موضوع عن الحب

[bent_yaso3]

سلام المسيح للجميع
انا باخدم سن اعدادى - فتيات فقط-
ومطلوب منى اقدم موضوع للبنات اتكلم فيه عن الحب
ياترى ايه النقط الى اتكلم فيها مع السن ده
ايه الى يهمهم او ايه الى ممكن يفيدهم فى السن ده
عن الحب
ياريت تساعدونى
نعمه المسيح تكون معاكم

 

[بنت الفادى]

رد على: موضوع عن الحب

سلام ونعمه
اختى الغاليه / بنت يسوع

ربنا يبارك خدمتك ويحافظ عليكى

اهم نقطه لازم تاخدى بالك منها وانتى بتقدمى الموضوع انك تتكلمى عن محبه الله للبشر ودخلى حب السيد المسيح لينا كبشر خطاة
وتقولهم اننا لازم نتمثل بالسيد المسيح فى محبه للبشر وانى اساس الحب هو التضحيه
عارفه صدقينى انى الموضوع دا صعب خصوصا لانك بتشرحيه لاطفال فى مرة النضوج
ربنا معاكى ويبارك حياتك ويعوضك
اذكرينى فى صلواتك​

 

[girl_in_jesus]

رد على: موضوع عن الحب

بصي يا بنت يسوع
اول حاجه انك تدخلى موضوع حب السيد المسيح وفدائه لينا
تانى حاجه لازم تعرفيهالهم انهم يحافظوا على مشاعرهم وميهدروهاش لأى حد وفى اى وقت
عرفيهم يختاروا ناس مناسبه وفى اوقات مناسبه
وحاولى فهميهم معنى الحب والفرق بينه وبين الاعجاب والتعود
ربنا معاكى وتقدرى توصلى الرساله صح​

 

[جورج كمال]

رد على: موضوع عن الحب

هو موضوع جميل بس يا ريت تركزي علي ان اساس الحب هو التضحيه واعطي لهم مثال السيد المسيح ازاي ضحي بنفسه من اجلنا لانه بيحبنا
وحاجة كمان يا ريت تكلميهم عن ان الحب مش معناه ان اللي بيحبني لازم يعمل اللي انا عايزة مثال بسيط اخويا او اختي لازم مثلا يجيب ليه هديه في العيد علشان يثبت لي انه بيحبني دا يسمي بالحب المادي وكمان لازم السن دة يعرف الفرق بين الحب والاعجاب
وكمان لكل واحد او واحدة في السن دة افكار عن الحب ممكن تسمعي ارائهم وتصححي لهم اي فكرة غلط عن الحب
مع الشكر ياريت اكون عملت حاجة تساعدك يا بنت يسوع
انا في الخدمة

 

[MUSTAFA ALI]

رد على: موضوع عن الحب

مرحبا
كما قال الساده الي قبلي اعظم هو حب الله لنا وحبنا لله
منه تاتي كل الاشتقاقات
حب الله لنا وتمييزه لنا ونعمه علينا وسبب حبنا لله
ثم نأتي للحب كعلاقه انسانيه (بين البشر) حب الناس لبعضهم وهل حب يتصنف ايضا
حب وراثي (نتيجه صله دم)
حب الاصدقاء
حب الجيران الخ
والحب بين الرجل والمراه خصوصا انهن في مرحله مراهقه , جيث قد يخضن تجارب كثيره وقويه ,

اتكلم بوجه عام يبقى لك تقدير احتياجات الفتيات واهم النقاط التي يجب اخبارهن بها
==================================
كلمه لاحد المشاركين ,girl_in_jesus تحدثتي عن ان نختار من نحب ووالوقت كذلك تعليقي انه حسب نوع الحب,
فان كان حب الناس بشكل عام , بظن وهذا رايي ان السيد المسيح احب كل الناس حتى من عادوه وآذوه حمل الحب والمحبه ولم يحمل الضغينه والكره والأذى , اما ان كان نوع اخر فقد اتفق معك بذلك , رغم ان مساله اشراك العقل مساله مهمه, وارجو تقبل رأيي :beee:

 

[girl_in_jesus]

رد على: موضوع عن الحب

كلمه لاحد المشاركين ,girl_in_jesus تحدثتي عن ان نختار من نحب ووالوقت كذلك تعليقي انه حسب نوع الحب,
فان كان حب الناس بشكل عام , بظن وهذا رايي ان السيد المسيح احب كل الناس حتى من عادوه وآذوه حمل الحب والمحبه ولم يحمل الضغينه والكره والأذى , اما ان كان نوع اخر فقد اتفق معك بذلك , رغم ان مساله اشراك العقل مساله مهمه, وارجو تقبل رأيي :beee:

انا بقول نختار من نحب والوقت
لان البنات فى سن الاعدادى والثانوى بتبقي عاوزه تحب اى واحد يديها اهتمام فده اللى اقصده تختار هى بتحب مين

تانى حاجه لازم تعرفيها لهم انهم يحافظوا على مشاعرهم وميهدروهاش لأى حد وفى اى وقت
عرفيهم يختاروا ناس مناسبه وفى اوقات مناسبه
وحاولى فهميهم معنى الحب والفرق بينه وبين الاعجاب والتعود

واعتقد كلامى واضح
و على فكره عندنا أيه بتقول
"احبوا اعدائكوا باركوا لاعنيكم"
وانا مسيحيه ومبخلفش وصايا الكتاب المقدس ..
سلام ونعمه السيد المسيح معك​

 

[MUSTAFA ALI]

حب وحب ما اجمل جبروته

اذن نحن متفقان لاني قلت " اما ان كان نوع اخر فقد اتفق معك بذلك "
متفقان 100% في هذه النقطه :yahoo:

 

[bent_yaso3]

رد على: موضوع عن الحب

بجد يا جماعه مش عارفه اشكركم ازاى ربنا يبارككم ويعوضكم على تحب محبتكم
حقيقى كلامكم خلق افكار كتيره للموضوع

 

[tina_tina]

رد على: موضوع عن الحب

سلام يا بنت يسوع
معلش ردى متاخر بس انا عاوزة اقولك على حاجة
انا برضوا بخدم سن اعدادى
بس اللى لاحظتة فى السن ده انه سن عاوز الحاجة الفعلية اللى بتحصلفعلا حاجة ملموسة اكتر
جميل ان احنا نكلمهم عن حب ربنا
بس قبل ده لازم نكلمهم عن معنى الحب وانواعة ووقته امتى
خلى بالك ان سنهم مش صغير بالعكس دول فى سن دلوقتى يفهم اكتر منى ومنك فكلميهم على انهم ادك مش اصغر
وبعد كل ده تدخلى حب ربنا علشان يقدروا يقتنعوا بكده ويفهموا ويستوعبوا
الكلام ده اتقالنا كتير اوى وبجد لو اتنفذ صح هيطلع جيل حلو اوىعارف قيمة الحب
وعارف قيمة حب ربنا
ياريت اكون قدرت اوصل حاجة صغيرة حتى لو كنت شرحتى الدرس بس هما اكيد معاكى طول السنة
معلش طولت عليكى
سلام

 

[thelife.pro]

رد على: موضوع عن الحب

مرحبا جميعا
كما قال من سبقني
يجب التكلم بداية عن حب الله للبشر
وهذا حب عظيم

لكن يجب ان لا ننسى انك تخاطبين فتيات في عمر المراهقة
اي يجب عليكي التركيز ايضا على عواقب الحب

بمعنى اخر
يوجد اناس كثيرة
او بالتعبير الافضل شباب كثر يستخدمون الحب لكي يطولوا من الفتات مبتغاهم الجسدي
لذلك عليك توعيت الفتيات لما يمكن ان يحدث لهم في هذا الحب الخطير

وهنا من الممكن ان تاخذي انت دور الاهل في توعية الفتيات
او بالتعبير الاصح دور الام
واعتقد ان الفتيات سوف تتقبل الموضوع منك بشكل افضل مما تتقبله من والدتها

اتمنى ان تتوفقي بالموضوع

 

[Coptic Man]

رد على: موضوع عن الحب

انا جيت متاخر في الموضوع بس حابب اقولك رائي

اولا ركزي علي حب المسيح لينا كا اولاده وانه بيحبنا وهو ابونا

ثانيا ركزي علي اني ربنا وصي علي المحبة نحب بعضنا بعضا يعني اخواتنا واصحابنا وحتي اللي مش نرتبط بيهم

ثالثا وضحي اني الحب عطاء مش اخذ واني ربنا علشان بيحبنا بذل نفسه لاجلنا

وبكدا الموضوع هيتضبط معاكي بس ادمجي في كلامك ايات من الانجيل تدعم كلامك

ربنا معاكي

 

[tina_tina]

رد على: موضوع عن الحب

يا جماعة رائع جدا ان نكلمهم عن حب ربنا
بس راعوا انكم بتكلموا سن معين
لو ابتدت الكلام عن حب ربنا او ركزت عن حب ربنا وازاى نحبه لانه اللى فدانا مش هينتبهوا للدرس خالص
لان مش هو ده الكلام اللى هما عاوزينة
هما محتاجين يفهموا معنى الحب ايه ولو مفهمهوش من الخدمة صح مش هيقدروا يفهموه صح من بره
انا مجربة الموضوع ده هما عاوزين المهم
ومن المهم افتح معاهم الكلام عن حب ربنا بس ميكنش كل كلامى عن حب ربنا وانسى الموضوع الاساسى
وعلى فكرة كل سن تختلف الطريقة او النظام اللى اشرح بيه الدرسوكمان الكمية ونوعية الدرس
بجد بتفرق مع البنات جدا الموضوع ده
معلش طولت عليكم