ملحوظـــــة ! .. 7- التحرش الجنسي !

[Kerlos-love-Jesus]

مبدئيا نشكر ربنا كل العزومات اللى بروحها عند ناس مقربيين ليا جدا .. فمبدئيا عارفين باكل ايه و مش باكل ايه فدى بسيطة ... اللى بينفخنى بقا كلمة كولى كولى كولى لانى انا اصلا اكلتى صغيرة فمش بقدر اكل كويس فدايما هما شايفيين انى لازم اكل فلازم كل مرة بعد عزومة يجيلى مغص من التزغيط اللى بيعملوه فيا :2:
العزومة اللى فى بيتنا بقا دى اللى كارثة بجد ... كمية اطباق و كوبيات بتتوسخ غير طبيعية .. بقضى حوالى ساعة بغسل فيهم فى المطبخ .. دة غير لو فيه اطفال و الاطفال احباب الله طبعا الاكل بيبقى نصه فى الطبق و النص التانى على السجادة ... و انضف انا بقا :ranting: مش فاهمة ليه مش كلنا ناكل فى حلة كبيرة و نخلص :smile01 بدل البهدلة دى :smil13:

هههههههههههههههههههههههههههههههه
ضحكتيني

 

[Kerlos-love-Jesus]

لالالالالالالالا
ماتموتش منى ...أحنا مش متفقين على سلسلة مواضيع
أنا وانت ؟؟؟؟
التقايل ورا ...ولو عمك عوبد رايق وفايق ...هتتفرج هنا
على ولايم لها العجب ..
ويُقال ( عزومات ) والله أعلم

خلاص انا عايش اهو ياعم عوبد
هتولمني ع اية بأة ؟
بما ان هتعزمني ع اية كلمة ف علم الغيب

 

[حبو اعدائكم]

"بروة "!!!!
عبود يعنى إيه الكلمه دى!!!!

 

[white.angel]

امال عايزاهم يحطوا "بروة " صابون والا باكو رابسو كأنهم كانوا عازمينك على شوربة جاز ؟
مين اللى قال ان الريحة مضرة ؟
انا باقرا شوية حاجات هنا تجيب شلل نصفى
[/RIGHT]

بعد الشر عليك يا باشمهندس من الشلل النصفى والربعى والرعاش
تسجيل خروج عشان خاطر عيونك :flowers:
​

 

[عبود عبده عبود]

"بروة "!!!!
عبود يعنى إيه الكلمه دى!!!!

ههههههههههههههههه
هنفضل نعلمكوا لغة لغاية أمتى ؟؟؟؟؟
الصابونة بعد ما تتهرى أستعمال بـ ( تتبرى )
بيسموها " بروة صابون "
تتحط على شباك منور الحمام لغاية ماتنشف
بتتبشر او بتتضرب فى الخلاط لغاية ما تبقى بودرة
تتخلط مع صابون الغسالة " العاتيية "
أو تغسلى بيها شربات الأستاذ / ممدوح

 

[عبود عبده عبود]

بعد الشر عليك يا باشمهندس من الشلل النصفى والربعى والرعاش​

تسجيل خروج عشان خاطر عيونك :flowers:​

ميت مرة اقولك انا مش باشمهندس :ranting:
وتسجلى خروج لية ؟؟
أنا اللى ماشى ولاتزعلى

 

[حبو اعدائكم]

ههههههههههههههههه
هنفضل نعلمكوا لغة لغاية أمتى ؟؟؟؟؟
الصابونة بعد ما تتهرى أستعمال بـ ( تتبرى )
بيسموها " بروة صابون "
تتحط على شباك منور الحمام لغاية ماتنشف
بتتبشر او بتتضرب فى الخلاط لغاية ما تبقى بودرة
تتخلط مع صابون الغسالة " العاتيية "
أو تغسلى بيها شربات الأستاذ / ممدوح

يخليك لينا يا باشا :2: و تفضل تعلمنا علطول منغير ما تتشل او تنتحر ههههه
إيييه ته... ده إتيكيت :t33: الصابونا هههههههههههههههه ده علشان نستخدمها لإخر انفاسها هههههههههههههههه

 

[Critic]

ههههههههههههههههههههههههههههههههه
صح بيقولو كدة
بس يعني اية ?

يقال _والقائلين كُثُر_من ضمن الاعراف اللى ملهاش اى منطق ,انك لما متكملش شرب للآخر وتسيب شوية , بناتهم هتبووووووووووووور :t33:

 

[Kerlos-love-Jesus]

يقال _والقائلين كُثُر_من ضمن الاعراف اللى ملهاش اى منطق ,انك لما متكملش شرب للآخر وتسيب شوية , بناتهم هتبووووووووووووور :t33:

ياجاااااااااااااااااااااااامد
هههههههههههههههههههههههههههههههههه

 

[Kerlos-love-Jesus]

أكلات " معفنة "

في البداية بس عشان الناس اللي بتزعل من كلمة " معفنة "
، انا هتكلم فعلا عن أكلات " معفنة " ،
يعني " معفنة " دي مش رأيي انا ، لا هي الأكلات فعلا معفنة ! ، عفنت ، باظت يعني !

بلاحظ في مناسبات معينة كدة مش فاكر هي اية ، ان في ناس بتاكل حاجة اسمها ملوحة
والملوحة للي ميعرفهاش ، هي سمك بيتحط في الملح ـ، ويتساب من 10 شهور لسنة في صفيحة ، لحد ما " يــعــفـــن " ، ومجرد مايعفن ويبوظ ، يطلعوة من الصفيحة ويبيعوة للناس ،
والناس بتشترية وتاكلوا بعفنه كدة ، ومعاه بصل أخضر أو احمر مثلا ،
وبشوف الناس بتقف طوابير عليه ف الاديره يشتروة ، أو في المناطق اللي بيتباع فيها ،
بمناسبة الملوحة ،
مرة كنت ماشي ف شارع ف الوكالة ، وشوفت محل محطوط فيه البراميل اللي بيتخزن فيها الفسيخ والملوحة
بس للأسف مش هينفع اقول شوفت اية جوة البراميل دي

بعيدا عن الملوحة
في أكلة تاني عند المصريين برضو ، إسمها مِــش ! ، والمش دة برضو هو أن الناس بتجيب الجبنة ، وتسيبها ف صفايح ، لحد ما " تـــعـــفــــن " ، ويملوها ملح وشطة ، ولما تعفن وتبوظ وتبأة مليانة " دوود " ، يبدأوا ياكلوها ، وبرضو بياكلوا جنبها بصل أخضر او احمر
مش عارف اية سر البصل مع العفانة بصراحة ـ، بس غالبا بيبأة كمالة للعفن وريحة البؤ واثاره على المعده
كماله للنتانة يعني
ــ

بصراحة بستغرب جدا من الاكلات اللي شبه الكلام دة ـ، وبستغرب اكتر الناس اللي بتحبها ، وكل ماتزيد عفانتها كل مايحبوها اكتر
يعني في ناس متعرفش تاكل المِش دة الا لو كان مدود !
وفي ناس لو الملوحة دي جاتلهم مش مركونة بقالها سنة مثلا ، ميحبوهاش !

ـــ

اكيد انتوا خدتوا بالكوا من الكلام اللي بقولو دة
بتاكلوا الحاجات دي ؟
ولية الناس بتحب الاكل المعفن دة ؟


ــــ

مشاركة مٌهمة

بالنسبه للمش والجبنه القديمه
طعمها جميل خصوصا لو كلتها بزيت وليمون
الأكله مفيده جدااااااااااااا للمزراعين او اي حد بيشتغل ف تحت اشعة الشمس المباشره
لأنها بتقي الانسان من الإصابه بضربات الشمس

​

 

[Critic]

هههههههههههههههه يا معلم احنا البلد اللى اخترعت "المخلل" بأنواعه
انا مستحيل آكل الحاجات دى وبنتقد اى حد بياكلها
الغريبة ان من ضمن طقوس شم النسيم اكل الملوحة , معرفش ايه علاقة "النسيم" ب "الملوحة"

 

[!! Coptic Lion !!]

بص يا عمنا عن نفسي مش باكل الملوحه
بس بتعاطي المش ده واعتقد انه فرض علي كل صعيدي "متمرس"مش بس اللي اصله صعيدي

واعتقد بل واجزم ان اللي المش احسن بكتير من الجماعه بتوع الكلاب والصراصير

وليا نظريه في حوار الاكل ده
اي حاجه في الدنيا مفيهاش سم ممكن الانسان ياكلها
بس المشكله اننا بنامل حسب العادات المتوارثه
يعني انت لو حد قالك كل لحم جملي ممكن تشتمه
انما لو انت جيت الدنيا في اسره مسلمه
هتاكل الجملي وتمصمص صوابعك وراه
علي عكس الخنزير بالنسبه للمسلم


يعني اللي نفسك "شهيتك" تقبله وميضرش
اصربه وخليها علي الله
واخيرا هقولك مثل شعبي علي الموضوع ده

كل اللي يعجبك والبس بردوا اللي يعجبك لان محدش هيدفعلك تمنه

 

[lo siento_mucho]

وانا اللي كنت بتمنى ازور مصر عشان ادوق اكلها
روح يا شيخ كرهتنا في الاكل كلو
بس الاكل ده موجود كمان في البلاد الاروبيه ومنها السمك والجبنه وبتتباع باتمان خاصه لان بيقولو الحاجات دي ليها طعم خاص
مهو كمان لحم الخنزير عندهم عندو سنييييين بس بيكون ده اغلى بكتير لان الطعم مختلف
لو جينا نقول الفرق ان هناك معفنه وهناك لاء فهو نفس نفس اللي بيتعمل اظن الفرق بس ف طريقة عملها والحاجات اللي بتستعمل عشا ن تتعمل زي الحاجات ,, البراميل دي,, اللي انت شوفتها

مشكور ع الموضوع
​

 

[ABOTARBO]

ههههههههههه ثوانى يا جدعان ليس كل مشاً لازم يكون فى دوداً
هناك مش راقى وطعمه يجنن وبيتعمل على نضافة فى البيت

+ اما الملوحة دى ياى ههههههه مش بكلها
لكن انا بردو شوفت فى السوبر ماركت انواع ملوحة شكلها نضيف خالص لكن بصراحة مجربتهاش.

 

[عبود عبده عبود]

الموضوع ناقص ...فين الفسيخ ؟
وفين السردين المملح ؟
فين البكلاه ؟؟
أتعلموا " عفانة " بقى على اصولها ...قصدى أكل ...:smile02

 

[treaz]

الموضوع ناقص ...فين الفسيخ ؟
وفين السردين المملح ؟
فين البكلاه ؟؟
أتعلموا " عفانة " بقى على اصولها ...قصدى أكل ...:smile02



هههههههههههههه حضرتك تعاديت مرحلة العفونه ودخلت فى مرحلة (النتانه ودى مرحلة اشد واقوى وتاثيرها فعاااال جداااااااااااااا :close_tem:gun:

 

[عبود عبده عبود]

مشكور ع الموضوع​

مشكور ع الموضوع اية يا لولو
أسمها مشكور ع العفانة ...
الموضوع الجاى ينزل لنا شراب ملبوس بقى له أربع أيام

 

[sha2awet 2alam]

الحمد لله مش باكل الحاجات دى :close_tem
بس مش مشكلتى برضه فى ان الناس تاكلها .. هما حرين فى نفسهم .. لكن يتسممو و يجو يقرفونا فى المستشفيات يبقى كتير .. كل واحد يمضى على اقرار انه لو اتسمم مع نفسه ميجيش يصحى النايب من عز نومه فى المستشفى عشان البيه اكل حاجات نتنة :t26:

عبود يعنى ايه بكلاه تيييييي ؟؟؟

 

[عبود عبده عبود]

عبود يعنى ايه بكلاه تيييييي ؟؟؟

هااااااااااار طين ...أسكندرانية وما تعرفيش السمك البكلاه ؟؟
كدة أنا أشك فى وطنيتك ....:smil6:
بيبقى نوع من السمك المجفف المملح ...كان موجود زماااان فى أسكندرية ...تقريبا من عهد المماليك ....والخواجى ينى
دلوقتى بيستوردوه من اليونان وقبرص

 

[sha2awet 2alam]

هااااااااااار طين ...أسكندرانية وما تعرفيش السمك البكلاه ؟؟
كدة أنا أشك فى وطنيتك ....:smil6:
بيبقى نوع من السمك المجفف المملح ...كان موجود زماااان فى أسكندرية ...تقريبا من عهد المماليك ....والخواجى ينى
دلوقتى بيستوردوه من اليونان وقبرص

مملح برضه ... طيب عشان كدة مش اعرفه .. و بعدين استر عليا لازم الفضيحة ان بابليك كدة :smile02