كيرو انا مشفقة عليك و الله هههههههههههههه بس للامانة ميتة من الضحك
استمرو هههههههههههههههههه
للدرجادي انا شكلي مسكين :new6:
كيرو انا مشفقة عليك و الله هههههههههههههه بس للامانة ميتة من الضحك
استمرو هههههههههههههههههه
يبقي نصيحه تانيه من ابو عياد
لو هتاكليها بالفراخ يفضل تاكل ملوخيه ناشف مش خضرا
بمعني
انك بتجيبي الملوخيه اللي بتتباع في السوق عادي
وتقرطفيها " يعني تقطفي الورق منها
وتغسليه كويس
وتحطيه في مصفي وتغطيه بشاش او قماشه خفيفه لحد ما ينشف ويبقي زي النعناع
بدون اي اضافات
بتبقي رهيييييييبه
هههههههههههههههه على رايك يا بت يا جيلى
الشعب بقى سيس اووووى
سيس What do you mean
:new6::new6::new6:
والنبي ياشيف عياد تقولنا طريقة عمل المكرونة :new6:
اي نوع من المعكرونه ؟
معكرونة للناس السيس :new6:
سيس What do you mean
:new6::new6::new6:
ايه يا جماعه ما تهدوا شويه
نعمه ربنا ميتقالش عليها زبالة
طريقه عمل المعكرونه
بص يا برنسيس
المقادير
هتنزل عند الجزار اللي علي ناصيه الشارع
تجيب منه نص كيلو لحمه بتلو بـ 40 جنيه
وتخلي الواد عضمه صبي الجزار يفرمهولك بجوز جنيهات
وانت مروح علي البيت عدي علي بقاله ام عماد هات منها نص كيلو مكرونه قلم
خلص من عندها واتكل علي الله
وانت ماشي هتلاقي واحد بتاع بصل
اخطف بصلايه واحده من غير ما ياخد باله عادي جدا
واطلع بعدها علي فوق هتلاقي باقي المقادير في الشقه
بعد ما تطلع ريح شويه
وقوم افتح التلاجه هتلاقي في الباب بيض احمر حلو كده وكبير
خد اتنين منه
وهتلاقي نصي كيلو لبن في لبانه جنب اللمبه في الرف اللي فوق
خده في ايدك بردوا
وخش بعدها عالمطبخ
هتلاقي ازازه زيت دره
خد منها حوالي ربع كوبايه صغيره
وخد نفس عميق وانزل تحت الحوض هتلاقي كيس ابيض مكتوب عليه دقيق مصري فااااخر
خد منه 4 او خمس معالق
ملكش دعوه بالبتاع الابيض اللي في الطبق الاخضر
ده جبس حضرتك
بس يا معلم مش عايزين بعد كده غير معلقتين سمن او زبده وشويه ملح وفلفل اسود
ودول مش فاكر مكانهم دور حواليك في المطبخ هتلاقيهم
الطريقه بقي يا برنجي
هتسلق المكرونه وتصفيها وتركنها علي جنب مش فاضين لها
وتقوم جايب صينيه حلوه كده
وتحط فيها الزيت
وتستني لما الزيت يلسعك تقوم حاطط البصل وواخدلك ساتر
وحط عليه شويه ملح صغيرين
واستني عليه لما لونه يصفر ويدبل
تقوم حاطط بعد كده اللحمه
وتفضل تقلب لحد ما لونها يبقي غامق
بردوا تفضل تقلب مش هرحمك
هتلاقي اللحمه نزلت صوص كده ميهمكش شغال
افضل قلب لحد ما اللحمه تشرب الصوص ده تاني
وبعدين حط الملح والفلفل
شيلها بعد كده من عالناروتعالي نعمل البشميل
هتغلي اللبن وتحط عليه السمن او الزبد
وشويه ميه وتسيبهم يغلوا
تيجي بعد كده تحط الدقيق
وتفضل تلقلب لمده دقيقه علشان متعجنش منك
وبعدين تهدي النار وتحط شويه ملح وفلفل وتقلبهم كويس
وبعدين تنزلهم يبردوا
وتقوم حاطط عليهم البيض وتقلبهم
اخر مرحله بقي
تجيب الصينيه اللي هتدخلها الفرن وتعذبها دي
وتحط فيها شويه مكرونه من تحت
تفردهم
وبعدين تحط عليهم اللحمه وتفردها
وتحط طبقهه مكرونه تاني عليهم وتفردها
وتجيب بعدها الخلطه المنيله اللي عملناها من شويه ده
وتفضيها عالوش
وتلقحها في فرن البتجاز تتعزب لمده
ساعه / ساعه ونص
وبالهنا والشفتشي
كيرو انقل الموضوع على مطبخ المنتدى
طيب ماتفكك ياعياد من شغلك ، وتروح تشتغل بدل شيف شراييني بتاع قناة الحياة دة :new6:
كان بودي
بس مبحبش البس هدوم بيضا هههههه
لا انا الدم بيجرى فى عروقى الى ان يشاء الله يوقفه عن الجرى
ولا اللي مبياكلوهاش يتقال عليهم سيس
ولا انت الدم بيجري ف عروقك علينا احنا بس :new6:
ايوة صح
واي واحدة مٌقبلة ع جواز نقعدها مع عياد شوية
دة بمعلوماته دي ممكن يجوز نص بنات البلد :new6:
لا انا الدم بيجرى فى عروقى الى ان يشاء الله يوقفه عن الجرى
عليكم وعلى غيركم :fun_lol:
احنا ممكن نهذر مع بعض بكلمه سيس لكن منقولش على عطية ربنا لينا انها زبالة
ازيك بجا
يا عم جوزني ربع بنات البلد واطبخ لهم انا :smil15: