تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="engy_love_jesus, post: 2033262, member: 33072"] [b]رد: معحزات اعضاء منتدى الكنيسه العربيه[/b] [size="4"][b][i][center][color="green"]جميل اوى يا كيريا بجد انا تقريبا كل حياتى معجزات بجد لو هحكى مش هكفى اول معجزة حصلت معانا كانت من مارجرجس حبيبى وشفيع كنيستى كنا بنات وطالعين رحلة مع امينة الخدمة وابونا كاهن الكنيسة وكان للاسف السواق مش مسيحي ومعاه تباع وانا كنت شقية خالص وواقفة اهزر انا وابونا واقوله نفسى اخد خلوة فى الصحراء كنا رايحين دير الانبا بولا والانبا انطونيوس وكان اول مرة نروحة وانا عماله اهزر شوية مع ابونا وارجع اقوله الجبل تحفة ننزل ناخد خلوه يابونا يقولى لو مش سكتى هرميكى وامشى واسيبك واحنا بنضحك وبنهزر فاجاة وفى طريق راس غارب والى بيسافر على الطريق ده هيعرف قد ايه انه ضيق ومش حلو فاجاة لقينا قدامنا عربية مقطورة واخدة الطريق زجزاج تقريبا السواق كان شارب والسواق بتاعنا مكنش عارف يعمل ايه قدامه الجبل والمقطورة والاتنين موتة لقيناه اتحدف مرة واحدة فى الجبل احنا كنا حاسين انه طار فى الجو الزجاج كله اتكسر كلنا وقعنا من الكراسى لقدام ابن ابونا جورج كان بتاع تلات سنين كان هيطير ويغبط فى زجاج الاتوبيس من قدام لولا تاصونى اخدت بالها وشدته من رجله وهدينا وقمنا والى اتعور والى جسمة وجعه من الخبطة ونزلنا لقينا التلات درجات بتاعت الاتوبيس محفورين فى الملة مش عارفين حتى نفتح الباب نزل السواق وشال الرملة شوية لحد ما فتح الباب طبعا كلنا بنات مفيش غير ابونا والسواق الغير مسيحى ومعاه تباع والساعة اربعة الفجر فى وسط الصحراءومفيش موبايلات ولا اى حاجة قعدنا نشاور لعربيات كل الى يشوف منظر الاتوبيس يخاف ويمشى ومحدش قدر يشده واحن اعمالين نعيط ابونا قالنا مش تخافوا والسواق قال حاولوا تزقوا الاتوبيس كلكم وانا هحاول اسوق واطلع بيه مقدرناش من كتر الرملة كانت بتعمينا فقدنا الامل تقريبا ساعة او ساعتين ومفيش فايدة ابونا قال تعالوا نعمل تمجيد لمارجرجس وهو هيتصرف ولانها كانت كنيستنا مارجرجس كنا كلنا حافظين التمجيد بتاعه والسواق تقريبا كان ممكن يقتلنا كان عمال يقول للى معاه شوف احنا فى ايه وهما فى ايه وكل شوية يجى يقول تعالوا ساعدونى حرام عليكم ومحدش مننا يرد وبنكمل التسبحة وصدقونى وقبل ما نقول تفسير اسمك فى افواه كل المومنين الكل يقولون يالله مارجرجس اعنا اجمعين لقينا عربية مقطورة بتقف قريب مننا والسواق بينزل منها وبيربط الاتوبيس بتاعنا وبيطلعه واحنا واقفين مزهولين ونتزهل ليه مهو مارجرجس الى كان معانا بركته وشفاعته تكون معانا [/color][/center][/i][/b][/size] [/QUOTE]

التحقق