تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="محب المسيح, post: 2722666, member: 3609"] [SIZE="5"][COLOR="Black"] بإسم الآب والإبن والروح القدس الإله الواحد آميـــــــــــــــــــــــــــــن يقول السيد// نبيل بشاى ،الظاهر- الفجالة:- فى يوم 10/9/1198م شعرت بألم شديد فى الجانب الأيسرمن الجسم وكان يشمل اليد والرجل والفم ،فكنت غير قادر على تحريكهم وفقدت القدرة على الكلام بسبب عدم حركة الفم... نقلت الى مستشفى الراعى الصالح وأجريت لى أشعة مقطعية على المخ واتضح وجود جلطة فى احد شرايين المخ ..ثم أجريت أشعة فوق الصوتية على القلب ، فظهر تجمع دموى وجلطة قديمة بالشريان التاجى... وقام الدكتور يوسف رياض بالكشف عليا وأشار بضرورة استخدام عقار إسمهHeparin لمدة 48 ساعة فى هذه الفترة أعطانى أحد الزائرين زيتاً للشهيد أبى سيفين، فواظبت على دهنى به ... وفى أحد الليالى زادت ضربات القلب ، فأدخلت الى غرفة الإنعاش ، وكان كل اخواتى يطلبون صلوات القديس أبى سيفين فعلاً تحسنت حالتى وخرجت من غرفة الإنعاش وأحضرت لى ابنه شقيقتى كتب " الله يحبنى" معجزات القديس ابو سيفين .. فكنت أقرأهم وأتأثر جداً .. فطلبت من الله أن يتمجد إسمه وأنال الشفاء بصلوات هذا القديس معجزة مثل باقى المعجزات ... +++ وذات يوم أثناء تأثرى الشديد وأنا أقرأ المعجزات ، نمت فى وقت الظهيرة... وإذ بى أرى كأنى فى احتفال كبير وأمامى الشهيد أبى سيفين بالزى الرومانى وكان يبتسم لى ولكنه لم يتحدث معى وقمت من نومى وأنا أشعر براحة واطمئنان شديدين وقد لاحظ كل أخواتى ذلك .. ولما رويت لهم مارأيته ، أكدوا لى ان ذلك كان ظهوراً فعلياً للشهيد... حضرت للدير فى 24/10/1998 وتضرعت له ليقف معى ثم ذهبت لإجراء أشعة فوق الصوتية فقالت لى الطبيبة التى قامت بتوقيع الكشف علىّ فى مركز " لايوجد أى جلطات نهائياً " وعندما رأى الدكتور ماهر بقطر الأشعة الجديدة تشكك فى الأمر وقال:- "لادى مش الأشعة بتاعتك لازم تعمل أشعة تانية " فعملت أشعة أخرى فى يوم 15/11/1998م .. وأكدت الأشعة الثانية أيضاً عدم وجود أى جلطات وأن القلب سليم تماماً ... توجهت للدكتور ماهر بالأشعة الجديدة ، فإطلع عليها وقال :- " فعلاً ربنا عمل معاك معجزة" فمجدنا الله وشهيده العظيم أبى سيفين الذى صنع معى هذه العجائب .. وحضرت الى الدير مع جميع أفراد الأسرة لأاقدم الشكر لله الممجد فى قديسيه وأسجل المعجزة. ملحوظة // أحضر الأستاذ/ نبيل التقارير الطبية قبل وبعد المعجزة وهى مرسلة بالكتاب . بركة وصلوات القديس العظيم فيلوباتير مرقوريوس أبى سيفين تكون مع جميعنا آمين أنا لو حكيت عن معجزات ومواقف ابو سيفين معايا يبقى هاطول عليكم كتيييير ولكن لازم اعترف بيها طبعا ده أقل شكر ممكن اقدمه لهذا القديس العظيم تبدأ معرفتى بالقديس أبو سيفين بأنه قديس من المسيحية اعرف أسمه وصورته وبس وده فى الصف الثانى الثانوى فعندما كنت فى الصف الثانى من الثانوية العامة كنت أعطى مادة لكل قديس وكنت أول مرة اطلب القديس أبى سيفين فى شئ ولم اعرف حتى قصة حياته فاعطته مادة اللغة الفرنسية هو والبطل مارجرجس وحصلت فى هذه المادة على 49.5من 50 وكانت أول معجزة يعملها معايا رغم من صعوبة الامتحان وبرضه مادة تانية فى الصف التالت. وكل مادة فى الكلية اعطها لأبى سيفين ومارجرجس أنجح فيها مهما كان الإمتحان صعب او ماحلتش فيه حاجة ،وهاحكيلكم عن معجزة مميزة جدا بخصوص مادة معينة ولكن فيما بعد. نيجى بقى عند المعجزات القوية جدا :- المعجزة الأول:- حدث فى عام 30/11/ 2004 حادث سيارة لخالى كانت حادثة فظيعة جداً ودخل على أثرها المستشفى وتأخرت العملية لمدة يومين نظرا ًلوجود نزيف داخلى بالكبد وتوقف بمعجزة وبعدها دخل عرفة العمليات وكان مكتوب فى تقرير المستشفى بتر للساق ولكن من رحمة ربنا علينا نحن أولاده الغير مستحقين لحبه العظيم دخل الدكتور ليعمل له العملية ففوجه بالتقرير وقال ( بتر ازاى ده لسه شاب صغير وادامه الحياه طويلة ليه نحكم عليه بالعجز حتى لو مافيش أمل نعمل احنا أمل 1% ونمشى عليه) فى هذا الوقت ذهبت إليه المستشفى ودخلت له غرفة الانعاش وحينما رأيته إنهرت من البكاء ولم يكن لنا سوى الصلاه والتضرعات لربنا يسوع المسيح ، وكان فى ذلك الوقت قبل عيد استشهاد القديس أبى سيفين كان يوم2/12 وطلبت منه بصلاة قوية جداً وبدموع وإيمان قوى إنه يخليه جنب خالى ويعمل معاه معجزة قولتله ياأبو سيفين روحله وخفف عنه وندر عليّ لوخالى وقف على رجليه هاروح ديرك يوم عيد أستشهادتك وأخدم فيه تانى يوم حكى خالى لماما أنه رأى الشهيد أبو سيفين ظاهر فى سقف غرفة الإنعاش بنفس صورته بالحصان والغريب انه بعد الحادث فقد نظره ولكن عندما رأى الشهيد نظره تحسن شوية ورأى ايضاً القديسة مارينا تجلس بجواره وكان نفس التوقيت عيد القديسة مارينا أيضاً. ومرت سنة على خالى داخل المستشفى عمل فيها حوالى 10 عمليات فى رجله وحصل معاه معجزات كتير جداً منها للبابا كيرلس له فى غرفة العمليات ومنها للقديسة مارينا التى أعادت له نظره تماماً ببركة دهنه لزيتها المقدس اومعجزة تانية للقديسة والقديس ابونا يسى ميخائيل بشفائه من فيروس AوB وحالياً نشكر الله يفق على رجليه ويمشى عليها ببركة صلوات ام النور والقديسين العظماء. المعجزة التانية:- فى نفس السنة اللى خالى كان فيها فى المستشفى تعرفت على شاب وقام للتقدم لخطبتى وحضر هو واهله وتقدم إلىّ ولكن أجل أهلى هذه الخطوبة لحين خروج خالى من المستشفى وفى هذا الوقت كنت أشعر ببعض الكدب منه والاستهتار فى حياته ولأنى كنت عايزاه كنت بكدب إحساسى ، وجائت لى فى هذا الوقت لفافة جسد الشهيد أبو سيفين من إحدى صديقاتى فكتبت ورقة ووضعتها فيها وصليت له وطلبت منه لو الإنسان ده فى خير وربنا رايده يكون شريك حياتى قربنا من بعض وسهل الظروف ، لكن لو فعلاً هو بيكدب فى حاجات ومستهتر فى حياته زى ما أنا لاحظت إكشف لى ده وخلينى أبعد عنه وأنا مش هازعل هاعرف إن دى إرادة ربنا وهارضى بيها فى نفس الاسبوع بدأت اعرف عنه حاجات غلط والكدب كله ظهر وحاجات تانية توجع كل ده ظهر خلال أسبوعين وسيبه خالص .. ده طبعا بقوة صلوات البطل العظيم فيلوباتير أبى سيفين. المعجزة التالتة:- أنا فى كلية تجارة خارجية حاليا فى سنة رابعة كنت فى الصف التانى من الكلية كان عندى مادة صعبة جدا اسمها (علاقات دولية) مادة تقيلة والدكتورة بتاعتها صعبة قوى طبعا كانت مادة ابو سيفين ومارجرجس ما اهو انا طبعاً أى مادة صعبة اديهالهم وماليش دعوة للأسف كنت مش مذاكراها كويس ودخلت الامتحان وحليت سؤال عليه 50 درجة يعنى نص الامتحان لكن اللى خلانى متأكدة ان دى معجزة ان الدكتورة دخلت اللجنة وفى ولد قالها (أنا حليت سؤال الخمسين فى 7 صحف كويس يا دكتورة؟) قالت له وانا هاعمل ايه بالسبع صفح دول ماينفعوش طبعاً.... كانت صدمة علىّ لأنى مش كاتبة غير 3 ورقات ونص يعنى شايلاها شايلاها لا مفر منها وماكنش عندى كلام تانى اكتبه ولا حليت غير السؤال ده ولكن طلبت ابو سيفين ومارجرجس يتصرفوا هما ويصححولى الورقة بإيدهم وفعلا جبت فيها 45 من 100 يعنى مادة رقفة واترفعت هذ المادة. معجزة أخرى:- وكان عندى فى الترم الأول من الصف التانى برضه مادة أقتصاد كانت مادة حلوة وبحبها ومذكراها كويس ولكن الامتحان جاء صدمة لكل الطلبة وبالتأكيد ماحلتش حاجة وخرجت منهارة من الامتحان وللأسف طلعت بالمادة دى لسنة تالتة وجيت فى تالتة عندى 7 مواد ومش مذاكرة مادة تانية (الإقتصاد) كويس وكان بعدها بيوم امتحان لمادة من سنة تالتة لدرجة انى ماكنتش عايزة اروح الامتحان بتاع تانية علشان اعرف اذاكر مادة تالتة وتأثر عليها ولكن قولت هاروح وخلاص واعمل اللى عليا مش جايز اعدى منها وروحت الامتحان وللاسف جه برضه صعب ده بجانب انى ماكنت مذكراها اصلاً كويس حليت فيها اللى يخلينى بالظبط اجيب فيها 30 مثلاً من 100 يعنى مافيش امل غير بمعجزة من أبو سيفين ومارجرجس وفى الوقت ده بدأت أعرف تماف إيرينى بعد تنيحيها وعرفت أد إيه حبها وحب أبو سيفين ليها وقلت له ياأبو سيفين انا عارفة أنى ما ستحقش أنك تعمل معايا معجزة زى دى ،لكن وحيات أمنا أيرينى عندك صحح لى أنت المادة دى أنا واثقة فيك وانك تقدر على كده وجت مرة ماما بتقولى وهى ماسكة كتاب تماف معقول ابو سيفين وتماف ايرينى تعمل معاكى معجزة وبتفتح الكتاب وهى بتتكلم ولقت ادامها عبارة بتقول بإذن ربى ناجحة .. ناجحة.. ناجحة.. اطمنا جداً وفعلا يوم النتيجة لاقيت انى ناجحة فى المادة دى بدرجة 55 وطبعا على إجابتى انا ما زدش عن 30او 40 لكن مافيش حاجة تصعب على ربنا ومعجزاته العظيمة اللى بيعملها على يد قديسيه وبركة صلواتهم ومعجزات تانية كتير عملها معايا هذا القديس العظيم يمكن تكون بسيطة ولكنها تدل على يد الله القوية وقوة صلوات وشفاعة القديسين وهذا القديس العظيم عمرى ما قصده فى شئ غير ورد عليا فى نفس الوقت كل ما أطلب منه علامة فى شئ معين ألاقيه أدهالى فى نفس الوقت ويرشدتنى دايماً فً للرب الحنّان الذى يفعل لنا كل خير بشفاعة وصلوات قديسيه بركة شفاعة القديس العظيم فيلوباتير مرقوريوس أبى سيفين تكون مع جميعنا آميـــــــــــــــــــــــــــن[/COLOR][/SIZE] [/QUOTE]

التحقق