تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="jesus.my.life, post: 2449131, member: 31991"] حصل معايا مرة انى كنت سهران فى دير العدرا ببنى سويف انا وصحابى وكان صيام العدرا دة انا متعود اسهر فى الدير مثلا يومين واروح انام مجرد ساعتين وانزل الدير تانى فى يوم كنا سهرانين انا واخويا وواحد صحبى اسمه ميشيل وفضلنا لحد الساعة 4 الفجر تقريبا وحبينا نروح طبعا الى من بنى سويف او الى راح الدير اكيد يعرف ان مافيش اى مواصلات بتعدى من هناك والمواصلات الوحيدة الى تروح لازم يكون معاها راكب رايح الدير غير كدا مايدخلش على حظنا مافيش حد كان جاى الدير فضلنا واقفين نص ساعة ومالقناش وببص لقيت اتنين جيرانى اصغر منى واقفين برضة مستنين فقلتلهم احنا نروح مشى قالولى انت مجنون نمشى اية دى منطقة زبالة وفيها كلاب وذئاب ومدافن وخايفين وكان الفترة دى فى ناس فى الزراعات بتطلع تقلب الى ماشين ( قطاعين طرق ) بس انا ما اعرفش لانى ماشفتهمش المهم انا وميشيل قلنا نتسلى شوية اقنعناهم ومشينا والطرق طويل بقى وشبورة وماحدش شايف حاجة ونسمع صوت ديب وانا وميشيل نفضل نحكى فى قصص عفاريت ومش عارف مين مات هنا وروحه بتطلع ومش عارف مين اتحرقت وروحها بتطلع وخلعنا الاحزمة ولفناها حولين ايدينا وكل واحد مسك طوب ( دة على اساس اننا اقنعناهم ان فى قطاعين طرق وديابه :D ) لحد ما وصلنا فى حته كلها شبوره ومش شايفين اى حاجة وانا وميشيل ماشين اول اتنين وفجاة لمحنا حاجة بيضه ظهرت فى مستوى الراس واختفت وانا وميشيل اتثبتنا فى الارض وبصينا لبعض وهو بيسئلنى شفت الى انا شفته بقوله شفت يا حبيبى الاتنين بقى بيسئلونا شفته اية فبقولهم تقريبا كدا عفريت :d وعينك ما تشوف الا كل نور لسه هيلفه ويجره بسرعة قلتلهم استنه بس ما هو لو عفريت هيجبنا هيجبنا حته لو جرينا لامريكا قالولى طيب نعمل اية قلتلهم ولا حاجة نمشى ونرسم الصليب وامرنا على ربنا دخلنا بقلب جامد انا وميشيل واول ما وصلنا الشبورة تطلع اية الحاجة البيضه ؟ طلع مستودع انابيب والحاجة البيضه دى العمه بتاعت الخفير لابسها على راسه وكان بيتمشى واول ما شفناه شتمناه بس على الرعب الى كنا فيه الكلام دة كان فى اولى ثانوى او تانية ثانوى تقريبا [/QUOTE]

التحقق