تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="zama, post: 2992948, member: 51582"] [FONT="Tahoma"][SIZE="3"]أزاي نحدد مناسبة قدرة التكييف بالنسبة للمساحة المراد تبريدها ؟؟ العملية سهلة أووووووي ، مبدئياً : الطن = 1.5 حصان .. و الـ h p الحصان الواحد يعني = 8000 b t u .. في وحدة حرارية بريطانية أسمها (( b t u (([COLOR=Blue][B] b[/B][/COLOR]ritish [COLOR=Blue][B]t[/B][/COLOR]hermal[COLOR=Blue][B] u[/B][/COLOR]nit ، دا المقياس الأساسي للتكييف ، بــبلادنا العربية (( مصر مثلاً )) بيستخدموا مسمي لوحدة قياس أسمه (( h p (( [COLOR=Blue][B]h[/B][/COLOR]orse [B][COLOR=Blue]p[/COLOR][/B]ower اللي هيا الكلام الدارج عليها بالسوق التجاري بيسموها الحصان ، لكن الـ b t u دي الوحدة المستخدمة بالفعل للقياس و للحساب منتشرة أوي برا مصر حتي بالكلام العادي ، أحنا هنعمل تكعيب لمساحة المكان المراد تكييفه من خلال المثال دا : غرفة طولها 10 متر و عرضها 10 م و أرتفاعها 7 متر مثلاً (( دا مجرد مثال )) ، هنضرب الـ 3 مقاسات ببعض 10 * 10 * 7 = 700 ، بعد كدا الكلام اللي هقوله دا بيتوقف علي نظرة الخبرة في التقدير ، اللي عندنا 3 مستويات مختلفة للحمل الحراري هما (( 300 ، 350 ، 400 )) عدد السعرات الحرارية بالمتر المربع ، مثلاً لو واجهة الغرفة غربية فهستخدم وحدة سعر حراري عالي لأن الأحتباس الحراري له دور ، لو الغرفة مستخدميها كتير و مش هتتعزل نوعاً ما و مفيش ستارة هوائية يبئا هستخدم سعر حراري عالي ، لو محتويات الغرفة كتير زي لبس كتير مثلاً ، أثاث ، أجهزة ينتج عنها طاقة حرارية (( كمبيوترات مثلاً في سايبر بئا )) ، لو الغرفة أخر دور و مفيش بأعلاها مباني ، عدد مستخدمي الغرفة عامل مهم أيضاً ، كل العوامل دي هتفرق في تحديد أستخدام السعر الحراري (( 300 ، 350 ، 400 )) ، هنعتمد في تحديد المناسب طبقاً لتقدير وضع الغرفة و أعتقد الأمثلة للعوامل اللي ممكن نقابلها واضحة ، متنسوش أن في 3 أنواع للتبريد (( فيه تبريد حفظ ، تبريد تجفيف ، تبريد تجمد " فريزر بئا " )) ، أعتقد بما أننا بنتكلم علي تبريد غرفة أدمية يبئا تبريد حفظ لدرجة الحرارة ليس أكثر ، أستكمالاً لنتيجة المثال الحالي ، هنضرب الـ 700 * 350 مثلاً = 245000 و نقسم الرقم دا علي 8000 اللي هي الخاصة بالـ b t u ، هيظهرلي الناتج = 30.625 حصان المطلوب تركيبه للمساحة المدرجة بالمثال ، طبعاً الناتج النهائي للتركيب ربما يكون 29 حصان يمشي بردو عادي أو 31 حصان شغال بردو عادي لأن أكيد مدي السعرات الحرارية للمكان مش ثابتة فأكيد هتقل لوقت معين .. وقتها بئا هنقرر نركب موديلات الـ split و لا ccd و لا شباك و لا مركزي و نخلص الموضوع ..[/SIZE][/FONT] [/QUOTE]

التحقق