يااااه...خسرت الرهان
الرهان الغريب
رغم انك كنت بتحن لسنينك تطيب
تداوى الوجيعة فى قلب الحبيب
خسرت الرهان
وخسرت احساسك بكون دبل الاشواق فى قلبك
فابتدى ينبض مواجع
وابتدى ينسى انه راجع
من سبق اتسرق فيه الحصان
الحصان الوحيد!!!
كبر العدم وابتدى احساسك يزيد
بالوجيعة والهزيمة فى انحيازك للبيوت
وازاى يموت
فينا احساسنا بشىء
شىء مش اكيد!!!
اعتقد موتك هايشبه
موت العافية فى جسم مريض
فاكر؟؟؟
لما المرض اتشعلق جوه عنيك
اترجيته يسيبك
واترجيته يغير وجهة نظره
لكن كان اتمكن جوه وريد القلب
داس على دمك
غير فيك كل ملامحك
شد باخر عزمه ولف حباله عليك
شوفتك وانت كتير بتحاول تخلص منه
يااااه حتى رهانك ويا الموت خسران
عارف؟؟؟ انك شخص بسيط
مشكلتك؟؟؟ كنت مسالم للايام
عارف؟؟؟ انك مش خوان
وهمك ان الدنيا بخير
وان الحلم مالوش طريقين
كسر فيك مجاديفك
ورماك فى غريق الاحزان
عارف انك كنت بتفرح
رغم الحزن معشش بين ضلعين
عارف انك كنت بتطرح
رغم الحلم بذوره نشفت فى الشرايين
خايف موتك يشبه موت العافية
جوه قلوب مليانة آنين
مين راح ياخد تارك؟
مين راح ياخد حقك من اوهامك؟
نفسك تبقى امين.. والعالم حواليك كداب
نفسك تبقى حميم.. قبل ايديك ماتخبط باب
شوفت الدنيا.. زى ماهى!
ما اتغيرش كتير فى احوالها
ناس كدابة وناس جواها الصدق غياب
وانت وحيدها عمرك ماحسبتلها حساب
موتك بكرة...
طبق الاصل من موت العافية
فى جسم مريض !!!
الرهان الغريب
رغم انك كنت بتحن لسنينك تطيب
تداوى الوجيعة فى قلب الحبيب
خسرت الرهان
وخسرت احساسك بكون دبل الاشواق فى قلبك
فابتدى ينبض مواجع
وابتدى ينسى انه راجع
من سبق اتسرق فيه الحصان
الحصان الوحيد!!!
كبر العدم وابتدى احساسك يزيد
بالوجيعة والهزيمة فى انحيازك للبيوت
وازاى يموت
فينا احساسنا بشىء
شىء مش اكيد!!!
اعتقد موتك هايشبه
موت العافية فى جسم مريض
فاكر؟؟؟
لما المرض اتشعلق جوه عنيك
اترجيته يسيبك
واترجيته يغير وجهة نظره
لكن كان اتمكن جوه وريد القلب
داس على دمك
غير فيك كل ملامحك
شد باخر عزمه ولف حباله عليك
شوفتك وانت كتير بتحاول تخلص منه
يااااه حتى رهانك ويا الموت خسران
عارف؟؟؟ انك شخص بسيط
مشكلتك؟؟؟ كنت مسالم للايام
عارف؟؟؟ انك مش خوان
وهمك ان الدنيا بخير
وان الحلم مالوش طريقين
كسر فيك مجاديفك
ورماك فى غريق الاحزان
عارف انك كنت بتفرح
رغم الحزن معشش بين ضلعين
عارف انك كنت بتطرح
رغم الحلم بذوره نشفت فى الشرايين
خايف موتك يشبه موت العافية
جوه قلوب مليانة آنين
مين راح ياخد تارك؟
مين راح ياخد حقك من اوهامك؟
نفسك تبقى امين.. والعالم حواليك كداب
نفسك تبقى حميم.. قبل ايديك ماتخبط باب
شوفت الدنيا.. زى ماهى!
ما اتغيرش كتير فى احوالها
ناس كدابة وناس جواها الصدق غياب
وانت وحيدها عمرك ماحسبتلها حساب
موتك بكرة...
طبق الاصل من موت العافية
فى جسم مريض !!!
