تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="نيفين ثروت, post: 1012345, member: 23588"] [size="5"][center]دخلت السيما لاول مرة وف اول صف قعدت وفضلت انا تايه لانا عارف جوة من برة وعقلى انا جايبه من برة السيما تحت باطى ودخلت بيقولوا من زمن الفيلم نفس الفيلم بيتشاف بيقولو كمان ان الفيلم بيتشاف حتى من قبل السيما وان السيما دي قامت حولين الفيلم المتشاف والنور اه قبل النور من جنبي قعدت واحدة ملامح بالظبط كأنها امي كأن الدم اللي بيسري في عروقها ده دمي وكأن انا منها وكأنها مني على جبينها كتير من النقش الفرعوني وعنيها مليانه مسلات شفايفها سواقي فيومي والساقية تلف تصب ع الرقبة 3 هرمات واتاري الهمس الداير جوة ف ودني ان اللي ف جنبي دي بطلة الفيلم اللي هايتشاف والنور انطفا والبرد ابتدا والدفا مبقاش متشاف وانا رابط خوفى فى وتد وداقه على باب السيما ومش راح اخاف الفيلم ابتدا التتر بطولة شعب فى صدره ياما جروح المزيكا بتاعت الفيلم شحات ناياتى بيزمر بصوت مبحوح انتاج دم غلابة عرق معجون بالطين وشوية طموح اخراج واقع مدبوح مشهد اول سكينة واقع مهزوم بتدبح ف الخلق مشهد تانى الظلم ماسك حبل بيشنق ف الحق مشهد تالت طفل صغير بس عنيد رغم انه ضعيف بجلبيته البيضة وسماره وصوته اللى عنيف دى امه كانت دبحالة الشمس وبياكلها فى شق رغيف لكن الدم غرق كل الشاشة اتارى سكينة المشهد الاول "سكينة الظلم " طالت الواد وماكملش حتى الشقة كان لسة الشمس دابحها وكأنه دا حلم لا دا كابوس و مش حلم لما الشاشة غرقها الدم... خلص الفيلم والبطلة ما هياش جنبى رجعت لوتدى فكيت خوفى وشلتة على ضهرى عليكوا تعملوا للكلام عنوان[/center][/size] [/QUOTE]

التحقق