من القبر... بلّشت الحياة

[لمسة يسوع]

كنا تايهين،
ما بين شك ويأس،
ما بين خوف ودمعة،
ما كنا نعرف الحقيقة… ما كنا شايفين النور.

بس بيوم مبارك… انفتحت الصخرة،
وانهزم الموت،
وقام المسيح،
وقيامتو… غيّرت كلشي.

القيامة ما كانت بس حدث صار،
كانت بداية… بداية لرجاء جديد،
بداية لحياة منبعد الفناء… للخلود.

قبلها كنا فاكرين حالنا قضية خاسرة،
ناس بلا أمل،
بس بقيامتو صرنا منتصرين…
صرنا نعرف إنو في حياة، في نور، في خلاص.

القيامة نزعت الشك من قلوبنا،
وزرعت فينا يقين،
يقين إنو الرب ما بينسى أولاده،
وإنو المحبة ما بتموت… بتقوم.

القيامة علمتنا إنو الحزن مو النهاية،
وإنو حتى لو كانت أيامنا سودا،
رح ييجي فجر…
ورح تنفتح الصخرة بحياتنا كمان،
ورح نقوم، متل ما قام.

صرنا ناس ما بتخاف من الموت،
صرنا ناس بتعرف إنو الرب معنا،
وإذا هو قام… نحنا كمان منقوم،
وبنعيش، مش بس هون… بل للأبد.

القيامة اخرجتنا من حالة الشك الى حالة اليقين.

القيامة حولتنا من قضية خاسرة الى قضية رابحة.

القيامة نقلتنا من عالم الفناء الى رجاء الخلود.

القيامة اخذتنا من مسيرة موحشة إلى رحلة ممتعة.


القيامة غيرتنا من حياة بلا معنى الى حياة ذات هدف.