مهما كانت ظروفك اياك تتخلى عن ابوك وامك

[لمسة يسوع]

#1 21 - 08 - 2024, 01:35 PM

Mary Naeem † Admin Woman †

مهما كانت ظروفك اياك تتخلى عن ابوك وامك مهما كانت ظروفك اياك تتخلى عن ابوك وامك تعرف ترنلى على سامى ؟؟ واحد فى الشارع قالى طلعلى رقم سامى من التليفون ورنلى عليه ، راجل كبير فى السن ولابس جلابيه وقاعد على الرصيف ومعاه كيس مليان ورق .. مسكت تليفونه لاقيته فاصل شحن .. قولتله ده فاصل شحن يابويا ، قالى يعنى ايه ؟؟ قولتله طيب انت محتاج فلوس قالى لا انا معايا الحمدلله بس عاوز سامى وحسيته هايعيط .. قولتله طيب تعالى ، خدته على محل موبيلات قريب وجبت منه شاحن وشحنتله تليفونه .. وكلمت سامى وهنا كانت المفجأه .. سامى ده طلع إبنه ، والراجل ده عنده زهايمر ومراته متوفيه .. وصفت لابنه العنوان ولما جه .. قولتله ازاى يطلع من غير ماتحس به ، قالى لا ماهو مش ساكن معايا ، قولتله انا اسف فى التطفل بس انت ليه مش ساكن معاه ؟؟ ازاى تسيبه يقعد لوحده فى الشقه ، قالى لا منا باجى اسال عليه قولتله ازاى قلبك يجيبك تسيب ابوك لوحده وهو فى السن ده وعيان ده ممكن يطلع ماتعرفش تجيبه تانى ده ممكن يتخطف وناس تاخده تشحت بيه ولا يساوموك على فديه ليه تعمل كدا ...؟؟ !! ايه اللى يمنعك انط تعيش معاه او تاخده يعيش معاك ده ابوك ياخى واكيد فرح انه خلف ولد يوم ماجيت ... انا كنت جرىء قوى معاه وقليل الذوق كمان انا عارف كدا بس بصراحه الراجل صعب عليا .. واللى استفزنى اكتر لما ولده رد عليا قالى ظروف ظروف وخد ابوه ومشى .. عزيزى القارىء مهما كانت ظروفك اياك تتخلى عن ابوك وامك ده ابواب الدنيا والاخره بتتفتح ليك بدعوه منهم .. (خر 20: 12) أكرم أباك وأمك لكي تطول أيامك على الأرض​