مش عارف اصلى

[oesi no]

مشكلتى
انا فى البيت مش ممكن ابدا
افكر انى اصلى وعلشان اهرب من الشهوات والضيقات
كنت بروح المهرجان بتاع الكنيسة
بس هو خلص امبارح مش هينفع اروح الكنيسة
لان مفيش حاجة هناك دلوقتى
فكنت بروح الكنيسة علشان اصلى
بس دلوقتى مش قادر اصلى
لان الصلاة الفردية مش عملتها
قبل كدة خالص
صلولى
​

 

[ميرنا]

بص يا جورج الصلاه الفرديه مش صعبه بلعكس بتكون جميله جدا

بحس فيها انى ربنا سمعنى ومركز معايه هوه اللى مركز

لا بجد الصلاه الفرديه سكت لسانك علشان يتكلم قلبك وهوه صدقنى هيعرف يتكلم ممكن تلاقى الوقت ضاع بسهوله لكن صدقنى وقت مش هتعرف تقضيه مع ملوك العالم انا بحب استفرد بربنا كتير

ممكن تصلى صلاه باكر او غروب او نوم من الاجبيه وبعد كده سيب روحك تطلق حبها وتمجيدها للرب
مش صعبه ولا هتقف قدام واحد لو معرفتش تتكلم قدامه هيضربك مش محتاج منك حاجه هوه بلعكس احنا محتاجينه محتجين حبه محتاجين رعايته لينا يمكن كمان بنحتاج نتكلم معاه خلى كلامك معاه فى صلاتك ليها طعم تانى وراحه نفسيه كبيره مش هتلاقيها فى اى مكان او اى حد تتكلم معاه
وربنا معاك ومحتاج يسمعك

 

[Michael]

عندى الصلوات الخمس بالصوت

لو تحبوا انزلها وتسمعوها قبل النوم او ماشابة

وكانكى بتصلى وتررد الكلام مع المصلى الى بالملف الصوتى

 

[oesi no]

مشكلتى انى مش بحس بالصلاة اللى بصليها بالاجبية بحس انة مجرد كلام بقوله تأدية واجب يعنىوكمان انا مش بحس انى عايز اصلى او مش بتيجى فى دماغى من الاساس

 

[oesi no]

اوكى نزلها يمكن تنفع معايا معلش هتعبك

 

[ميرنا]

مممكن كبدايه تبتدى صلاه ارتجالى منغير اجبيه

 

[Michael]

اوك بكرة هرفعها لا ن حجمها 25 ميجا وهى اجمالى الصلوات بتوعنا

 

[oesi no]

ميرسى اوى وحكاية الارتجالى دية قولت قبل كدةانى مش بتيجى ليا فكرة ان انا اصلى رجاء محبة تصلوا من اجل ضعفى

 

[دروب]

عزيزي جورج
الصلاة ليست طلبات ولا سجودا, وليست اغماض العينين وتشابك الايدي ,
وانما الصلاة هي سكون,
سكون داخلي يصاحبه هدوء,
وفي هذا الهدوء يسكن الله ليسمع ما سنقوله له,
عبر هذا الهدوء تدخل اليه الكلمات المملوءة كلها حب

فأن أردت ان تصلي يا عزيزي اختلي بنفسك في سكون واوقد لك شمعة وتأمل فيه
حتى تستطيع ان تحس بهذا السكون وخلال هذا التأمل يفضل انتستمع الى موسيقى هادئة
وسوف تلاحظ ان الكلمات تخرج من داخلك ليست كلمات بالمعنى لكنها شعورك الداخلي
واحاسيسك واحتياجاتك
والرب يباركك ويساعدك على عبور هذه المحنة
اخوك دروب

 

[oesi no]

صلولى ربنا يخليكو الموضوع دة تعبنى اوى

 

[Twin]

الصلاة

سلام ونعمة للكل

صلولى ربنا يخليكو الموضوع دة تعبنى اوى

أكيد يا حبيبي أحنا بنصليلك وقبلينا كلنت كل الملائكة والقديسين بيصلولك
يبقي ليه تخاف أو تتعب
​

الصلاة​

الصلاة عبارة عن صلة بينك وبين ربنا
هي عبارة عن خط التليفون "الأتصال" بينك وبين ربنا
هي صلــــــــــــــــــــــــــــــــــــــــــــــــــــــــــة
صلـــــــــــــــــــــــــــــــــــــــــــــــــة دم

حاول تبني الصلة دية لو كانت مش موجودة
أتكلم مع ربنا كأنة صديق أو أخ أو أب
أتكلم معاه
في أي وقت الصبح , الظهر , بالليل أي وقت
وفي أي مكان في البيت في الشغل في الكنيسة أي مكان
أتكلم في أي حاجة
شكر , حب , عتاب , طلب أي حاجة
المهم تتكلم معاه
حاول تحسسه أنك عايزه صديق
شيل من قدامك كل الحواجز
وأتكلم معاه وبأي شكل
بصوت عالي بصوت واطي بسكوت بأي شكل
خليه صديقك
وبعد كدة هتعمل كل حاجة
كل حاجة تتخيلها
صلاة وعشرة وهزار ودلالة
كل حاجة

ما أنت أبنة وهو بيحبك
وهو أبوك وأنت أكيد بردة بتحبة​

سلام​

 

[oesi no]

ميرسى على كلامك هحاول وربنا يبارككم كلكم بجد يا جماعة اسرة واحدة فعلا

 

[artamisss]

عارف يا اويسى نو انا مش عارفه انطق اسمك نعلش

بس طول عمرنا الاباء فى الكنيسه يقولونا لالصلاة محتاجه تغصب يعنى اغصب على نفسك واقف قول ابانا الذى النهارده قبل ماتنام بكرة بعد ماتقولها اطلب طلبه صغنونه من قلبببببببببببببك
وهكذا حاول تدرب نفسك وكل مرة ماتنساش تطلب من يسوع يرحم ضعفك ويساعدك لانك بدونه لاتستطيع فعل اى شيئ

والا هم من كده انت فى البيت ماقولتش اذا كنت بتقرا فى الانجيل ولا لاء حاول تقرا كل يوم حته وركز فيها وتامل

بص من الاخر كده لو انت بتتكلم صاحبك فى التليفون هاتعمل ايه مش هاتقعد تقوله ازيك ووو الخ كانك بتكلم صديقك ببلاش بقى المرة دى

اقولك على فكرة ونفعتنى قوى هات بوستر للسيد المسيح او احد شفعائك الللى انت بتحبهم وعلق صورته جمبك او فقو سريرك اى حته من مكان نومك وابقى كلمه وانت قاعد حتى على السرير بعد ماتقول ابنا الذى وصدقنى هاتلاقى نتييييييييييجه

وبعدين خانقهم كده قولهم يرضيكوا كده افضل تعبان ومش عارف اكلمه صلولى من فضلكو كده يعنى

 

[oesi no]

ميرسى وعموما هحاول وعلى فكرة اسمى الحقيقى
جورج
وحكاية الانجيل انا بشغل اللينك دة يوميا قبل ما بنام

http://www.copticweb.tv//Entertainment/Coptic Radio/Coptic Radio.htm

وخصوصا الكتاب المقدس