موقف حصل لاحد الاصدقاء على الفيس بوك

[philanthropist]

بيقول
موضوع حصل قدامى وجيت اقول الحق كنت هتضرب
قاعد لابيا ولا عليا بتكلم مع صديق محامى عرفت ان فيه شاب مسيحى معروف للكل ومتجوز من بنت عيلة كبيرة من 6 شهور وانه رافع عليها قضية طلاق ومبهدلين بعض فى المحاكم .... المهم قلت عيب يا واد انت تعرف الاتنين وخش واصلح
وفعلا قعدت مع الاتنين علشان نحل الخلاف واول ما ابدى يحكى جتلى كرشة نفس
من يوم ما اتخطبوا وعلى رأى ماجد فوزى فى البوست بتاعو امها قالتلوا خطبيتك هيا اللى عملت كل دا لدرجة ان الراجل بقى مدمن اكلها الحلو واتجوز بسرعة علشان يتهنى بالعسل والاكل الحلو دا .... المهم يصحى من النوم يلاقى البيت متوضب والاكل معمول والدنيا زى الفل وهو مبسوط وسعيد ... بس فيه حاجة غريبة هيا عملت كل دا امتى والساعة لسه 9 الصبح وهيا لسه نايمة ... وتقولوا كل يا حبيبى عامايل ايديا وحياة عنيا وهو ياكل ويقولها تسلم ايديكى دا انا امى دعيالى .
اختها فى امريكا حامل وقربت تولد ووصلوا امها المطار علشان تسافر ليها ومن هنا بدأ القصف الجوى
بقى يصحى من النوم على ريحة وحشة فى البيت كيس الزبالة بقالوا اسبوع متغيرش ... مفيش اكل ولا شرب ... البيت بقى زريبة ..... اخر ما اتخنق قلها تعالى هنا امال فين الاكل وفين النظافة وفين وفين ... الحلوة ردت عليه بكل بساطة دى ماما هى اللى كانت بتيجى الصبح بدرى قبل ما نصحى تعمل اكل وتنضف وتمشى قبل ما تشوفها
طبعا الدم جرى فى عروق الراجل قام رزعها علقة وقلها على امك يا بت امك وابتدت المشاكل
بقلها حصل دا يا بنتى قلتلى وايه المشكلة لما ماما تساعدنى فى البيت مش لسه عروسة وبكرة وبعدو هتعلم ..... طبعا كان ردى عليها وحش قوى وممنوع من النشر وكانت هتضربنى
يا ترى يا شباب ترضى تتجوز بنت جميلة وحلوة ومتعلمة ورقيقة بس استيكة فى البيت وطلبات البيت وامها بتعملها الاكل والغسيل
يا ترى يا عين امك يا اللى امك مدلعاكى ومخليكى عروسة حلاوة وخايفة تعلمك غسيل المواعين علشان ايديك تفضل طرية ومتقشفش هترضى بوضع ماما دا
يا اخوانا يا خبراء يا كبار هى المشكلة دى خاصة ولا عامة .... وايه حلها
بس يا ريت الاجابة تناسب العقل والمنطق مش تقلى التربية والكنيسة والاسرة والطفل

 

[واثقه فيك يارب]

الغلط هنا مش عالبنت
ولا علي جوزها
الغلط علي مامتها
اللي معلمتهاش تشيل المسؤليه قبل الجواز
وعشان خليتها تتكل عليها حتي بعد الجواز!

وبعدين هو جوزها ده متجوزها عشان تنضفله البيت
وتطبخله وبسس؟!
هو ده الجواز من وجهه نظره؟!!

ايه المرار الطافح اللي عليا وعلي سنيني ده بس ياربي
​

 

[aalyhabib]

الغلط علي طريقه التربيه بتاعه الأم

وكدب الزوجه علي الزوج ... " عمايل إيديا وحياه عنيا "




​

 

[واثقه فيك يارب]

الغلط علي طريقه التربيه بتاعه الأم

وكدب الزوجه علي الزوج ... " عمايل إيديا وحياه عنيا "




​

صـــــــــــــــح

ومن الاخر كدا
انا شايفه ان كل العيلة دي غلط في غلط اصلا:smil13:
​

 

[Desert Rose]

ايه ده ؟ ايه ده ؟ هو متجوزها علشان اكلها الحلو وتنضيف البيت ؟ طيب ما يتجوز شغالة احسن ؟
طبعا هى غلطت لانها ضحكت عليه وخبت وفهمته ان ده اكلها وان هى اللى بتنضف طبعا كان لازم تقوله الحقيقة
بس هو رد فعله غير طبيعى , يضربها ( ديه مصيبة فى حد ذاتها اى كانت الاسباب ) ويمشيها من البيت ويرفع قضبة طلاق علشان الطبيخ والتنضيف ؟؟؟؟؟ ياخرابى عليا
كان متجوز الفليبينية ومبقتش نافعه فى الشغل ولا ايه ؟
الموضوع من اوله غلط منهم هما الاتنين
وبعدين انا عايزة اسأل سؤال , كل واحد عايز يتجوز واحدة كاملة من كله , حلوة ومتعلمة وبنت ناس وست بيت , ياترى بيسأل نفسه هو كامل هو كمان ولا لا ؟
يعنى هل هو فيه كل حاجة كاملة ومش محتاج يتعلم او يتطور فى اى حاجة من اول يوم جواز
مرة خادم فى الكنيسة قال انت عايز مراتك تكون امرأة فاضلة وكاملة علمها وساعدها وشجعها علشان تكون كده والست نفس الحكاية تعلم جوزها وتشجعه علشان يكون انسان فاضل
وقال انت متجوز بنت واخدها من بيت اهلها وممكن تكون لسه مخلصة تعليم يعنى غالبا فى العشرينات وعايزها تكون كاملة من كله وتعرف كل حاجة ؟ متجوز غسالة full options
ناس تفور الدم
هما الاتنين يفورو الدم

 

[واثقه فيك يارب]

ايه ده ؟ ايه ده ؟ هو متجوزها علشان اكلها الحلو وتنضيف البيت ؟ يب ما يتجوز شغالة احسن ؟
طبعا هى غلطت لانها ضحكت عليه وخبت وفهمته ان ده اكلها وان هى اللى بتنضف طبعا كان لازم تقوله الحقيقة
بس هو رد فعله غير طبيعى , يضربها ( ديه مصيبة فى حد ذاتها اى كانت الاسباب ) ويمشيها من البيت ويرفع قضبة طلاق علشان الطبيخ والتنضيف ؟؟؟؟؟ ياخرابى عليا
ايوة يابنتي انتي مستهونه انها مش عارفه تطبخ وتنضف
ده حتي بيقولك اقرب طريق لقلب الراجل معدته
يقوم يلاقي الطريق مسدود كدا:t33:
كان متجوز الفليبينية ومبقتش نافعه فى الشغل ولا ايه ؟
الموضوع من اوله غلط منهم هما الاتنين
وبعدين انا عايزة اسأل سؤال , كل واحد عايز يتجوز واحدة كاملة من كله , حلوة ومتعلمة وبنت ناس وست بيت , ياترى بيسأل نفسه هو كامل هو كمان ولا لا ؟
يعنى هل هو فيه كل حاجة كاملة ومش محتاج يتعلم او يتطور فى اى حاجة من اول يوم جواز
مرة خادم فى الكنيسة قال انت عايز مراتك تكون امرأة فاضلة وكاملة علمها وساعدها وشجعها علشان تكون كده والست نفس الحكاية تعلم جوزها وتشجعه علشان يكون انسان فاضل
وقال انت متجوز بنت واخدها من بيت اهلها وممكن تكون لسه مخلصة تعليم يعنى غالبا فى العشرينات وعايزها تكون كاملة من كله وتعرف كل حاجة ؟ متجوز غسالة full options
كلام الخادم ده صح جداا
بجانب ان مفيش حد كامل اصلا
ناس تفور الدم
هما الاتنين يفورو الدم

ونسيتي مامتها اوس النصايب
دي لوحدها تجيب الضغط:t33:

 

[aalyhabib]

ومن الاخر كدا
انا شايفه ان كل العيلة دي غلط في غلط اصلا:smil13:​

معاكي حق ... والأم اللي بتدلع ... بتبقي المصيبه

علي بنتها وعلي المجتمع كـ كل

​

 

[+ماريا+]

طبعا الزوجه غلطت لأنها خبت على جوزها
والام علطت علشان معلمتهاش ازاى تكون مسؤله عن بيت
والزوج غلطان هو بيحبها لشخصها ولا على علشان شايفه شغل البيت
مفيهاش حاجه لما يستخملها اول السنه وبعد كده ممكن تكون احسن من مامتها
فى شغل البيت والطبخ كمان بس هى يكون عندها الاستعداد انها تتعلم وتشتغل
وبكده المشكله تكون اتحلت لكن
لو عايز شغاله دى شئ تانى

 

[Desert Rose]

انا مش قادرة اصدق كلكو شايفين غلطها هى بس
ومحدش شايف ان هو رد فعله مش طبيعى ؟ ومنطقة فى الجواز اصلا غلط ؟

 

[واثقه فيك يارب]

انا مش قادرة اصدق كلكو شايفين غلطها هى بس
ومحدش شايف ان هو رد فعله مش طبيعى ؟ ومنطقة فى الجواز اصلا غلط ؟

لا ياروزتي انا معاكي
لاني قولت في اول تعليق
هو الجواز بالنسباله تطبيخ وتنضيف بس؟!!

هو تقريبا مريض:beee:
​

 

[Desert Rose]

لا ياروزتي انا معاكي
لاني قولت في اول تعليق
هو الجواز بالنسباله تطبيخ وتنضيف بس؟!!

هو تقريبا مريض:beee:
​

ده هو عايز علاج اكتر منها
قال يضربها وطلاق , يانهار اسود عليا , حد يلحقنى ياجماعة :ranting:

 

[واثقه فيك يارب]

ده هو عايز علاج اكتر منها
قال يضربها وطلاق , يانهار اسود عليا , حد يلحقنى ياجماعة :ranting:

طيب انتي مستغربه ليه ؟
صدقيني فيه ناس كتير كدا الجواز بالنسبالهم
ان المودام تطبخله وتغسله شرباته المعفنه
وتعمله الشاي ابو نيعناع وقضيت علي كدا:dntknw:

 

[حبيب يسوع]

معظم البنات بتجوز وهى مش عارفة حاجه فى شغل البيت
لكن بالصبر والتفاهم والمساعدة بتتعلم وبتبقى زى الفل
شوية صبر

 

[grges monir]

الدنيا متمشيش كدة خالص ولا يمين خالص ولا شمال خالص
الوسط مطلوب برضة

 

[arfaan]

بيقول
موضوع حصل قدامى وجيت اقول الحق كنت هتضرب
قاعد لابيا ولا عليا بتكلم مع صديق محامى عرفت ان فيه شاب مسيحى معروف للكل ومتجوز من بنت عيلة كبيرة من 6 شهور وانه رافع عليها قضية طلاق ومبهدلين بعض فى المحاكم .... المهم قلت عيب يا واد انت تعرف الاتنين وخش واصلح
وفعلا قعدت مع الاتنين علشان نحل الخلاف واول ما ابدى يحكى جتلى كرشة نفس
من يوم ما اتخطبوا وعلى رأى ماجد فوزى فى البوست بتاعو امها قالتلوا خطبيتك هيا اللى عملت كل دا لدرجة ان الراجل بقى مدمن اكلها الحلو واتجوز بسرعة علشان يتهنى بالعسل والاكل الحلو دا .... المهم يصحى من النوم يلاقى البيت متوضب والاكل معمول والدنيا زى الفل وهو مبسوط وسعيد ... بس فيه حاجة غريبة هيا عملت كل دا امتى والساعة لسه 9 الصبح وهيا لسه نايمة ... وتقولوا كل يا حبيبى عامايل ايديا وحياة عنيا وهو ياكل ويقولها تسلم ايديكى دا انا امى دعيالى .
اختها فى امريكا حامل وقربت تولد ووصلوا امها المطار علشان تسافر ليها ومن هنا بدأ القصف الجوى
بقى يصحى من النوم على ريحة وحشة فى البيت كيس الزبالة بقالوا اسبوع متغيرش ... مفيش اكل ولا شرب ... البيت بقى زريبة ..... اخر ما اتخنق قلها تعالى هنا امال فين الاكل وفين النظافة وفين وفين ... الحلوة ردت عليه بكل بساطة دى ماما هى اللى كانت بتيجى الصبح بدرى قبل ما نصحى تعمل اكل وتنضف وتمشى قبل ما تشوفها
طبعا الدم جرى فى عروق الراجل قام رزعها علقة وقلها على امك يا بت امك وابتدت المشاكل
بقلها حصل دا يا بنتى قلتلى وايه المشكلة لما ماما تساعدنى فى البيت مش لسه عروسة وبكرة وبعدو هتعلم ..... طبعا كان ردى عليها وحش قوى وممنوع من النشر وكانت هتضربنى
يا ترى يا شباب ترضى تتجوز بنت جميلة وحلوة ومتعلمة ورقيقة بس استيكة فى البيت وطلبات البيت وامها بتعملها الاكل والغسيل
يا ترى يا عين امك يا اللى امك مدلعاكى ومخليكى عروسة حلاوة وخايفة تعلمك غسيل المواعين علشان ايديك تفضل طرية ومتقشفش هترضى بوضع ماما دا
يا اخوانا يا خبراء يا كبار هى المشكلة دى خاصة ولا عامة .... وايه حلها
بس يا ريت الاجابة تناسب العقل والمنطق مش تقلى التربية والكنيسة والاسرة والطفل

لو كاملة ومافيها عيب غير البيت فبكل سرور اتزوجها لكن عليها فقط ان تكون صريحة وامينة

جميلة وحلوة ومتعلمة ورقيقة تجعلنى انسى تماماً عدم قدرتها على امور البيت بالتأكيد

 

[+Sameh+]

قولي شخط فيها ماااشي بصلها بقرف نعدييييهاااا،، لكن يضربها والموضوع بوصل لقضايا ومحاكم علشان مبتروقش ولا بتعرف تطبخ ..حقيقي دة شخص تعبان ومجنون !!

يا ترى يا شباب ترضى تتجوز بنت جميلة وحلوة ومتعلمة ورقيقة بس استيكة فى البيت وطلبات البيت وامها بتعملها الاكل والغسيل

ترضى تتجوز بنت جميلة وحلوة ومتعلمة ورقيقة،،، وبتحب النظام زيي، لكن فرضاً غلطت وادبست في واحدة مش منظمة وكسولة شوية وجيت م الشغل لاقيت الشقة مش متروقة بصراحة هتعب نفسياً ومش هحس براحة خااالص - لكن عمــــري ما هتجنن واتهبل وامد ايدي عليها مش راكبة معايا خالص دي- لكن هحاول اشجعها واساعدها في توضيب الشقة لأني مش بحب اقعد في مكان مش متروق وممكن اغسل المواعيين كمان طالما بحبهـــــا،، ودة اللي اوقات بعمله في الشقة عندنا بس ماما مش بتخليني اغسل المواعين مش عارف ليه ياخي :t33: وإن كان عالأكل تبغلني اجيب اكل من برة، لحد ماربنا يكرمها:yaka:، طبعاً بغض النظر عن فترات الحمل مش هطلب منها مساعدة حاطط في دماغي اني اكون ست وراجل البيت اشتغل بره وجوة مش وسعت مني ولا حاجة ربنا يقويني واكون قدهااا :D :flowers:

 

[philanthropist]

قولي شخط فيها ماااشي بصلها بقرف نعدييييهاااا،، لكن يضربها والموضوع بوصل لقضايا ومحاكم علشان مبتروقش ولا بتعرف تطبخ ..حقيقي دة شخص تعبان ومجنون !!


ترضى تتجوز بنت جميلة وحلوة ومتعلمة ورقيقة،،، وبتحب النظام زيي، لكن فرضاً غلطت وادبست في واحدة مش منظمة وكسولة شوية وجيت م الشغل لاقيت الشقة مش متروقة بصراحة هتعب نفسياً ومش هحس براحة خااالص - لكن عمــــري ما هتجنن واتهبل وامد ايدي عليها مش راكبة معايا خالص دي- لكن هحاول اشجعها واساعدها في توضيب الشقة لأني مش بحب اقعد في مكان مش متروق وممكن اغسل المواعيين كمان طالما بحبهـــــا،، ودة اللي اوقات بعمله في الشقة عندنا بس ماما مش بتخليني اغسل المواعين مش عارف ليه ياخي :t33: وإن كان عالأكل تبغلني اجيب اكل من برة، لحد ماربنا يكرمها:yaka:، طبعاً بغض النظر عن فترات الحمل مش هطلب منها مساعدة حاطط في دماغي اني اكون ست وراجل البيت اشتغل بره وجوة مش وسعت مني ولا حاجة ربنا يقويني واكون قدهااا :D :flowers:

انت شخص مثالى ياريت الاقى حد زيك