سلام ونعمة
شوفى يا لارا مفيش قاعدة ثابتة خصوصا لما الموضوع بيكون بيخص المشاعر والعلاقات الانسانية عموما
لان البشر عموما متقلبين وممكن يكون حد كويس اوى معاكى ومع الوقت بيحصل تغيرات فى سلوكه فى
شخصيته فبيتغير اسلوبه معاكى ميشترطش ابدا يكون هو حد حقير ووحش او مثلا كان بيمثل والقناع دا
شاله فى وقت ما واكتشفتى انتى شخصيته .. عفوا احيانا كتير احنا اللى بنتحكم فى اى الم بنشعر بيه
بمعنى انه اختيارتنا هى السبب فى اللى بنعانيه سواء من الاشخاص او من الحياة .. احيانا كتير بنلوم على الاشخاص ونقول دا حقير ووضيع وانا وثقة فى اشخاص مكنوش اد ثقتى وهما كانوا وكانوا ...
انا بفضل فى الوقت دا اقول انا اخطأت انا اساءت الاختيار انا معرفتش اميز فى البداية فين الحلو وفين الوحش مين اللى يستحق ومين اللى ميستحقش ..
عموما هى الحياة كلها عبارة عن مجموعة دروس فى كل يوم بنتعلم درس جديد و معرفتنا للناس واختيارتنا
ليهم بتعلمنا وتعلم فينا علشان كده لازم نتئنا فى اختيارتنا للاشخاص لانه كل شخص بيدخل فى حياتنا بيسيب علامة سواء كانت ايجابية او سلبية .
الرب يبارك حياتك ويحميكى من كل شر .
