اللى كانت مناسباه اكتر
ولا اعتقد ان ربنا كان من ارادته ان ابراهيم يتجوز هاجر ابداااااا
لكن ده اختيار الانسان