تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="عاشقة شربل, post: 721778, member: 38273"] انا فتاة مغربية عمري 19 سنة كنت مسلمة وصرت مسيحية من شهرين بس عرفت سيدي يسوع عندما كان عمري 17 سنة حينما كانت احدى قرايبنا قادمة لزيارتنا وجدت الانجيل بمحطة القطار وجابتو معها ووراتو لماما ساعتها خفق قلبي واحسست بشعور ما بعرف اوصفو قالتلها ماما ليش جبتيه شو بدنا نعمل بيه قالتلها قريبتنا خبيه ولا اعطيه لحدا.. قلتلها لا خليه يا ماما قامت ووضعتو بين الكتب ومرة كنت بدور على كتاب اقراه وشفتو كان بدي اقراه وبابا منعني قاللي لا تقريه لانو محرف و المسيح ما صلبوه يا بنتي وها الفكرة ما دخلت براسي انو المسيح ما صلب ومن وانا صغيرة كنت بحب اشوف الكنائس و الناس المسيحيين وكنت بحلم اني اعلق صليب على سلسلتي و صممت اني اقرا الانجيل اخدتو وقريت منو شوي وما فهمت الا القليل لانو كلو مكتوب بالامثال قريتو لمدة اسبوعين كنت كل يوم بقرا شوي و بعدين لما ما فهمتو كثير رجعتو لمكانو و مرت السنتين وكنت عايشة حياة لا هي مسيحية ولا هي مسلمة ما كنت بصلي صلاة المسلمين كنت بصوم بس حتى ما احد يشك بشي وكنت رافضة اكون مسلمة وها السنة قبل ما اصير مسيحية رجعت قريت الانجيل من الاول و ركزت عليه و كنت بعيد قراءة الجزء اللي ما فهمتو مرتين و ثلاثة حتى افهمو عجبني كثير و ارتاحت نفسي واطمئن قلبي بعد قرايتو وحسيت بالمسيح ابتدا يدخل حياتي واتعرفت بالانترنيت على شاب مسيحي قلتلو احكيلي عن الدين شوي وبصراحة ها الشاب له فضل كبير علي وانا مديونتلو بها الشي كثير المهم صرت بدور على النت على مواقع مسيحية ولقيت احدى المنتديات فيه شرح الانجيل و الصلوات و الصوم و كلشي وانا هلق مستحييييييل اتخلى عن ديني بس المشكلة اني مضطرة اخفي ايماني عن الكل اولا لانو المغرب بلد اسلامي و ما بيحقلي اصير مسيحية و بيصير يحاكموني اذا طالبت بهيك شي وثانيا امي و ابي بيقتلوني اذا عرفوا بهيك امر لانهم رح يعتبروني مرتدة و كافرة و ما بعرف شو و رح يطردوني انا متاكدة ساعتها وين اروح انا مسيحية بقلبي واحساسي وما حدا بيعرف هاذ الشي غير ربي يسوع وانتو يا اخواتي في المسيح وقدام الناس و الاهل و بالبيت انا مسلمة :smil8: واللي قاهرني اكثر انو ما في كنائس هون وما في قديسين و اباء اروح لهم انا تايهة و حزينة اني من بلد اسلامي مش عارفة شو بدي اعمل بس اللي بيعزيني اني مؤمنة بربي غصبا عن الكل و مستحيل اتخلى عن المسيحية ارجوكم صلوا من اجلي [/QUOTE]

التحقق